المساعد الشخصي الرقمي

مشاهدة النسخة كاملة : تجربتى مع الإنترفيرون فى علاج فيروس سى



الصفحات : 1 2 3 [4] 5 6 7 8 9

نوراليقين
26-May-2009, 05:01 AM
نوراليقين من الجزائر الشقيقة
السلام عليكم ورحمة الله وبركاته انا سعيدة جدا بتعرف على كل الاعضاء
و المشرفين على نجاح هذا المنتدى الرائع
اتمنى للكل رحلة موفقة مع الانترفيرون الذي كان بالنسبة الينا رحلة مستحيل الخضوع اليها من شدة مخاوفنا من اعراض هذا المرض المتعب والمرعب في نفس الوقت لكن بفضل البطل الشجاع زيزوالذي علمنا ان نكسر كل هذه المخاوف ونتحدى هذا المرض بكل شجاعة وايمان ومادام القلب ينبض بالحياة الامل موجود دائما والله يشفي الجميع انشاء الله
اخي العزيز زيزو ربنا ان شاء الله حيشفيك لانو بيحبك والدليل على ذلك انو حبب الناس فيك والكل بيدعيلك والله انا شايفة انك اصبحت الاب الحنون الي مش ممكن نستغنى عنو ارجع يازيزو احنا فعلا افتقدناك
أعوذ بكلمات الله التامات من كل شيطان وهامة ومن كل عين لامة
اللهم رب الناس أذهب البأس
اشفِ أنت الشافي لا شفاء إلا شفاؤك ، شفاء لا يغادر سقما
أسأل الله العظيم رب العرش العظيم أن يشفيك - سبع مرات
قراءة المعوذتين والإخلاص ثلاثا والفاتحة سبعا
أعوذ بالله السميع العليم من الشيطان الرجيم من نفخه ونفثه وهمزه
بسم الله أرقي نفسي من كل شيء يؤذيني
من شر كل نفس أو عين حاسد
بسم الله أرقي نفسي الله يشفيني.

mbadr
26-May-2009, 12:23 PM
كل الكلام الحلو دا والضغط مش عايز ينزل وحشتنا يا دكتور زيزو
يارب ياقادر ياشافى تمم شفاء زيزو

dr_kaminomoto
27-May-2009, 02:36 AM
السلام عليكم ورحمه الله وبركاته الف سلامه ع حضرتك وانشالله ماتشوف شر بس لو ليك حد بالكويت ابعتلى رقم تليفونه وانا اوصله الابر لانى للاسف مقيمه بالكويت او ممكن ابعتهالك يوم 4-6 مع واحد قريبى نازل مصر مع العلم ان انتهاء صلاحيتها هيكون بشهر 9 القادم وربنا يشفيك ويشفى كل مريض يارب
السلام عليكم ورحمه الله وبركاته

Mombo
27-May-2009, 03:15 AM
السلام عليكم ورحمة الله وبركاته

نجم المنتدى الدكتور زيزو
الأخوة الأفاضل

حياكم الله جميعا
وأثابكم خير الجزاء على هذا الكم المهول من المعلومات القيمة والمفيدة
جعل الله الشفاء على ايديكم

واسأله سبحانه وتعالى ان يمن على كل مبتلى مسلم بتمام العافيه

ونصيحتى لك يا دكتور زيزو أن تصبر
فإن مع العسر يسرا
إن مع العسر يسرا

اخوك احمد فى اول مشاركاته بعد اتمام قراءة موضوعك بالكامل المكون من حوالى 76 صفحة

وان شاء الله تعود لينا سليم عما قريب وتثرينا بنتائج تجربتك
ولك منى كل الحب والتقدير

والسلام عليكم ورحمة الله وبركاته

mbadr
27-May-2009, 07:25 AM
اهلا اهلا يابو حميد نورت المنتدى وربنا يكتب لنا جميعا الشفاء
وواضح جدا انك اتعرفت كويس على المجموعه وبكده بقيت واحد مننا
اللهم استجب للدعاء
اللهم يسر عسره اخينا زيزو واتم شفاؤه على خير

Egyzizo
27-May-2009, 08:16 AM
ألف شكر على المشاعر الطيبة .. بجد ده كتير عليا ..
أنا الحمد لله أحسن ..
وان شاء الله نعود لسابق نشاطنا فى أقرب وقت ..

mbadr
27-May-2009, 08:35 AM
الحمد لله
زيزو بخـــــــــــير
الف سلامه وعودا حميدا لنفسك ولاسرتك ولينا جميعا

Mizonagy
27-May-2009, 09:02 AM
اقتباس:
المشاركة الأصلية كتبت بواسطة Mizonagy http://www.4ph.net/vb/orange/buttons/viewpost.gif (http://www.4ph.net/vb/showthread.php?p=118512#post118512)
سلامي للجميع
احب ان ابشر الجميع بنتائجي والحمد لله
انا الان بعد الحقنة الرابعة وكانت النتائج جميلة
فبعد ان كنت 950000 أصبحت والحمد لله بعد الحقنة الرابعة نيجاتف الانزيمات طبيعية جدا
عقبال جميع يا رب بس لي كام سؤال
1- كورس العلاج بتاعى هل من المفروض يقل الى 6 شهور
2- هل فعلا نوع الفيرس الى عندي هو مش من النوع المصري ولكن من نوع تاني
3-وما هي نسبة نجاح العلاج بالنسبة لى؟


وشكرا

mbadr
27-May-2009, 11:06 AM
الاخ ميزو
تسعميه وخمسين الف مبرووووووووووك على الزيرو
باذن الله د.زيزو حيرد على الأسئله قريبا

د. عبد القيوم
27-May-2009, 12:03 PM
زيزو العزيزو

حمد الله علي السلامة و ألف مليون سلامة

أنا سبق و حذرتك من المظاهرات اللي حتحصل عشان خاطر غيابك و أديك شايف المعجبين والجماهير حتكسر الحواجز و حنضطر نجيب الأمن المركزي علي كده ...لكن فداك .....و علقة تفوت و لا حد يموت :)

د. عبد القيوم
27-May-2009, 12:18 PM
الأخ ميزو مرحبا بك بين أخوانك

و ماشاء الله و ألف مبارك علي النتيجة الممتازة من أول رمية أصبت الهدف و الحمد لله

هل برنامج علاجك هو الانترفيرون و الريبافيرين فقط بدون الفطر ؟ و هل عانيت من أعراض للإنترفيرون حتي الآن؟

1. طبعا هذه هي الاستجابة المبكرة التي من الممكن أن تخفض الكورس إلي 6 شهور و ندعو الله تعالي أن تستمر علي هذا للنهاية

2. لمعرفة فصيلة الفيروس يجب عمل إختبار تحديد الفصيلة وقد تكون الاستجابة السريعة فعلا راجعة لنوع فصيلة أكثر استجابة أو راجعة للاصابة الحديثة نسبيا و عدم وجود تحورات مقاومة في الجسم . علي أي حال لا يؤثر نوع الفصيلة علي برنامج العلاج كثيرا لكن الاستجابة السريعة هي التي يمكن أن تختصر من وقت العلاج .
فلذلك عمليا لا قيمة لاختبار تحديد نوع الفصيلة إلا لمجرد العلم بالشيئ .

3. نسبة نجاح العلاج مرتفعة جدا إن شاء الله تعالي (اكثر من 80%) إن استمرت النتائج سلبية لآخر الكورس (6 شهور)
و نصيحتي هي المداومة علي استخدام الفطر مع الألينيا و السليمارين حتي تدعم الانترفيرون و تضمن النتيجة بإذن الله تعالي

مع خالص دعائي بالشفاء التام للجميع

Mombo
27-May-2009, 02:03 PM
السلام عليكم ورحمة الله وبركاته

اخى الكريم دكتور عبد القيوم
الأخ الفاضل دكتور زيزو
نجوم المنتدى وجميع الإخوة

انا فعلا سعيد جدا بإنضمامى ليكم وابقى واحد من المجموعة الجميلة دى وربنا يتمم لنا جميعا الشفا ويجعله من مكفرات الذنوب

جالتى تبدأ من حوالى 6 شهور حين اكتشفت اصابتى بفيروس سى عند اقدامى على السفر للسعودية
ولكن يبدو ان مفيش عمار فعلا بين ريالات السعودية وفيروس سى :)

المهم اكتشفت ان نسبة الفيروس حوالى 2,100,000
بس بالرغم من كده وبعد الصدمة المهولة الدكتور طمنى وقالى انه خامل وانى اقدر اسافر بفيزة زيارة لمدة سنة

بس من من شهرين تقريبا عملت تحليل عشان اتابع النسبة وجدتها حوالى 4,000,000 (4 مليون)
وبالتالى كنسلت كل حاجة فى حياتى وشغلى وهنزل مصر فى خلال ايام ان شاء الله عشان اشوف كورس العلاج او ما شابه


وبعد قرأتى للموضوع الجميل والسلسلة المميزة دى فى تجارب مع الأنترفيرون انا دلوقتى خايف جدن لأن ده اكيد هيخلينى اقعد فى البيت لمدة سنة بدون شغل على ما اخلص العلاج (ده ان جاب نتيجة عشان انا شايف ان النسبة دى محدش وصلها غيرى)

