المساعد الشخصي الرقمي

مشاهدة النسخة كاملة : تجربتى مع الإنترفيرون فى علاج فيروس سى



الصفحات : 1 2 [3] 4 5 6 7 8 9

Egyzizo
22-Apr-2009, 04:23 PM
فهل تفضل أن أستخدم زجاجتين ونصف؟زجاجتين يعنى 2400 مجم ، كده معقول قوى ..
لو اتنين ونص يبقى عدينا الجرعة بتاعة الدراسة بشوية (3000 مجم بدل 2700)
يعنى خلينا فى الأمان وزجاجتين رضا.



بصراحة أنا فى عرض 1% (احتمال نزول العد لمستوى مقبول) لأبد كورس الانترفيرون بأفضل عدد للفيروسأنا وجهة نظرى ان احنا حتى لو كسبنا الـ 1% دي ، فى المقابل هنخسر 10% نسبة مخاطرة بأنك ماتقدرش تكمل كورس الانترفيرون ويبقى كأنك يا أبو زيد ما غزيت.



ما اسم دواء الريبافيرين الذى تستخدمه؟ طبعا أنا أخمن إن كله محصل بعضه :) بس أكيد اختيارك فيه ولو حاجة بسيطة من الأفضلية لنوع ما دون الآخر. ولو حتى فى السعر معلش أنا نسيت السؤال ده المرة اللى فاتت ، اسمه ريبافيرين 400 انتاج شركة ألكافارم لصالح وزارة الصحة، وأنا باصرفه ببلاش من التأمين الصحى.



لا يؤثر كثيرا؟ أم لا يؤثر إطلاقا؟ بمعنى آخر: هل تقترح أن أكتفى بالنظام التمهيدى هذا لمدة شهر واحد؟!!لا يؤثر اطلاقاً .. بمعنى ان الاستجابة النهائية كانت واحدة فى الحالتين.
لو انت كنت هتمشى على الكورس بحذافيره، كنت قلت لك كفاية شهر.
بس أنت ماشى برضه بنظام الكوكتيل ماركة أحمد123 :)، والحقيقة أنا مش عارف الدكتور فى دماغه ايه بالظبط.


بس عايز أضيف معلومة مهمة مش مذكورة فى الورق اللى انت وديته للدكتور، فكرة العلاج الثلاثى بالنيتازود والريبافيرين والانترفيرون بتعتمد على ان الاتنين الأولانيين بيخدموا على الانترفيرون. يعنى النيتازود لوحده لا يكفى فى حالتك والريبافيرين لوحده ضعيف جداً.


يعنى مثلاً فى البحث الأول اللى اعطوا فيه النيتازود 3 شهور لوحده ، تفتكر كان نسبة نزول الفيروس أد ايه؟ كانت ربع لوج ودى ولا حاجة مقارنة بالاتنين لوج اللى الانترفيرون المفروض يعملها بعد 3 شهور علاج.


يعنى الفكرة مش فى النزول المبدأى للفيروس فقط، وانما تمهيد الجو المناسب لعمل الانترفيرون أيضاً.

على العموم ، القرار فى إيد الدكتور بتاعك، ومعلومة الشهر والتلات شهور وتفصيلات أخرى جديدة لم أكتبها من قبل مذكورة هنـــــا (http://www.natap.org/2008/AASLD/AASLD_64.htm)، فياريت برضه تطبعله الورق ده.






أما بالنسبة لتكلفة النيتازوكسانيد، فأنا وصلت لأسعار مناسبة كتير ، وفيه صديق فى أمريكا بعت لى موقع بيتباع فيه الدوا ده بسعر الأسبرين ولولا ان ولاد الحرام ماخلوش لولاد الحلال حاجة، أنا كنت جريت فى مجايبه، بس للأسف مش قادر اتأكد من مصداقية الموقع. يا ريت برضه تقولوا لى رأيكم فيه، وده عنوان الموقع (https://www.alldaychemist.com/drugs/Alinia.html)

Egyzizo
22-Apr-2009, 04:38 PM
و في انتظار وصوله خلال الاسبوعين القادمين

د. عبد القيوم ..
ما تنساش زيزو حبيبك ..
واللاهى دايماً فاكرك بالخير
بأنام اقول د. عبد القيوم ، وباصحى أقول د. عبد القيوم ..
زيزووووو .. ما تنساش .. زيزووووو
:p

neno1043
22-Apr-2009, 10:59 PM
السلام عليكم ورحمة الله وبركاته

عزيزى د/زيزو

بصراحه مش لاقى كلمه شكر اقولها لك على مجهودك لكن جعل الله ذلك فى ميزان حسناتك
انا عايز اعترف ليك انى بقالى 9 اسابيع باخد الانترفيرون بس مدكن لانى مش حاسس بالاعراض اللى بتقولوا عليها
مع ان صوره الدم نزلت(بس فى الحدود الامنه)
اخى العزيز
لى سؤال لو سمحت
النهارده استلمت تحاليل الغده الدرقيه (ودى طلعت تمام والحمد لله)
وتحليل اخر طلع positive هو HBc ab فياترى دى اجسام مضاده ولا طلع عندى كمان فيروس بى
وتحليل اخر هو
ana negative
ama negative
lkm negative
asma(anti smooth muscle antbodies
ده بقى طلع
1+(weak positive)
فياريت تطمنى
وجزاك الله كل خير
والسلام عليكم ورحمة الله وبركاته

Egyzizo
23-Apr-2009, 03:19 AM
انا عايز اعترف ليك انى بقالى 9 اسابيع باخد الانترفيرون بس مدكن لانى مش حاسس بالاعراض اللى بتقولوا عليها
مع ان صوره الدم نزلت(بس فى الحدود الامنه)
اخى العزيز
لى سؤال لو سمحت
النهارده استلمت تحاليل الغده الدرقيه (ودى طلعت تمام والحمد لله)
وتحليل اخر طلع positive هو HBc ab فياترى دى اجسام مضاده ولا طلع عندى كمان فيروس بى
وتحليل اخر هو
ana negative
ama negative
lkm negative
asma(anti smooth muscle antbodies
ده بقى طلع
1+(weak positive)
فياريت تطمنى
وجزاك الله كل خير


ماشى يا عم المدكن .. هنسامحك ، وربنا يكمل لك بدون مشاكل ..
بس تعرف، انت عندك حق ، أنا ساعات باتضايق من نفسى على الحكاوى اللى باحكيها دى، وأقول تجربة ايه وبتاع ايه بس، وأبقى عايز أجيب ورا وأخلع .. يعنى تقدر تقول حاسس إنى اتدبست فى الموضوع ده، بس ياللا بقى ، تدبيسة تفوت ولا حد يموت ..


طبعاً أسئلتك أنا هاجاوبك عنها بالقدر اللى ينورك ، بس فى الحقيقة الموضوع واسع وصعب تبسيطه عشان كده هاكون مقتضب شوية واكتفى بالقدر اللى يديك فكرة.


بادئ ذى بدء ، التحاليل دى مش من التحاليل الروتينية اللى بتتعمل فى متابعة العلاج بالانترفيرون، فهل انت عندك مشكلة معينة خلت الدكتور بتاعك يطلب التحاليل دى؟ أخبار وظائف الكبد عندك ايه؟


أولاً: بالنسبة للـ ANA, LKM, AMA, & ASMA
دى تحاليل لتشخيص الأمراض المناعية فى أعضاء الجسم المختلفة التى قد تحدث كمضاعفات للعلاج بالانترفيرون.
وتحليل الـ ASMA اللى طلع إيجابى خفيف ده خاص بالتهاب الكبد المناعى.
هل الإنزيمات عندك مرتفعة؟
اذا لم تكن هناك مشاكل ، فيلزم متابعة الإنزيمات على فترات متقاربة، وإعادة التحليل ده بعد فترة من الوقت لمراقبة ارتفاع مستواه تحسباً لحدوث هذه المشكلة.


ثانياً: بالنسبة لتحليل الـ HBcAb الإيجابى، فده يحتمل أكثر من حالة، وكل حالة تستلزم اجراء فحوصات إضافية للوقوف على السبب:


قد يعنى الإصابة بفيروس بى اذا كان تحليل اسمه الـ HBsAg إيجابى أو البى سى آر لفيروس بى إيجابى.

قد يعنى أنه قد سبق التعرض لفيروس بى وتم الشفاء منه ، اذا كان تحليل اسمه HBsAb إيجابى.

وقد يعنى إصابة حديثة بفيروس بى فى مرحلة معينة اسمها (window phase) يكون فيها هو العامل الإيجابى الوحيد وهذه أيضاً يتم تشخيصها بعمل بى سى آر لفيروس بى.

مش هاقدر أغوط فى الكلام عن كده وإلا هيبقى كلامى طلاسم مش مفهومة.


وأرجو أنى أكون اديتك فكرة معقولة عن تفسير التحاليل بتاعتك ، وياريت تبقى تطمنا ..

neno1043
23-Apr-2009, 03:33 AM
بسم الله الرحمن الرحيم
عزيزى د/زيزو

فعلا الانزيمات مرتفعه alt 67
ast 56
افهم من كده بدايه حدوث تليف؟ او هذا يستدعى ايقاف العلاج
والنقطه الثانيه افهم انه كان يوجد فيروس بى وانتهى (التحليل اسمهHBc ab( ? لانى قبل كده عملت HBs ag وطلع سلبى

Egyzizo
23-Apr-2009, 04:20 AM
لأ يا نينو .. مش معناه حدوث تليف ولا حاجة ..
الموضوع مالوش علاقة بالتليف ..
وإنما زى ما الانترفيرون ممكن يعمل التهاب فى الغدة الدرقية ويؤثر على هرموناتها
فهو برضه ممكن يؤثر على الكبد ويرفع الإنزيمات، بعيد عن الفيروس والتليف والكلام ده كله.
وده بيحصل نتيجة خلل مناعى بيسببه الانترفيرون كأثر جانبى لاستخدامه.
فياريت تروح للطبيب اللى طلب التحاليل دى فى أقرب فرصة وتوريله النتائج لمحاولة تدارك الموقف، لأن الأثر الجانبى ده لو استمر لازم يتم وقف العلاج بالانترفيرون.


وطالما HBsAg عند سلبى يبقى الاختيار انحصر فى حاجتين:


HBcAb إيجابى + HBsAg سلبى + HBsAb إيجابى = كان عندك فيروس بى وخف.

HBcAb إيجابى + HBsAg سلبى + بى سى أر لفيروس بى إيجابى = عندك فيروس بى.
يعنى علشان نقول انه كان عندك وخف ، لازم تعمل تحليل HBsAb ويطلع إيجابى.

ولو طلع سلبى ، يبقى المفروض تعمل بى سى آر لفيروس بى علشان نطمن انه مش موجود.


فالمفروض نعمل فحوصات إضافية عشان نعرف الوضع.


ويارب تعدى المشاكل دى بسلام ويكون خير ..

neno1043
23-Apr-2009, 04:57 AM
الف شكر د/زيزو وكويس انك قولتلى على HBs ab علشان الحق اعمله

د. عبد القيوم
23-Apr-2009, 12:46 PM
أنا أقدر أنسي د. زيزو حبيبي بحاله يبقي أنسي نفسي الأول :)

كمية الطلبية جيدة الحمد لله و تكفي كل الحبايب, رغم أنها محدودة لأنها طلبية خاصة بالأبحاث خروجا من عطلة التراخيص, و لو إحتجنا نطلب تاني مافيش مشكلة إن شاء الله تعالي

الموقع الذي ذكرته لم أجد به عنوان للشركة . موجود رقم هاتف فقط !!!
طبعا الشركة في أمريكا يعني إحسب كمان سعر الشحن (دي إتش إل) 200 دولار علي الطرد الصغير تقريبا !!!

و يبقي السؤال هل مسموح إدخال كميات كبيرة بدون تصريح و جمارك لأنك تحتاج إلي 900 قرص للفرد لكورس 6 شهور المكثف ؟؟؟

Egyzizo
23-Apr-2009, 06:01 PM
هو ده العشم يا دكتورنا الغـــــــالى ..
بالنسبة لشركة أمريكا، فالحبايب كتير هناك، وممكن نجيبها مع حد نازل
بس المشكلة فى صعوبة التأكد من مصداقيتهم ، لأن بسهولة ممكن يكونوا عاملين أقراص بلاسيبو والنصب على النت مافيش أكتر منه.

en_hani
24-Apr-2009, 10:03 AM
ازيك يادكتور زيزو
ازيكم زملائي فى العلاج
انا استلمت نتيجة البي سي ار بعد الحقنة12 والحمد لله على كل شيء الفيروس موجود بكمية 38000 بعد ما كان 1300000 قبل العلاج بصراحة انا مش عارف اكمل ولا لا لأنى كده تقريبا نزل 1.6 لوج مش اتنين لوج الدكاتره فى المركز كلهم بيقولوا لازم تكمل وانه حيبقى نيجاتيف قبل الحقنة 24 ان شاء الله بس كل تفكيري فى الأستجابة الدائمه بدور بصراحه على كلمة النهايه الدكتور زيزو قالى انه حيدرس الموضوع من كل جوانبه ويقولى وانا حروح يوم السبت للدكتور للأستشاري اللى بتعامل معاه واشوف رأيه هل اكمل ولا اقف العلاج واجرب النوع التانى من الحقن
عايزكم تدعولى ربنا يو فقنى فى الطريق الصح ويكمل شفائي على خير
وانا على العموم اخدت الحقنة 13 لحد ما حشوف حوصل لأه
اللهم اتم شفائي وشفاء الدكتور زيزو وشفاء زملائي فى المنتدى على اكمل وجه وسائر المسلمين

sesayed
24-Apr-2009, 01:32 PM
تقبل الله منا ومنك وجعل معاناتك ومعاناتنا فى موازين حسناتنا اللهم آمين ... ولكن أخى أريد أن أقول لك ولنفسي ولسائر المتواجدين هنا " بعون الله سيأتى يوم وأظنه بحوله تعالى قريب وأتمنى أن نكون ممن يلحق هذا اليوم الذى نضحك فيه على هذه الأيام ونقول "فاكرين المعاناة" .
فما خلق الله من داء إلا وجعل له الدواء.
القادم أفضل بعون الله.

ahmedfayz
24-Apr-2009, 03:19 PM
ازيك يادكتور زيزو
ازيكم زملائي فى العلاج
انا استلمت نتيجة البي سي ار بعد الحقنة12 والحمد لله على كل شيء الفيروس موجود بكمية 38000 بعد ما كان 1300000 قبل العلاج بصراحة انا مش عارف اكمل ولا لا لأنى كده تقريبا نزل 1.6 لوج مش اتنين لوج الدكاتره فى المركز كلهم بيقولوا لازم تكمل وانه حيبقى نيجاتيف قبل الحقنة 24 ان شاء الله بس كل تفكيري فى الأستجابة الدائمه بدور بصراحه على كلمة النهايه الدكتور زيزو قالى انه حيدرس الموضوع من كل جوانبه ويقولى وانا حروح يوم السبت للدكتور للأستشاري اللى بتعامل معاه واشوف رأيه هل اكمل ولا اقف العلاج واجرب النوع التانى من الحقن
عايزكم تدعولى ربنا يو فقنى فى الطريق الصح ويكمل شفائي على خير
وانا على العموم اخدت الحقنة 13 لحد ما حشوف حوصل لأه
اللهم اتم شفائي وشفاء الدكتور زيزو وشفاء زملائي فى المنتدى على اكمل وجه وسائر المسلمين

مرحبا اخونا الكريم ان شاء الله ربنا يتم شفاك على خير ومرحلة الاستجابه الدائمه دى لسه بدرى عليها
المطلوب منك انك تاخد بالاسباب وتكمل الكورس والشافى طبعا هو ربنا وباذن الله ربنا هيشفينا جميعا .

en_hani
24-Apr-2009, 10:13 PM
اشكر كل زملائي على هذه الروح الطيبه وردهم والرفع من معنوياتى واشكر الأخ ahmedfayz وsesayed على ردودهم الجميله واثابهم الله
اللهم اتم شفائنا جميعا على اكمل وحه وسائر المسلمين

Egyzizo
25-Apr-2009, 01:40 AM
انا استلمت نتيجة البي سي ار بعد الحقنة12 والحمد لله على كل شيء الفيروس موجود بكمية 38000 بعد ما كان 1300000 قبل العلاج بصراحة انا مش عارف اكمل ولا لا لأنى كده تقريبا نزل 1.6 لوج مش اتنين لوج الدكاتره فى المركز كلهم بيقولوا لازم تكمل وانه حيبقى نيجاتيف قبل الحقنة 24 ان شاء الله بس كل تفكيري فى الأستجابة الدائمه بدور بصراحه على كلمة النهايه الدكتور زيزو قالى انه حيدرس الموضوع من كل جوانبه ويقولى وانا حروح يوم السبت للدكتور للأستشاري اللى بتعامل معاه واشوف رأيه هل اكمل ولا اقف العلاج واجرب النوع التانى من الحقن
عايزكم تدعولى ربنا يو فقنى فى الطريق الصح ويكمل شفائي على خير
وانا على العموم اخدت الحقنة 13 لحد ما حشوف حوصل لأه


عزيزى هـــانى ..


النتيجة قريبة جداً من الرقم المطلوب .. احنا كنا عايزين 13.000 وجبنا 38.000 من عد فيروسى أولى فوق المليون.


على نصيحة أطباء المركز، فاذا كملنا على نفس نظام العلاج الحالى بدون أى تعديل، ففرصة تحقيق الإستجابة الدائمة تتراوح بين 12% إلى 15% فقط، ودى نسبة غير كافية.



طبعاً الرأى النهائى للاستشارى والقرار النهائى لك أنت ، بس أنا لو مكانك سأقوم بالآتى:


مد فترة العلاج إلى 72 أسبوع بدلاً من 48 أسبوع

الدخول بالنيتازود، زجاجتين فى اليوم مقسمة على 3 أو 4 جرعات.

تكثيف استخدام الكيفير إلى 3 مرات فى اليوم بقدر الإمكان.

إعادة تقييم الموقف بعمل بى سى آر بعد 3 شهور أخرى من الآن وفى حالة اختفاء الفيروس يتم الاستمرار حتى 72 أسبوع.

التحلى بأفكار إيجابية وطرد أى مشاعر احباط أو سلبية بمجرد التفكير فيها.
وربنـــا معــــــــــــــــاك :)

en_hani
25-Apr-2009, 09:56 AM
متشكر جدا يادكتور زيزو على نصحيتك وانا النهارده حروح للأستشاري وحشوف رأيه اه
وحبقى اقولك اللى حصل ان شاء الله

sesayed
25-Apr-2009, 10:38 AM
هو ده الكلام العملى الذى ننتظره دائماً من د زيزو وهى بالفعل أفكار طيبة وان شاء الله يتم الشفاء النهائى بعد هذه الفترة بعون الله

sesayed
25-Apr-2009, 12:07 PM
هو ده الكلام العملى الذى ننتظره دائماً من د زيزو وهى بالفعل أفكار طيبة وان شاء الله يتم الشفاء النهائى بعد هذه الفترة بعون الله

Egyzizo
25-Apr-2009, 01:07 PM
شكـــراً أخى سي سيد .. وأشاركك الدعاء فى أن ربنا يوفق الباشمهندس هانى لما فيه شفاءه ..

dr_kaminomoto
25-Apr-2009, 02:01 PM
ازيك يادكتور زيزو
ازيكم زملائي فى العلاج
انا استلمت نتيجة البي سي ار بعد الحقنة12 والحمد لله على كل شيء الفيروس موجود بكمية 38000 بعد ما كان 1300000 قبل العلاج بصراحة انا مش عارف اكمل ولا لا لأنى كده تقريبا نزل 1.6 لوج مش اتنين لوج الدكاتره فى المركز كلهم بيقولوا لازم تكمل وانه حيبقى نيجاتيف قبل الحقنة 24 ان شاء الله بس كل تفكيري فى الأستجابة الدائمه بدور بصراحه على كلمة النهايه الدكتور زيزو قالى انه حيدرس الموضوع من كل جوانبه ويقولى وانا حروح يوم السبت للدكتور للأستشاري اللى بتعامل معاه واشوف رأيه هل اكمل ولا اقف العلاج واجرب النوع التانى من الحقن
عايزكم تدعولى ربنا يو فقنى فى الطريق الصح ويكمل شفائي على خير
وانا على العموم اخدت الحقنة 13 لحد ما حشوف حوصل لأه
اللهم اتم شفائي وشفاء الدكتور زيزو وشفاء زملائي فى المنتدى على اكمل وجه وسائر المسلمين

السلام عليكم ورحمه الله وبركاته
على فكره نتيجه البى سى ار ممتازه والحمد لله انك وصلت للعدد ده وانشاء الله لما تستمر على العلاج لمده 6 شهور هينزل للصفر بس فى هذه الحاله سوف تضطر لاخد الانترفيرون لمده سته ونصف فاتمنى منك الا تيأس وتستمر بالعلاج وربنا يشفى كل مريض ان شاء الله

sesayed
25-Apr-2009, 03:58 PM
ربنا يكتب الشفاء ان شالله بعد 3 سنين مش سنة ونص
معاناة العلاج يمكن تحملها
لكن معاناة المرض نفسه وتطوراته ربنا لا يكتبها على أحد
المهم أننا إن شاء الله على الطريق الصحيح
فلنعقلها ونتوكل

Egyzizo
25-Apr-2009, 06:07 PM
تمام يا سي السيد .. خصوصا إن هانى ماشاء الله عليه محتمل العلاج بصورة ممتازة ومافيش أنيميا والهيموجلوبين زى الفل، نمسك الخشب.

Egyzizo
26-Apr-2009, 05:06 AM
This week: 13 down, 35 to go

en_hani
26-Apr-2009, 02:12 PM
السلام عليكم
ازيك دكتور زيزو ازيكم زملائي فى فى رحلة العلاج
انا فى البدايه بجد انا عاجر عن شكركم على هذه الروح الطيبه والمشاركه الجميله والموضوع ده بجد شيء جميل ومخلينا جنب بعض وفى عون بعض
الله اتم شفاءنا جميعا يارب
امبارح انا رحت للدكتور الأستشاري اللى بتابع معه وشاف نتيجة التحاليل وقالى الأستجابه معقوله وتقريبا قالى نفس الكلام اللى قاله الدكتور زيزو وهو قاله ان شاء الله حنتكمل للحقنه 24 ولو ادتنا نيجاتيف حنزود مده العلاج لسنه ونص بدل سنه هو ده كل التعديل اللى حنعمل وقالى انت الحمد لله الدم عندك مظبوط وديه حاجه كويسه
وقالى لو محصلش استجابة لا قدر الله بعد 24 حقنه حنوقف العلاج لمدة سنه وبعدها وبعدها نجرب نوع تانى من الحقن او قالى ياعم يكون اكتشفوه حاجه تانيه احسن
وبالنسبة يادكتور زيزو للبحث بتاع دواء النيتارود الراجل قالى فعلا اتنين دكاتره معاه امريكان كانو معاه فى مؤتمر وكلموه فى الموضوع ده وقالوه ان الدواء ده عندهم اسمه الينا بس قالى انه دور عليه فى مصر تركيبه مقاربه ومش لاقى قوالتوه على اسم الدواء والراجل قعد يدور يجي ساعه ومرضاش يسبنى لحد مانلقيه بس مالقئوش فقلت يمكن انا قولتلوه الأسم غلط
بصراحه الدكتور قالى خد الأيميل بتاعي وابعتلي اسمه بالأنجليزي ضروري عشان ادرس الموضوع اكتر وابدى ترحيبه
وقالى ياريت كل المرضى يكونو واعين وعارفين زيك بصراحه قلت بينى وبين نفسي الفضل لله ثم للدكتور زيزو وموضوعه الجميل اللى مخلينا زي الدكاتره

Egyzizo
26-Apr-2009, 02:45 PM
ربنا معاك يا باشمهندس ..
والحمد لله إن الدكتور كان أفقه واسع وسمــــع منك ..