تنصحونى بإيييييييييييه ؟


وجزاكم الله خير الجزاء
أخوكم | أحمد

عمرو طمر
27-May-2009, 02:24 PM
اخوانى هو سعر pegasys 180 mcg كام فى مصر؟

dr_kaminomoto
27-May-2009, 04:14 PM
اقتباس:
المشاركة الأصلية كتبت بواسطة Mombo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=118691#post118691)

السلام عليكم ورحمة الله وبركاته



اخى الكريم دكتور عبد القيوم
الأخ الفاضل دكتور زيزو
نجوم المنتدى وجميع الإخوة


انا فعلا سعيد جدا بإنضمامى ليكم وابقى واحد من المجموعة الجميلة دى وربنا يتمم لنا جميعا الشفا ويجعله من مكفرات الذنوب


جالتى تبدأ من حوالى 6 شهور حين اكتشفت اصابتى بفيروس سى عند اقدامى على السفر للسعودية
ولكن يبدو ان مفيش عمار فعلا بين ريالات السعودية وفيروس سى :)


المهم اكتشفت ان نسبة الفيروس حوالى 2,100,000
بس بالرغم من كده وبعد الصدمة المهولة الدكتور طمنى وقالى انه خامل وانى اقدر اسافر بفيزة زيارة لمدة سنة


بس من من شهرين تقريبا عملت تحليل عشان اتابع النسبة وجدتها حوالى 4,000,000 (4 مليون)
وبالتالى كنسلت كل حاجة فى حياتى وشغلى وهنزل مصر فى خلال ايام ان شاء الله عشان اشوف كورس العلاج او ما شابه



وبعد قرأتى للموضوع الجميل والسلسلة المميزة دى فى تجارب مع الأنترفيرون انا دلوقتى خايف جدن لأن ده اكيد هيخلينى اقعد فى البيت لمدة سنة بدون شغل على ما اخلص العلاج (ده ان جاب نتيجة عشان انا شايف ان النسبة دى محدش وصلها غيرى)


تنصحونى بإيييييييييييه ؟



وجزاكم الله خير الجزاء
السلام عليكم ورحمه الله وبركاته الاخ العزير على فركه انت قالق نفسك جدا والموضوع بسيط وانا اعرف ناس كانت النسبه عندهم وصلت لاكتر من 15 مليون واستجابوا للعلاج وفى نفس الوقت فى ناس النتيجه عندهم مليون او اتنين مليون ولم يستجيبو للعلاج وانا على فكره مغتربه زيك وكان لى اخ يعانى من المرض لكن للاسف لم يستجيب للعلاج على الرغم ان النسبه عنده كانت قليله مش عاليه بس انصحك تعمل العينه الكبديه عشان تتاكد من نسبه التليف واحتمال الاصابه باى امراض سرطانيه ونصيحتى لك انك مدام مقيم بالسعوديه واكيد لك تامين اذهب الى جمعيه الهلال الاحمر او صندوق اعانه المرضى وارعرض عليهم حالتك وانشاء الله الاجراءات مش هتاخد كتير وهيكون العلاج اتصرفلك فى خلال اقل من شهر ومتقلقش خالص انشاء الله هتقدر تكمل عملك مع العلاج وربنا يارب يشفيك ويشفى اخى وكل مرضى المسلمين اجمعين

السلام عليكم

د. عبد القيوم
27-May-2009, 05:17 PM
الأخ الفاضل مومبو

أسال الله تعالي أن يعجل لك بالشفاء و سائر الاخوة والاخوات

العدد عندك ليس مرتفع للغاية فأنا أعرف من وصل عنده العدد إلي مليار و ليس عنده أي أعراض , وفعلا لا علاقة بين عدد الفيروس و ظهور الأعراض لكن العبرة بحالة الكبد و مدي تأثره بالفيروس , وهذا يحتاج عادة لسنوات كثيرة حتي يظهر تأثير واضح مثل التليف أو الأورام بنسبة لا تتعدي 5% من المرضي الذين يقضي معظمهم حياته كلها بدون أي أعراض واضحة

أنصحك بالبدء فورا بفطر اللبن الكيفير و محاولة الحصول علي الألينيا أو بدائلها (راجع موضوع دواء النيتازوكسانيد الجديد) لمدة شهر علي الأقل قبل ما تبدأ كورس الإنترفيرون ولا تنسي المداومة مع السليمارين و إن أمكن السبيرولينا مع العسل و التغذية الصحية لمرض الكبد.

و حاول تعيش حياتك عادي و تذهب لعملك بصورة طبيعية جدا وبلا قلق لأن الموضوع بسيط و سهل علي من يسره الله له
و إن إستطعت أن تبقي في عملك في السعودية ولا تتركه كان بها و إلا فالرزق بيد الله تعالي يصرفه كيف يشاء

و لا تغفل عن الاكثار من الاستغفار و التضرع و الدعاء فهو العلاج الحقيقي

و إن شاء الله في وقت قريب سيصبح كل الموضوع مجرد ذكري تتحدث عنها مع أولادك و أحفادك

ابوحازم المصرى
27-May-2009, 05:22 PM
مرة اخرى حمد الله على السلامة يادكتور زيزو وفعلا الناس محتاجة ليك جدا لان فى مواضيع كتيرة وجديدة واعضاء جدد وكم تمنيت ان اكون طبيبا او لدى فكرة طبيه مثلك او مثل د/عبدالقيوم ولكنى اعتصر الما من عدم الرد على هؤلاء الاحباب الذين انضموا لملتقانا عموما هانت قوم بقى من السرير وخدلك كباية شاى محترمة وامسك الماوس والكى بورد وابدا يادكتور ورد على الناس اللى محتاجينك
واود ان اوجه الشكر العميق لدكتورنا الحبيب د/عبدالقيوم ومجهوده الخارق فى الابحاث وايه اخبار المؤتمر ياد/عبدالقيوم دا ميعاده المفروض بكرة
ا/دريم فييييييييييييييييييييييييييييييييييييييييييييييييي يييييييييييييييينك وحشتنا والله ايه الحكايه يااجماعة
ا/قمريا/فييييييييييييييييييييييييييييييييييييييييييييييييي ييييييييييييييييينك وحشتينا
اخى مومبو /خليك فى شغلك والعملية مش محتاجة للرجوع لمصر والتفرغ للعلاج فالنشاط فى العمل يزيد من مناعتك وحالتك النفسية وهى مهمة جدا فى مقاومة الفيروس وعلاج هنا هو علاج عندك
الاخ ربيع/ مبروك على نتيجتك الممتازة وربنا يكمل شفاك يابطل
الاخت /صاحبة التبرع للابر جزاك الله كل خير وربنا يتمم شفا اخيك ويشفى الجميع
الاخوة الاعزاء/ انا متفائل خيرا وباذن الله نحتفل جميعا يالزيرو وتوديع ذلك الهم اللعين وليس لنا الا ان نتوجه للعلى القدير بالدعاء والشفاء ففى النهاية الشافى هو الله
تمنياتى لكم جميعا بالشفاء ورجاء حار ان تتشبثوا بالامل والا تدعوا للياس طريقا فسدوا عليه كل الابواب لان الامل قريب ان شاء الله

Mombo
27-May-2009, 05:51 PM
جزاك الله كل خير يا دكتور عبد القيوم

وانا فعلا هبدأ اخد الفطر اول ما انزل مصر فى خلال أيام ان شاء الله قبل كورس الانترفيروس بس هل السليمارين متوفر بالصيدليات ولا منين اقدر اجيبه ؟

ويا رب يتحول الموضوع ده لذكرى وتعدى بسلام

وكمان سؤال يا دكتور معلش هو الانترفيرون ليه آثار جانبيه بعد اكتمال كورس العلاج والشفاء بإذن الله ؟

وشكرا لحضرتك
والسلام عليكمظ

ابوحازم المصرى
27-May-2009, 05:56 PM
الاستاذ الفاضل دريم برجاء اعلامنا هل سبنعقد المؤتمر ام لا