رجاء تخش بالدوا ده بسرعة .. ومافيش داعى للانتظار ..
الدوا اسمه العلمى : نيتازوكسانيد Nitazoxanide
واسمه التجارى فى أمريكا ألينيا Alinia
واسمه التجارى فى مصر : نيتازود Nitazode انتاج شركة سيجما لصالح شركة الأندلس
نيتازود بحرف الزين مش الراء
وكمان فيه اسم تجارى : كربتوناز Cryptonaz، وبطعم الفراولة كمان يا سيدى
وهو دواء شرب والزجاجة تمنها 12 جنيه لأى من النوعين
ان مالقيتش ده ، هتلاقى التانى
ومتوفر فى كل الصيدليات المتوسطة والكبيرة
ولو عايز كرتونة من أى نوع منهم أجيب لك وأوصلها لغاية عندك

هتاخد زجاجتين فى اليوم مقسمة على ثلاث أو أربع جرعات
ولو الامكانيات ما تسمحش يبقى تاخد زجاجة نصها الصبح ونصها بليل

الدوا ده بقى مهم جداً بالنسبة لك انت بالذات يا باشمهندس ، فرجاء ماتتلكعش

hema_hn
26-Apr-2009, 04:56 PM
الف سلامة عليك مهندس هانى وإنشاء الله ربنا يتم الشفاء فى اقرب وقت انت وكل من فى المنتدى
اخى الفاضل دكتور زيزو Alinia بكام من امريكا

sesayed
26-Apr-2009, 06:38 PM
أخى دكتور زيزو بعد توقفى عن تناول الانترفيرون بدأ جسمي فى الزيادة , شهر الآن وزيادة 2.5 كيلو ... السؤال هل ممارسة نوع من الرياضة للمحافظة على عدم الزيادة فيه مخاطرة حيث أن نسبة الهيموجلوبين لدى الآن 11 ؟

Egyzizo
27-Apr-2009, 01:39 AM
الف سلامة عليك مهندس هانى وإنشاء الله ربنا يتم الشفاء فى اقرب وقت انت وكل من فى المنتدى
اخى الفاضل دكتور زيزو Alinia بكام من امريكا



الألينيا البراند تمن الحباية الواحدة عشرين دولار
يعنى علاج شهر ممكن يخش فى ألفين دولار
ايه يا هيما مش مصدق؟ http://www.smileyssmilies.com/classic/images/5.gif طب بص هنـــا (http://www.healthpricer.com/alinia-500mg-compare-prices/5243751.html)

أما الجينيريك ، فدى أسعارها معقولة تتراوح بين 20 إلى 50 دولار للستين حباية.
ياريت ترجع إلى موضوع (علاجات أخرى) هتلاقى فيه تفاصيل عن الموضوع ده.

Egyzizo
27-Apr-2009, 01:45 AM
أخى دكتور زيزو بعد توقفى عن تناول الانترفيرون بدأ جسمي فى الزيادة , شهر الآن وزيادة 2.5 كيلو ... السؤال هل ممارسة نوع من الرياضة للمحافظة على عدم الزيادة فيه مخاطرة حيث أن نسبة الهيموجلوبين لدى الآن 11 ؟



خللى بالك يا سي سيد ، دى يمكن الحسنة الوحيدة اللى بناخدها من العلاج جنب القضاء على الفيروس طبعاً.
وممارسة الرياضة مافيش فيها مشاكل بالعكس دى حاجة كويسة للمحافظة على الوزن وحاجات تانية كتير .. بس تراعى الممارسة باعتدال ، وفى وجود الأنيميا يجب شرب سوائل كتير قبل وأثناء اللعب خصوصاً فى الجو الحار
ولا يقل أهمية عن الرياضة موضوع الاعتدال فى الطعام وخصوصاً الاقلال من النشويات المصنعة زى المكرونة والعيش والحاجات اللى فيها دقيق ، والاستعاضة عنها بالنشويات الطبيعية زى الخضر والفاكهة.

ابوحازم المصرى
27-Apr-2009, 02:31 AM
الف مبروك ياباش مهندس هانى وان شاء الله الزيرو قريب نتيجة ممتازة وربنا يتم شفاك وشفانا جميعا
تحياتى لد/زيزو ولكل الاخوة هناود/ عبدالقيوم وبنحلم ان احنا نسمع ان الدواء الجديد النيتازود بقى فى متناول الجميع
باذن الله فتحية لمن يتفانون فى عمل الخير
مهندس/ابو حازم المصرى

ISMA3EL
27-Apr-2009, 05:33 AM
السلام عليكم ورحمة الله وبركاته
ازيك يا دكتورنا العزيز زيزو والله واحشني المنتدى وواحشني مشاركاتك الجميله
ازيكم يا رفاق الكفاح معلش انا مقصر معاكم ومش بشاركم في الفتره الاخيره لاني كنت مسافر لظروف عائليه
بس ياريتني ما سافرت انا بقالي 10 ايام عايش على كوب لبن 3 مرات يوميا مع بعض العصائر لاني جالي التهابات في الحلق وتقرحات في خلايا الفم من جميع الاتجاهات وانسداد في الزور والبلعوم والانف من الداخل مع طبعا سدة النفس عن الاكل بقيت شبح خلصت علبتين مضاد حيوي ومفيش فايده اضطريت اخد داكارتين جيل عشان بقى يهدى شويه خلصت العلبه ولسه برضه بس اتحسن شويه بدات اكل جبنه وكده والحمد لله التحاليل الاسبوع ده احسن والهيموجلبين بقى 10.4 وال
S.G.O.T ( A.S.T ): 46 U/L up to 37
S.G.P.T ( A.L.T ): 52 U/Lup to 41
بس مش عارف اعمل ايه في التهابات الحلق والزور دي
وخايف اخد حاجه تبوظ حاجه في العلاج بس الحمد لله كله يهون وبكره ان شاء الله هروح اخد الحقنه العاشره واجدد القرار واعمل اجراءات البي سي ار عشان الحق وربنا يشفيني ويشفي كل الزملاء وكل مرضى المسلمين ويفك الكرب امين

abooodi_006
27-Apr-2009, 09:43 AM
الله يشفيك ويشفي جميع مرضى المسلمين
واتمنى لك الشفاااء العاجل

ahmed123
27-Apr-2009, 05:24 PM
السلام عليكم
فى نشرة دواء نيتازود يوجد التالى:
موانع الاستعمال:
لا توجد موانع استعمال معروفة إلا إذا كان المريض يعانى من حساسية لمادة النيتازوكسانيد أو أحد خواص التركيب الأخرى. لذا يفضل استشارة الطبيب.

تحذيرات:
ينبغى توخى الحذر عند استخدام هذا المستحضر مع مرضى الكبد والكلى.

التداخلات الدوائية:
يجب الحذر عند استخدام مستحضر نيتازود مع أى مستحضر دوائى يكون له قوة ربط قوية ببروتينات الدم لأن النيتازوكسانيد شديد الارتباط (أكثر من 99%) ببروتينات الدم.

فهل هناك مشكلة فى استخدامه (زجاجتين يوميا) مع الريبافيرين والإسمافرون والإنفكس والدىدىبى والليفارين والكيفير والمستخلص وانيميا الفول وحساسية الصدر والمسخلص العشبى؟!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!

ما رأيكم؟! زاد فضلكم؟!

en_hani
28-Apr-2009, 12:42 AM
السلام عليكم
ازيك يادكوتر زيزو ازيكم اخوانى فى رحلة العلاج
بشكركم على ردودكمو ودعواتكم لي
دكتور زيزو انا لما رحت للدكتور ثالى اخد الريبافرين حبايه الصبح واتنين بليل افضل
انا باخد واحده الساعه 8 الصبح واتنين الساعه8 بليل
كده كويس ولا انت اه رأيك

Egyzizo
28-Apr-2009, 12:52 AM
السلام عليكم ورحمة الله وبركاته
ازيك يا دكتورنا العزيز زيزو والله واحشني المنتدى وواحشني مشاركاتك الجميله
ازيكم يا رفاق الكفاح معلش انا مقصر معاكم ومش بشاركم في الفتره الاخيره لاني كنت مسافر لظروف عائليه
بس ياريتني ما سافرت انا بقالي 10 ايام عايش على كوب لبن 3 مرات يوميا مع بعض العصائر لاني جالي التهابات في الحلق وتقرحات في خلايا الفم من جميع الاتجاهات وانسداد في الزور والبلعوم والانف من الداخل مع طبعا سدة النفس عن الاكل بقيت شبح خلصت علبتين مضاد حيوي ومفيش فايده اضطريت اخد داكارتين جيل عشان بقى يهدى شويه خلصت العلبه ولسه برضه بس اتحسن شويه بدات اكل جبنه وكده والحمد لله التحاليل الاسبوع ده احسن والهيموجلبين بقى 10.4 وال
s.g.o.t ( a.s.t ): 46 u/l up to 37
s.g.p.t ( a.l.t ): 52 u/lup to 41
بس مش عارف اعمل ايه في التهابات الحلق والزور دي
وخايف اخد حاجه تبوظ حاجه في العلاج بس الحمد لله كله يهون وبكره ان شاء الله هروح اخد الحقنه العاشره واجدد القرار واعمل اجراءات البي سي ار عشان الحق وربنا يشفيني ويشفي كل الزملاء وكل مرضى المسلمين ويفك الكرب امين



حمد الله على سلامتك يا متر ..
موضوع قرح الفم دى شكلها حاجة صغيرة ، بس أنا عارف انها فعلاً مزعجة جداً وللأسف مافيش حاجة مباشرة تشفيها طول ما السبب موجود اللى هى الانترفيرون ، بس فيه حاجات كتير بتحسنها وبتسرع فى انها تروح زى مثلاً المراهم الموضعية المحتوية على الكورتيزون ، ومضمضة تكون محتوية على مخدر موضعى ، ومعاجين توضع على القرحة مباشرة عشان تعمل عازل بينها وبين الأكل فماتزيدش وتخف بسرعة. ربنا يدبر وقت ونقدر نحط موضوع عن الوقاية وعلاج قرح الفم أثناء العلاج بالانترفيرون.
والإنزيمات بقت كويسة خالص ، أرجو ان الأرقام دى تكون وانت بتاخد حقنك كاملة ، وياريت تتفادى موضوع نص حقنة ده بقدر الامكان.
وبكره جه بسرعة أهو وأديك داخل على نهاية الربع الأول من المشوار ، وكل أمنياتنا بالتوفيق فى نتيجة البى سى آر ..
معلش فكرنى ، هو ان بادئ ببى سى آر كام؟؟

Egyzizo
28-Apr-2009, 01:32 AM
السلام عليكم
فى نشرة دواء نيتازود يوجد التالى:
موانع الاستعمال:
لا توجد موانع استعمال معروفة إلا إذا كان المريض يعانى من حساسية لمادة النيتازوكسانيد أو أحد خواص التركيب الأخرى. لذا يفضل استشارة الطبيب.
تحذيرات:
ينبغى توخى الحذر عند استخدام هذا المستحضر مع مرضى الكبد والكلى.
التداخلات الدوائية:
يجب الحذر عند استخدام مستحضر نيتازود مع أى مستحضر دوائى يكون له قوة ربط قوية ببروتينات الدم لأن النيتازوكسانيد شديد الارتباط (أكثر من 99%) ببروتينات الدم.
فهل هناك مشكلة فى استخدامه (زجاجتين يوميا) مع الريبافيرين والإسمافرون والإنفكس والدىدىبى والليفارين والكيفير والمستخلص وانيميا الفول وحساسية الصدر والمسخلص العشبى؟!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!
ما رأيكم؟! زاد فضلكم؟!


هى الفكرة ايه، ان فيه أدوية أول ما يتم امتصاصها من الأمعاء والدم يشمها تقوم لازقة على طول على بروتينات الدم والجزء الفعال بيبقى فقط هو الجزء الحر من الدواء اللى مش ممسوك على البروتينات وبيبقى قدر بسيط مقارنة بالجرعة الفعلية، وطبعاً كل ده معمول حسابه.
قوم ايه .. لما المريض ياخد دوا تانى يكون برضه بيتحمل على البروتين ، تحصل خناقة بين الدوا الأولانى والدوا التانى على البروتينات اللى موجودة فى الدم ، والنتيجة طبعاً ان مش كل الكمية المحسوبة هتلزق ، فتبقى الكمية الحرة الفعالة أكتر عشان مش لاقية مكان تلزق فيه، فممكن تسبب مشاكل للمريض عشان ماكانش معمول حسابها انها تبقى حرة.
وأشهر مثال لكده واللى دايماً بيتخاف منه دوا اسمه (وارفارين) لسيولة الدم ، وده ماينفعش يتاخد معاه نيتازود لأنه هيكرشه من على البروتين فيسبب زيادة كبيرة فى سيولة الدم لأن الجزء الحر الفعال فيه هيبقى كبير ويزود السيولة، وخصوصا أن الشعرة في الدوا ده بتفرق.


فشوف يا سيدى .. النيتازود مع الانترفيرون مافيش مشاكل ، ومع الريبافيرين مافيش مشاكل ، ومع الدي دي بى مافيش مشاكل ومع الليفارين مافيش مشاكل ..


استنى أما استريح شوية .. يا مسهل .. :o


ومع الإسمافيرون مافيش مشاكل ، ومع الكيفير مافيش مشاكل ، ومع أنيميا الفول مافيش مشاكل ، ومع حساسية الصدر مافيش مشاكل.


يبقى الانفكس (الأمانتادين) وده فعلاً بيتحمل على بروتينات الدم بنسبة 67% ، ففى الغالب مش هيكون فيه مشاكل فى استخدامه مع النيتازود ، بس يا ريت برضه تتأكد من مصدر تانى.


أما المستخلص العشبى فتتنظر رأى د. عبد القيوم لأنى ماعرفش مكوناته.

abo_kabeer
28-Apr-2009, 01:40 AM
الأخ الدكتور / زيزو

لك خالص التحيه على مجهودك الرائع جعله الله فى ميزان حسناتك ولى عندك طلب بسيط ياريت تخلى الست جمالات تحضر اللقاء مع الإخوه فى القاهر لأنها كلها خير وبركه ووجودها سيكون مهم ودفعه معنويه وخصوصا أنها نشيطه فى عمل الخير وتوزع لوجه الله وبلغها تحياتى

Egyzizo
28-Apr-2009, 01:41 AM
السلام عليكم
ازيك يادكوتر زيزو ازيكم اخوانى فى رحلة العلاج
بشكركم على ردودكمو ودعواتكم لي
دكتور زيزو انا لما رحت للدكتور ثالى اخد الريبافرين حبايه الصبح واتنين بليل افضل
انا باخد واحده الساعه 8 الصبح واتنين الساعه8 بليل
كده كويس ولا انت اه رأيك


واللاهى العظيم يا باشمهندس ما هتفرق ..
ايه يا عم مش مصدقنى ليه :) ، لو راجعت الموضوع ده هتلاقى ان دى تالت مرة نتكلم فى النقطة دى ..

بص ، طالما بتاخد الجرعة اليومية كاملة ، يبقى مش مهم خالص بتقسمها ازاى ، ان شالله تاخد التلات كبسولات مرة واحدة فى اليوم والكلام دى على مسئوليتى ومتأكد منه بنسبة ميه فى الميه.

Egyzizo
28-Apr-2009, 02:13 AM
الأخ الدكتور / زيزو .. لك خالص التحيه على مجهودك الرائع جعله الله فى ميزان حسناتك ولى عندك طلب بسيط ياريت تخلى الست جمالات تحضر اللقاء مع الإخوه فى القاهر لأنها كلها خير وبركه ووجودها سيكون مهم ودفعه معنويه وخصوصا أنها نشيطه فى عمل الخير وتوزع لوجه الله وبلغها تحياتى



أوعدك هاحاول أقنعها يا دكتور عبد الغنى ، بس طبعاً الموضوع دى مش فى ايدى خصوصاً انها ست قروية والقرار مش هيكون قرارها .. بس هاحاول جامد ، وعلى أضعف الإيمان هاجمع كل تحاليلها قبل وبعد عشان تبقى مستند معانا.
وأرجو ان حضرتك برضه تفتكر الناس اللى نالوا شفاء كامل وتتصل بيهم وتطلب تحاليلهم لأن زى ما انت شايف ، اللى بيخف بيفلسع :p وماحدش منهم معانا دلوقتى.

ISMA3EL
28-Apr-2009, 04:11 AM
السلام عليكم ورحمة الله وبركاته
انا بادئ بي سي ار مليون و240 الف
1.240000 على مقياس وزارة الصحه مع اني كنت عامله قبليها ب6 شهور في مؤمنه كامل كان 280.000
مائتان وتمانون الف
بس الانزيمات عندي كانت عاليه من وقت ما اكتشفته من 3 سنين كده
وبكره الحقنه رقم 10 بعد يوم من العذاب في معهد الكبد النهارده
المعهد الوطني للطوابير والامراض المستعبطه والمتوطنه
حتى الحقنه عشان تصرفها لازم تختم الروشته
انا روحت المعهد الساعه 11 مشيت 6 بس جبت الريبيتول وخدت حقنتين مش واحده
بس الحمد لله انا ماشي جرعات كامله دلوقتي الدكتور قال متقلقش من نص الحقنه ده
انت ممكن تفوت 8 حقن ما تاخدهمش واحنا عايزين نموت الفيروس مش نموتك!!!!
كلامه جميل يا اخي كنت هعيط ههههههههه
و كتبلي على دوا للقرح ودوا للمعده عشان القرح متطلعش تاني
بكره اكتب اسمائهم
دي كانت رسالة النهارده ومنك لله يا حكم ماتش الاهلي هي ناقصاك هههههههههه

Egyzizo
28-Apr-2009, 04:25 AM
الدكتور قال متقلقش من نص الحقنه ده انت ممكن تفوت 8 حقن ما تاخدهمش واحنا عايزين نموت الفيروس مش نموتك!!!!
كلامه جميل يا اخي كنت هعيط ههههههههه


يا سلااااااااااااااام .. أد ايه يا أخى الدكاترة بتوعنا حنينين ورهيفين ..
تفوت 8 حقن ؟؟!! ايه الحلاوة دى .. فعلاً مصــر بخير ..
معلش .. ما هو العتب فعلاً على الحكم http://www.smileyssmilies.com/classic/images/5.gif

د. عبد القيوم
28-Apr-2009, 12:46 PM
الأخ أحمد صبرك الله علي الدكاترة قبل الانترفيرون و الريبافيرين
أسأل الله تعالي أن يأجرك علي مرضك و صبرك وأن يعجل لك بالشفاء

كما ذكرت من قبل أعتقد أن الأدوية التي تتناولها حاليا كثييييرة ولا أدري إن كانت كلها تفيد في حالتك أم لا !

و التفاعل بين الأدوية وارد خصوصا الكيماوية , و إذا كان التفاعل بين دوائين ممكن توقعه و فهمه فالتفاعل بين ثلاثة أو أكثر من الصعب جدا تتبعه و فهمه في داخل الجسم خصوصا علي المدي البعيد , و كان الأطباء الألمان يعلمونا أن أي روشتة بها أكثر من ثلاثة أدوية فهي مضرة وليست مفيدة .

لكن إن شاء الله تفاءل خيرا و حاول إيقاف كل مايمكن الاستغناء عنه من الأدوية الكيماوية.

أما المستخلص العشبي و الكيفير فالمادة الفعالة فيهم طبيعية و هي (البوليسكرايد و اللكتين) و هي مواد من غير المحتمل أن تتفاعل مع المركبات الكيماوية للأدوية الأخري و كذلك السليمارين هو مادة آمنة .

و حاول استخدام الوصفة الآتية كمضمضة و غرغرة للحلق و إن شاء الله تأتي بنتيجة طيبة:
ملعقة مسحوق المرة (إطحنها في البيت طازجة أفضل) توضع علي نصف كوب ماء مغلي و تقلب جيدا و تغطي 10 دقائق ثم تستخدم كمضمضة وغرغرة مرتين يوميا .

و الله تعالي يهون عليك الفترة الباقية و يعجل لك بالشفاء عن قريب

ahmed123
28-Apr-2009, 12:56 PM
مستر زيزو:
إيه الإبداع دا :)
منتحرمش منك يا جميل ولا من شرحك.
دا حتى أنا كنت بفكر أسألك أى أسئلة أخرى حتى لو مش محتاجلها علشان بس أستمتع أنا وباقى الأعضاء بالمنتدى بالعرض بتاعك :)
يعنى أنا مثلا كان نفسى أدردش معاك بخصوص الكتاب اللى قلت عليه.. كتاب السر.. أصل أنا نزلته من على موقع فورشيرد.. وعجبنى جدا..
بس رجعت تانى وقلت لأ يا واد يا ahmed123 :) إن كان حبيبك عسل...
وبصراحة حبيبى عسل..

على أية حال.. وبجد.. متشكر جدا..
وإن شاء الله أستفسر تانى عن الإنفكس مع النيتازود.
وأيضا إن شاء الله ننتظر رأى د عبد القيوم.. لو تكرم.. بخصوص موضوع المستخلص العشبى مع النيتازود.

وأخيرا أدعو للجميع بالصحة والعافية

sesayed
28-Apr-2009, 01:45 PM
بالنسبة لى مر شهر من توقف الانترفيرون
الوزن زيادة 2 كيلو تقريباً
النهجان والدوخة قلت
هناك بعض الاحساس بالهرش مازال موجوداً فى أسفل القدم وباطن الفخذ ( زى ما بيسموها بتوع الكورة الخلفية زى وائل جمعة بالأمس )
يعنى احساسى بباطن الفخذ كأن هناك شئ أريد هرشه ولكن لا يوجد شئ ظاهر لى كطفح جلدى مثلاً أو غيره وكأنه التهاب داخلى.
سأعود مع بدايات الاسبوع القادم بعون الله لممارسة نوعاً من الرياضة واعتقد ستكون كرة القدم ولا أعلم ما ستسفر عنه النتائج لأن الهيموجلوبين 11 وسأعمل بنصيحة أخونا زيزو وأتناول سوائل كثير قبل وبعد والله المستعان.
هذه آخر تطورات الحالة معى.

ahmed123
28-Apr-2009, 01:53 PM
أستاذنا المبجل د عبد القيوم:
عفوا لم أنتبه لمشاركتكم قبل إرسال مشاركتى السابقة..
ولكن كالعادة أرجو أن تتفضلو بقبول وافر التقدير وجزيل الشكر..
وإن شاء الله آخذ بالنصيحة.. وسوف أحاول إقناع الطبيب بإيقاف إنفكس
لأنه يعتقد أن الإسمافرون بمثابة الإنترفيرون ولذلك فإنه لا يمكن حتى تخفيض جرعة الريبافيرين إلا عند الضرورة.. والضرورة القصوى..

ولكن عفوا أستاذنا..
ذكرتم وصفة خاصة للمضمضة والغرغرة.. وأنا لم أكتب أبدا طالبا تلك الوصفة..
ولكنى بالفعل أشكو منذ أيام من التهابات بالفم واللثة.. واشتريت إيزافلور لعله يفيد..
واستفسارى هو: هل هذه من الأعراض المتوقعة؟ وهل توجد أخرى؟

معذرة لكثرة الأسئلة.. وجزاكم الله خيرا..
وغفر الله لنا ولكم ولكل المسلمين.. آمين..

د. عبد القيوم
28-Apr-2009, 03:29 PM
الأخ أحمد

المعذرة المقصود بهذه الوصفة الأخ اسماعيل لكن إختلط علي الأمر

لكن من الملاحظ فعلا علي عدة حالات من مستخدمي الانترفيرون مع الريبافيرين حدوث الالتهابات في الاغشية المخاطية للفم , و يبدو أنها من الاثار الجانبية للعلاج في بعض الحالات كما هو واضح مع الأخ اسماعيل بصورة كبيرة.

و كذلك الهرش الذي يدل علي ترسبات صبغات المرارة الصفراوية تحت الجلد أو قد يدل علي آثار جانبية و حساسية للعلاج أيضا.

و ممكن د. زيزو خبير الانترفيرون يفيدنا اكثر في الموضوع

ISMA3EL
28-Apr-2009, 11:32 PM
الأخ أحمد صبرك الله علي الدكاترة قبل الانترفيرون و الريبافيرين
أسأل الله تعالي أن يأجرك علي مرضك و صبرك وأن يعجل لك بالشفاء
و حاول استخدام الوصفة الآتية كمضمضة و غرغرة للحلق و إن شاء الله تأتي بنتيجة طيبة:
ملعقة مسحوق المرة (إطحنها في البيت طازجة أفضل) توضع علي نصف كوب ماء مغلي و تقلب جيدا و تغطي 10 دقائق ثم تستخدم كمضمضة وغرغرة مرتين يوميا .

و الله تعالي يهون عليك الفترة الباقية و يعجل لك بالشفاء عن قريب

جزاك الله خيرا دكتور عبد القيوم و جعل مجهوداتك معني في ميزان حسناتك
لكن ماهو مسحوق المره وهل ليه اسم تاني عشان لو رحت للعطار ممكن مايعرفوش
وشكرا جزيلا لمداخلتك معنا هنا وعلى معلوماتك المفيده :)

ISMA3EL
28-Apr-2009, 11:37 PM
الدكتور كتبلي دهان اسمه medigel لقرح الفم
والدواء التاني اقراص
PROTOFIX 20 MG
والدوا التاني ده للامراض اللي بتنتج عن زيادة الافرازات الحمضيه من المعده قرص كل 12 ساعه
يعني برضه للقرح وصعوبة البلع وكده
انا قلت اكتبهم عشان لو حد عنده معلومه عن الحاجات دي
ولو حد بيشتكي زيي يبداء ياخدهم معايا

neno1043
29-Apr-2009, 12:24 AM
بسم الله الرحمن الرحيم

Egyzizo
29-Apr-2009, 02:05 AM
يا أحمد باشا أنا تحت أمرك ، بس خلينا نخف الأول وبعد كده نتكلم فى اللى انت عايزه كله :) .. قول آمين

Egyzizo
29-Apr-2009, 02:16 AM
الدكتور كتبلي دهان اسمه medigel لقرح الفم
والدواء التاني اقراص
PROTOFIX 20 MG
والدوا التاني ده للامراض اللي بتنتج عن زيادة الافرازات الحمضيه من المعده قرص كل 12 ساعه
يعني برضه للقرح وصعوبة البلع وكده
انا قلت اكتبهم عشان لو حد عنده معلومه عن الحاجات دي
ولو حد بيشتكي زيي يبداء ياخدهم معايا


اذا كان قصدك الـ Medijel بحرف الـ J فده عبارة عن مطهر للفم ومخدر موضعى ، يعنى هو مش علاج مباشر للقرح إنما هيحسن الحالة.
والدوا التانى لعلاج الحموضة وارتجاع المرئ.
بالشفا ان شاء الله ..
عايزين نسمع عنك أخبار حلوة ، عشان كفاية علينا الزمالك اللى باع الماتش :D

Egyzizo
29-Apr-2009, 02:42 AM
حمد الله على السلامة .. هو الوزن كام والهيموجلوبين كام يا نينو؟

neno1043
29-Apr-2009, 02:50 AM
الوزن 60 ك
الهيموجلوبين 14.7 g%

Egyzizo
29-Apr-2009, 03:23 AM
وشاف الازيمات(تتصور نزلت فى خلال 3اسابيع ALT من67 الى 33 وAST من56 الى27) وشاف صورة الدم (دى بقى كانت الكرات البيضاء نازله جامد ووصلت الى 2 فقط والنيتروفيل نازل ايضا 26% ) الا انه لم يوقف الانترفيرون وسالنى عن الوزن ثم خفض الريبافيرين من 1200 الى 800 فى اليوم ايضا اوصى بحقنة فيتامين بى اسبوعيا+قرص فيتامين ه يوميا+2قرص سيلينيوم يوميا.
(اجمل حاجه لما سالته يعنى الجهاز المناعى بتاعى مش حايجيله حول وبدل ما يضرب الفيرس يقوم يضرب الكبد نفسه قام بص لى بصه غريبه ومردش عليا)
الا تفتكر هو عمل كده ليه يا د/زيزو؟؟؟؟؟؟؟:confused:


بالنسبة لوزن 60 كيلو، فالجرعة المناسبة من الريبافيرين هى 800 فعلاً ، ايه اللى خلاك بدأت بـ 1200 مللى؟

وبالنسبة للعد الأبيض ، فالمفروض جرعة الانترفيرون ما تقلش غير لو نقص عن 1500 ، وانت لسه بعيد عن الرقم ده.

أما عن البصة الغريبة :)، فلو كنت قلت له السؤال بنفس الصيغة اللى انت كاتبها (حكاية الحول اللى جه للجهاز المناعى) ، انه يكون استغرب من الصيغة ، فمردش عليك عشان يحافظ على برستيجه :p

Egyzizo
29-Apr-2009, 03:27 AM
انا لسه جاى حالا من عند الدكتور وكنت باعرض عليه ال HBc ab ايجابى و HBs ag سلبى وHBs سلبى وكنت متوقع انه يقول لى انه فى فيروس بى، الا انه قال لى مفيش انت بس محتاج تطعيم ومش دلوقتى كمان

بالنسبة لموضوع فيروس بى .. فالتطعيم مش علاج ، وإنما ممكن يكون وسيلة من وسائل التشخيص لأحد الاحتمالات. يعنى ان فيه حالات بتكون اتعرضت لفيروس بى من سنين طويلة وخفت منه، والجسم اكتسب مناعة واتكون عنده أجسام مضادة من النوع HBcAb والنوع HBsAb ، وبمرور السنين الـ HBsAb قلت لدرجة انها بقى غير ممكن قياسها ، بينما الـ HBcAb لسه موجودة، ففى الحالة دى اعطاء جرعة تطعيم (يعنى تعريض المريض لنسخة ضعيفة من الفيروس) هيفكر جهاز المناعة بالذى مضى ، وهيزيد مستوى الـ HBsAb تانى .. وفى الحالة دى تبقى قصتنا خلصت ويكون المريض غير مصاب بالفيروس ووجود الـ HBcAb يعنى فقط انه اتعرض للفيروس فى الماضى لكنه غير مصاب دلوقتى. الحقيقة، الحالات دى قليلة لأن من المعروف ان الـ HBsAb بيقعد فى الجسم عشرات السنين. والكلام اللى قلته ده بيسهله الرسم التالى :


http://2.bp.blogspot.com/_plipX3Ou54I/SfeJM3rBD1I/AAAAAAAAAEk/BpZcDqlL9r0/s400/Presentation111.jpg



على أى حال عمل البى سى آر هيوفر اللفة الطويلة دى ويخلينا نجيب من الآخر.


بس أنا متفق مع الدكتور فى حاجة واحدة بخصوص الموضوع ده، هى ان: مش وقته، بس لسبب تانى غير اللى قصده الدكتور، وهو ان الانترفيرون اللى انت بتاخده بيستخدم برضه لعلاج فيروس بى، فعلى أسوأ الحالات لو كان الفيروس موجود فانت بتاخد علاجه دلوقتى :)، فخلص الكورس بتاعك على خير ان شاء الله ، وبعد ما تفوق منه، نبقى نشوف الموضوع ده لأنه حتى لو كان الفيروس موجود فممكن العلاج يضيعه.
وخصوصاً ، ان الحالة الخاصة اللى يكون فيها HBcAb إيجابى و الـ HBsAg سلبى والفيروس موجود (ودى على فكرة اسمها : عدوى مخفية لفيروس بى)، فى الحالة دى بيكون البى سى آر بتاع فيروس بى منخفض جداً ، يعنى نظام ألفين واللا تلات الاف، ودى ممكن حقنتين انترفيرون يضيعوهم.

Egyzizo
29-Apr-2009, 03:31 AM
وشاف الازيمات(تتصور نزلت فى خلال 3اسابيع alt من67 الى 33 وast من56 الى27)
واهم نقطه بقى سالته فيها هى الasma فقال لى زى محضرتك قلت لى دى اعراض جانبيه للانترفيرون بس مفيش خوف منها دلوقى
(اجمل حاجه لما سالته يعنى الجهاز المناعى بتاعى مش حايجيله حول وبدل ما يضرب الفيرس يقوم يضرب الكبد نفسه قام بص لى بصه غريبه ومردش عليا)
الا تفتكر هو عمل كده ليه يا د/زيزو؟؟؟؟؟؟؟:confused:


طالمــا الإنزيمات تمام ، يبقى مافيش مشاكل ..
يا ريت بس تتابع الإنزيمات على فترات متقاربة طول فترة العلاج ، ولو حصل ارتفاع جامد لا قدر الله ، يبقى تعيد تحليل الـ asma على طول علشان نشوف اذا كان هو كمان ارتفع لأنه هو أدق مقياس لالتهاب الكبد المناعى ، لكن طول ما الإنزيمات فى المعقول يبقى مش مشكلة.

Egyzizo
29-Apr-2009, 10:36 AM
بالنسبة لى مر شهر من توقف الانترفيرون
الوزن زيادة 2 كيلو تقريباً
النهجان والدوخة قلت
هناك بعض الاحساس بالهرش مازال موجوداً فى أسفل القدم وباطن الفخذ ( زى ما بيسموها بتوع الكورة الخلفية زى وائل جمعة بالأمس )
يعنى احساسى بباطن الفخذ كأن هناك شئ أريد هرشه ولكن لا يوجد شئ ظاهر لى كطفح جلدى مثلاً أو غيره وكأنه التهاب داخلى.
سأعود مع بدايات الاسبوع القادم بعون الله لممارسة نوعاً من الرياضة واعتقد ستكون كرة القدم ولا أعلم ما ستسفر عنه النتائج لأن الهيموجلوبين 11 وسأعمل بنصيحة أخونا زيزو وأتناول سوائل كثير قبل وبعد والله المستعان.
هذه آخر تطورات الحالة معى.


شكراً على مشاركتك ، وان شاء الله بمرور الوقت ، الأعراض دى تروح ، لأن الموضوع محتاج وقت على ما الأمور ترجع زى الأول ..

وبالنسبة للرياضة ، فياريت تبدأ أسبوع واللا اتنين فى الأول برياضة فردية ، زى الجيم مثلاً، أو الجرى الفردى، قبل ما تخش على كرة القدم ، لأن فى كرة القدم، ممكن تيجى على نفسك وتبذل مجهود زائد لأن اللى بيحكمك هو ظروف الماتش واحنا عندنا أنيميا ولسه مافيش لياقة ، فاعتبر الأسبوعين دول تسخين بحيث ان الأمور هتبقى فى ايدك انك تهدى المجهود وقت ما تحب.

neno1043
29-Apr-2009, 11:45 AM
بسم الله الرحمن الرحيم
الف شكر د/زيزو على الشرح الوافى المبسط ده
وبخصوص جرعه الريبافيرين هو فعلا كان قال لى من الاول حنبتدى ب1200 ثم نخفض الى800 على ضوء صوره الدم
وبالنسبه للبى ايه رائيك اخليه بعد بى سى ار السى (بعد حقنتين من الان)
واركز دلوقت على صوره الدم كل حقنه وانزيمات كل حقنتين؟

Egyzizo
29-Apr-2009, 12:08 PM
وبخصوص جرعه الريبافيرين هو فعلا كان قال لى من الاول حنبتدى ب1200 ثم نخفض الى800 على ضوء صوره الدم
مــاشى ، هو بدأ بجرعة مرتفعة أكبر من اللى وزنك محتاجها على أمل تحقيق نتائج أفضل ، هى الفكرة بس أن 1200 لواحد وزنه 60 دى معناها 20 مجم لكل كيلوجرام من وزن الجسم ، والمفروض ان اقصى جرعة الجسم يتحملها 15 مجم لكل كيلوجرام من وزن الجسم ، يعنى انت بطـــل :)


وبالنسبه للبى ايه رائيك اخليه بعد بى سى ار السى (بعد حقنتين من الان)
واركز دلوقت على صوره الدم كل حقنه وانزيمات كل حقنتين؟

أنا شايف ان مافيش داعى للبى سى آر دلوقتى ، لأن زى ما قلت لك نتيجته فى وضعك الحالى مش هتجزم بحاجة ، يعنى لو طلع إيجابى ، أدينا بناخد علاج ومش هنعمل حاجة اكتر من كده ، ولو طلع سلبى فلن يعنى ان ماكانش عندك فيروس لأن احتمال انه كان موجود والحقن ضيعته ..
فانسى الموضوع دلوقتى ، وان شاء الله لما تيجى تعمل آخر بى سى آر خالص ، اللى بيتعمل بعد سنة ونص ابقى اعمل للبى والسى.


الإنزيمات ماشى ، أما بالنسبة لصورة الدم ، فخليها كل شهر لأن طالما الهيموجلوبين والصفائح الدموية مستواهم كويس بعد شهرين من العلاج ، يبقى مافيش احتمال ان يحصل فيهم مشاكل فى الفترة الباقية من العلاج، واللى تعمله كل أسبوع بس من صورة الدم هو عد خلايا دم بيضاء WBCs count ، وعد نتروفيل مطلق Absolute neutrophil count ، ومافيش داعى للتكاليف.

neno1043
29-Apr-2009, 01:32 PM
الف شكر دكتورنا الغالى وسيتم تنفيذ ما امرت به حرفيا

mkh61083
29-Apr-2009, 01:53 PM
السلام عليكم ورحمة الله وبركاته


يااااااااااااااااااه اخيرا بعد 4 أيام قدرت اوصل للمشاركة الأخيرة فى الموضوع الجميل ده

اخوكم محمد خليل ( أبو خليل ) من الدقهليه ان شاء الله ناوى اجرب موضوع النفق ده من يوم الثلاثاء الجاى 5-5-2009 ان شاء الله

وبجد انا بشكر صاحب الموضوع الدكتور زيزو اللى قدر يوضح حاجات كتير جدا ما كانتش فى حسبان الواحد خالص وطبعا مش ها انسى رفقته الجميلة اللى اضفوا للموضوع وجبه دسمة من المعلومات والافكار والابحاث الجديدة

ده انا حتى عملت حسابى وكتبت الليمتس بتاع كل تحليل عشان لو لقيتها قلت او زادت عن الرينج المحدد لها الحق اضربلى ريبورت بسرعة تحسبا احسن يطلع حظى فى دكتور من اياهم
وكمان الأعراض اللى بتحصل والأدوية اللى ممكن اخدها عشان تظبط المسائل

انا كل همى دلوقتى على رأى اللى قال " اموت ال c وأعلى g "

ومرة تانية انا بشكركم جميعا وادعوا الله ان يشفينا جميعا ويكلل مجهودنا بالنجاح

Egyzizo
29-Apr-2009, 03:19 PM
الف شكر دكتورنا الغالى وسيتم تنفيذ ما امرت به حرفيا

وبمناسبه صوره الدم(العد الاحمر والهيموجلوبين بالذات) انا ماكنتش ناوى اقولك الا اما اجربها
ودلوقت اقدر اقول ان الفضل لله اولا ثم فى الحجامه
وهى فى ايام نزول القمر(من17 الى 27 من الشهر العربى) اقوم بعملها فى مناطق
1/ الاخدعين(الرقبه اسفل الاذنين)
2/الكاهل (منتصف الظهر اسفل الكتفين بحوالى 30 سم -عند الفقره التى لا تنثنى كاملا-)
مع ملاحظه عدم سحب كمية من الدم اكثر من 10 سم

ياريت دكتورنا الغالى لو عندك معلومات عن الحجامه واثرها فى تقويه وتجديد الدم تقولنا عليها
زادك الله من علمه وجزاك كل خير


لأ يا عم .. لحد هنا وهأقف :) .. مش هافتى فى حاجة ماعرفهاش ..
أنا ماعرفش حاجة عن الحجامة ، بس باحترمها ، لأن أى حاجة انتقلت عبر الأجيال من الأجداد ولم تندثر هتبقى أكيد مفيدة ، لأنها لو ماكانتش مفيدة كانت اندثرت.
والحجامة تاريخها يرجع إلى الصينيين فالفراعنة فالإغريق فالعرب .. فأكيد تبقى حاجة عظيمة.

Egyzizo
29-Apr-2009, 03:26 PM
السلام عليكم ورحمة الله وبركاته
يااااااااااااااااااه اخيرا بعد 4 أيام قدرت اوصل للمشاركة الأخيرة فى الموضوع الجميل ده
اخوكم محمد خليل ( أبو خليل ) من الدقهليه ان شاء الله ناوى اجرب موضوع النفق ده من يوم الثلاثاء الجاى 5-5-2009 ان شاء الله

وبجد انا بشكر صاحب الموضوع الدكتور زيزو اللى قدر يوضح حاجات كتير جدا ما كانتش فى حسبان الواحد خالص وطبعا مش ها انسى رفقته الجميلة اللى اضفوا للموضوع وجبه دسمة من المعلومات والافكار والابحاث الجديدة

ده انا حتى عملت حسابى وكتبت الليمتس بتاع كل تحليل عشان لو لقيتها قلت او زادت عن الرينج المحدد لها الحق اضربلى ريبورت بسرعة تحسبا احسن يطلع حظى فى دكتور من اياهم
وكمان الأعراض اللى بتحصل والأدوية اللى ممكن اخدها عشان تظبط المسائل

انا كل همى دلوقتى على رأى اللى قال " اموت ال c وأعلى g "

ومرة تانية انا بشكركم جميعا وادعوا الله ان يشفينا جميعا ويكلل مجهودنا بالنجاح



يا ألف مرحب بأجدع ناس بتوع الدقهلية ..
أول نصيحة ، ماتنساش تسمى كده وانت نازل النفق وتخش برجلك اليمين :d
ويا رب كلنا نموت السى ونعلـــى الجى :)

Egyzizo
29-Apr-2009, 09:21 PM
متابعة لتجربتى مع الانترفيرون ..

البى سى آر بعد 12 حقنة ظهر أخيراً والحمد لله مازال سالب ..
يعنى مازلت مستر زيرررررررررررررو
أول مرة أحب أعيش حياتى كلها زيرو :)

mkh61083
29-Apr-2009, 10:36 PM
مبروك يا دكتور عليك الزيرو ربنا يخليهولك يارب وما يحرمكش منه
وعقبالنا يارب كده نبقى زيرو على طول


كان ليا سؤال اذا تكرمت

انا عامل بى سى ار من اخر شهر 11 اللى فات يعنى من 6 شهور تقريبا وكذلك باقى التحاليل وكان العد الفيروسى وقتها 1,635,000 والانزيمات مش فاكرها بس كانت عاليه جدا ومعدية ال 100 على ما افتكر وطبعا على ما استنيت القرار بتاع نفقة الدولة والروتين الحكومى وخلافه اخيرا جه ميعاد اول حقنة الثلاثاء القادم ان شاء الله

بس انا مش عارف كده مش المفروض انى اعمل تحاليل تانى اليومين دول ولا ايه العمل انا محتار ياريت حضرتك تدلنى

معلش بنتقل عليك انا عارف

اللهم اكتب لى وللمسلمين جميعا الشفاء يارب العالمين

Dreem44
29-Apr-2009, 10:38 PM
زيزو مبروك ودائما زيزو
اقصد زيرووووووووووووووور

ها أزغرد لك ولا ايه ؟؟؟؟؟؟؟؟؟؟؟؟؟؟؟؟؟؟؟؟؟

mkh61083
29-Apr-2009, 11:03 PM
ممكن يا دكتور زيزو اعرف بالظبط حضرتك منين عشان انا قريت فى مدونة طحالب الامل انك يعتبر فى وسط الدلتا وانا بصراحة موضوع الطحالب ده او الكيفير بيلعب فى دماغى بقالوه يومين بس بينى وبينك انا قلقان ومش عارف اخد قرار .

Egyzizo
30-Apr-2009, 03:00 AM
الله يبـــارك فيكوا ، وعقبالكوا جميعاً ..

بالنسبة لسؤالك يا أبو خليل ، فـ 6 شهور فترة طويلة ، فالمفروض تعيد البى سى آر والإنزيمات قرب معاد أول حقنة عشان نبقى ماشيين صح ، بس هيبقى على حسابك المرة دى يا حلو ..

والحقيقة أنا مش عارف ايه علاقة البلد اللى أنا عايش فيها باللعب اللى فى دماغك، فمعلش مش هاريحك ، حتة غلاسة يعنى http://www.smileyssmilies.com/classic/images/5.gif (http://www.smileyssmilies.com)

وياريت تقرا كتير فى مواضيع الكيفير اللى هنا واللى فى المدونة بتاعتنا وان شاء الله هتاخد القرار الصائب.

ابوحازم المصرى
30-Apr-2009, 03:17 AM
الف مليون مبروك د/زيزو ياملك الزيرو ربنا يديمها عليك نعمة ويثبت شفاك لانك بتدينا الامل دايما وعلى فكلرة ياريت تقرا ردى على اليوم السابع وكلك مفهوميه يادكتور زيرووووووووووووووووووووووووووووووووووووووووووووووو ووووووووووووووووووووووووووووووووووووو
مهندس/ابو حازم المصرى

mkh61083
30-Apr-2009, 03:42 AM
الله يبـــارك فيكوا ، وعقبالكوا جميعاً ..

بالنسبة لسؤالك يا أبو خليل ، فـ 6 شهور فترة طويلة ، فالمفروض تعيد البى سى آر والإنزيمات قرب معاد أول حقنة عشان نبقى ماشيين صح ، بس هيبقى على حسابك المرة دى يا حلو ..

والحقيقة أنا مش عارف ايه علاقة البلد اللى أنا عايش فيها باللعب اللى فى دماغك، فمعلش مش هاريحك ، حتة غلاسة يعنى http://www.smileyssmilies.com/classic/images/5.gif (http://www.smileyssmilies.com)

وياريت تقرا كتير فى مواضيع الكيفير اللى هنا واللى فى المدونة بتاعتنا وان شاء الله هتاخد القرار الصائب.



ان شاء الله اعملها على حسابى ده ما فيش اغلى من الصحة

انما علاقة البلد هو انى كنت بفكر ابدأ مع الحقن بالكيفير ولما عرفت ان حضرتك فى منطقة وسط الدلتا قولت اسال يمكن تكون قريب منى فا اقدر لو تكرمت اخد الكيفير بس مش اكتر

وعموما انت الكلام معاك اصلا راحة

وان شاء الله اخد قرارى بعد الاستخارة ان شاء الله ، وشكرا جدا على اهتمامك وردك

Egyzizo
30-Apr-2009, 03:59 AM
يا باشا أنا تحت أمرك ، بس احنا بنحب نعاكس ..