ابوحازم المصرى
27-May-2009, 06:18 PM
الاستاذة /قمريا والاستاذ/محمود(ابو جهاد)برجاء سرعة الرد على انعقاد المؤتمر غدا باذن الله حتى يتسنى لنا الاستعداد او معرفة اى شىء

asdalasod
27-May-2009, 10:00 PM
الى الاخ عمرطمر والذى يسال عن سعر البيجاسيسى فى مصر فسعر الحقنة الواحدة 1400جنية وبالشفاء لنا جميعا

asdalasod
27-May-2009, 10:24 PM
اخوتى الاحباء اتشرف بكم واحب ان اعرفكم اننى سابدأرحلة العلاج بالانترفيرون من غدا فانا عمرى 38عاما علمت باصابتى بالفيرس بالصدفة ومنذ 11عاما وتحديدا فى صيف98حينما احتاج احدجيرانى دم بعد وقوع حادث كبير لة وكنت عائدا من سفر فتوجهت للتبرع بالدم واخذوا منى كمية كبيرة ولكن فوجئت باحد اخوة المصاب يدخل على مفزوعا وكان ابى رحمة اللة علية يجلس معى نتنناول الغذاء وامى متعها اللة بالعافية وقال لنا انت عندك فيروس فى الدم روح حلل ساعتها مت رعبا ولكن الحمد للة تجاوزت الازمة وذهبت للطبيب فاجرى لى فحوصات وتحاليل فيروسات اي وبى وسى ووظائف كبد واتضح انى عندى فيرس سى وبلهارسيا وتم علاج البلهارسيا والفيرس قال لى الطبيب لا خوف منة لانة خامل ومن يومها كنت احلل وظائف كبد كل سنة تقريبا وتكون الوظائف جيدة واخر مرة كانت جيدة حينما اصبت بالسكر والحمد للة فى 2/2008وكانت 9ونسبتها الطبيعية12 ولكن اخر تحليل فى3/2009 وجدتها مرتفعة تماما وكانت sgptهى178والطبيعى41وsgotكان64والطبيعى 40وهنا بدات التحرك قال لى طبيب صديقى ان الارتفاع لا يقلق لانك عندك سكر وبلهارسيا قديمةوفيرس وطلب منى عمل سونار على البطنم كانت نتيجتة ان الكبد سليم وانة لا يوجد تليف او تضخم وبدات رحلة التخاليل فوجدتpcrهو مليون و300الف وعملت كل التحاليل وكانت جيدة تماما سواء الغدة او الصفائح او البلهارسيا وكانت 80 اى سبق الاصابة بها من قبل ومشيت فى الاجراءات حيث اننى اعمل فى وظيفة تتمتع بصندوق طبى يعالج تلك الحالاتوندفع لاجزء يسير من التكلفة وصدر لى قرار بالفعل واحضرت العلاج من يومين وهو بيجاسيسى وريبارفيرين مع البارامول قبل الحقنة وسابدأ من الغد حيث اننى احصل كل شهر على 4حقن و90قرص حبوب وغدا الخميس حتى ارتاح جمعة وسبت واعود لعملى الاحد وقد خفت الاعراض ان وجدت ارجو ان تتواصلو معى جميعا لنخفف عن بعض وفى انتظار نصائحكم قبل وبعد الحقن وربنا يتم شفائى وشفاكم اتمنى من د/عبد القيوم وزيزو وقمريا وغيرهم ان يفيدونى بما اتيح لهم وعلى فكرة السكر حاليا تمام وكان اخر تحليل عشولئى من اسبوعين 125 واخذ اميريل وكنت فى السنة السابقة اخذ قرص فقط كا اسبوع ولكنة ارتفع فاخذت قرص يوميا حالياولكم الشكر

نوراليقين
28-May-2009, 03:09 AM
السلام عليكم ورحمة الله تعالى وبركاته

في اول مشاركة ليا لم اتكلم عن سبب وجودي في هذا المنتدى واهتمامي بيه لدرجة أني قرأت كل الصفحات مما جعلني أتعرف على كل الأعضاء وما فوتش عليا أي رسالة

أنا فعلا حاسة إن هذا المنتدى بقى جزء من حياتي وما فيش يوم يفوت من غير ما ادخل

مع العلم أنني عمري ما شاركت في أي منتدى من قبل

يمكن لان الدكتور زيزو خلانا نعيش قصة واقعية على المباشر مليئة بالأحداث المتغيرة والتي تجعلنا نزعل وساعات نضحك ونتعلم ونستفيد من تجاربنا وندعي لبعضنا ونفرح لكل واحد لما يخف أو يتحسن

والحاجة الجميلة إننا نكون على صلة دائمة على آخر التطورات و الأبحاث العلمية ونفيد بعضنا لبعض

أنا اشكره فعلا على هذا الانجاز العظيم

نوراليقين
28-May-2009, 03:27 AM
أنا تعلمت كثير من هذا القسم واستفدت منه وكذلك من الناحية المواضيع العلمية لان الدكتور زيزو كان يشرحها بطريقة مبسطة ورائعة تذكرت من خلالها دراستي الجامعية لأني درست بيولوجيا وفسيولوجيا الوظائف الكبرى وأنا أحب هذا العلم الممتع وكمان انا تربصت لمدة 5 شهور في مخبر التحاليل بالمستشفى العسكري بالجزائر وبعد ذلك اشتغلت حرة وعملت مشروع خاص


كانت حياتي عمل بدون انقطاع لحد ما دخل حياتنا هذا المرض المرعب وأصبحت
حالتي النفسية مدمرة خالص كنت دائما ابحث عن أي دواء غير الانترفيرون لان الابحاث كانت تقول ان استجابة العلاج به %50وأعراض هذا الدواء متعبةجدا في الاول كنت خايفة و كنت مرعوبة
و اتحسنت حالتي قليلا بعدما تعرفت على اعضاء هذا القسم- تجربتي مع الانترفيرون- واتعرفت على كل واحد منكم وتحديه للعلاج
انا تقويت بكم أشكركم على مشاركتكم

Mombo
28-May-2009, 03:42 AM
اهلا ومرحبا بالأخت نور اليقين

وربنا يتم الشفا لينا كلنا ونهنى بعض ونفتكر الأيام دى وتبقى مجرد ذكريات ونطلع منها بأصدقاء فعلا واخوة

وربنا يرجع لنا دكتور زيزو بالسلامة


قولوا آمييييييييييييييييييين

Egyzizo
28-May-2009, 04:32 AM
ازيكم يا سيساوية :) على رأى عم بــدر ..
الحمد لله على كل حال ..
أنا الضغط بقى أحسن عندى الحمد لله وكتر ألف خيركم ..


وأرجوكم كفاية دعا ليا ، أرجووووكم ..


أصلى لسه النهارده عامل حادثة جامدة والعربية اتشنبرت .. ورحت جبت ونش ، وحطينا العربية عليه تمهيداً لاصلاحها أو التخلص منها أيهما أوفر :( وركبونى جواها وداروا بيا فى البلد وهى فوق الونش وكانت فضيحة :o ..


فقعدت أقول يا واد يا زيزو ايه اللى بيحصل لك ده، فلقيت ان اللى اتغير هو ان حبايبنا هنا كتروا ، والدعوات شغالة ليل نهار :D


فعايز أقول لكم إنى خفيت .. خفيييييييييييت .. لغوِش .. لغوِش .. :D



وياريت كلنا فى الأسبوع اللى جاى ده ندعى للأخ دريييييم .. :D

Egyzizo
28-May-2009, 04:35 AM
أرجو انكم تسامحونى على عدم متابعة المشاركات السابقة ، و ماحدش يزعل منى لو حاجة فاتتنى من غير ما أعلق عليها .. والجايات أكتر من الرايحات :)..

نوراليقين
28-May-2009, 04:52 AM
اشكرك ياخي Momboعلى مشاعرك الطيبة



انا فعلا كنت اتمنى ان اكون انا المريضة ولكن للأسف المريضة هي أمي وهذا ما أتعبني أكثر

انا جد خائفة عليها فهي أصيبت بعدوى من عند طبيب أسنان

عندها أعراض المرض

الوهن والتعب ووجهها اصفر والضغط العالي وديناها عند الدكتور عملها تحاليل دم و إنزيمات الكبد

كانت تحاليل الدم طبيعية لكن إنزيمات الكبد كانت عالية وبدأت ابحث عن سبب ارتفاع إنزيمات الكبد لأني كنت اشك في الفيروس بي ولكن في التحاليل كان سالبا وموجبا في الفيروس سي

ومن هنا تبدأ ماساتي انه احساس حزين مؤلم

امي كانت دائما تتمتع بصحة جيدة نشيطة وقوية جميلة ومحبوبة

لا استطيع ان اراها تتالم وتذبل يوم بعد يوم

هي عمرها 61 سنة هي اكيد لاتستطيع ان تتحمل هذا المرض ولا العلاج بالانترفيرون

وخاصة ان الجهاز المناعي يضعف مع التقدم في السن وتقل الاستجابة للعلاج

عملنا لها تحاليل وشافها دكتور كبير في المستشفى المركزي لما فحصها وجدها سليمة والحمد لله قال لها لو الإنزيمات لم ترجع لطبيعتها لازم نأخذ عينة من الكبد و للاسف اخذ العينة وطلعت النتيجة

درجة التليف 2

ونشاط الفيروس 1



ونتيجة pcr

لسة ماطلعتش ولما تطلع يعطيها العلاج

انا مؤمنة بربنا واحمده في كل الأحوال وأفضل ادعي ليل نهار انه يخفف عليها ويقدرها على العلاج

ويخليني اشوفها دائما قوية وصابرة لله كما اعرفها

اتمنى لكم جميعا الشفاء


أسأل الله العظيم رب العرش العظيم أن يشفيكم

نوراليقين
28-May-2009, 04:59 AM
الحمد لله على سلامتك ورجوعك لينا يااخ زيزو والله احنا سعداء كثيرا
وانا سعيدةةةةةةةة كثيرا انني كنت من اول المحظوظين اني اسلم عليك

نوراليقين
28-May-2009, 05:29 AM
دكتور زيزو
الف مبرووووووك والحمد لله على رجوعك لينا ومن كثر فرحتنا بيك حانزغرتلك
لحد الصبح

Egyzizo
28-May-2009, 05:44 AM
ههههههههههههههههه ..
ألف شكر يا نور المنتدى ..
وألف ســلامة لوالدتك ..