أنا بعت لك رسالة خاصة بالتفاصيل اللى طلبتها ..

معلش الاحتياط واجب علشان أنا ورايا الانتربول والـ cia و الـ fbi والـ kfc ..
وخصوصاً الـ kfc .. همممممممممم :p

ISMA3EL
30-Apr-2009, 03:59 AM
الف الف الف مبروك يا دكتور zero
هو ده الكلام انا برضه هعمل بي سي ار قريب وربنا يسهل بس بيني وبينك مرعوب وخايف تكون النتيجه مش حلوه
بس عشمنا وحسن ظننا بالله كبير قادر يشفينا كلنا ويفرحنا و يفك كربنا
ألف مبروك .. لقد سعدت بهذا الخبر

Egyzizo
30-Apr-2009, 04:06 AM
قول يا رب ..
دعواتنا معاك يا متر ..

بينى وبينك النهارده وأنا بستلم النتيجة كان قلبى بيفرفر ..
وما صدقت مسكت الظرف بايدى ، ولسه هافتحه لقيت الممرضة جرت معايا كلام
انت بتاخد انترفيرون؟ بقى لك قد ايه؟ وتعال امضى باستلام النتيجة ..
3 دقايق وأنا ايدى بتاكلنى عشان الظرف فى ايدى ومش عارف افتحه ، الحمد لله
وانشاء الله نبارك لك قريب.

neno1043
30-Apr-2009, 04:48 AM
الف الف الف مليون مبروك د/زيزو وربنا يتمم عليك السنه بالف خير
على فكره جهز نفسك من دلوقت للعزومه بتاع البى سى ار الاخير
(يعنى المعازيم حيكونوا حوالى سبع ثمن تلاف بس)

Egyzizo
30-Apr-2009, 06:08 AM
الله يبارك فيك يا نينو ..

وان شاء الله نشيل العزومة سوا .. احنا تقريباً ماشيين مع بعض ماجاتش من أسبوعين تلاتة .. ;)

mbadr
30-Apr-2009, 08:19 AM
حمدا لله يادكتـــــــــــــــــــــــــــــــــــــــــــــ ــــــــــــــــور زيــــــــــــــــــــــــــــــــــــــــــــــــ ـــــــزو
وربنا يتمم الشفـــــــــــــــــــــــــــــــــــاء

عمرو طمر
30-Apr-2009, 09:24 AM
الف الف مبرووووووووك يا مستر زيرو ان شاء الله دايما بلا رجعة وربنا يرفع عنا جميعا ويشفينا ....ألف مبروك ..

sesayed
30-Apr-2009, 10:10 AM
يا رب دايماً تكون زيرو لك ولجميع مريديك ولجميع المرضى اللهم آمين

ahmed123
30-Apr-2009, 11:49 AM
تريليوووووووووووووووووووون مبروك يا جميل
عقبال نسيان الموضوع تمااااااااااااااااااااااما
وبالمناسبة دى ...
هو أنا سمعت حد بيتكلم عن عزومة ;)

Egyzizo
30-Apr-2009, 12:58 PM
بصوا .. احنا ان شاء الله هنخف كلنا مع بعض ..
فشكلها كده كل واحد هيشيل نفسه فى حكاية العزومة دى ..


معلش أصلى نسيت أقول لكم حاجة مهمة جداً عن نفسى ..
.
.
.
.
.
.

أنـــــــــــــــا منـوفـــــــــــــــــــــــــــــى http://www.smileyssmilies.com/classic/orange/images/5.gif

enghusseinomar
30-Apr-2009, 01:56 PM
الف مبروك على النتيجة وحبيت ابارك مرة تانية فى صفحتك حسب الاصول:):):):):):):)

ربيع
30-Apr-2009, 03:48 PM
الف مليووووووووووووووووووووووووووووون مبوووووووووووووك يا د زيييييييييييييييييزو
ودايما زيييييييييييييرو ان شاء الله

ISMA3EL
30-Apr-2009, 04:43 PM
بصوا .. احنا ان شاء الله هنخف كلنا مع بعض ..
فشكلها كده كل واحد هيشيل نفسه فى حكاية العزومة دى ..


معلش أصلى نسيت أقول لكم حاجة مهمة جداً عن نفسى ..
.
.
.
.
.
.

أنـــــــــــــــا منـوفـــــــــــــــــــــــــــــى http://www.smileyssmilies.com/classic/orange/images/5.gif

بصره يا معلم منوفي زي برضه بس انا مولود وعايش في القاهره:)

Atef Fattah
30-Apr-2009, 05:01 PM
ألف ألف مليون مبرووووووك يادكتور .....ويارب يارب زيـــــــــــــــــرو للأبد
هذه أول مشاركة لى فى المنتدى وسعيد جدا أن تكون هذه المشاركة فى مناسبة أسعدتنا جميعا .....
والله يادكتور زيزو أنا حاسس إن التهنئة بس مش كفاية وحاسس أن النتيجة دى ليا أنا ......
وعشان كده خلى العزومة عليا عشان نغير الفكرة عن المنايفة....... :)

Egyzizo
01-May-2009, 02:35 AM
الله يبارك فيكم ياجماعة ..
وألف مرحب بيك يا أخ عاطف
وشكراً على الرشة الجريئة دى ..
ممكن أبقى أجيب العيال؟ http://www.smileyssmilies.com/classic/orange/images/5.gif

mbadr
01-May-2009, 05:59 AM
لمه منايفه زى الفل ربنا يستر
بالمناسبه شرب الكيفير مفيد لمقاومه انفلونزا الخنازير .......صح ولا

Dreem44
01-May-2009, 07:47 AM
لمه منايفه زى الفل ربنا يستر
بالمناسبه شرب الكيفير مفيد لمقاومه انفلونزا الخنازير .......صح

دى معاك حق فيها هو أى مرض هيظهر هيقولوا هاتوا الكيفير

en_hani
01-May-2009, 11:34 AM
ازيك يادكتور زيزو الف الف الف مليوووون مبروك يارب وان شاء الله نيجاتيف على طوووووول
انا والله كان نفسي اهنييك اول واحد بس معلش الأنترنت كان عندى فاصل في البيت الف مليوون مبروك
وعقبالنا كنا وجميع مرضى المسلمين

احمد888
01-May-2009, 01:48 PM
الاخ المحترم دكتور زيزو مبروك على الزيرووان شنء اللة دايما تحليلك يبقى زيرو وعقبال ا نتهاء الرحلة
وتكون النهاية السعيدة ان شاء اللة هى النتيجة الدائمة
انا رحت امبارح اعمل قرار العلاج بس الموضوع فية تطويل واجراءات شكلها هتطول العملية
بس هنشوف طريقة تقصر المسائل ان شاء اللة
بس الملاحظ ان نسبة كبيرة من اللى بياخدو الحقن خاصة فى الاعداد اللى بعد 24 حقنة كلهم سلبى ودى حاجة اسعدتنى جدا لاننى انتظرت الدكتور حوالى عشر دقايق وكان بيراجع مع المرضى وكلهم فى الاعداد 40 حقنة فما فوق كلهم تحليلهم سلبى اقصد البى سى ار والاعراض المصاحبة للحقن تقريبا مفيش حد اشتكى حوالى عشر حالات او اكتر والاعراض دى هى اللى كان مخوفانى ادخل فى موضوع العلاج بلانتر فيرون ولكن ربنا يسهل ونبدا فى التجربة اللى اتمنى من اللة ان تكلل بلشفاء التام لنا جميعادعواتى لكم جميعا بالشفاء وربنا يشفينا جميعا
اخوكم محمد صقر

Dreem44
01-May-2009, 02:54 PM
م/ محمد صقر
خلاص مضيت العقد ياباشا ونويت تتنقل للفريق الاحمر
نمنياتى من كل قلبى ان تكو رحلة علاج تكلل بالنجاح ان شاء الله
ونبارك لك بعدها على الزيرو
خالص تحياتى لشخصك الكريم

احمد888
01-May-2009, 11:02 PM
الاخ الحبيب ماهر لما رحت مستشفى الاحرار ولقيت الزحمة فكرت انا داخل سويقة ولم اعتقد للحظة ان هتكون العملية بالزحمة دى ولما سالت كل اللى بياخدو الحقن وكلهم تحليلهم سلبى خاصة بعد ال24 حقنة حسيت ان انا فوت على نفسى فرص كتيرة من سنتين فاتو كان ممكن اكون انتهيت من القصة دى لكن سبحان اللة انا كنت مخوف نفسى من الاعراض المصاحبة للحقن ولكن استغربت لما لقيت ان اغلب اللى بياخدو الحقن محدش بيشتكى خاصة ان انا انتظرت فترة طويلة وانا عند الدكتورعلشان يعملى القرارفكل اللى جلسو وسالهم بتشتكى من حاجة محدش قال انا باشتكى من شى اللهم الا راجل فوق الستين لكن الشباب حوالى عشرة تقريبا كلهم زى الفل زعلت ان انا كنت مخوف نفسى من وهم الاعراض المصاحبة للحقن لكن اعتقد ان الانتهاء من هذا الكابوس يستحق العناء ربنا يخلصنا جميعا منةانا عايزك انت الاخر تتوكل على اللة ومتاجلش الموضوع وتدخل معنا المعركة دى التى نتمنى من اللة ان يكتب لنا فيها جميعا الانتصار الدائم على الفيرس الخبيثب بعد 15 يوم هنعمل التحاليل المطلوبة علشان العينة الكبدية وربنا يسهل كل امر عسير فدعواتك لى بالتوفيق وعقبالك لما تقرر واتمنى ان يكون القرار قريبا
اخوك م/محمد صقر

Egyzizo
02-May-2009, 12:18 AM
لمه منايفه زى الفل ربنا يستر
بالمناسبه شرب الكيفير مفيد لمقاومه انفلونزا الخنازير .......صح ولا


كــده اللمة كملت بيك يا عم بــدر .. :)

بما ان الكيفير بيرفع مناعة الجسم البشرى وبيزود مقاومته للفيروسات، ففرصة من يتناوله فى إنه يتأذى بهذه الفيروسات الجديدة أقل من فرصة من لا يتعاطى مقويات المناعة.
مع الأخذ فى الاعتبار أن فيروسات انفلونزا الطيور والخنازير جديدة على الجنس البشرى عشان كده مؤثرة أكثر من الفيروسات المعروفة.

Egyzizo
02-May-2009, 12:30 AM
بالتوفيق ان شاء الله يا باشمهندس أحمـــــد ..
وان شاء الله يمشى معاك كويس زى الشباب اللى شفتهم وزى كتييييير بأقابلهم كل أسبوع فى المستشفى.
وان شاء الله تبقى زيرو فى الحقنة الـ 12 مش فى الـ 24 ..

احمد888
02-May-2009, 12:32 AM
الاخ المحترم د عبد العزيز اية نصايحك لى خاصة وان احنا لسة فى المرحلة التمهيدية يعنى مش عارف هاصلح اخد الحقن ولا لا وطبعا اللى بيحدد الموضوع دة هو العينة الكبدية اللى لسة عليها بدرى مش اقل من 20 يوم خاصة وان انا لى كوسة فى المستشفى انا مداوم على الطحالب باستمرار تقريبا استمر عليها ولا اتوقف وكذلك النيتازود ابدا اخدة ولما لما اشوف التحاليل هترسى على اية منتظر منك التوجية لاننى ان ربنا اكرمنى وانطبقت على شروط اخذ الحقن فساكون متواجد على هذة الصفحة دائما علشان نتواصل معاك وندوشك باستمرار جعلك اللة عونا للمحتاجين
اخوك محمد صقر

Egyzizo
02-May-2009, 01:06 AM
تحت أمرك يا باشمهندس وده فعلاً أحد أهداف الصفحة بتاعتنا ..

هو طبعاً نتيجة التحاليل هى اللى هتحدد حسب بروتوكول العلاج
يعنى الإنزيمات لازم تكون عالية
والعد الأبيض طبيعى
مافيش أنيميا
والصفحائح الدموية فوق الـ 100 ألف
ومافيش بلهارسيا
ومافيش تليف فى العينة الكبدية يعنى تكون الدرجة من 1 إلى 3
ومافيش أمراض مناعية (تحليل الـ ana سلبى)
ومستوى دلالات أورام الكبد طبيعى AFP

فيه حاجات من التحاليل دى ممكن تمنع فعلاً انك تاخد الحقن وفيه حاجات ممكن تمنع أخذ الحقن فى وزارة الصحة بس دوناً عن أى مكان تانى، فالنوع ده لو طلع مش زى ما هم عايزين يا ريت تظبطها بما إن ليك واسطة ، زى إنزيمات الكبد مثلاً ، بيرفضوا أخذ الحقن لو الإنزيمات طبيعية مع ان ده مايمنعش وان شاء الله نتابع النتائج مع بعض أول بأول ..

وبالنسبة للكيفير استمر عليه
وبالنسبة للنيتازود فالمفروض تبدأ فيه قبل شهر على الأقل من أول حقنة ، فممكن تحسبها.
ولو وزنك زايد عن الطبيعى يا ريت تحاول تنزل كام كيلو فى الفترة القادمة.

لو عملت البى سى آر تبعهم واتأخرت فى أخد الحقن أكتر من شهرين من تاريخ البى سى آر ، فياريت تعيده تانى على حسابك فى أقرب وقت قبل أول حقنة علشان نبقى ماشيين صح

harth_10
02-May-2009, 01:27 AM
اولا اسأل الله الكريم الحليم ان يشفي الجميع من كل مرض اللهم امين

اكيد الكل سمع عن علاج الشيخ عبدالمجيد الزنداني في صنعاء وهو كما سمعت في قناة الجزيرة انه جاب نتائج ممتازه لمرضى الايدز الليبيين وكذلك فيروس سي وبي وغيره من الفيروسات سؤالي ليش ما نجرب هذا العلاج مع العلم ان الشيخ يطلب منك البقاء في صنعاء ثلاثه اشهر للعلاج والعلاج مجاني ببلاش يعني

وسؤال ثاني هل احد جرب علاج الشيخ ؟

تحياتي للجميع مع دعائي للجميع بالشفاء العاجل والتام اللهم امين

mbadr
02-May-2009, 01:31 AM
كــده اللمة كملت بيك يا عم بــدر .. :)

بما ان الكيفير بيرفع مناعة الجسم البشرى وبيزود مقاومته للفيروسات، ففرصة من يتناوله فى إنه يتأذى بهذه الفيروسات الجديدة أقل من فرصة من لا يتعاطى مقويات المناعة.
مع الأخذ فى الاعتبار أن فيروسات انفلونزا الطيور والخنازير جديدة على الجنس البشرى عشان كده مؤثرة أكثر من الفيروسات المعروفة.


كده اكدت المعلومه اللى فى دماغى وانا عموما بأشرب 600 مل يوميا , انت ماتعرفش الرعب اللى الناس فيه هنا والاجراءات الوقائيه المبالغ فيها
ربنا يعديها على خير

Egyzizo
02-May-2009, 01:34 AM
عارف صدقنى يا عم بدر .. اذا كنا مرعوبين هنـا فى مصر ولسه ماعندناش ولا حالة .. ربنا يكون فى عونكم ..

Egyzizo
02-May-2009, 02:46 AM
اكيد الكل سمع عن علاج الشيخ عبدالمجيد الزنداني في صنعاء .......


للأسف ماعنديش فكرة عن الموضوع ده ..

sesayed
02-May-2009, 10:44 AM
ماذا تعنى درجة تليف الكبد يا دكتور زيزو ؟
ماذا يعنى 1 أو 3 ؟
رجاء التوضيح لنا

mkh61083
02-May-2009, 12:34 PM
ومافيش تليف فى العينة الكبدية يعنى تكون الدرجة من 1 إلى 3


stage of fibrosis ( Ishak ) score (0-6) : 4
Modified Knodell HAI ( Ishak ) score (0-18) : 9

ممكن اعرف ده معناه ايه واذا كانت الاولى زى ما اعتقد انها نتيجة التليف فدى تبقى 4 يعنى نسبة التليف كبيرة ولا ايه وقبلونى ليه لما هى عالية ... ارجو منك التوضيح اذا سمحت

mkh61083
02-May-2009, 12:35 PM
ومافيش تليف فى العينة الكبدية يعنى تكون الدرجة من 1 إلى 3


stage of fibrosis ( Ishak ) score (0-6) : 4
Modified Knodell HAI ( Ishak ) score (0-18) : 9

ممكن اعرف ده معناه ايه واذا كانت الاولى زى ما اعتقد انها نتيجة التليف فدى تبقى 4 يعنى نسبة التليف كبيرة ولا ايه وقبلونى ليه لما هى عالية ... ارجو منك التوضيح اذا سمحت

Egyzizo
02-May-2009, 04:25 PM
تحليل العينة الكبدية بيشمل حاجتين ، تقدير نسبة التليف وتقدير نسبة الالتهاب ..
والتليف بيبقى درجات من صفر إلى 6
والالتهاب من صفر إلى 18

وكلمة (تليف الكبد) اللى احنا عارفينها واللى بتحصل فى مراحل متقدمة من المرض اسمها الأنسب هو (تشمع الكبد) وتعنى الدرجة رقم 6، والدرجات الباقية بعنى ان حالة الكبد كويسة كل ما بعدت عن رقم 6 يعنى تليف لا يذكر ، فتليف خفيف ، فتليف متوسط ، فتليف فوق المتوسط، فتليف شديد ، فتشمع.
ولا شئ من الدرجات السابقة يمنع تناول الانترفيرون حتى فى التشمع الكامل
لكن فى وزارة الصحة لا يعطون الانترفيرون لمرضى التشمع (رقم 6) ، على أساس ان الإستجابة للعلاج بتقل كلما زادت نسبة التليف.
فرقم 4 مش معناها ان فيه تليف كامل (تشمع يعنى) وانما من الدرجات المتوسطة
ورقم 9 تعنى التهاب متوسط

mkh61083
02-May-2009, 07:56 PM
تحليل العينة الكبدية بيشمل حاجتين ، تقدير نسبة التليف وتقدير نسبة الالتهاب ..
والتليف بيبقى درجات من صفر إلى 6
والالتهاب من صفر إلى 18

وكلمة (تليف الكبد) اللى احنا عارفينها واللى بتحصل فى مراحل متقدمة من المرض اسمها الأنسب هو (تشمع الكبد) وتعنى الدرجة رقم 6، والدرجات الباقية بعنى ان حالة الكبد كويسة كل ما بعدت عن رقم 6 يعنى تليف لا يذكر ، فتليف خفيف ، فتليف متوسط ، فتليف فوق المتوسط، فتليف شديد ، فتشمع.
ولا شئ من الدرجات السابقة يمنع تناول الانترفيرون حتى فى التشمع الكامل
لكن فى وزارة الصحة لا يعطون الانترفيرون لمرضى التشمع (رقم 6) ، على أساس ان الإستجابة للعلاج بتقل كلما زادت نسبة التليف.
فرقم 4 مش معناها ان فيه تليف كامل (تشمع يعنى) وانما من الدرجات المتوسطة
ورقم 9 تعنى التهاب متوسط



الف شكر على استجابتك السريعة واللهم اشفى كل مريض

Egyzizo
03-May-2009, 05:20 AM
This week: 14 down, 34 to go




5 ساعات فى المستشفى لما طلعت عين اللى جابونى :mad: .. رحمتك يا رب

Egyzizo
03-May-2009, 05:27 AM
للزملاء المقبلين على الانترفيرون أو ماشيين فيه ومقتنعين بفكرة أخذ عقار النيتازوكسانيد (النيتازود) كوسيلة لرفع نسبة الإستجابة للعلاج بالانترفيرون، فيه عرض كريم فى الصفحة اللى جارنا (http://www.4ph.net/vb/t17527-7.html) يا ريت تبصوا عليه

عمرو طمر
03-May-2009, 09:35 AM
hcv genotype 2,3 treatment by interferon alpha 2a also like type 1,4 but for 24 weeks

Egyzizo
03-May-2009, 02:34 PM
تقصد حاجة معينة بالجملة دى يا أخ عمرو ؟

sesayed
03-May-2009, 03:49 PM
دكتور زيزو
بخصوص تليف الكبد أعود وأسأل هل التليف مهما كانت نسبته يخف بعد الشفاء التام من الفيروس ان شاء الله , أم يستمر على مستواه أم هو موضوع آخر ويحتاج لشئ آخر لمتابعته .
وما هى سبل الحفاظ على المتبقى بدون تلف ؟
ثم ما معنى مقولة أخينا الفاضل أن الفيروس يذهب من الدم لكنه باق فى الكبد لأننى صراحةً لم أفهمها
معلش احنا بنستفسر
وجزيت عنا وعن متابعيكم كل خير

Egyzizo
03-May-2009, 04:31 PM
العلاج الناجح بالانترفيرون يؤدى إلى تحسن درجة التليف فى الكثير من المرضى ولكن الكبد لا يعود إلى طبيعته قبل الإصابة، ولا يوجد علاج يستطيع عكس التليف. لكن دى مش مشكلة لأن اختفاء الفيروس اللى هو كان سبب تطور المرض يضمن أن الحالة ستبقى مستقرة بدون مشاكل طول العمر.
على أى حال الحالات اللى كانت درجات التليف عندها بسيطة فى بداية العلاج ممكن ترجع طبيعية، لكن الحالات المتقدمة بتتحسن فقط.

حالات التشمع (تليف درجة 6) اللى اتعالجت وراح من عندها الفيروس بتقل فرصة إصابتها بسرطان الكبد عن حالات التشمع اللى ما اتعالجتش ، لكن بتكون أعلى من الانسان الطبيعى.

ومعظم الأبحاث التى أجريت على مرضى اتعالجوا وخفوا بعد سنين من انتهاء العلاج مالقتش أى آثار للفيروس فى الكبد ، قول لى بس مين أخونا الفاضل اللى قال كده وأنا انط فى كرشه :)

sesayed
03-May-2009, 05:46 PM
بالنسبة لإعادة الكورس مرة اخرى اذكر عند مناقشتي للدكتور قبل شهرين عن عودة الفيروس مرة اخرى قال لي بأن الفيروس وإن أختفى من الدم فهو موجود بالكبد إنتهى كلامه. والذي فهمت أن كورس انترفيرون مع الأشخاص الذين لديهم تليف أو نسبة تليف بالكبد تكون نسبة الشفاء ضعيفه وإن شاء الله يكون فهمي خطأ.

لا أعرف كيف اشكركم د.عبدالقيوم ، د. زيزو ،واخي الحبيب دريم فقد خففتم علي وقع الخبر ،،، والله يحفظكم

هذه هى مشاركة الأخ دهب فى علاجات بالساحة واستفسارات

Egyzizo
03-May-2009, 07:40 PM
أيـــوه كده الكلام يبقى مفهوم ..
فيروس سى موجود فى الدم وأنسجة الجسم ، والهدف من العلاج هو القضاء عليه فى كل من المكانين.
فلما بنحلل بى سى آر بعد 3 شهور أو 6 شهور ويطلع سلبى ليه مش بنوقف العلاج ونقول كده خلاص؟ عشان ندى فرصة للانترفيرون للقضاء على الفيروسات الموجودة فى الأنسجة (ومنها الكبد).
وانت عارف ان فيه نسبة من المرضى بيحصل لهم ارتداد فى تحليل الـ 6 شهور بعد وقف العلاج بالرغم من ان تحليل البى سى آر عندهم بيكون سالب بعد آخر حقنة. والسبب فى الموضوع ده انه لم يحدث تخلص من الفيروس من الأنسجة بالرغم من أن تحليل البى سى آر كان سلبى فى نهاية العلاج.