Egyzizo
28-May-2009, 05:45 AM
اقتباس من ميزو :


احب ان ابشر الجميع بنتائجي والحمد لله
انا الان بعد الحقنة الرابعة وكانت النتائج جميلة
فبعد ان كنت 950000 أصبحت والحمد لله بعد الحقنة الرابعة نيجاتف الانزيمات طبيعية جدا
عقبال جميع يا رب بس لي كام سؤال
1- كورس العلاج بتاعى هل من المفروض يقل الى 6 شهور
2- هل فعلا نوع الفيرس الى عندي هو مش من النوع المصري ولكن من نوع تاني

3-وما هي نسبة نجاح العلاج بالنسبة لى؟

-----------------------------------------------------------------------




ألف بركة يا ميــــزو ..
نتيجتك تشــرح القلب ..
وزى ما د. عبد القيوم قالك بالظبط ممكن تقلل العلاج لست شهور ، ونسبة الشفاء مرتفعة ..


وبالنسبة للأرقام فهى كالتالى :


المرضى اللى عدهم الفيروسى أقل من 400 ألف وحققوا استجابة فيروسية سريعة (بعد أربع حقن) بتكون نسبة شفائهم 96% بعد علاج لمدة 6 شهور مقارنة بنسبة تقترب من 100% بعد 12 شهر.

المرضى اللى عدهم الفيروسى أعلى من 400 ألف وحققوا استجابة فيروسية سريعة بتكون نسبة شفائهم 85% بعد علاج لمدة 6 شهور مقارنة بنسبة تقترب من 100% بعد 12 شهر.

يعنى فرصتك فى الشفاء بعد 6 شهور هى 85% ودى طبعاً نسبة ممتازة ، بس طالما احنا ماشيين كويس ومحتملين العلاج بصورة جيدة ، يبقى من الأفضل تكمل السنة ، ولو لا قدر الله حصل مشاكل وانت ماشى فى النفق فى نصه التانى ، يبقى تطلع وانت مطمن عشان هتبقى عارف انك فى الأمان.






أمــا بالنسبة لنوع الفيروس ، فمافيش حاجة انت قلتها بتقول انه ممكن ما يكونش النوع المصرى، فايه اللى بيخليك تفكر انه حاجة تانية؟

mbadr
28-May-2009, 08:01 AM
أعزائى السيساويه
عادت البسمه ورجعت الروح ونورت الصفحه بصاحبها د. زيـزو
ومعلهش كل اللى يجى فى الريش بقشيش
الف سلامه ياحبيب الكل
وحمداله بالسلامه

mbadr
28-May-2009, 08:42 AM
[CENTER]انا فعلا كنت اتمنى ان اكون انا المريضة ولكن للأسف المريضة هي أمي وهذا ما أتعبني أكثر
انا جد خائفة عليها فهي أصيبت بعدوى من عند طبيب أسنان
الاخت العزيزه نور اليقين
اهلا وسهلا بين اخوتك ولقد هزت رسالتك مشاعري بقوه لشده التشابه بين حالتينا ويمكنك التعرف على حالتى هنــا (http://www.4ph.net/vb/t15380-33.html#post106188) كما ستجدى رأى العزيز د. زيزو فى نفس الصفحه المشاركه 323 (http://www.4ph.net/vb/t15380-33.html#post106188) والحمد لله أخذنا بالرأى السديد وهذا ماحصلنا عليه بعد حوالى أربعون يوما (المشاركه 158) (http://www.4ph.net/vb/t17502-16.html)
الجزع والخوف سمه من سماتنا كبشر والصبر من صفات المؤمنين ..أسأل العلى القدير أن يقوى ايماننا ليزداد صبرنا حتى يكتمل الشفاء باذنه تعالى

Mizonagy
28-May-2009, 09:23 AM
اقتباس:
المشاركة الأصلية كتبت بواسطة Egyzizo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=118796#post118796)
اقتباس من ميزو :


احب ان ابشر الجميع بنتائجي والحمد لله
انا الان بعد الحقنة الرابعة وكانت النتائج جميلة
فبعد ان كنت 950000 أصبحت والحمد لله بعد الحقنة الرابعة نيجاتف الانزيمات طبيعية جدا
عقبال جميع يا رب بس لي كام سؤال
1- كورس العلاج بتاعى هل من المفروض يقل الى 6 شهور
2- هل فعلا نوع الفيرس الى عندي هو مش من النوع المصري ولكن من نوع تاني

3-وما هي نسبة نجاح العلاج بالنسبة لى؟

-----------------------------------------------------------------------




ألف بركة يا ميــــزو ..
نتيجتك تشــرح القلب ..
وزى ما د. عبد القيوم قالك بالظبط ممكن تقلل العلاج لست شهور ، ونسبة الشفاء مرتفعة ..


وبالنسبة للأرقام فهى كالتالى :


المرضى اللى عدهم الفيروسى أقل من 400 ألف وحققوا استجابة فيروسية سريعة (بعد أربع حقن) بتكون نسبة شفائهم 96% بعد علاج لمدة 6 شهور مقارنة بنسبة تقترب من 100% بعد 12 شهر.

المرضى اللى عدهم الفيروسى أعلى من 400 ألف وحققوا استجابة فيروسية سريعة بتكون نسبة شفائهم 85% بعد علاج لمدة 6 شهور مقارنة بنسبة تقترب من 100% بعد 12 شهر.

يعنى فرصتك فى الشفاء بعد 6 شهور هى 85% ودى طبعاً نسبة ممتازة ، بس طالما احنا ماشيين كويس ومحتملين العلاج بصورة جيدة ، يبقى من الأفضل تكمل السنة ، ولو لا قدر الله حصل مشاكل وانت ماشى فى النفق فى نصه التانى ، يبقى تطلع وانت مطمن عشان هتبقى عارف انك فى الأمان.









أمــا بالنسبة لنوع الفيروس ، فمافيش حاجة انت قلتها بتقول انه ممكن ما يكونش النوع المصرى، فايه اللى بيخليك تفكر انه حاجة تانية؟





شكرا د عبد القوم وشكرا زيزو جدا ربنا يشفى الجميع

بالنسبة لدواء انا باخد انترفيرون بيجاسس وريبافيرين ومش باخد طحالب

انا كنت بقول انه ممكن يكون مش النوع المصري لان الاستجابة بعد الاسبوع الرابع

على فكرة انا نسبة الهيموجلوبين دلوقت 10.8 قهل ده خطر؟
وكل الى يشفني يقلي اني خسيت جدا
ودور البرد طبعا مستمر كل شوية يروح ويجي ربنا يستر
بس التعب من الحقنة كل مرة اقل من الى قبلها

دعوات الجميع لى وربنا يشفى الكل
شكرا جزيلا:)

sesayed
28-May-2009, 12:15 PM
أخينا الحبيب ميزو
إلى أن يرد د زيزو باستفاضة نسبة الـ 10.8 هيموجلوبين عادية مع العلاج ولكن اياك وأى نصيحة تجعلك تقلل أى جرع معاك لغاية 8.5 وربنا يعينك.
دور البرد ونقص الوزن كلها أعراض لابد أن نتحملها وسيعود كل شئ لما كان عليه بعد الانتهاء.

زيزو حبيبنا
حمداً لله على سلامتك وعود حميد

hema_hn
28-May-2009, 01:32 PM
الف الف حمد لله على السلامة يا حبيب المنتدى وربنا يعوض عليك

Mombo
28-May-2009, 02:10 PM
حمدا لله على سلامتك يا دكتور زيزو

وعلى فكرة حادثة العربية خير والله وخدت الشر وراحت وبكرة تجيب ست ستها :d

بس طمنى يا دكتور انا النسبة عندى عدت ال 4 مليون ولسه مبدأتش اخد اى حاجة على أمل انى هنزل مصر واشوف موضوع العلاج على نفقة الدولة عشان الحقن هنا أغلى من مصر على حد علمى

وعلى فكرة انا مدخن هل التدخين له علاقة بزيادة نسبة الفيروس ؟


وجزاك الله كل خير

Egyzizo
28-May-2009, 04:57 PM
تمام زى ما قال لك سى سيد يا ميزو .. الهيموجلوبين بتاعك متوقع مع العلاج ومافيش منه أى خطورة .. وزى ما قلنا فيه نسبة من المرضى بيحصلهم لهم شوية أنيميا من الريبافيرين ، والكرف بتاع نزول الهيموجلوبين بيبقى مستمر فى أول 6 أسابيع وبعد كده بيميل إلى الاستقرار بين 10 و 11 ، لكن فى نسبة أقل من المرضى الهيموجلوبين بيواصل نزوله ودول بيحتاجوا تدخل بأدوية انقاذ للمحافظة على الهيموجلوبين بدون الحاجة إلى انقاص جرعة العلاج.

أما بالنسبة لنوع الفيروس ، فتوجد نسبة غير قليلة من مرضى النوع الرابع وحتى النوع الأول بيحصل لها استجابة فيروسية سريعة ولا يقتصر هذا على النوعين الآخرين فقط.