لكن لو تحليل الـ 6 شهور بعد وقف العلاج طلع سلبى ، فدى علامة قوية جداً على ان الانترفيرون نجح فى تخليص أنسجة الجسم (والكبد) من الفيروس كما من الدم ، وتبقى القصة خلصت، ومانقدرش بعد كده نقول الجملة اللى قالها الدكتور دى.
يعنى قبل الـ 6 شهور الفاصلة مافيش حاجة مضمونة لأن تقييم نجاح العلاج النهائى هو تحليل البى سى آر فى نهاية المدة دى.

وان شاء الله مرة كده يكون عندى وقت واحط نتائج لدراسات كتير عملت عينات كبدية لمرضى اتعالجوا بالانترفيرون بعد سنين من العلاج وهتشوف انهم مالقوش فيها أى نسبة من فيروس سى.

ذهب
04-May-2009, 11:26 AM
أخي الغالي الدكتور زيزو

الله يتمم لك على خير إن شاء الله.

بما أنكم تكلمتم عن درجات التليف والتي تبدأ من 1 - 6 ، فـ لدي سؤال هنا:

س : الإنتقال من درجة إلى أخرى كم يستغرق من الزمن ( سؤالي هنا بالتقريب والعلم عند الله طبعاً ) ؟

وأذكر بأن الطبيب قدر الفترة الزمنية لإصابتي بالفيروس بناءً على الخزعة التي أخذت من الكبد.

والله يحفظكم ويشفيكم ويشفينا وجميع المسلمين والمسلمات ،،،،،

sesayed
04-May-2009, 03:56 PM
اليوم ذهبت للدكتور واطلعته على المادة الفيلمية الموجودة باللينك
Nitazoxanide added to treatment of hepatitis C genotype 4 improves outcome - Critical Care Videos - The Doctor's Channel (http://www.thedoctorschannel.com/video/1685.html)
وأفادنى بأنه سيرسل فى طلب هذا الدواء من القاهرة للاطلاع عليه
لأنه على حد قوله آخر مؤتمر تم ارسال نتائجه من ايطاليا لم يحتوى على هذا الأمر
أفدته بأن الأمر جديد جداً وربما لم يلحق به مؤتمر روما ولكنه أبدى اهتمام كبير بعد مشاهدة المادة الفيلمية
من ناحيتى عملت سونار على الكبد والحمد لله النتائج جيدة فالحجم طبيعى ولكن عندى مشكلة أخرى بعيدة عن الموضوع وهو أن لدى حصوة فى المرارة كنت قد اكتشفتها مصادفةً من 3 أعوام وكان حجمها 1.8 والآن أصبحة 1.14 وهى حصوة وحيدة وكبيرة وكان الدكتور قد ذكر لى وقت اكتشافها أنه لا خطر منها لأنها لا يمكن أن تمر فى القناة المرارية فالذى يمر الحصوات الصغيرة وربما تقف فيها ولكن الدكتور هذه المرة قال لى بأنه من المفضل استئصال المرارة بما فيها ولكن بعد الانتهاء مما أنا فيه حالياً.
هل من تعليق لدكتورنا الحبيب زيزو عن الوضع؟

shima_fs
05-May-2009, 01:25 AM
الف مليون مبروك دكتور زيزو على الزيرووووووووووو ويارب الشفاء التام باذن الله

Egyzizo
05-May-2009, 03:04 AM
أخي الغالي الدكتور زيزو
الله يتمم لك على خير إن شاء الله.
بما أنكم تكلمتم عن درجات التليف والتي تبدأ من 1 - 6 ، فـ لدي سؤال هنا:
س : الإنتقال من درجة إلى أخرى كم يستغرق من الزمن ( سؤالي هنا بالتقريب والعلم عند الله طبعاً ) ؟
وأذكر بأن الطبيب قدر الفترة الزمنية لإصابتي بالفيروس بناءً على الخزعة التي أخذت من الكبد.
والله يحفظكم ويشفيكم ويشفينا وجميع المسلمين والمسلمات ،،،،،




للأسف سؤالك ليس له إجابة أخى دهـــــب ..


يعنى ممكن تلاقى مريض فى الدرجة 2 النهارده ، وبعد 10 سنين تعمل له عينة كبدية تلاقى الحالة مستقرة وهو مازال فى الدرجة 2.

وممكن تلاقى مريض فى الدرجة 1 النهارده ، وبعد 10 سنين بقى فى درجة 4.

وممكن تلاقى مريض فى درجة واحد النهارده، وبعد عشر سنين لسه فى درجة 1، وبعدها بـ 3 سنين بقى فى درجة 4.

لاحظ أن من يتطور لديهم المرض حتى يصل إلى الدرجة رقم 6 (تشمع الكبد) هم من 15 إلى 20% فقط من مرضى فيروس سى ، والباقيين بيقعدوا طول عمرهم بدون الوصول إلى درجة 6.



على أى حال هناك عوامل وجودها فى المريض قد يساهم فى سرعة تطور المرض مثل تناول الكحوليات، التدخين، المرضى ممن أصيبوا بالفيروس فوق سن الأربعين، ودرجة الالتهاب فى العينة الكبدية، ووجود أمراض أخرى مصاحبة مثل فيروس بى. ولكن هذه أيضاً لا تستطيع أن تجزم بشئ.


وأن يقدر الطبيب توقيت بدء الإصابة تحت ظل هذه الظروف أعلاه لا يمكن أن نطلق عليه إلا "تقدير جزافى" زى اللى بيعملوه بتوع الضرايب :)

Egyzizo
05-May-2009, 03:58 AM
اليوم ذهبت للدكتور واطلعته على المادة الفيلمية الموجودة باللينك
nitazoxanide added to treatment of hepatitis c genotype 4 improves outcome - critical care videos - the doctor's channel (http://www.thedoctorschannel.com/video/1685.html)
وأفادنى بأنه سيرسل فى طلب هذا الدواء من القاهرة للاطلاع عليه
لأنه على حد قوله آخر مؤتمر تم ارسال نتائجه من ايطاليا لم يحتوى على هذا الأمر
أفدته بأن الأمر جديد جداً وربما لم يلحق به مؤتمر روما ولكنه أبدى اهتمام كبير بعد مشاهدة المادة الفيلمية


مؤتمر ميلانو/ايطاليا خلاص بقى قديم، وعدى عليه أكتر من سنة دلوقتى ، ده المؤتمر اللى بعده اتعمل وخلص من كام يوم وكان فى الدانمارك .. وفعلاً كل اللى بنتكلم عليه ظهر فقط فى الكام شهر اللى فاتوا بعد مؤتمر ايطاليا بكتير.
أنا كنت امبارح عند واحد صاحبى دكتور كبد (كان واحد من اللى قلت لهم عن النيتازوكسانيد قبل ما يسافر وبدأ بالفعل يكتبه للعيانين بتوعه) وهو كان فى مؤتمر الدانمارك على قفا شركات الانترفيرون :)، كنت بأقول له حمد الله على السلامة وبآخد منه كيلو جبنة دانماركى كنت موصية يجيبه معاه :p، وسألته اذا كان فى نتائج جديدة على الدوا بتاعنا فى المؤتمر الأخير، فقال لى انه كان فيه فعلاً بحث صغير اتعرض هناك معمول على مرضى من النوع (الصعب علاجهم) ووجه الصعوبة انهم أولاً من النوع الجينى 1 ، وثانياً عندهم تليف (تشمع) الكبد، وثالثاً ودى الأهم انهم اتعالجوا قبل كده بالانترفيرون والريبافيرين وفشل عندهم العلاج، وبالرغم من كده كانت النتائج المبدأية مشجعة.

على أى حال مؤتمرات ايطاليا والدانمارك دى بتاعة الجمعية الأوربية لأمراض الكبد، بينما المؤتمر اللى اتعرضت فيه النتائج الأولية للنيتازوكسانيد وتتابعت بعدها النتائج، كان مؤتمر الجمعية الأمريكية لأمراض الكبد اللى اتعمل فى سان فرانسيسكو فى فى أواخر 2008.

بس أنا مش واخد بالى يعنى ايه هيبعت يجيبه من القاهرة للاطلاع عليه؟ :)





]من ناحيتى عملت سونار على الكبد والحمد لله النتائججيدة فالحجم طبيعى ولكن عندى مشكلة أخرى بعيدة عن الموضوع وهو أن لدى حصوة فى المرارة كنت قد اكتشفتها مصادفةً من 3 أعوام وكان حجمها 1.8 والآن أصبحة 1.14 وهى حصوة وحيدة وكبيرة وكان الدكتور قد ذكر لى وقت اكتشافها أنه لا خطر منها لأنها لا يمكن أن تمر فى القناة المرارية فالذى يمر الحصوات الصغيرة وربما تقف فيها ولكن الدكتور هذه المرة قال لى بأنه من المفضل استئصال المرارة بما فيها ولكن بعد الانتهاء مما أنا فيه حالياً.
الحمد لله ان السونار كويس، بس السونار للأسف صعب ان يفرق بين درجات التليف اللى هى ماقبل التشمع (درجة 6) يعنى ما يقدرش مثلاً يقول ان الدرجة 1 واللا 3 .. والحاجات دى بتتشخص بالعينة الكبدية ، يعنى لو عايز تقيم حالة كبدك بصورة آدق من السونار ، شوف كانت درجة التليف كام فى العينة الكبدية اللى عملتها قبل الانترفيرون ، وغالباً هتكون درجة التليف الآن أقل درجة أو اتنين عن العينة الأولى.


ولو الموضوع ده داخل فى دماغك قوى وعندك امكانيات ، ممكن تعمل اختبار اسمة الفيبروتست/اكتي تست وده بيقيم حالة الكبد من عينة دم عادية زى اللى بيسحبوها منك لعمل الوظائف بس التحليل ده غالى شوية يعنى تمنه فى مصر بيدور حول ألف جنيه واحنا اتكلمنا عليه قبل كده فى الشريط ده.

بس أنا شايف انك تريح دماغك لأن درجة 1 مش هتفرق عن درجة 4 طالما العلاج ناجح معاك حتى الآن، ولو الفيروس انتهى ان شاء الله يبقى كله هيكمل كويس بدون مشاكل.






أما بالنسبة لحصوة المرارة اللى اكتشفتها بالصدفة فدى من الحالات الكويسة اللى بيطبقوا عليها قاعدة الـ cost/benefit أو التكلفة/الفائدة ..

يعنى بدون الدخول فى تفاصيل، نفترض ان 10.000 مريض عندهم الحالة بتاعتك، فـ 100 عيان منهم ممكن يحصل لهم مشاكل بسبب الحصوة ، مقابل 500 عيان هيحصلهم مشاكل من جراحة استئصال المرارة، فبحساب التكلفة الفائدة تكون النتيجة ان الوضع الحالى أكثر أماناً من الدخول فى الجراحة.

لكن طبعاً سيبك من كلامى ، لو الحصوة تاعباك نفسياً يبقى اتكل على الله.







_________________________




وشكراً للأخت شيماء ، وان شاء الله نبارك لكم قريباً

فتاه مسلمه
05-May-2009, 04:02 AM
السلام عليكم ورحمة الله وبركاته


انشاء الله جميع اخواتى بخير


ازيك الدكتور زيزو
انا قريت اخر الاخبار و انشاء الله دايما بخير

انا لى فتره مادلتش على النت
طبعا عندى سؤال :)
حتى لو مافيش طبعا كنت هادخل عشان اقول اخر الاخبار

هافكر حضرتك انا من 6 اشهر عملت تحليل بسى ار قبل اخذ اى علاج

و طلع 637000



sgot 47

sgpt 64

بعدها اخدت infex , pennel
liverin

لمده 3 شهور
البسى ار

بقى 360000

و قلت ل حضرتك انى هاستملر 3 اشهر قبل مافكر اخد الانترفيرون

فاتوا ال 3 شهور
و عملت ال بسى ار

طلع


56000

بس ال sgot 88
sgpt 55

انا لسه مارحتش للدكتتور اللى متباعه معاه هو الدكتور ابو مدين


انا عايزه اعرف طبعا راى حضرتك و انا مش فاهمه ليه ال sgot
على اوى كده؟؟

ها ليه علاقه بالاكل ؟؟؟

انا من 6 شهر عملت serum cholestrol
188

serum triglycerides 172
دول اللى طلعوا عاليين
فهل ده ليها علاقه بال sgot
لى ؟؟


عندى سوال تالث
انا عندى حساسيه جيوب انفيه ودايما باخد كيلارتين
فهل ده مضر او ليه تاثير على اى حاجه ؟؟
معلش انا بسال حاجات كتير

ذهب
05-May-2009, 08:12 AM
مشكور اخي د. زيزو على الإجابة

أنا أفتكرت حاجة قالها لي الطبيب المعالج عن درجات تليف الكبد، قال : حتى الخزعه مش حتدينا حالة الكبد 100% لأنها بتتاخذ من حته وحده من الكبد ودا مش مقياس بس هي بتقرب لنا حالة التليف بالكبد.

اللهم اشفنا جميعاً يارب ،،،،،

mbadr
05-May-2009, 09:10 AM
الف سلامه
شايف الصفحه منوره ازاى
يـــــــــــــــازيــــــــــــــــزو

د. عبد القيوم
05-May-2009, 09:39 AM
الأخت فتاة مسلمة

مبارك علي النتيجة الممتازة في الفترة القصيرة دي و إن شاء الله نبارك بالشفاء التام قريبا

لا تقلقي من الانزيمات قيمتها جيدة الحمد لله و الارتفاع ممكن يكون وقتي لسبب آخر غير الفيروس.

و أكيد د. زيزو حيفيدك أكثر في رده لتحليل النتائج

ولي سؤال لم توضحي موقفك من الفطر:
هل تناولت الفطر؟ و متي بدأت معه و هل مازلت مستمرة عليه ؟ وهل كنت تأخذي أدوية أو شيئ آخر معه في نفس الفترة؟

مع خالص الدعاء بالشفاء التام عاجلا

sesayed
05-May-2009, 11:06 AM
شكراً د. زيزو
أعتقد أن الجديد يتلاحق يوماً بعد يوم وإن شاء الله يختفى الفيروس قريباً جداً من العالم

فتاه مسلمه
06-May-2009, 01:18 AM
الأخت فتاة مسلمة

مبارك علي النتيجة الممتازة في الفترة القصيرة دي و إن شاء الله نبارك بالشفاء التام قريبا

لا تقلقي من الانزيمات قيمتها جيدة الحمد لله و الارتفاع ممكن يكون وقتي لسبب آخر غير الفيروس.

و أكيد د. زيزو حيفيدك أكثر في رده لتحليل النتائج

ولي سؤال لم توضحي موقفك من الفطر:
هل تناولت الفطر؟ و متي بدأت معه و هل مازلت مستمرة عليه ؟ وهل كنت تأخذي أدوية أو شيئ آخر معه في نفس الفترة؟

مع خالص الدعاء بالشفاء التام عاجلا

السلام عليكم ورحمة الله وبركاته
شـكــ وبارك الله فيك
الله يشفينى و يشفينا جميعا و جميع مرضى المسلمين

هو انا لم اتناول الفطر اصلا انا اخذت الادويه فقط اللى ذكرتها
لمده 6 شهور

و النتايج دى بعد التحليل ب 6 اشهر
و مازلت منتظره رد د. زيزو


مش عارفه هو مختفى فين :)

ياريت يدخل على المنتدى

Egyzizo
06-May-2009, 02:09 AM
شبيـــــــــــــــــــك .. لبيــــــــــــــــــــــك :)


الأخت العزيزة ..

واضح ان العلاج جاب معاكى نتيجة كويسة ودى حاجة تحمدى عليها ربنا وماتخليش موضوع الإنزيمات يفسد فرحتك ، وإجابتى هى نفس إجابة د. عبد القيوم ، نتيجة البى سى آر ممتازة ، وارتفاع الإنزيمات له أسباب كتير ..

ارتفاع الانزيمات عندك متوسط ولا يقلق ، وماتركزيش على إنزيم الـ sgot فقط ، لأن دواء البينيل بيشتغل فقط على انزيم الـ sgpt وبينزله بدرجة كبيرة ، ومالوش أى تأثير على الـ sgot ، فحضرتك لو ماكنتيش بتاخدى البينيل كنتى هتلاقى ان الاتنين عاليين.

أحد أسباب ارتفاع الإنزيمات هى دواء الإنفكس نفسه لأن بالرغم من ان الهدف منه علاج الكبد من الفيروس إلا ان دورته فى الجسم قد تسبب ارتفاع الإنزيمات فى القليل من المرضى (وده بعيد عن الفيروس خالص)، وقد يكون السبب أدوية أخرى.

ولا أعتقد ان ارتفاع الدهون الثلاثية ممكن يكون السبب، لأنك لسه صغيرة والكبد الدهنى بيحتاج وقت كتير علشان يسبب ارتفاع الإنزيمات.

يا ريت بس تعملى الإنزيمات من هنا ورايح كل شهر مش كل 3 شهور.
وابقى طمنينا عملتى ايه بعد زيارة الطبيب.

فتاه مسلمه
06-May-2009, 04:15 AM
""
يارب يا ارحم الراحمين اشفى د. زيزو عاجل غير اجل يا رب العالمين
اللهم اشفه شفاءا لا يغادره سقما ""

يا اهلا ب د. زيزو :)

زى العاده دايما بتطمنى بردك عليا ربنا هايجزيك خير عشان اللى بتعمله عشان اخواتك فى المنتدى و انشاء الله هاتشفى نهائيا من الفيروس و تحقق استجابه دائمه باذن الله تعالى
جزا ك الله خيرا


اصلى من ساعه ماعملت التحليل و ماما معتقده ان الاكل هو السبب و فطبعا با كل مسلوق بس :)

بجد انا متشكره اوى انت ريحتى اوى خصوصا ان د. ابو مدين مسافر
وقدامه 10 ايام عقبال ماييجى
بعد اروح عنده
هاقولكم قالى ايه ان شاء الله

اللهم
و اشفينى و جميع اخواتنا بالمنتدى و جميع المرضى المسلمين
شفاءا لا يغادره سقما


لا تنسوا دواوا مرضاكم بالصدقات
حاولوا تتصدقوا على قد ماتقدروا حتى لو مبالغ بسيطه تصدقوا بنيه الشفاء

و الله يشفينا جميعا ان شاء الله

ahmedfayz
07-May-2009, 05:04 PM
سلامى للجميع من فتره لم اشارك فى المنتدى لانشغالى ولان مفيش جديد بالنسبه لى واول ماتابعت المشاركات فرحت جدا بخبر الصفر التانى للانترفيرون فى جون فيروس سى
الف مبروك يا دكتور زيزو وان شاء الله نهنيك بالاستجابة الدائمه على خير .

en_hani
07-May-2009, 06:40 PM
ازيك يادكتور زيزو اخبارك اه ازيكم اخوانى فى رحلة العلاج
انا زعلان منك يادكتور زيزور مش تسال علي كده وتقوووووول الراجل ده مش بيخش بقالوه فتره ليه
ده انا واحد من رجالتك الأنتروفييرونين
يارب تكون بخير وصحه وسلامه
انا اخدت الحقنة 15 النهارده ويارب تعدي على خير وتكون حقنة ظريفه صورة الدم الهيموجلوبين عامل 14 الحمد لله
اللهم اتم شفائي وشفاء الدكتور زيزو وشفاء المسلمين اجمعين

Egyzizo
08-May-2009, 01:47 AM
شكراً فتاة مسلمة ، نرجو ان المرة الجاية تكونى مس زيرو انتى كمان :)

وشكراً أحمد ، وياريت تطمنا على آخر أخبارك

ومعلش يا هانى عشان أنا برضه مش بأدخل كتير اليومين دول .. بس انت على بالى .. وشكلك كده مش هتمشى فى النيتازود .. علشان ماقلتلناش عملت ايه.

en_hani
09-May-2009, 12:55 AM
ازيك يادكتور زيزو انا مئدرش مااسمعش كلامك انا فعلا حبتدى فيه من بكره وكلمت واحد صاحبي يجبلى الينا من امريكا ربنا يسهل

عمرو طمر
09-May-2009, 11:04 AM
السلام عليكم ورحمة الله وبركاته

الاستاذه / فتاه مسلمه
ممكن اعرف اكتر عن البينيل ؟ والانفكس؟ وهل الانفكس زى الريبافيرين ولا غيره وهل الجسم يستحمل الاتنين مع بعض .
الساده المشرفين فى عطل فنى متعلق بتحديث البيانات لدرجه انى مش عارف استقبل رسائل خالص

Egyzizo
09-May-2009, 12:51 PM
فعلاً يا عمرو ، أنا برضه مش عارف أقرا الرسائل الخاصة ، وباعتذر لأصحابها لغاية ما تفرج والمشكلة تتحل.

Egyzizo
09-May-2009, 04:57 PM
This week: 15 down, 33 (or 9?) to go

سوسو /
09-May-2009, 07:17 PM
السلام عليكم ورحمة الله وبركاته
انا اليوم استلمت نتيجة تحليل خطيبي ومش عارفه جاتني صدمه ومش عارفه اعمل ايه
حاسه انو في غلط بالنتيجه مع انو كان بمستشفى كبيرة ومافي اي
شك بنتيجة بي سي ار بس انا مش مستوعبة
قبل 4 شهور كان عامل بي سي ار وكانت النتيجه كالاتي :

اربعة وستين مليون وميتين الف

واليوم كانت :
الفين ومية واربعين
وبس

معقوله ياجماعة يعني اسدق ولا انا بحلم معقوله كل الملايين دي راحت بتلاتة شهور ونص

علما بأنه كان بياخد ابر بيغاسيس بس كل اسبوع ابرة رجاءاً يا اخونا العزيز زيزو تدينا رأيك بالموضوع
ولكل الموجودين احد يفهمني بيحصل ايه وهو مصاب بالبي مش سي

Egyzizo
10-May-2009, 01:05 AM
النتيجة ممتازة يا سوسو ، وتعتبر من المتنبئات بنجاح العلاج ان شاء الله
بس فيه تحاليل تانية المفروض نتابعها فى حالة فيروس بى وهى ALT، HBsAg، HBeAg
دول أخبارهم ايه؟

فتاه مسلمه
10-May-2009, 02:57 AM
السلام عليكم ورحمة الله وبركاته

الاستاذه / فتاه مسلمه
ممكن اعرف اكتر عن البينيل ؟ والانفكس؟ وهل الانفكس زى الريبافيرين ولا غيره وهل الجسم يستحمل الاتنين مع بعض .
الساده المشرفين فى عطل فنى متعلق بتحديث البيانات لدرجه انى مش عارف استقبل رسائل خالص

وعليكم السلام ورحمة الله وبركاته

انا بعتلك رساله على الخاص بس تقريبا ماوصلتكش

البينيل ده للكبد مقوى
اما الانفكس للفيروس بس مش زى الريبافيرين
لان الريبافيرين بيعمل انيميا
اما الانفكس مالوش اثار جانبيه تقريبا

بس اظن ماينفعوش الاثنين مع بعض
ياريت د. زيزو يفيدك هو يعرف اكثر منى طبعا :)

ابوحازم المصرى
10-May-2009, 03:28 AM
الف مبروك للفتاه المسلمه وياريت تتابعى معانا على طول بعد مقابلتك بالدكتور ابو مدين كما قلتى ولى سؤال للد/زيزو هل الpennel , infex , يمكنهم القضاء على الفيروس فقط كما فى حالة الاخت الفتاة المسلمه

Egyzizo
10-May-2009, 05:28 AM
البينيل عبارة عن الدى دى بى (الحبة الصفراء) وزيت الثوم ودول وظيفتهم حماية الكبد وتحسين الإنزيمات وخاصة إنزيم الـ alt ، ومالهمش أى علاقة بمستوى الفيروس فى الجسم.