Mizonagy
28-May-2009, 05:02 PM
اقتباس:
المشاركة الأصلية كتبت بواسطة Egyzizo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=118839#post118839)

تمام زى ما قال لك سى سيد يا ميزو .. الهيموجلوبين بتاعك متوقع مع العلاج ومافيش منه أى خطورة .. وزى ما قلنا فيه نسبة من المرضى بيحصلهم لهم شوية أنيميا من الريبافيرين ، والكرف بتاع نزول الهيموجلوبين بيبقى مستمر فى أول 6 أسابيع وبعد كده بيميل إلى الاستقرار بين 10 و 11 ، لكن فى نسبة أقل من المرضى الهيموجلوبين بيواصل نزوله ودول بيحتاجوا تدخل بأدوية انقاذ للمحافظة على الهيموجلوبين بدون الحاجة إلى انقاص جرعة العلاج.



أما بالنسبة لنوع الفيروس ، فتوجد نسبة غير قليلة من مرضى النوع الرابع وحتى النوع الأول بيحصل لها استجابة فيروسية سريعة ولا يقتصر هذا على النوعين الآخرين فقط.




شكرا جدا جدا على ردك

وربنا يسترها علينا وعلى الجميع على فكرة الدكتور المعالج لى قال لي انه اقل جرعة ممكن اخدها هي 9 شهور
مش عارف اشمعنا 9 شهور

Egyzizo
28-May-2009, 05:14 PM
لا تقلق يا مومبو فالملايين فى عد فيروس سى هى نسب واردة ، ومثل ما قال لك الزملاء ليس لها أى علاقة بالحالة الإكلينيكية .. وفرص الشفاء لذوى العد الفيروسى المرتفع داخلة ضمن النسب الإحصائية لفرص الشفاء للنوع الرابع وهى من 50 - 60% .. وبالمناسبة دى أنا بافتكر مريض كان عده الفيروسى 15 مليون ، وحقق استجابة فيروسية سريعة (اختفاء الفيروس بعد 4 حقن) ..

أما بالنسبة للتدخين فأخشى انك لازم تعمل تحليل الجينوتايب لتحديد النوع الجينى للفيروس الأول ، علشان كل نوع له الدخان اللى بييجى عليه ، يعنى النوع الرابع ما بيعملش مشاكل لو بتدخن كيلوباترا وأحيانا الجوزة القص ، والنوع الثانى مارلبورو والثالث إل إم ، والنوع الأول بتاع الروثمانز ، وهكذا .. فلو حددت الدخان اللى بيكيف نوع الفيروس اللى عندك هيبقى ماشى الحال وهتلاقى الفيروس رايق ومش هيعمل لك مشاكل .. ده كان الكلام الجد :d

الكلام الجد التانى هو ان مافيش علاقة بين العدد الفيروسى والتدخين ، لكن التغيرات المرضية فى كبد مريض فيروس سى المدخن بتكون أسرع منها فى المريض غير المدخن.

Mombo
28-May-2009, 05:24 PM
والله هو الراجل مع المارلبورو عدده اتضاعف فى حوالى اربع شهور, الظاهر انه ملوش تقل على المارلبورو الأحمر فهحاول اجرب معاه السجاير السوبر لعل وعسى

والله انت راجل زى العسل ربنا يكرمك ويتمملك مرادك ويرزقك حته هامر مكان اللى راحت يا دكتور زيزو

asdalasod
28-May-2009, 08:46 PM
الراجل اللى اسمة دكتور زيزو زى العسل انا مبسوط انة رجع للمنتدى واكيد مقراش حالتى لانى هاخد الحقنة الاولى النهاردة وياريت يقرا حالتى فى الصفحة 78ويرد على هو وباقى الحبايب وانا فى الانتظار ومش هابدأالا ماتردو علية لاصلح واللة احلف مانا واخد حقن وذنبكو على جنبكم

neno1043
28-May-2009, 11:06 PM
الف حمدلله على السلامه د/زيزو ونورت صفحتك من جديد واتم الله عليك مشوارك بالف خير





اخى اسد اهلا بيك وسط اخوانك وتوكل على الله وماتستناش
هى اول حقنه اللى مقلقه شويه وبعد كده الامورحتمشى عال انشاءالله

asdalasod
29-May-2009, 12:36 AM
شكرا لك اخى نينو بس نفسى باقى الاخوة يشاركو معايا وانا الحمد للة اخدت اول حقنة من حوالى ساعتين وشوية واخدت قرصين بارامول بعدها وبعدين من شوية اخدت اول قرص ريباريفين400 وربنا يسهل وتمشى المور عادى ودعواتكم

Egyzizo
29-May-2009, 02:12 AM
اقتباس:
المشاركة الأصلية كتبت بواسطة asdalasod http://www.4ph.net/vb/orange/buttons/viewpost.gif (http://www.4ph.net/vb/showthread.php?p=118904#post118904)
شكرا لك اخى نينو بس نفسى باقى الاخوة يشاركو معايا وانا الحمد للة اخدت اول حقنة من حوالى ساعتين وشوية واخدت قرصين بارامول بعدها وبعدين من شوية اخدت اول قرص ريباريفين400 وربنا يسهل وتمشى المور عادى ودعواتكم



يا ألف مرحب بأسد الأسود .. معلش أصلى غبت شوية والواجب كتير فمش هاقدر أعلق على كل اللى فاتنى فى يوم واحد .. على أى حال مرحباً فى نفق الانترفيرون وكل اللى نقدر ننصح بيه بعد أول حقنه هو شرب الميه الكتييير .. يعنى عد 8 كوبايات فى اليوم وماتقللش عنهم لأن دى أكتر حاجة ممكن تخفف الآثار الجانبية اللى بتحصل فى أول فترة ..

وليا ملاحظة بس على مشاركتك الأولى هى إن البلهارسيا 80 لا تعنى انه سبق الإصابة بها ولكن تعنى أن التحليل سلبى ولا توجد لديك أجسام مضادة للبلهارسيا ، لان تحليل البلهارسيا الوحيد الموجود والمعترف به أول نسبة إيجابية له هى 160 مش 80.

ابوحازم المصرى
29-May-2009, 04:18 AM
حمدالله على السلامة د/زيزو وعودا حميدا باذن الله

asdalasod
29-May-2009, 12:29 PM
الف شكر دكتور زيزو على مرورك الكريم وانا مبسوط ان البلهارسيا راحت تماما لانى اخدت اكتر من كورس وانت كلامك واللة بيطمن لانك من اهل الخبرة فى مجال التحاليل واشكرك واشكر جميع الاحباب وربنا يتم الشفاء للجميع واعلموا ان المرض والابتلاء فى ميزان حسناتنا باذن اللة

sesayed
29-May-2009, 02:04 PM
أخينا الحبيب زيزو
أرجو أن تشرح لنا هذه النتيجة للـ PCR وهى للعلم بعد الحقنة رقم 10 مع خالص الشكر


results : <120 copies / ml
unit : no units
comments : i.e. :< 2.1 log copies / ml
comments : i.e. :< 43 ui / ml

ahmedfayz
29-May-2009, 03:43 PM
حمدا لله على سلامتك دكتور زيزو
مرحبا بجميع الاعضاء لجدد ويارب اشفينا جميعا
للاسف مشاركتى المرة دى مش بريئه لى مصلحه يعنى شوية اسئله كده
انا الان بعد اكتر من شهر من اللجنه الاولى وكان ميعادى مع لجنة تانيه النهارده ولكن لم اذهب لانى فوجئت بانى عندى بلهارسيا (1/320 ) مع انى مليش تعامل مع اى مصدر من المصادر اللى ممكن تسبب بلهارسيا
طبعا شكيت فى النتيجه وعملت تحليل بلهارسيا فى معمل تانى وكانت النتيجة Negative المشكله ان التأمين الصحى بياخد برأى المعمل اللى بيتعامل معاه وبيرفض اى نتيجة من معمل تانى (شكلى هاضرب النتيجة تانى )
المهم عملت تحليل صورة دم وكان الافت للنظر فيها الاتى
Plet. 134,000
WBCs : 4,000
هل من الممكن ان نقص الصفائح الدموية بسبب الفيروس ارجو التعليق باجابه وافيه وشكرا
وهل من الممكن ان نتيجة البلهارسيا Elisa اللى ان مش مصدقها تختلف عن نتيجة الشغل اليدوى

amina23
29-May-2009, 03:45 PM
حمد الله على سلامتك يا دكتور زيزو ..... أنا الحقيقه جديده في المنتدى و على الأستاذ فيروس سى (ربنا يريحنا منه كلنا).


كنت عايزه اشكرك و أشكر كل الناس هنا لأنكم حسستوني أني مش لواحدي و كرمتوني و غيري بمعلومات جميله و مفيده كتير.