الإنفكس ده الاسم التجارى للمادة الفعالة (أمانتادين) وفيه منه أسماء تجارية أخرى كتير فى السوق المصرى (أمانتين ، أدامين، بيكاميرز، فيرافلو) وبيستخدم فى علاج الانفلونزا، وخلاصة الدراسات اللى اتعملت عليه فى علاج فيروس سى بتقول انه غير فعال ونسبة نجاحة فى القضاء على الفيروس قليلة جداً، لكن تقدر تقول إن الأخت فتاة مسلمة ربنا بيحبها لأنه واضح انه جايب معاها نتيجة كويسة لغاية دلوقتى ، ويا رب فرحتنا بيها تكمل قريب ان شاء الله.

mbadr
10-May-2009, 07:23 AM
فرحت انك موجود النهارده وربنا يكمل علاجك على خير
الالينيا وصلت اليوم والجينبرك اسمه nizonide وهو انتاج هندى وتوزعه شركه LUPIN
وجدت بالنشره الطبيه المرفقه بالدواء ان الاقراص FILM COATED فهل ذلك يؤثر على الجرعات اليوميه المتفق عليها مسبقا (1.5-1-1.5 ) ولا نخليها (2-2 )
النقطه الثانيه ,,, استخدم اليابانيون اللاكتوفيرن فى علاج الفيروس ولم اجد احد استخدم الالينا معه ربمالانها لم تكن معروفه انذاك ------- الرجا اخبارى هل يوجد ما تعارض بينهما

Egyzizo
10-May-2009, 07:49 AM
حمد الله على سلامة الألينيا يا عم بدر :)
وبالشفــا ان شاء الله ..

وخللى الجرعات زى ما اتفقنا مسبقاً، و3 مرات فى اليوم أحسن من مرتين
ولا يوجد تعارض بين الألينيا واللاكتوفيرين ولا احتياطات فى توقيت أخذهما

ودايماً تعامل من اللاكتوفيرين زى ما بتعامل الكيفير ، هو مكمل غذائى وليس دواء.

عمرو طمر
10-May-2009, 08:43 AM
استاذ بدر انا دخلت على موقع الشركه وعملت بحث على nizonide ,بس موصلتش لحاجه فممكن ترسلى اللينك
وشكرا

عمرو طمر
10-May-2009, 09:17 AM
ياعم زيزو وبعدين الواحد قدامه حاجات كتيير وعاوز ياخد كل حاجه مره واحده عشان يخلص ,ايه اللاكتوفيرين ده؟

mbadr
10-May-2009, 09:29 AM
الاخ عمر تمنياتى بتمام الشفاء
الدوء موجود فى الموقع تحت اسم Generic Alinia (Nitazoxanide) * 500 mg.
واللينك دى حتدخلك عليها مباشره https://urantiapharma.com/en-checkout-4807.php
المشكله فى مصر ان الجمارك بنركن الوارد فتره طويله

mbadr
10-May-2009, 10:10 AM
خالص شكرى يادكتور زيزو
ان شاء الله حنعمل التحاليل الاتيه يوم الاثنين بناء على طلب استشارى الكبد
1-AFP
2-pcr HCV rna
3-CBC with retic + ANC
4-PT. protime and INR
5-HIV screen
6-comp Met panel (Cl-Na-K - gluc- bun- creat- Tp- Alb, ca,alk phos AST, ALT, T. ,Bill
7-ACUT Hepatitis panel
كتير قوى ....... بس دا النظام

mkh61083
10-May-2009, 04:05 PM
السلام عليكم ورحمة الله وبركاته

انا اخدت الحمد لله الحقنة الاولى يوم الثلاثاء وكان يوم لذيذ وما فيش زحمة كتيرة قوى زى بقيت الايام

والاعراض بدات تظهر بعد الحقنة ب 4 ساعات تقريبا

- حاسس ببرد
- الم فى المفاصل والعضلات
- صداع
- درجة حرارة عاليه
- الم فى اسفل الظهر

كل ده بدا معايا من الساعة 5 العصر تقريبا والحمد لله المواضيع اتظبطت على الساعة 1 بعد نص الليل وعرفت انام وصحيت تانى يوم الحمد لله ما فضلش من الجماعة دول غير الصداع بس بسيط والم فى اسفل الظهر


وامبارح السبت عملت تحاليل وطلعت كالاتى

hb : 15.70
rbc : 5.33
platelet count : 92
wbc : 4.90

segmented : 25
band cells : 2
lymphocytes : 63

total bilirubin : .79
direct bilirubin : .03

ast : 104
alt : 132
alkaline phosphatase : 300

مع العلم ان انزيماتى اصلا كانت اعلى من كده

ast : 118
alt : 135



أتمنى من الله ان يشفينا جميعا ويشفى مرضى المسلمين

Egyzizo
11-May-2009, 02:34 AM
على البركة يا أبو خليل ..
بس يا ترى الصفائح كانت عندك كام قبل الحقنة؟
وبالنسبة للأعراض دى فممكن تقللها كتير باستخدام (أبيمول اكسترا)
تاخد حباية قبل ما تنزل المستشفى يوم الحقنة ، وحباية تانية آخر النهار ..
واهتم كمان بشرب ماء كتير (8 كوبايات فى اليوم) لأنه بيساعد فى التخفيف من الأعراض.

mkh61083
11-May-2009, 02:49 AM
بس يا ترى الصفائح كانت عندك كام قبل الحقنة؟

والله مش عارف يا دكتور بس اللى اعرفه انها كانت فى الرينج الطبيعى

ليه هو فى حاجة تقلق ؟

Egyzizo
11-May-2009, 03:05 AM
ان شاء الله ما يكونش فيه مشاكل يا أبو خليل ..
بس يا ريت تذاكر المداخلة دى كويس (http://www.4ph.net/vb/showpost.php?p=106178&postcount=320)، وتخللى عينك على الصفائح فى التحاليل القادمة

mkh61083
11-May-2009, 03:36 AM
ان شاء الله ما يكونش فيه مشاكل يا أبو خليل ..
بس يا ريت تذاكر المداخلة دى كويس (http://www.4ph.net/vb/106178-post320.html)، وتخللى عينك على الصفائح فى التحاليل القادمة

تمام كده يا دكتور وان شاء الله اخلى بالى بس لو قدر الله واحتجت للدواء ده ( إلترومبوباج ) يا ترى موجود ؟ وسعره تقريبا كم ؟

mkh61083
11-May-2009, 03:39 AM
وبعدين فى دكتور بس لسه متخرج صاحبى يعنى قالى كل طحال كتير وبقدونس ده له علاقه بالصفائح ؟

Egyzizo
11-May-2009, 03:47 AM
ياعم زيزو وبعدين الواحد قدامه حاجات كتيير وعاوز ياخد كل حاجه مره واحده عشان يخلص ,ايه اللاكتوفيرين ده؟



هههههه .. روق يا عمرو ..
هنعمل لك ايه بس ، ما هو إنت اللى مش بتذاكر كويس :)
فر شوية فى الموضوع ده وانت هتلاقى كل حاجة عن اللاكتوفيرين
على أى حال ، هو عبارة عن بروتين مستخلص من اللبن ومجفف فى صورة كبسولات بتتباع فى محلات المكملات الغذائية (مافيش فى مصر) ، وفيه أبحاث اتعملت عليه ولقوا انه له خواص مضادة لفيروس سى وانه بيقلل مستوى الفيروس فى الدم.

Egyzizo
11-May-2009, 03:52 AM
وبعدين فى دكتور بس لسه متخرج صاحبى يعنى قالى كل طحال كتير وبقدونس ده له علاقه بالصفائح ؟



أنا لا أعتقد ان الدوا ده لحق ينزل مصر
بس انت يا عم بتقاطع ليه ، ان شاء الله خيــر.

وللأسف مافيش نوع من الأكل (أو حتى الدوا) يقدر يعلى نسبة الصفائح غير اللى قلنا عليه.

mkh61083
11-May-2009, 04:03 AM
انا شاكر لك جدا يا دكتور

وأتمنى من الله ان يشفيك ويشفينا جميعا

تصبح على خير ان شاء الله

Egyzizo
11-May-2009, 06:11 AM
أحــــــــــــــلام سعيدة .. :)

sesayed
11-May-2009, 10:15 AM
السلام عليكم
دكتور زيزو الحمد لله تمت أول مشاركة كروية مساء الجمعة الماضى وكنت فيها حذر جداً ولم أطاوع نفسي وكنت أتحرك فى الملعب بهدوء ومعدل جرى ضعيف جداً .
اهم ما واجهنى فى المحاولة كرشة النفس وهذه من جراء ما يقرب من عامين دون أى مجهود .
بعض أعراض للدوخة ولكنى أعتقد أنه ليس لأعراض العلاج دخل بها لأنها مثل ما كانت تأتينى عندما أغيب فترة عن الملاعب.
مستمر فى تناول 2 حبة و2 حبة صباحا ومساءاً من الريبافيرين وأفكر جيداً فى التوقف بعد نهاية الكمية الموجودة معى وهى شهر تقريباً.
ولكن لى تساؤل هل نتيجة البي سي آر بعد 6 أشهر من توقف الانترفيرون تعتبر حقيقية أم أن على الانتظار ستة أخرى بعد توقف الريبافيرين أيضاً الذى انا على ما تعلم مستمر فى تناوله وحيداص بعد توقف الحقن؟

Egyzizo
11-May-2009, 10:32 AM
سيبك من ده كله يا سى سيد .. المهم مين اللى كسب؟ :p


هو طبعاً المشكلة الأكبر هى عدم اللياقة ، يعنى أنا فاكر من سنتين كده اتهفيت فى عقلى وقلت ألعب كورة مع ولاد الجيران وكانت أول مرة ألمس كورة من تسع سنين ، هم خمس دقايق يا باشا ورقدت زى شوال البطاطس ..
للأسف احنا المصريين ماعندناش وعى بأهمية الرياضة واللياقة البدنية ..
بس ان شاء الله بكره هابطل الانترفيرون وأكون انسان جديد .. ومن أول يناير ، هاروح أشيل حديد.


وبالنسبة للريبافيرين ، فمالوش علاقة بموضوعنا، تاخده واللا توقفه مش قصتنا خالص ، وصفارة النهاية بالنسبة لك هتكون بعد ست شهور من آخر حقنة انترفيرون ..

sesayed
11-May-2009, 10:41 AM
لا أخوك لعيب قديم وياما غلبنا الجمهورية وغزل شبين بمعنى إنى من الحرس القديم ... الله دا الواحد بقى شاعر مش لعيب كورة.

غيرت حياتي لله
11-May-2009, 12:56 PM
الله يشفيك


ياااااارب اشفي جميع مرضى المسلمين

عمرو طمر
11-May-2009, 01:10 PM
سؤال لو تكرمتم هو 2log10 بتتحسب ازاى يعنى لو واحد عنده 400000 يبقى تتحسب ازاى 2*log400000?????
برده انا انزيماتى عاليه جدا يعنى وصلت gpt 201 ,ggt 95
وفيه حصوه ف المراره حوالى 0.9 مم ايه الوضع كده

د/ زيزو و د/ عبد القيوم كده استئصال المراره احسن صح؟

عمرو طمر
11-May-2009, 01:18 PM
اه واول ما الحصوه اشتغلت رفعت الانزيمات ل 1500 و1256

mkh61083
11-May-2009, 04:41 PM
بعد اذن طبعا الدكتور زيزو انا ها ارد على الاستاذ عمرو فى نقطة الحساب بتبقى ازاى

بتقسم نتيجة البى سى ار بتاعتك على 100 يبقى هى دى النتيجة المرجوة

يعنى ال 400,000 / 100 = 4,000

يبقى المفروض بعد 3 شهور من العلاج بالانترفيرون والريبافرين نتيجتك تبقى كده وان شاء الله تبقى زيرو

mbadr
11-May-2009, 10:38 PM
log 400000 = 5.602

ابوحازم المصرى
12-May-2009, 02:45 AM
عزائى عمرو طمر,بدر, ابوخليل ,سى السيد وحشتونا جدا وطبعا د/زيزو ودريم ود/ عبدالقيوم ود/عبدالغنى وربيع
وقمريا والاخت بنت الاسلام وجميع من نسيت ذكرهم من عائلتنا هنا فى هذا الملتقى .
تمنياتى لكم جميعا بالشفاء وتمنياتى للاخ بدر بالتوفيق فى التحاليل

Egyzizo
12-May-2009, 04:36 AM
تعـــالو نفتكر تانى طريقة حســـاب الـ 2 لوج .. دى مداخلة الشرح :



أبسط طريقة علشان تحسب الـ 2 لوج انك تفتح الآلة الحاسبة بتاعة الوندوز بتاعك (start --> programs --> accessories --> calculator) ، هيطلع شكل آلة حاسبة بسيطة ، افتح منها قائمة view واختار scientific هتتحول إلى آلة حاسبة مفصلة ، بس خلاص ..
اكتب العد الفيروسى بتاعك ومن المفاتيح اللى على الشمال اختار log هيطلع اللوج بتاعه وليكن مثلاً 4.6

الهدف بعد 3 شهور هو ان اللوج ده ينزل رقمين يعنى يكون مساوى أو أقل من 2.6
فعلشان تحسب العد الفيروسى اللى اللوج بتاعه 2.6 ، ضع أولاً علامة أمام كلمة Inv اللى موجودة على شمال الآلة الحاسبة إلى الأعلى ، وبعد كده اكتب اللوج الهدف اللى هو 2.6 فى المثال بتاعنا واضغط مفتاح log اللى فى قائمة المفاتيح اللى على الشمال ، هيطلع لك العد الفيروسى اللى المفروض المعمل يطلعه.

لوج 400.000 = 5.602
اللوج الهدف = 5.602 - 2 = 3.602
نكتب 3.602 فى الآلة الحاسبة ، نضغط مربع inv، ثم نضغط (لوج).
تكون 3.602 هى لوج 4000


دى كانت الطريقة السهلة :D

فى طريقة أصعب ولافة شوية معلش، وهى انك تقسم الرقم بتاعك على 100 زى ما أبو خليل قال لك
يبقى 400.000 / 100 = 4000 :eek:

Egyzizo
12-May-2009, 04:45 AM
عزائى عمرو طمر,بدر, ابوخليل ,سى السيد وحشتونا جدا وطبعا د/زيزو ودريم ود/ عبدالقيوم ود/عبدالغنى وربيع
وقمريا والاخت بنت الاسلام وجميع من نسيت ذكرهم من عائلتنا هنا فى هذا الملتقى .
تمنياتى لكم جميعا بالشفاء وتمنياتى للاخ بدر بالتوفيق فى التحاليل


منـــور يا أبو حازم ..
هه ؟؟ فاضل لك أد ايه على البى سى آر الجديد؟

mbadr
12-May-2009, 08:05 AM
بارك الله فيك ياأبا حازم وأتم الله شفاء الجميع على الوجه الأكمل
دكتور زيزو......هل فيه علاقه بين الانترفيرون وخفه الظل
مجموعه لاتعوض من الاخوه الافاضل ..... اللهم حقق رجاؤنا بالشفاء
يـــــــــــاكريم

sesayed
12-May-2009, 09:37 AM
نورت أبو حازم وشفاء ليس بعده سقم بعون الله تعالى للجميع.

عمرو طمر
12-May-2009, 10:20 AM
الاخ ابو حازم اهلا وسهلا بيك , شكرا د \زيزو والاخ بدر على حساب اللوج

mkh61083
12-May-2009, 11:38 PM
عزائى عمرو طمر,بدر, ابوخليل ,سى السيد وحشتونا جدا وطبعا د/زيزو ودريم ود/ عبدالقيوم ود/عبدالغنى وربيع
وقمريا والاخت بنت الاسلام وجميع من نسيت ذكرهم من عائلتنا هنا فى هذا الملتقى .
تمنياتى لكم جميعا بالشفاء وتمنياتى للاخ بدر بالتوفيق فى التحاليل


نورت التوبيك بطلتك البهية يا باش مهندس

واللهم اتم شفائك وشفائنا على خير ان شاء الله

mkh61083
12-May-2009, 11:46 PM
على فكرة يا جماعة انا انهارده الثلاثاء اخدت الحقنة التانية بعد 6 ساعات متصلة فى المستشفى والحمد لله انا اخدتها على الساعة 4 العصر وانا لغاية دلوقتى ما فيش اى اثار اللهم صداع خفيف جدا وكحة بسيطة واحنا دلوقتى الساعة11 مساء تقريبا

ربنا يكلل تعبنا بالنجاح والخير ان شاء الله

memo_p910
13-May-2009, 01:57 AM
السلام عليكم اخواني الافاضل
بدات اخيرا في استخدام الكريبتوناز 1200 مجم يوميا وبعد شهر ان شاء الله هاخش على كورس الانترفيرون ( النفق )

ربنا يسهلها ان شاء الله

Egyzizo
14-May-2009, 04:35 AM
تسلم لنا يا عم بدر .. يا نوارة المنتدى :) ..

شكلك كده اتحسدت يا أبو خليل .. 6 ساعات دى رقم قياسى حتى أنا لسه ما حققتوش :(

ميمـــو .. طبعاً انت عارف أول نصيحة ..
تنزل برجلك اليمين :p

ابوحازم المصرى
14-May-2009, 07:47 AM
عزيى د/ زيزو شكرا لك على اهتمامك وقوة تركيزك لانى فعلا قربت اعمل pcr جديد وطبعا هفكرك انى بدات فى تناول الكيفير منذ 5/3/2009 يعنى باقى لى عشرين يوم تقريبا واحلل وانا أجلت تحليل الانزيمات بالمرة مع الpcr
س فيه سؤال كنت منتظر دواء النيتا زوكسانيد الجديد وكنت عايز اتناوله لمدة شهر بجانب الكيفير وبعدها احلل عشان تبقى مرة واحدة ايه رايك؟
تحياتى لجميع الاخوة الذين تفضلوا بالرد على بذوقهم الرفيع وتمنياتى للجميع بالشفاء

ربيع
15-May-2009, 01:46 AM
بداية باشكر د زيزو على النشاط العالى ده اللى معودنا عليه
وباسلم عليه جامد أوى
وكمان باشكر اخى الفاضل المهندس ابو حازم المصرى على السؤال وربنا يكرمك ويتم لك الشفاء يا باشمهندس
طبعا انا متابع جامد قوى للصفحة دى بس مشباكتب مشاركات لانى لسه مدخلتش النفق
تقبلوا خالص تحياتى

Egyzizo
15-May-2009, 04:41 AM
بالتوفيق يا أبو حازم ، وأنا طبعاً باشجعك وأشجع أى مستخدم للكيفير انه يدخل معاه النيتازوكسانيد فهو دواء آمن ويعطى نتائج جيدة وخاصة فى هؤلاء ذوى العد الفيروسى المنخفض وأنت منهم.


منــور يا ربيع .. ونتمنى ان ربنا يديك الشفا وما تحتاجش تنزل النفق خالص .. أنا عارف انك صعيدى بس مايمنعش ان فيه صعايدة بيخافوا من الضلمة ومن الفيران ، وفيه حتت فى النفق ما بتخلاش :p

ISMA3EL
15-May-2009, 04:44 AM
السلام عليكم ورحمة الله وبركاته
ازيكوا يا جماعه عاملين ايه انا بقالي فتره مبدخلش هنا بسبب ان تحاليلي اللي فاتت بالنسبه لصورة الدم مكنتش ولابد
واضطريت اخد حقن الابريكس بعد وصول كرات الدم البيضاء لالف 1000
والهيموجلبين نزل بقى 8
وطبعا الصفائح نزلت بس لسه في معدلها الطبيعي وطبعا مش عايز اقولكم المناعه بقت في الارض
وفمي مش عارف اتكلم ولا اشرب حتى مياه من كتر الالتهابات اللي فيه و جربت نبات المر والطحينه ودكتارين ولبن الشاه وبرضه مفيش فايده والدكتور قالي لما كرات الدم تترفع فمك هيخف ان شاء الله لوحده
وطبعا نصف حقنه ونص جرعة البرشام بقيت جرعتي 600مجم يوميا لمدة اسبوع فقط ده قرار الدكتور
ولكن الحمدلله على كل شئ وانا ابتديت اخد الحقن وربنا يسهل ونضحك عشان صورة الدم تطلع حلوه هههههههه:)

والاخباار الكويسه انه الحمد لله ال PCR بقى نيجاتيف zero
بعد ما كان مليون و200 الف شهر 12 اللي فات
وده بعد 12 حقنه من الانتيرفيرون
ووظائف الكبد وصلت لمعدلاتها الطبيعيه بفضل الله الحمد لله رب العرش العظيم
بس انا ياجماعه مش بتناول طحالب او كريبتوناز او اي شئ اخر
انا ماشي رسمي اما نشوف اخرتها ايه معاهم
وانا مش بقول كده عشان اقلل من الطحالب او الكريبتوناز بس انا بقول انا ماشي ازاي
وسلامي للدكتور زيزو ودكتور عبد القيوم وكل الزملاء اللي معانا في معركة البحث عن الزيرو

Egyzizo
15-May-2009, 05:10 AM
ألف سلامــة عليك يا متر .. وربنا يقدرك وتقدر تكمل الكورس ..
حقن الإبركس (الإبوتين) دى عشان الهيموجلوبين فقط ، وان شاء الله يرفع معاك فى خلال أسبوعين
بس فيه حقن تانية لكرات الدم البيضاء ، الدكتور ماقالكش عليها؟
وطبعاً المرة دى لا مفر من تقليل الجرعـــة .. يعنى المرة دى تستاهل ..

وألف ألف مبروك يا سيدى على الزيرو ، وطبعاً دى حاجة كويسة جداً وبتخللى موقفك أحسن لما بتضطر لتقليل الجرعة عن اللى لسه عنده فيروس وبيحتاج لتقليل الجرعة.

وبالنسبة للطحالب (الكيفير) فبلاش تستخدمه عشان الفيروس ، يا سيدى استخدمه علشان القرح اللى عندك ..

على أى حال المداخلة القادمة هدية ليك وأرجو انها تساعدك فى التغلب على مشكلات الفم وخصوصاً ان أغلبها وسائل طبيعية ..

Egyzizo
15-May-2009, 05:14 AM
قــرح الفـــــم



أثناء العلاج بالانترفيرون يشكو بعض المرضى من التهابات الفم والتى قد تشمل الاحمرار والتقرحات فى اللثة والغشاء الداخلى للخد واللسان والحلق وأحياناً اللوز. وينبغى التفريق بين تقرحات الانترفيرون والتى تحدث داخل الفم (فى الأغشية المخاطية) وهى ليست معدية ، وتلك التى قد تحدث حول الفم من الخارج والتى تسببها العدوى بفيروسات معينة وهى معدية.

والسبب الشائع لحدوث قرح الفم فيمن يتعاطون الانترفيرون هو جفاف الفم والحلق والذى يعانون منه كثيراً بما يسبب تشققات فى الأغشية المخاطية تمهد لحدوث هذه التقرحات.


وقد تبدو هذه الشكوى هينة للقارئ ، ولكن لا يشعر بها إلا من يعانيها ، فهى مزعجة جداً ومؤلمة جداً لدرجة أنها قد تسبب فقدان الاهتمام بالطعام وبالتابع فقدان الوزن وتؤثر أيضاً على نوعية الحياة والحالة النفسية.


وهناك بعض النصائح التى يستطيع المريض اتباعها للوقاية من قرح الفم وللتسريع من التئامها ان حدثت:


الحفاظ على نظافة الفم ، ومراعاة معجون الأسنان يومياً مع استخدام فرشاة ناعمة. وكذلك نوع المعجون يجب مراعاته فيفضل تجنب المعاجين المبيضة فهى تسبب التهابات اللثة.
شرب كثيراً من الماء لتفادى الجفاف الذى يمهد لحوث التقرحات
تفادى المشروبات والمأكولات الساخنة ، بينما استخدام العصائر الباردة والثلج يساهم فى التلطيف من الأعراض
الحفاظ على التغذية المتوازنة وتناول الفيتامينات وخاصة فيتامين ب 12 والفوليك آسيد
تفادى الاطعة الجافة ، المملحة ، الحريفة ، الحمضية، والمقرمشة.
الاقلال من الضغوط النفسية والجسدية ، وأخذ قسط كافى من النوم.
يمكن ملاحظة الطعام الذى تتناوله لمعرفة اذا كان هناك نوع معين يسبب تفاقم المشكلة ومن ثم يمكن تفاديه.
تناول أغذية البروبيوتيك المحتوية على بكتريا اللاكتوباسيلاس (مثل الزبادى والكيفير) يساعد كثيراً فى شفاء قرح الفم حيث يتم الحفاظ عليها فى الفم لبعض الوقت قبل ابتلاعها والكيفير له الأفضلية فى هذا المجال عن الزبادى. وتساعد هذه الأغذية فى التغلب على العدوى المعرض له من يستخدمون الانترفيرون نتيجة نقص كرات الدم البيضاء حيث أن البكتريا التى يحتويها الكيفير تكافح البكتريا الضارة الموجودة فى الفم بالإضافة إلى أنه يساعد فى رفع مناعة الجسم بصفة عامة.
الشاى ، وأعنى الشاى الأسود يحتوى على التانين ذات الأثر القابض والملطف للقرح ، كما يمكن استخدام كيس شاى سبق استخدامه (الشاى الفتلة) كضمادة توضع على القرح لتعطى بعض الراحة.
شاى الكاموميل (البابنونج) وهو متوفر كأكياس فى الصيدليات (شركة إيزيس) أو عند العطار ، ويتم اعداده وشربه دافئاً قليلا على مدار اليوم ، وقد أعطى نتائج ممتازة مع من جربوه لعلاج قرح الفم وأيضاً الوقاية منها عند المداومة على استخدامه.
استخدام أدوية الشرب الشائعة المضادة للحموضة ، ولكن ليس للشرب هذه المرة وإنما للمضمضة بها من 4 إلى 6 مرات فى اليوم (مثل الإيبيكوجيل ، الميوكوجيل، الألكوماج .. إلخ)، كما يمكن المضمضة باستخدام بيكربونات الصوديوم المستخدمة فى الخبيز.
هناك ادوية يمكن استخدامها للتخفيف من الألم مثل تلك المحتوية على البنزوكايين، الليدوكاين، الكامفور أو الفينول، مثال لذلك معجون الأورابيز Orabase.
هناك أيضاً أدوية تشكل طبقة عازلة على القرح بما يقلل من التهابها ويسرع من التئامها ومثال لذلك الأدوية المحتوية على (سكرالفات sucralfate ) وأيضاً الأورابيز Orabase يقوم بهذه المهمة.
لهؤلاء المقبلين على الانترفيرون ، يفضل زيارة طبيب الأسنان والانتهاء من أى أعمال حشو أو خلافه فى الأسنان قبل البدء فى العلاج ، وإلا يفضل الانتظار حتى 3 أشهر بعد انتهاء العلاج.
دمتــــم ســــــــالمين :)

ISMA3EL
15-May-2009, 05:38 AM
تسلم ايديك ودماغك وكيبوردك لينا يارب يا دكتور والله القرح دي عامله زي السجن اللي بتتعذب فيه لا اكل ولا شرب
والم مايبنتهيش حتى الواحد مش عارف يتكلم اويضحك او يشرب بق ميه
وجاري التجربه وربنا يشفي الجميع

ابوحازم المصرى
15-May-2009, 12:36 PM
ا/اسماعيل الف مبروك على الزيرو ويارب يدوم ويتمم شفاك على خير
ا/ربيع مشكور ذوقك الرفيع فى التعبير عن الكلمات واتم الله شفاك
د/زيزو مننحرمش ابدا من ارشاداتك النيرة بس كنت بسال انا بعد عشرين يوم هكمل ال3 شهور كيفيير فياترى احلل ولا لما ييجى النيتازوكسانيد اخده لمدة شهر مع الكيفيير وبعدين احلل انت رايك ايه تمنياتى لك بالشفاء وللجميع .

sesayed
15-May-2009, 01:36 PM
أخينا إسماعيل أتم الله شفاءك وشفاء كل مرضى المسلمين ويارب دايماً زيرو لك ولكل متابع للصفحة ولكل منتظر اللهم آمين

ISMA3EL
15-May-2009, 04:59 PM
مشكورين اخواني sesayed ومهندسنا الكبير ابوحازم المصرى على روحكم الطيبه وان شاء الله نهنيكم في افراحكم وربنا يتمم للجميع الشفاء في اقرب فرصه ممكنه ويهون علينا مشوار البحث عن الزيرو
مشوار الزيرو يبدأ بحقنه

ربيع
15-May-2009, 06:47 PM
الف مليوووووووووووووووووون مبروك على الزيرو يا أ/ اسماعيل وربنا يديك الصحة ويتمم لك الشفاء يا رب

د / زيزو اه بينى وبينك انا باخاف اعدى من قدام باب النفق اصلا

mbadr
15-May-2009, 07:33 PM
الف مبروك ياأبو السبـــــــــــــــــاع
ربنا يتمم شفاؤك على خير ويزيح عنك مابك
استخدم الكيفر وحتدعى للدكتور زيزو

Dreem44
16-May-2009, 10:35 AM
أخى أسماعيل
الف الف مبروك الزيروووعقبالنا يارب
وتحياتى للدكتور زيزو على مجهوداته مع الجميع
تمنياتى بالشفاء العاجل

والفرج قادم ان شاء الله

mbadr
16-May-2009, 11:53 AM
منور قوى يادريم
أهو دا الكلام....... هيه دى الروح الحلوه
بارك الله فيك وشفاك وعافاك

ISMA3EL
16-May-2009, 05:20 PM
شفانا الله وعفانا جميعا وجميع مرضى المسلمين
ومشكورين على الروح الطيبه والموده وتشجيعكم لبعض وليا واشكر استاذ ربيع واستاذ دريم واستاذ بدر
وشدوا حيلكوا النفق مظلم اه بس ان شاء الله اخره نور نستحمل شوية الظلام ده وفي نهايته
ان شاء الله نور ساطع وشفاء كامل للجميع
وان شاء الله نخلص على الفيروس اللعين ده ويمشي من عند كل الناس بأذن الرحمن
واهي ايام وبتعدي ما احنا ياما ضيعنا وقت
وان شاء الله الخير والشفاء لجميع الزملاء

Egyzizo
18-May-2009, 03:40 AM
This week: 16 down, 32 (or 8?) to go

sesayed
18-May-2009, 10:07 AM
يا عم خلليهم 32 وهات م الآخر

ام محمددد علي
18-May-2009, 03:55 PM
السلام عليكم
انا زوجي مريض مصاب بالفيروس سي وان شاء الله حيبدا العلاج بعد شهر تقريبا حنا مصريين وعايشين في الامارات
عايزة من الدكتور زيزو و الدكتور عبدالقيوم لو سمحو يبعتو لنا رقم لفونهم عشان زوجي يكلمكم لانه كتييييييير خايف من الحقنة و عاوز يكلم حد يكون هو كمان مريض و يشجعه
ربنا يشفيكم ويشفي زوجي يا رب وعاوزة اسال عن حكاية الطحالب و الكفيير كيف استعملهم له وايه الداو الي ممكن ياخدو في الشهر ده قبل يبدا العلاج ولكم جزيل الشكر

ISMA3EL
18-May-2009, 05:58 PM
دكتور زيزو منور يا نجم انا عندي سؤال فني كده
ايه الفرق بين pcr qualitative
pcr quantitative
هما الاتنين عندي نيجاتيف بس كنت عايز افهم ايه الفرق بينهم
وبعدين امتى الواجد يطمئن ويقدر يبطل الحقن دي
مشكور مقدما وشد حيلك والدوري ان شاء الله للاهلي

neno1043
18-May-2009, 07:58 PM
بسم الله الرحمن الرحيم
عزيزى د/زيزو
الحمد لله سحبت عينه البى سى ار النهاردة ودعواتك لى ان النتيجه تطلع معقوله بعد 15 يوم
كده بقالى 6 شهور كيفر +3 شهور انترفيرون
عزيزىد/زيزو لى سؤال لو سمحت
بعد الحقنه ال12 حسيت بورم خفيف بالقصبه الهوائيه
ياترى دى من التهابات الحلق ولا دى الغده الدرقيه
على كل حال انا حاعمل تحليل الغده الاسبوع القادم لكن السؤال هو انا ممكن اخذ الحقنه القادمه قبل ظهور التحليل ولا حيحصل مشكله الغيها احسن؟

بالمناسبه انا جربت طريقه للحفاظ على عدد الكرات البيضاء وهى جلسات تشميس(كل يوم ساعتين قبل الظهر)
بعد 3 اسابيع ارتفع العد الابيض من1600 الى2900 بعد ماكنت خلاص حاخذ النيبوجين
فلو فيه حد من الاخوه الاعزاء العد الابيض عنده فى النازل ممكن يجرب الطريقه دى

ربيع
18-May-2009, 08:30 PM
السلام عليكم جميعا
د. زيزو معلش السؤال ده فى الكيفر
انا تناولت فطر اللبن بتاعنا لمدة 5 شهور ولما نزلت مصر انت عارف الصعيد مفيهوش الحاجات دى فبقالى كدا حوالى 25 يوم مش باشرب كيفر ايه رأيك ؟؟؟ انا غلط جامد كدا وبوظت اللى عملته فى ال 5 شهور ولا ايه ؟

ام محمددد علي
18-May-2009, 08:58 PM
الله يخليكم قولو لي عن دو او اعشاب ياخد زوجي مع الانترفيرون احنا في الامارات ومش عارفين شئ بس الي نعرفه هو الانترفيرون و البيفارين ولسة ما خدهمش زوجي حياخدهم بعد شهر ان شاء الله

ربيع
19-May-2009, 01:16 AM
الله يخليكم قولو لي عن دو او اعشاب ياخد زوجي مع الانترفيرون احنا في الامارات ومش عارفين شئ بس الي نعرفه هو الانترفيرون و البيفارين ولسة ما خدهمش زوجي حياخدهم بعد شهر ان شاء الله

حاااااااااااااااااااضر هيرد عليكى الدكتور زيزو والدكتور عبد القيوم دلوقتى الف سلامة على ابو محمد يا ام محمد ومتقلقيش وربنا يشفى ابو محمد بس لو تكتبى حالة ابو محمد بالظبط يبقى كويس يعنى تقوليى البى سى ار عنده كام والانزيمات وسنه علشان الدكتور زيزو والدكتور عبد القيوم يدوكى المفيد يقولولك على المفيد

ومعلش انا رديت بس علشان اطمن حضرتك لانى شفت حضرتك سألتى السؤال ده فى اكتر من صفحة ولسه محدش جاوبك
هيجاوبك حالا اهه الدكتور زيزو :):

عمرو طمر
19-May-2009, 08:57 AM
السلام عليكم ورحمة الله وبركاته يا ام محمدددعلى مكانكم فين فى الامارات. اى اماره؟ وايه المطلوب بالظبط؟

mbadr
19-May-2009, 09:12 AM
الاخ د. زيزو
اللهم قوى عزيمتك وفات الكثير وباذن الله الباقى يعدى على خير
لم نتعود منك الانقطاع عن الصفحه اكثر من 24 ساعه
الصفحه بدونك ليس لها طعم
حتلاقى خبر يبسطكهنا (http://www.4ph.net/vb/t17625-16.html)

د. عبد القيوم
19-May-2009, 10:11 AM
د. زيزو إظهر و بان عليك الأمان المعجبين حيكسروا المنتدي من الهتافات :)

الأخوة الأفاضل يبدو أن د. زيزو دخل الدهليز يجيب شوية انترفيرون و جاي علي طول ...ماتقلقوش


الأخت أم محمد تم الرد علي سؤالك في هذه الصفحة http://www.4ph.net/vb/t17625-16.html#post117773
و يستطيع الأخ الكريم ان يتواصل معي أو مع د. زيزو علي الإميل في أي وقت

الأخ ربيع تم أيضا الاجابة علي سؤالك في نفس الصفحة

مينو2009
19-May-2009, 01:20 PM
السلام عليكم و رحمة الله
الاخوة الافاضل رواد المنتدى الكريم
حقيقى انا استفدت كتير من كل مشاركاتكم فى هذا الموضوع قبل أن اخوض هذه التجربة
و خصوصا" الدكاترة الكرام د. زيزو و د .عبد القيوم
بداية التجربة (أول حقنة) كانت يوم عيد العمال ( عشان افتكر)
التحاليل قبلها كانت كالاتى:
pcr: 3316829 IU/ML تلاتة مليون
هيموجلوبين 16.1
كرات بيضاء 6.3
صفائح 247
ALT 61/44
AST 46/34
BILI DIR. .49/1.2
CREATI .95/1.5
المهم بعد الحقنة الاولى حسيت بالأعراض إياها (تكسير و ارهاق ......)
و النتايج بعد الحقنة الاولى و التانية كانت
الهيموجلوبين بقى 15.1 و بعد التانية 13.9
الكرات البيضاء بعد الاولى 4.8 مع نقص النيتروفيل الى 1.63 ولكن بعد الحقنة التانية ارتفعت الى 6 و النيتروفيل 3.24 ودى غريبة شوية
الصفائح بعد الاولى 181 و بعد التانية ارتفعت الى 201
ال AST 51\44 بعد الاولى و 36\44 بعدالتانية
ALT 35\34 بعد الاولى و 31\34 بعد الثانية
الكرياتينين 1\1.3 بعد الاولى و 1.2\1.3 بعد الثانية
الصفرا 1.03\1.2 بعد الاولى و نزلت بعد الثانية ل .9\1.2
أفيدونى افادكم الله النتايج دى طبيعية ولا لأ
خصوصا" ان الاعراض اياها اختفت تماما" بعد الحقنة التالتة ( منذ يومين)
على فكرة أنا باخد بيجاسيس 180 و ريبافيرين 1200 و انفكس مرتين يوميا"

و جزاكم الله خير"

Egyzizo
19-May-2009, 02:22 PM
معلش يا جماعة ، اعذرونى عشان ليا يومين الضغط عندى عالى 170/110 وجسمى مهزوز وصداع دائم ومش مظبوط ومش رايق اكتب فى المنتدى ، فادونى فرصة بس أروق وراجع قريباً ان شاء الله ..

sesayed
19-May-2009, 07:10 PM
شفاك الله وعافاك يا دكتور زيزو .. إن شاء الله خير وتعود سالماً لأن هناك الكثير ممن يحتاجوك وأنا متأكد أنهم جميعاً يدعون لك بموفور الصحة والسعادة.

sesayed
19-May-2009, 07:13 PM
أفيدونى افادكم الله النتايج دى طبيعية ولا لأ
خصوصا" ان الاعراض اياها اختفت تماما" بعد الحقنة التالتة ( منذ يومين)
على فكرة أنا باخد بيجاسيس 180 و ريبافيرين 1200 و انفكس مرتين يوميا"

أخى الفاضل هذه الأعراض طبيعية جداً ولا خوف من أى منها إن شاء الله وقد مررت شخصياً بها جميعاً مع أن الأعراض تختلف من فرد لآخر.
أخوك ليس طبيب ولكنى من خلال خبرتى فى التعامل مع مراحل المرض المختلفة أجيبك.
هذه فقط لأطمئنك أن كل ما ذكرته طبيعى بل تعتبر نتائج ممتازة إلى أن يعود الأخ الفاضل زيزو شفاه الله وعاد سريعاً لنا.

ISMA3EL
19-May-2009, 09:39 PM
الف سلامه عليك يا دكتور زيزو وان شاء الله تكون بخير مستنينك ترجع بالسلامه

ابوحازم المصرى
20-May-2009, 12:49 AM
الف سلامه يادكتور زيزو وهتعدى باذن الله ياملك الزيرو لانك وحشتنا كلنا

mbadr
20-May-2009, 07:12 AM
قلبى معك وأعانك الله على تخطى هذه الفتره
ولاضرر ان تطمأن محبيك ومريديك
وانت السبب ...ليه خليتنا نحبك

مينو2009
20-May-2009, 11:50 AM
شفاك الله و عافاك يا دكتور زيزو ترجع لنا بألف سلامة
و جزاكم الله خيرا" يا sesayed على الكلام الحلو
هى الحكاية ان الاعراض كلها اختفت مرة واحدة
يمكن اكون اخدت الحقنة فى مكان غلط
او الحقنة دى مش مظبوطة ولا ايه
ما علينا .
المهم اننا كلنا ندعى لبعضنا بظهر الغيب
علشان ربنا سبحانه و تعالى يكرمنا جميعا" و ننجح و نجيب زيرو

sesayed
20-May-2009, 01:53 PM
هذه نتيجة تحليل كانت بعد الـحقنة العاشرة لأحد الأخوة
ماذا تعنى ؟
وما معنى <120 ؟
وما معنى الكومينتس الأخيرة ؟
هل معناها أنه لازال هناك فيروس أم أنها سلبية ؟
http://www.4ph.net/vb/attachments/1051d1242813561-scan0001.jpg

sesayed
20-May-2009, 01:56 PM
شفاك الله و عافاك يا دكتور زيزو ترجع لنا بألف سلامة
و جزاكم الله خيرا" يا sesayed على الكلام الحلو
هى الحكاية ان الاعراض كلها اختفت مرة واحدة
يمكن اكون اخدت الحقنة فى مكان غلط
او الحقنة دى مش مظبوطة ولا ايه


سيبها لله واحمد ربك أنك لم تتعرض لأعراض فليس معنى أنك لم تشعر بالأعراض أنك أخذت الحقنة بطريقة خاطئة.

aliallam
20-May-2009, 02:48 PM
الف سلامه يادكتور زيزو
انشاء اللة ربنا يشفيك

mkh61083
20-May-2009, 03:28 PM
السلام عليكم ورحمة الله وبركاته

وحشتونى قوى يا جماعة انا ما كنتش عارف ادخل ع المنتدى الفترة اللى فاتت مش عارف العيب منين بس المهم الحمد لله المنتدى اتظبط معايا تانى

بسلم طبعا على الدكتور زيزو فى الاول وبقوله الف سلامة يا حبيبنا وان شاء الله ترجع لنا بالف سلامة ويشفيك وبقولك اصبر فان الله مع الصابرين

وبرحب بالعضو - زميل النفق - الاخ مينو 2009 ويارب يكمل شفاك على خير

وبطمن الاخت ام محمد ان شاء الله د. زيزو ها يرد عليكى بس انتى شايفه . ان شاء الله ربنا يعجل بشفائه ويرجع لنا وطمنى ابو محمد انو مش اول واحد يدخل النفق بتاعنا لا دول كتير جدا والحمد لله النتائج مبشرة وفى الاول والاخر ده كله من عند الله فيجب ان يكون راضيا بابتلاء الله . احنا مش لازم نشكره بس عند الفرح لا بالعكس المفروض نحمده ونفتكره اكتر عند الابتلاء

ولازم اهنئ وابارك للاستاذ اسماعيل واقوله يارب دايما زيرو على طول وعقبالنا يارب

mkh61083
20-May-2009, 03:43 PM
انا الحمد لله اخدت الحقنة التالته وربنا كرمنى واخدت الرابعة معايا يعنى مش ها اروح الثلاثاء القادم ان شاء الله ودى كانت نتيجة تحاليى بعد الحقنة التانية مقارنة بتحاليل بعد الحقنة الاولى الحمد لله فى تحسن كبير وبالمناسبة الاعراض الحمد لله اختفت تماما من عندى :

AST : 118>>>>46
ALT : 132>>>>96
TOTAL BILIRUBIN : 0.79>>>>0.70
WBC : 4.9>>>>5.4
HUMOGLOBIN : 15.7>>>>14.9
PLATELETS : 92000>>>>106000


وعلى فكرة يا دكتور زيزو انا فى دكتور حبيبى نصحنى عشان ازود الصفايح انى اخد DANOL 200mg Capsules وكمان معاه شريط FOLIC ACID 500mcg وطبعا اصحابى اتريقوا عليا لما عرفوا انى ها اخد الفوليك اسيدبس مش كانت عارف ليه لحد ما عرفت السبب

اللهم اتم شفائى وشفاءكم جميعا على خير

ابوحازم المصرى
21-May-2009, 03:30 AM
ايه الحكايه ياجماعة ايه ياستاذ دريم فين الناس فين د/عبدالقيوم ود/ زيزو وقمريا وفين الناس برجاء التوضيح
كمان فيه صفحات مبتتحركش منذ فترة انا مبقتش فاهم
اعذرنى اخى دريم لكن الموضوع محتاج توضيح اتمنى من الله العلى القدير ان يكون خيرا وانت تعود لمة العائلة من جديد .............شفانا الله وشفاكم وشفا الجميع

sesayed
21-May-2009, 02:15 PM
الموضوع فعلاً أصبح مقلق يا جماعة أرجوكم تطمنونا عليكم ولو بكلمة.

neno1043
22-May-2009, 12:30 AM
د/زيزو0000000000

د/زيزووووو

د/زييييييييييييييزززززووووووووووووو

انت فييين

mbadr
22-May-2009, 06:20 AM
ياحلو صبح .................... ياحلو طل
اذا كنا مزعلينك فى حاجه قول واحنا نصالحك
حقيقى السيساويه كلهم قلقانين جدا
طمنا يادكتور زيزو لوسمحت
ولا مانتش قادر تدخل زى الاستاذه قمريا

amh
22-May-2009, 06:21 PM
أوصي نفسي وأوصيكم بقول الله تعالى "رب إني مسني الضر وأنت أرحم الراحمين"
أدعو الله لي ولكم بالشفاء وتمام الصحة
وأسأل الله أن يكون الدكتور زيزو بخير وهو إن شاء الله بخير
وأسأل الله أن يجعله والدكتور عبد القيوم وكل شخص يساهم ولو بكلمة في موازين حسناتهم اللهم آمين
سؤالي لك يادكتور زيزو أو من لديه معلومات
أنا عندي الفيروس والأنزيمات قد تصل إلى خمسة أضعاف خصوصا alt, ast
وآخذ العلاج التحفظي منذ سنوات وأتابع مع طبيب ولكنه لم يعرض علي مسألة الإنترفيرون
ولقد قرأت "تجربتي مع الإنترفيرون" وتشجعت كثيرا أن أخوض التجربة
لأننا بالفعل كنا نحتاج إلى شخص مثلك ينقل لنا على الهواء مباشرة لحظة بلحظة مايحدث
وهذا ربما يساعد الكثيرين منا على خوض هذه التجربة وإتخاذ القرار
وسؤالي هو أنا مسافر وليس لدي تأمين في مصر ونازل إجازة إن شاء الله في شهر 6
وأعتقد ليس أمامي إلا أن آخذ هذه الحقن على حسابي
والسؤال هو هل يمكن شراء هذه الأدوية من وزارة الصحة وكم تكون سعرها
وإذا كانت الإجابة بلا فما هي الأماكن المضمونة التي يمكن الشراء منها وماهو حدود السعر
ناوي أبدأ في مصر وأكمل إن شاء الله عندما أرجع عملي
فما هي نصيحتكم لي جزاكم الله خيرا

ام محمددد علي
22-May-2009, 06:42 PM
التداوي بألبان وأبوال الإبل (http://www.55a.net/firas/arabic/?page=show_det&id=650&select_page=5)

شو رايكم في هدا الموضوع بالنسبة لعلاج الكبد ومين مجربه قبل

ابوحازم المصرى
23-May-2009, 02:15 AM
الاخ العضو الجديد/amh مرحبا بك بيننا وشفاك الله رايى ان تنتظر راى دكتورنا الحبيب زيزو لانه اكثر دراية منا بهذا الموضوع واحب ان ابشرك بوجودك معنا وانا مريض مثلك تماما فبرجاء ان تتواصل معنا لحين رد د/زيزو عليك
اما بخصوص حقن الانترفيرون فانا لم اجربها حتى الان رغم نصيحة الطبيب لى باخذها واود ان ابشرط بانها الان على نفقة الدوله او من التامين الصحى مجانا وليس شرطا ان يكون لك تامين وعموما ياريت تقولنا على نتيجة ال pcr وهو العدد الفيروسى الذى لديك وانتظر رد د/زيزو ود/عبدالقيوم لاننا لانستطيع ان نفيدك بصفتنا لسنا متخصصين بل نحن مرضى مثلك تماما ........شفاك الله وشفانا وشفى الجميع وشرفت بيتك .