و أنا حقول لوالدي و والدتي يدعولكم يا دكتور زيزو و دكتور عبد القيوم و الأستاذ أبو كبير و الأستاذ عمرو وقمريا و كل الناس الى هنا . علشان هما بركه و دعاهم أن شاء الله مستجاب http://www.4ph.net/vb/images/icons/icon7.gif

asdalasod
29-May-2009, 11:15 PM
لى سؤال ممكن تجاوبنى علية هل السكر بيتاثر بالعلاج يعنى الانترفيرون ممكن يعلى السكر وهل السكطر بيؤثر على الاستجابة للعلاج ولالأ واتمنى منكم جميعا الدعاء انا بدات امبارح والموضوع ماشى بس حاسس انى سرحان كدة ومش مركز اوىوالحمدللة النهاردة الجمعة وبكرة السبت اهو الواحد يريح بس هل كل حقنة بتبقى نفس الاثار ولا بتخف شوية

نوراليقين
30-May-2009, 02:27 AM
اقتباس:
المشاركة الأصلية كتبت بواسطة mbadr http://www.4ph.net/vb/orange/buttons/viewpost.gif (http://www.4ph.net/vb/showthread.php?p=118802#post118802)


انا فعلا كنت اتمنى ان اكون انا المريضة ولكن للأسف المريضة هي أمي وهذا ما أتعبني أكثر




انا جد خائفة عليها فهي أصيبت بعدوى من عند طبيب أسنان


الاخت العزيزه نور اليقين
اهلا وسهلا بين اخوتك ولقد هزت رسالتك مشاعري بقوه لشده التشابه بين حالتينا ويمكنك التعرف على حالتى هنــا (http://www.4ph.net/vb/t15380-33.html#post106188) كما ستجدى رأى العزيز د. زيزو فى نفس الصفحه المشاركه 323 (http://www.4ph.net/vb/t15380-33.html#post106188) والحمد لله أخذنا بالرأى السديد وهذا ماحصلنا عليه بعد حوالى أربعون يوما (المشاركه 158) (http://www.4ph.net/vb/t17502-16.html)
الجزع والخوف سمه من سماتنا كبشر والصبر من صفات المؤمنين ..أسأل العلى القدير أن يقوى ايماننا ليزداد صبرنا حتى يكتمل الشفاء باذنه تعالى







[CENTER]تشكرين أختي الفاضلة على اهتمامك وعلى أحاسيسك ومشاعرك الطيبة



شكرا لتعاطفك معي وعلى ردك السريع


جزاكي الله خيرا وربنا يشفيك ويخليك لأولادك


قولوا آاااااامين


الحمد لله الفيروس الموجود عندك خامل وبإذن الله سوف تتعافي


لكن والدتي فيروسها نشط و إنزيمات الكبد اللي عندها عالية ودرجة التليف 2


ولهذا السبب لازمها علاج بالانترفيرون


وبخصوص الطحالب هذاالموضوع يطول شرحه سوف نتناقش فيه لاحقا


ولا اعرف من أين سآتي بها و الحقيقة ان الفيروس سي انتشر مؤخرا بالجزائر


وأكثرية الناس لم تسمع به فكيف ستسمع بطحالب

Egyzizo
30-May-2009, 02:30 AM
تسلم يا نينو وشد حيلك يا بطل .. ودايماً لما بنتضايق من الأعراض الجانبية ، خلينا نبص لبكره ، لأنه غالباً هيكون مختلف ..

وشكرأ أخى أبو حازم لسؤالك الدائم ..
ومرحباً أختى أمينة ، ومنورة المنتدى ..وربنا يخلي لك بابا وماما.

أخى سى سيد .. نتيجة البى سى آر تعنى أنه سالب
ده بى سى آر كمى لفيروس سى ، ونتيجة البى سى أر الكمى لما بتكون سالبة بتتكتب كده ، وعلى حسب الكيماويات المستخدمة بيكون أقل من رقم معين وهو أقل رقم تقدر الكيماويات المستخدمة تقيسه ، يعنى أحياناً أقل من 600 ، وأحياناً أقل من 200 وطبعاً كل ما الرقم قل ، كل ما كان الاختبار أكثر حساسية ، والاختبار اللى انت كاتب نتيجته حساسيته عالية ..
أما تفسير الأرقام ، فالنتيجة مكتوبة بتمييز (نسخة لكل مللى) وكانت أقل من 120
وفيه تمييز تانى هو( وحدة لكل مللى) ، فلما الـ 120 تتحول للوحدة دى هتبقى 43
أما الرقم التالت فده اللوج اللى اتكلمنا عنه قبل كده ، و 2.1 هى لوج الـ 120 ، يعنى النتيجة أقل من 2.1 لوج.

مرحباً أخى أحمد فايز ..
بالنسبة للبلهارسيا ، فدى لا تقلقك ، لأنها لا تمنع العلاج بالانترفيرون ، يعنى هم بيطلبوا التحليل علشان لو فيه بلهارسيا ، المريض ياخد جرعة علاج وبعد كده يخش فى الانترفيرون فمش هيبقى فيه مشكلة لو سلمت النتيجة الإيجابية. يعنى قصتها مش زى قصة الإنزيمات. وغالبا النتيجة السلبية أصدق بما ان مالكش تاريخ للتعرض للمرض.

أما الصفائح الدموية ، فالنقص عندك طفيف ، ويكفى انك تتابعها المرة الجاية ، ولو النقص كان موجود برضه ، ابقى اعمل موجات فوق صوتية على البطن لتقييم حجم الطحال.

نوراليقين
30-May-2009, 02:39 AM
اقتباس:
المشاركة الأصلية كتبت بواسطة Egyzizo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=118795#post118795)

ههههههههههههههههه ..

ألف شكر يا نور المنتدى ..
وألف ســلامة لوالدتك ..






والله يا أخي زيزو المنتدى منور بوجودك

على فكرة أنا عندي أسئلة كثيرة اريد ان اطرحها عليك لكن اردت ان اعطيك فرصة

انك تأخذ نفس وكمان تجاوب على الاخوة الكرام اللي كانوا قبلي

لكن فيه سؤال اعتقد انه مهم جدا ولا يستدعي التأجيل

وهو

أخي زيزو أنا قرأت على ما اعتقد في صفحة من صفحاتك

انك قلت انك بدأت تتناول مشروب جديد وهو عبارة عن عسل ملكات النحل+جنين القمح+الجنسنج

في الحقيقة انا بحثت عن هذه الصفحة ونسيت رقمها

أريد جواب سريع من فضلك لان الموضوع يستحق الاهتمام

abo_kabeer
30-May-2009, 02:43 AM
د . زيزو

حمدلله ع السلامه ونورت المنتدى وعلى فكره كنت أتمنى أشوفك فى القاهره لكن المؤتمر لم ينعقد وحرمنا من هذه الفرصه مع أننى انتظرت أكثر من 10 أيام فى القاهره ... عموما تحياتى ودعواتى بالتوفيق

Egyzizo
30-May-2009, 03:00 AM
اقتباس:
المشاركة الأصلية كتبت بواسطة asdalasod http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119019#post119019)
لى سؤال ممكن تجاوبنى علية هل السكر بيتاثر بالعلاج يعنى الانترفيرون ممكن يعلى السكر وهل السكطر بيؤثر على الاستجابة للعلاج ولالأ واتمنى منكم جميعا الدعاء انا بدات امبارح والموضوع ماشى بس حاسس انى سرحان كدة ومش مركز اوىوالحمدللة النهاردة الجمعة وبكرة السبت اهو الواحد يريح بس هل كل حقنة بتبقى نفس الاثار ولا بتخف شوية



نعم ، نسبة السكر فى الدم ممكن تزيد بسبب العلاج بالانترفيرون ، ومن ضمن مضاعفات العلاج بالانترفيرون انه ممكن يسبب مرض السكر فى انسان كان صحيح قبل العلاج ، علشان كده مريض السكر لازم يلاحظ نسبة السكر عنده بشكل أكثر صرامة عنه قبل العلاج لأنه من المحتمل انه يحتاج زيادة جرعة أدوية السكر أو تغييرها للسيطرة على السكر فى الظروف الجديدة.


وكذلك الإستجابة للعلاج بالانترفيرون بتكون أقل شوية فى مريض السكر عنها فى غيره ، لكن مع مراعاة الحفاظ على نسبة السكر فى الحدود الطبيعية أثناء العلاج بتكون الأمور أحسن.

Egyzizo
30-May-2009, 03:31 AM
اقتباس:
المشاركة الأصلية كتبت بواسطة نوراليقين http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119070#post119070)
انك قلت انك بدأت تتناول مشروب جديد وهو عبارة عن عسل ملكات النحل+جنين القمح+الجنسنج
في الحقيقة انا بحثت عن هذه الصفحة ونسيت رقمها

أريد جواب سريع من فضلك لان الموضوع يستحق الاهتمام
--------------------------------------------------------------------------------------------------------



أيوه يا أخت نور .. ده كان مقوى للتغلب على أعراض الضعف اللى كنت حاسس بيها بسبب العلاج بالانترفيرون فى فترة من الفترات ، بس أنا مش عارف ايه سؤالك علشان أجاوب عليه؟؟

Egyzizo
30-May-2009, 03:38 AM
اقتباس:
المشاركة الأصلية كتبت بواسطة abo_kabeer http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119071#post119071)
د . زيزو


حمدلله ع السلامه ونورت المنتدى وعلى فكره كنت أتمنى أشوفك فى القاهره لكن المؤتمر لم ينعقد وحرمنا من هذه الفرصه مع أننى انتظرت أكثر من 10 أيام فى القاهره ... عموما تحياتى ودعواتى بالتوفيق-------------------------------------------------------------------------------------------




الله يسلمك يا دكتور عبد الغنى ..
وان شاء الله تيجى فرصة أحسن ، دا احنا ناخد بركة ..