ابوحازم المصرى
23-May-2009, 02:26 AM
السيدةالفاضله /ام محمد مرحبا بك عضوا جديدا بيننا وبعد اذن د/عبدالقيوم ود/ زيزو لبن الابل والبول للكبد ممتازين ولكن من راى الاطباء وليس رايى لانى لست متخصصا انه يقوى الكبد ولكن اذا كان هناك فيروس بالكبد وله عدد فالتداوى افضل بفطر اللبن او الكيفير او طحالب اللبن او حقن الانترفيرون وانامن متناولي الكيفير او طحالب اللبن المهم برجاء ارسال تقرير عن حالتك هنا فى المنتدى وسيقوم اطباء بالرد عليكى مثل د/زيزو ود/عبدالقيوم ود/عبدالغنى .

Egyzizo
23-May-2009, 10:04 AM
سامحونى كلكم ، بس أنا فعلاً تعبان تعب جامد .. أرجو دعواتكم ..

mbadr
23-May-2009, 10:27 AM
حبيب الكل د. زيزو
من اعماق قلبى ووجدانى
وبكل ايمانى اتوجه للعلى القدير طامعا فى كرمه الاكرم
ان يزيل عنك هذه الشده ويخفف عنك ويتمم لك الشفاء

ahmed123
23-May-2009, 12:53 PM
سامحونى كلكم ، بس أنا فعلاً تعبان تعب جامد .. أرجو دعواتكم ..



ألف ميون سلامة عليك يا جميل
ويا رب ترجعلنا تانى بكامل الصحة والعافية.
اللهم آمين...

mkh61083
23-May-2009, 04:15 PM
سامحونى كلكم ، بس أنا فعلاً تعبان تعب جامد .. أرجو دعواتكم ..

على فكرة انت كده قلقتنا اكتر والله

يا جماعة لو حد يعرف الدكتور زيزو ويعرف رقم تليفونه يطمئن عليه ويقولنا فى ايه

يارب يا مجيب السائلين يا شافى اكتب الشفاء لأخونا زيزو .... اللهم آمين

د. عبد القيوم
23-May-2009, 04:24 PM
الف سلامة عليك يا زيزو
قلوبنا كلنا معاك و ندعو لك بالشفاء العاجل

بس ما تطولش الغيبة علينا

و إذا كان علي الدهاليز و الدياجير العميقة .....إبعد عنها و ما تفكرش فيها خالص ........خليك معانا أحسن :)

neno1043
23-May-2009, 06:17 PM
اسال الله العظيم رب العرش العظيم ان يشفيك

amh
23-May-2009, 06:18 PM
اللهم ألطف بأخونا زيزو وألطف بنا جميعا يارب وانظر إلينا نظرة رحمة وشفقة فنحن واقفون ببابك خاضعون لأمرك آملون بكرمك آمين

Dreem44
23-May-2009, 09:50 PM
نسال الله العظيم رب العرش العظيم
أن يشفى اخونا زيزو وان ييسر له كل الامور
وان يكشف عنه ماهو فيه من كرب
امين امين امين
http://www.albetaqa.com/cards/data/media/60/marad0005.jpg

http://www.albetaqa.com/cards/templates/albetaqa/images/spacer.gif

en_hani
23-May-2009, 10:15 PM
مليون مليون سلامه عليك يادكوتر زيزو انا بجد معرفش انك تعبان انا بقالى فترة مش بدخل
اللهم اشفى الدكتور زيزو واشفينى واشفى سائر مرضى المنتدى والمسلمين اجمعين

ابوحازم المصرى
24-May-2009, 03:03 AM
د/زيزو قلوبنا جميعا معك ودعائنا لله العلى القدير ان يشفيك وان تجتاز تلك الازمه وباذن الله تعالى تعود لنا سالما لانك وحشتنا جدا وبعدين انت بطل وقوى بطبيعتك ان شاء الله هتقوم بالسلامه لاننا كلنا محتاجين اليك جدا وازمة وهتزول ان شاء الله يادكتورنا المحبوب وبصراحة المنتدى من غيرك مالوش طعم لانك وحشتنا كلنا جدا جدا.
اوعى تكون زملكاوى ولا اسماعلاوى لانك من ساعة الاهلى مفاز وانت مش موجود ولا ايه الحكاية يارب تكون الحكاية كدا ولو انى اهلاوى لكن لو زعلان هتصل بالاهلى يتغلب عشانك يادكتور زيزو
حبيبنا د/زيزو بجد وحشتنا وربنا يتم شفاك على خير ونزغرط تانى

Egyzizo
24-May-2009, 04:15 AM
أنا آسف على ازعاجكم وأشكركم شكراً جزيلاً على اهتمامكم ، و الحمد لله على كل حال
أنا ليا حوالى 6 أيام ، بأعانى من ارتفاع شديد فى ضغط الدم حصل فجأة ، وكان بيوصل إلى 160/120 مع آلام بالصدر والذراع الأيسر نتيجة ضغط الدم فى القلب ، وكنت طبعاً باترعب لما ده بيحصل ، أنا باتعالج من الضغط من زمان بس كان تحت السيطرة بصورة جيدة جداً ، لكن اللى حصل ده للأسف لم يستجب للعلاجات اللى أنا متعود عليها، ومازلت أحاول السيطرة عليه مع الأطباء المعالجين .. علشان كده سامحونى انى مهمل فى المنتدى لأنى مغموم وشايل هم الموضوع ده جداً ، لأن لما الضغط بيعلى قوى باحس انى خلاص مسافر ، ربنا لا يوريكوا .. أتمنى ان الأمور تكون تحت السيطرة فى أيام قليلة ، ونعود لسابق عهدنا ونشاطنا .. وياريت تستمروا فى نشاطكم واللى يقدر يساعد مايبخلش ويارب أقدر أكون معاكم قريباً.

ISMA3EL
24-May-2009, 04:30 AM
حمدا لله على سلامتك يا وحش والف مليون تريليون سلامه عليك اوعى تخلي موضوع الضغط ده يحبطك
انت نجم كبير وروحك المعنويه متنكسرش عشان موضوع بسيط زي ده خليها على الله وكله هيبقى تمام انت اقوى من الكلام ده كله بفضل الله ورعايته وان شاء الله تكون احسن من الاول بكتير ونشوفك بقى هنا كل يوم ومتحرمناش من مشاركاتك اللولبيه الحلزونيه اللي بتدوخنا بيها دايما
وبكره ان شاء الله الاهلي يكسب ويعملك اهداء خاص للدرع
ويا بكره تعالى بكره

ahmedfayz
24-May-2009, 05:09 AM
اتم الله شفاك على خير يا دكتور زيزو واعادك الينا سالما

عمرو طمر
24-May-2009, 08:02 AM
الف سلامة عليك يازيزو , متقلقش نفسك انا عندى نفس حالتك ضغطى عالى على طول مع وجع فى الصدر والكتف الايسر ونازل. على العموم تابع مع الدكاتره ومتهملش بس متشيلش همها . يا راجل سيبها على الله. بس برده الدورى للاهلى

mbadr
24-May-2009, 09:30 AM
السلامه كل السلامه لك ياحبيب الكل
الكل يدعوا لك بالشفاء والله لن يخيب رجائنا
وباذنه ستكون معنا قريبا وستملأ هذه الصفحه رجاءا وأملا
لكل محبيك*:):):)

sesayed
24-May-2009, 10:49 AM
أنا عارف إن "إن شاء الله" د/زيزو معانا وإن كان متأثراً بموضوع الضغط لأنه موضوع ليس بالهين ولكن بالإرادة إن شاء الله كل حاجة هترجع لطبيعتها لأنى من خلال مشاركات د/زيزو اعلم إن عنده من الروح والارادة ما يكفى لتجاوز أى محنة.
أكمل لكم مشوارى
كنت قد توقفت عن الانترفيرون بعد انتهاء الكورس العلاجى وآخر تحليل ولله الحمد كان سلبياً وطلب منى الدكتور الاستمرار على الريبافيرين فقط 4×200 يومياً .
أنا مستمر فى هذا من يوم 26-3-2009 أى شهرين الآن بالتمام والكمال.
الجديد فى الأمر أننى أقوم الآن بالعودة التدريجية للمارسة الرياضة المحببة لى وهى كرة القدم وقد قمت باللعب لثلاث جمع متتالية آخرها أول أمس.
التخوف كان من الهيموجلوبين وهو ما دعانى للراحة التامة طوال العام خوفاً من مضاعفاتها لأنها أحياناً كانت تصل معى أثناء العلاج إلى أقل من 10 ولكنى لم أخفف لا انترفيرون ولا ريبافيرين واستمريت عليها كاملة.
الحمد لله خف موضوع النهجان عند المشى أو طلوع سلم نوعاً ما.
المرعب فى الأمر أن الجسم بدأ يزيد وزنه بصورة مخيفة فخلال الشهرين زاد الوزن حوالى 5 كيلو وشكلى كده راجع للوزن الذى كنت عليه قبل العلاج وربما أعلى ولكنى أحاول ألحق نفسي.
"يا رب شفاء لا يترك سقم" لكل مسلم موحد يقول لا إله إلا أنت وأن محمداً عبدك ورسولك.
أتمنى إن الجميع يشركنا معه تجربته لنستمر حتى العودة السريعة لدكتور زيزو إن شاء الله.

ahmed123
24-May-2009, 02:30 PM
إيه يا عم زيزو..
إيه الحب دا كله من الناس كلها..
يا بختك يا عم... دا مش حسد... دا قررررررررررررر :) :) :)

ألف مليون سلامة عليك يا جميل، ومعافى إن شاء الله.
أسأل الله العظيم رب العرش العظيم أن يشفيك.

ام محمددد علي
24-May-2009, 05:25 PM
الف سلامة على الدكتور زيزو
وشكرا كتير للاخ عمرو على الطحالب الحمدلله وصلتنا المبارح و النهارده شرب زوجي الحليب وعملت اني منها وحطيتها تجمد
بالنسبة لحالة زوجي عمره 66 سنة و ماشاء الله صحته كويسة وبي سي ار عنده 179000 وعنده تليف في الكبد بنسبة f 1,5 بالنسبة لوضايف الكبد ممتازة كلها طبيعية
فارجوا من الدكاترة يوضحوا لي هل المفروض يبدا العلاج بالانترفيرون حاليا او يستنى شوية
لان الدكاترة في الامارات كل واحد بيقول كلام و المبارح شفنا في قناة المحور الدكتور بيقول مريض الكبد الي التليف عنده بسيط ا ياخدش انترفيرون لانها هي بتعب الكبد فارجو كم ان توضحو لي مادا نفعل العلاج ان شاء الله بناخده بعد شهر فهل ناخده او نستنى

د. عبد القيوم
24-May-2009, 05:45 PM
الأخت الفاضلة أم محمد
كما ذكرت لايوجد هناك قرار فاصل في حالة زوجك لكن كلها إجتهادات من الأطباء

و نظرا لأن عدد الفيروس قليل و لا يوجد أعراض للمرض و التليف في بدايته و وظائف الكبد جيدة مما لا يستحق عناء خوض معركة الانترفيرون بكل ما يعنيه من تعب و مضاعفات خاصة مع السن الكبير
فالرأي الذي أنصح به هو تأخير الانترفيرون حاليا و الإكتفاء بفطر اللبن مع السليمارين و الألينيا (الدواء الجديد) إن استطعتم الحصول عليه من أمريكا حاليا حيث أنه غير متوفر في الإمارات.

مع خالص الدعاء بالشفاء العاجل

المقترب
24-May-2009, 07:59 PM
السلام عليكم جميعا ورحمة الله وبركاته ولطائف صنعه بعباده المخلصين
يسعدنى ان اكون بينكم واننى احبكم فى الله
هذه الصفحه بالذات من اجمل واقوى صفحات المنتدى والتى اجبرتنى على التسجيل معكم
بارك الله فى كاتب الصفحه واتم شفاه وكل من دون فيها او قرئها وخاصة د.عبدالقيوم وبقيه الاطباء والاعضاء
وشفى الله الاخ زيزو وعافاه

ام محمددد علي
24-May-2009, 08:27 PM
الأخت الفاضلة أم محمد
كما ذكرت لايوجد هناك قرار فاصل في حالة زوجك لكن كلها إجتهادات من الأطباء

و نظرا لأن عدد الفيروس قليل و لا يوجد أعراض للمرض و التليف في بدايته و وظائف الكبد جيدة مما لا يستحق عناء خوض معركة الانترفيرون بكل ما يعنيه من تعب و مضاعفات خاصة مع السن الكبير
فالرأي الذي أنصح به هو تأخير الانترفيرون حاليا و الإكتفاء بفطر اللبن مع السليمارين و الألينيا (الدواء الجديد) إن استطعتم الحصول عليه من أمريكا حاليا حيث أنه غير متوفر في الإمارات.

مع خالص الدعاء بالشفاء العاجل

جزاك الله اخي الدكتور عبدالقيوم عل الرد
بالنسبة لعدد الفيروسات عملنا البي سي ار مرتين في معملين مختلفين الاول طلع 179000 و التاني طلع 13000000 وكان المدة بين الاول والتاني شهرين فهل ممكن في هده المدة البسيطة يرتفع عدد الفيروس كتيرا بهده الدرجة

احمد888
24-May-2009, 11:38 PM
الاخ العزيز الدكتور عبد العزيز الف مليون سلامة ليك0 ان شاء اللة يارب تقوم معافى فى القريب العاجل 0
اسائل اللة العظيم رب العرش الكريم ان يشفيك ويشفى جميع مرضى المسلمين0 الصفحة من غيرك مالهاش طعم
وبعدين كلنا محتاجينك رب يتم شفاك على خير
اخوك محمد صقر

amina23
25-May-2009, 02:14 AM
السلام عليكم و رحمة الله
الأخوة الكرام جميعا ... اكرمكم الله و عافاكم ....أنا عضوة في المنتدى من وقت قريب و هذة أول مشاركة لي... لكني أستفدت كتير من مشاركتكم جميعا . و من أسئلتكم حتى البسيطة و الموجزة...
أنا عندى 35 سنة ... أكتشفت الفيروس سى من شهرين فقط ... بالصدفة البحتة (الحمد للة على كل شىء) ... مع العلم أن جميع التحاليل جيدة الحمد للة.... ال pcr كان 22700 و انا حبيت أعيده لقيتة 84000 بس أنا فهمت أن تقريبا مفيش فرق ... و الدكتور بتاعى قالى في الأول أتعالج دلوقتي أحسن و أنا صحتي كويسة.....

و لما عملت القرار و عملت العينة طلعت 6/ 1 و 18/4.... الدكتور الي في المستشفى قالى أن مفيش داعي تاخدى الحقن علشان الأثار الجانبية .... أنا سئلتة أذا كان الفيروس ممكن يروح لواحده قال لأ ؟..... أنا الحقيقة مافهيمتش أستنى ليه بس لما لقيت مشكلة حصلت و معرفتش أخد الحقنة قلت يمكن ربنا مش رايد أخدها..

أنا لسه معرفش أعمل أية .... بس أنا بدأت أخد الكيفير (جزاكم اللة خيرا أنكم دلتوني علية) ... و أنا كمان بدأت أشرب لبن الأبل.

بس أنا عايزة النصيحة... هل أتعالج بالأنترفيرون و لا أستنى؟

و يا رب يشفى الناس جميعا.....

عمرو طمر
25-May-2009, 08:05 AM
الف سلامه عليكى يا استاذه امينه, ياريت توضحى انزيمات الكبد عامله ايه ؟ درجه نشاط الفيروس؟

د. عبد القيوم
25-May-2009, 10:04 AM
الأخت الفاضلة أم محمد

أعتقد أن نتيجة أحد التحليلين غير صحيحة و أشك أن يكون التحليل الثاني حيث أن من الصعب تصور أن عدد الفيروس يقفز في شهرين من 180 ألف إلي 13 مليون مع عدم وجود أعراض أو نسبة تليف كبيرة

علي أي حال نصيحتي أن يكون التحليل دائما في معمل كبير متخصص و أن يتكرر في نفس المعمل لأن لكل معمل أجهزة و طريقة عيارية مختلفة لهذا الاختبار

علي أي حال لن تختلف المحصلة النهائية للموضوع وهي أن تستمروا علي العلاج كما ذكرنا من قبل و مواصلة الطريق مع الفحوصات الدورية كل 3 أشهر لوظائف الكبد و البي سي أر مع اشعة الموجات الصوتية علي الكبد

و الشافي هو الله فادعوه يستجب لكم

د. عبد القيوم
25-May-2009, 10:14 AM
الأخت الفاضلة أمينة

أسأل الله تعالي لك و لكل الأخوة و الأخوات الشفاء العاجل

صحيح نسبة الاختلاف بين التحليلين لا تعني أي شيئ فهي دائما محصورة في نسبة عددية في حدود أقل من المتوسط و يبدو أن الإصابة مازالت في المرحلة المبكرة و الحمد لله علي هذا .

و مع هذه المعطيات و لعدم وجود مضاعفات أو أعراض لا أحبذ الاستعجال في البدء مع الانترفيرون حيث يفضل البدء مع كورس تحضيري مكون من الفطر و الألينيا مع السليمارين و التغذية الصحية لمريض الكبد (راجعي قسم التغذية لمرضي الكبد) لمدة 3-6 أشهر قبل التفكير في العلاج بالانترفيرون.

و كذلك أنصح بألبان الإبل و أبوالها إن أمكن , و الجرعة الموصي بها حسب معظم تجارب المرضي هي نصف كوب لبن مع نصف كوب بول 3 مرات يوميا

و أتوقع القضاء علي الفيروس بهذه العلاجات و أن لا تحتاجي بإذن الله تعالي للانترفيرون.

مع خالص الدعاء بالشفاء العاجل

hema_hn
25-May-2009, 12:55 PM
الف سلامة عليك دكتور زيزو وربنا يشفيك

ربيع
25-May-2009, 08:41 PM
السلام عليكم اهلا وسهلا وتحياتى للجميع
د زيزو الف الف سلامة عليك وترجع لبيتك بالف سلامة عاجلا غير اجل ان شاء الله

د عبد القيوم ازى حضرتك
انا بصراحة عملت تحليل بى سى ار من شهر تقريبا او من 25 وبعدين مرحتش جبت النتيحة غير النهاردة تشجعت ورحت جبتها الاول كنت قلقان لكن الحمد لله انا طبعا اخدت الطحالب لمدة 5 شهور وللاسف مكنتش محلل قبل ما اخد الطحالب غير انزيمات وكانت فى المعدل الطبيعى
المهم نتيجة البى سى ار هى
36400
ايه رأى حضرتك فى النتيجة دى وتعليق حضرتك
لك خالص شكرى وتقديرى

Mizonagy
25-May-2009, 11:58 PM
سلامي للجميع
احب ان ابشر الجميع بنتائجي والحمد لله
انا الان بعد الحقنة الرابعة وكانت النتائج جميلة
فبعد ان كنت 950000 أصبحت والحمد لله بعد الحقنة الرابعة نيجاتف والنزيمات طبيعية جدا
عقبال جميع يا رب بس لي كام سؤال
1- كورس العلاج بتاعى هل من المفروض يقل الى 6 شهور
2- هل فعلا نوع الفيرس الى عندي هو مش من النوع المصري ولكن من نوع تاني


وشكرا

ربيع
26-May-2009, 12:25 AM
ميزو ناجى الف مليوووووووون مبروووووووووووووك وربنا يتمملك شفائك على خير يا رب

amina23
26-May-2009, 12:45 AM
ربنا يكرمك يا د. عبد القيوم (http://www.4ph.net/vb/u24829.html) .. حضرتك ريحتنى كتير... أنا فعلا مرتاحه أكتر لأني أستنى .... و أنا حذاكر الى حضرتك قولته و لو غلبت حقول... و ربنل يكرم.


شكرا يا أستاذ عمرو ... أنا الأنزيمات كانت عليت عندي من سنتينA.S.T 46 و A.L.T 93 (و الدكتور معرفش ليه ما شكش فى فيروس سى خالص) ... أما دلوقتي الأنزيمات طبيعيه .


أنا النهاردة جبت تحليل PCR أخير و أنزيمات و صورة دم . ال PCR كان 72368 الأنزيمات A.S.T 19 و A.L.T 27 ..... بس لقيت الهيموجلوبين 12.3 فلازم بقى أخد بالى.

ابوحازم المصرى
26-May-2009, 01:37 AM
حمد الله على سلامتك د/زيزو بكلماتك البسيطة قد ازلت ستارا من القلق لدى الجميع ونحمد الله انك بخير وضغط ايه ياعم خلينا فى البلوة الكبيرة الفيروس
واللى خلاك قهرت الفيروس خايف من شوية ضغط مكلنا عندنا ضغط بس بتهيالى نزل بعد فوز الاهلى
عزيزى د/عبد القيوم ايوة كدا الروح رجعت للمنتدى بارائك بس لسه نصك التانى د/زيزو وتكمل الافراح
اعزائى الاعضاء الجدد الف مبروك على نتايجكم المبشرة ومبروك الزيرو ياميزو وعقبال شفاء الجميع
اللهم اشفنا واشفى كل مريض
نداء خاص للاستاذ المحترم الذى افتقدناه ا/يسر اين انت وحشتنا وطمنا عليك بس

dr_kaminomoto
26-May-2009, 03:22 AM
السلام عليكم ورحمه الله وبركاته اسمى ام محمد وبحب جدا اتابع اخباركم من فتره وقليل ما بشترك معاكم لكن والله جزاكم الله كل خير على هذا المنتدى الرائع انا بس حبيت اعرض عليكم بعد فشل اخى فى العلاج من فيروس سى والحمد لله انا متوفر عندى ابر النيوبوجين ولو فى اى حد محتاجها انا تحت امره ممكن يراسلنى ع الخاص وانشالله ربنا يقدم اللى فيه الخير وربنا يارب يشفى كل مرضى المسلمين اجمعين شكرا