نوراليقين
30-May-2009, 04:36 AM
اقتباس:
المشاركة الأصلية كتبت بواسطة Egyzizo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119083#post119083)

اقتباس:


المشاركة الأصلية كتبت بواسطة نوراليقين http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119070#post119070)
انك قلت انك بدأت تتناول مشروب جديد وهو عبارة عن عسل ملكات النحل+جنين القمح+الجنسنج
في الحقيقة انا بحثت عن هذه الصفحة ونسيت رقمها


أريد جواب سريع من فضلك لان الموضوع يستحق الاهتمام
--------------------------------------------------------------------------------------------------------



أيوه يا أخت نور .. ده كان مقوى للتغلب على أعراض الضعف اللى كنت حاسس بيها بسبب العلاج بالانترفيرون فى فترة من الفترات ، بس أنا مش عارف ايه سؤالك علشان أجاوب عليه؟؟






والله ياخي انا قمت ببحث صغير عن نبات الجنسنج لأنه قالي عليه شخص عندكم بمصر تعرفت عليه عن طريق النت وكان عامل رابط بيتكلم فيه عن الطحالب وفعاليتها المبهرة في القضاء عن الفيروس وتكلم معايا عن هذا المشروب (عسل ملكات النحل+جنين القمح+الجنسنج+الطحالب..) وقال ان المشروب هذا نسبة العلاج به تكون %85 في الحقيقة بحثت كثيرا عن هذا العلاج واتضح انه فعلا موجود بمصر وكل المواد اللي داخلة في هذا المشروب لها فائدة لعلاج الكبد



سوف ابعت الحوار اللي دار بنا على النت قريبا



المهم وهذا الأهم لما بحثت عن عشبة الجنسنج وفي نفس الوقت قرأت اللي انت كتبت هنا



أنا آسف على ازعاجكم وأشكركم شكراً جزيلاً على اهتمامكم ، و الحمد لله على كل حال
أنا ليا حوالى 6 أيام ، بأعانى من ارتفاع شديد فى ضغط الدم حصل فجأة ، وكان بيوصل إلى 160/120 مع آلام بالصدر والذراع الأيسر نتيجة ضغط الدم فى القلب ، وكنت طبعاً باترعب لما ده بيحصل ، أنا باتعالج من الضغط من زمان بس كان تحت السيطرة بصورة جيدة جداً ، لكن اللى حصل ده للأسف لم يستجب للعلاجات اللى أنا متعود عليها، ومازلت أحاول السيطرة عليه مع الأطباء المعالجين ..


اخي زيزو اقرأ هذا الموضوع وانت حتفهم قصدي



تحسين المناعة

استخدام جذور الجنسنج يساعد في تقوية مناعة الجسم، وقد وجدالباحثون الصينيون في دراسة على الحيوانات أن الجنسنج يرفع عدد كريات الدم البيضاءالتي تفترس الكائنات الدقيقة التي تسبب الأمراض، كما يحفز الجنسنج إفرازالانترفيرون المركب الذي يفرزه الجسم لمقاومة الفيروسات، كما أنه يحسن وظائف الجهازالمناعي لدى البشر، وهذا يعني مقاومة الأمراض وشفاء أسرع، ويستخدم الجنسنج في التنشيط والنقاهة للمساعدة في القدرة على العمل والتركيز.

***
السكروارتفاع الضغط
إلى جانب كونه مقويا ومكيفا للجسم أظهر الجنسنج أنه يساعد في منع وعلاج العديد من الأمراض، والتأثير على بعضها.
***
ارتفاع ضغط الدم
إذااستخدم الجنسنج منفردا كعلاج لارتفاع ضغط الدم فإنه يساعد على حدوث انخفاض في الضغط، أما إذا استخدم إلى جانب العقار الدوائي لانخفاض الضغط فإنه لا يسجل النتيجة ذاتها. وبالرغم من بعض الدراسات التي أكدت مساعدة الجنسنج في خفض ضغط الدم، فإن هناك تقارير وبحوثا أخرى تشير إلى أن الجنسنج يقوم برفع ضغط الدم إذا كان المريض مصابا بارتفاع الضغط وأرد أن يكون الجنسنج ضمن البرنامج العلاجي، وهذا يتطلب بالطبع أن يكون المريض في حال اتصال مع الطبيب إذا استخدم الجنسنج.





ويحمي الجنسنج الكبد من الآثار الضارة للأدوية والكحول والمواد السامة الأخرى، ويعمل على تحسين وظائف الكبدخاصة لدى كبار السن المصابين بتليف الكبد الناتج عن الكحول.

Egyzizo
30-May-2009, 04:50 AM
بالفعل يا أخت نور ، كلامك مظبوط ، وعشان كده أنا أخدت من الدوا ده كام حباية كده ، وماكملتش العلبة لأن الضغط ارتفع عندى عن اللى أنا متعود عليه وان كان بنسبة طفيفة، بالإضافة إلى بعض التوتر وقلة النوم، بس ده كان من فترة ، وانتهت ، ونوبة ارتفاع الضغط الأخيرة اللى جات لى كنت فيها موقف الجنسنج من فترة والحقيقة مش عارف لها سبب لأن حتى الانترفيرون مش بيسبب كده ، بس الحمد لله الأمور دلوقتى متظبطة إلى حد ما وان كان مش قوى .. وشكراً على اهتمامك


على أى حال غذاء الملكات والجنسنج وجنين القمح مكملات غذائية مشهورة جداً وأكيد موجودة عندكم فى صور صيدلانية ممكن يفيدك عنها لو سألتى فى الصيدليات فى البلد اللى انتى فيها.

نوراليقين
30-May-2009, 05:38 AM
اقتباس:
المشاركة الأصلية كتبت بواسطة Egyzizo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119090#post119090)

بالفعل يا أخت نور ، كلامك مظبوط ، وعشان كده أنا أخدت من الدوا ده كام حباية كده ، وماكملتش العلبة لأن الضغط ارتفع عندى عن اللى أنا متعود عليه وان كان بنسبة طفيفة، بالإضافة إلى بعض التوتر وقلة النوم، بس ده كان من فترة ، وانتهت ، ونوبة ارتفاع الضغط الأخيرة اللى جات لى كنت فيها موقف الجنسنج من فترة والحقيقة مش عارف لها سبب لأن حتى الانترفيرون مش بيسبب كده ، بس الحمد لله الأمور دلوقتى متظبطة إلى حد ما وان كان مش قوى .. وشكراً على اهتمامك



على أى حال غذاء الملكات والجنسنج وجنين القمح مكملات غذائية مشهورة جداً وأكيد موجودة عندكم فى صور صيدلانية ممكن يفيدك عنها لو سألتى فى الصيدليات فى البلد اللى انتى فيها.



اخي زيزو هي الملكات والجنسنج وجنين القمح تاخدوهم بشكلهم الطبيعي ام على شكل عقار في صورة صيدلانية

Egyzizo
30-May-2009, 05:55 AM
أنا اللى كنت بآخده كان عقار اسمه كوين 2500 (Queen 2500)
وكانت الكبسولة تحتوى على 1000 ميلليجرام من غذاء الملكات ، و 900 ميلليجرام من الجينسنج الكروى و 600 ميلليجرام من زيت جنين القمح.

وزى ما قلت لك كان الهدف الرئيسى التغلب على أعراض الوهن المصاحبة للانترفيرون فى بداية العلاج وماكملتش عليه.

ويمكن طبعاً تناول هذه العناصر منفردة فى صورتها الطبيعية ، حسب المتاح.

ahmedfayz
30-May-2009, 06:26 AM
شكرا للاخ الكريم دكتور زيزو على الرد الوافى وحمدلله على سلامتك مره تانيه

نوراليقين
30-May-2009, 06:53 AM
شكرا اخي زيزو

انا وعدتكم من قبل أني سأبعث الحوار اللي دار بيني وبين الأخ احمد وأريد رأيكم فيه

وكذلك رأي الدكتور عبد القيوم

هذا أول حوار دار بيني وبين الأخ احمد

نورهان:

السلام عليكم ورحمة الله وبركاته

ahmed:

وعليكم السلام

مين معى

نورهان:

من فضلك يمكن ان أخذ دقيقة من وقتك

ahmed:

تحت امر حضرتك

نورهان:

شكرا

انا نورهان من الجزائر

ahmed:

اهلا بحضرتك

اؤؤمرينى اختى

نورهان:

الوالدة مريضة وعرفنا مؤخرا

انها اصيبت بعدوى بالفيروس سي

من عند طبيب اسنان

ahmed:

اها

انتى حضرتك جبتى ايميلى من فين اختى

ahmed:

وعرفتى منين ان فى عندى علاج للفيروس سي

سي وبي

نورهان:

انا وجدت ايمايلك في موقع من المنتدى

ahmed:

اها موقع الطحالب تقصدى

الموقع دا قديم اختى

وفى علماء استخرجو من هذة الطحالب علاج لفيروس سي وبى

ولكن الحكومه عتمت عليه

وانا لما استخدمت الطحالب بشكلها الخام وقولت عليها ان تشفى بنسبه مائه فى المائة

كان على كلام الاطباء

ولكن بعد استخدامها بشكله الخام

لم تاتى بنتيجة

وكنت اوزعها كتير جدا مجانا

لوجه الله

ولكن لم تأتى بنتائج بعد مرور الزمن

لاننا بنستخدمها بشكلها الخام

وكان فى صيادله اعطيت لهم الطحالب وكانو مرضى

ولما عرفو بطئها

قدرو يستخرجو موادها الفعاله واضافو لها تسع عناصر عشبيه

مثل الجستنج

وغذاء الملكات

وحبوب اللقاح

وقدرو الصيادله يعملو تركيبه عشبيه بنسب معينه



قضت على الفيروس فى تلات اشهر

ولكن انتى من الجزائر ازاى نبعتها لكم

نورهان:

اخي من فضلك انت منين

وبتشتغل ايه

ahmed:

انا من مصر اختى

مهندس كنت مريض بالفيروس

والحمد لله شفيت منه بفضل الصيادله

اللى عملو علاج الفيروس

نورهان:

العلاج هذا موجود عندكم

ahmed:

ايوة موجود

بس يوصل لكم ازاى

دى المشكله

نورهان:

مافيش مشكلة خالتي عايشة في مصرمع زوجها

ahmed:

ممتاذ

خليهم يتصلو عليا

وانا هوريهم الفحوصات الطبيه لمرضى تم شفائهم

وهديلهم كمان ارقام تليفوناتهم

حتى يطمنو ان العلاج فعلا فعال

نورهان:

هو يتباع عقار

ahmed:

حاولنا نسجله

ولكان الحكومه وقفت فى و شنا

ووقفت تسجيله

لان شركات الادويه بيرشوهم

نورهان:

انت من القاهرة

ahmed:

احنا من مديه تبعد عن القاهرة ساعه ونص

من مدينه المحله الكبرى

نورهان:

والمستحضر يتباع ازاي

ahmed:

يا اختى المستحضر بيتعمل بالطلب

والموضوع قديم اصلا

وكتير تم شفائهم

وقولت لحضريتك هورى اللى هيجى من طرفك الفحوصات الطبيه للناس اللى تم شفائهم

وكمان ارقام تليفوناتهم

علشان يتصل بيهم

ويطمن من فاعليه العلاج

احنا مش نصابيين اختى

ويعلم الله صدق كلامى

صدقينى اختى يعلم الله ان العلاج فعلا فعال

وجايب نتائج ممتاذة

واللى هيجى من طرفك

هيشوف بعينه كل شئ

وسعر العلاج بسيط

وهوة عبارة عن عبوات

كل عبوة تكفى تقريبا عشرة ايام

ومدة العلاج سته اشهر

وكل تلات اشهر لازم تعملى فحص اسمه بى سي ار



وسعرة مو بالالاف مثل حقن الانترفيرون

وليس له اثار جانبيه



نورهان:

ابعت لهم التحاليل الطبية

ahmed:

اهم شئ لازم تكون عملت تحليل اسمه بى سي ار

لانه مهم جدا

نورهان:

طبعا لازم

عشان يعرفوا كمية الفيروس ونشاطه في الدم



نورهان:

شكرا اخي العزيز

ahmed:

اكرمك الله

وتحت امرك

نورهان:

ممكن اسالك تاني

ahmed:

وانا تحت امرك

نورهان:

انا اسفة ممكن طولت عليك

ايه رايك في الدكتور عبد الباسط السيد





:ahmed

جالنا ناس اخدو علاجة

ولم ينفع معاهم

وعلاج دكتور عبد الباسط غالى فى السعر جدا

يكلفك تقريبا عشرة الاف جنيه

ahmed:

والاثر الصحى للتركيبه العشبيه تظهر من الاسبوع الاول

يعنى اذاله الارهاق

والتعب والخمول

والنهجان من اقل مجهود

وتشعر بحيويه وقوة

من لاسبوع الاول



نورهان:

طيب شكرا جزيلا

ahmed:

عفوا اختى

وتحت امرك

نورهان:

العفوا

ahmed:

وهقول لجوز خالتك على السعر

وكل شئ

نورهان:

ان شاء الله وجزاك الله خير

ahmed:

وجزاكى مثله

نورهان:

السلام عليكم ورحمة وبركاته

ahmed:

وعليكم السلام ورحمته الله وبركات

Egyzizo
30-May-2009, 08:17 AM
حوار رائع يا أخت نور ..
وكان نفسى أقوم بالواجب ، بس صحتى ما تسمحش اليومين دول
عشان كده هاسيب الإخوة المعتقين اللى معانا يردوا عليه http://www.smileyssmilies.com/classic/images/5.gif (http://www.smileyssmilies.com)

mbadr
30-May-2009, 08:36 AM
لست أدرى كيف يتقبل انسان ان يتكسب من بيع الوهم لمريض
اليست هذه الوصفه هى نفس الوصفه اللتى حاول احدهم ترويجها من خلال المنتدى وتم كشفه
فاكر يادكتور زيزو الوصفه اللى لونها بمبى
الاخت نــــــــــــــور اليقين
هذا الموضوع قتل بحثا فى المنتدى ويمكنك مراجعه موضوع احترس لاتقع داخل دائرة - الاحباط- النصب هنــــــــــــــــــــــــا (http://www.4ph.net/vb/t17594-2.html)

Egyzizo
30-May-2009, 08:47 AM
دى مش نفس الوصفة بس يا عم بدر ،
ده كمان نفس الشخص بشحمه ولحمه اللى كان بيتكلم مع الأخت نور، مهندس أحمد إسماعيل من المحلة الكبرى ..

أنــا بجد حزين انه لسه بيمارس النصب على المرضى ..

abbbbb95
30-May-2009, 08:58 AM
اقتباس:
المشاركة الأصلية كتبت بواسطة Egyzizo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119099#post119099)

دى مش نفس الوصفة بس يا عم بدر ،

ده كمان نفس الشخص بشحمه ولحمه اللى كان بيتكلم مع الأخت نور، مهندس أحمد إسماعيل من المحلة الكبرى ..


أنــا بجد حزين انه لسه بيمارس النصب على المرضى ..


ياااااه تانى ..دا لسه قمريا وعبدالغنى نفسهم مقطوع ومشاركتهم فى المنتدى قليله بسبب العلقه والمشوار اللى راحوا المحله والباشا هرب منهم وكان يوم بمبى عليهم

Dreem44
30-May-2009, 09:07 AM
نورت يادكتور زيزو
والف سلامة
تحيتى لكل الاخوة فى الفريق الاحمر
ثانى "أحمد اسماعيل"
ياجماعة عملنا له موضوع مخصوص ولسه مافيش نتيجه فيه (http://www.4ph.net/vb/t17594-2.html)
بس واضح من المكالمة ان اصبح متمرس تماما فى البيع
عموما اتمنى ان لاياخذ الموضوع اكبر من حجمه
وتمنياتى للجميع بالشفاء التام
وشاكر للدكتور زيزو مجهوداته
تحياتى

mbadr
30-May-2009, 10:35 AM
د. زيزو
صباحك فل باذن الله مش بمبى
انا عارف ظروفك بس انا مش حستريح الا لما اعرف رأيك فى ده (http://www.4ph.net/vb/t17502-16.html) المشاركه الاخيره 158
وليه ast, alt مانزلوش بنفس نسبه الفيروس

asdalasod
30-May-2009, 01:21 PM
بصراحة دكتور زبزو انا احبطت لما عرفت ان استجابة مريض السكر للنترفيرون اقل وما هو الحل حتى تكون الاستجابة والشفاء باذن اللة اكبر وشكرا

asdalasod
30-May-2009, 01:29 PM
ممكن رد على موضوع السكر من الموجودين دعبد القيوم وسى السيدواستاذبدر وميزو وشكرا

sesayed
30-May-2009, 02:34 PM
لا علم لى أخى بموضوع السكر
انتظر رد د/زيزو فأنا حدودى تجارب شخصية كمريض فيروس سي تناول الانترفيرون والريبافيرين وأنقلها لكم وردى يكون فى حدود ما مررت به أما ما لا أعلمه فأنتظر ردوده مثلك.

Egyzizo
30-May-2009, 03:31 PM
شكراً أخ دريم .. نورت الصفحة ..

-----------------------------------------------------


الموضوع مش مأساة يا أسد ..
انت عارف مثلاً ان استجابة الرجالة للانترفيرون أقل من استجابة الستات؟
معنى كده ان الرجالة يتعقدوا ويزعلوا؟



القصة ببساطة ان مثلاً لو 100 عيان ماعندهمش سكر خدوا انترفيرون كان هيخف منهم 55 مثلاً ، فلو الـ 100 عيان دول كان عندهم سكر واخدوا نفس العلاج فهيخف منهم 51 مثلاً
يعنى الغاغة دى كلها على تلاتة واللا أربعة فى الميه ..


نفس الفرق بين الرجالة والستات ..


هاه ، زعلان انك راجل؟ http://www.smileyssmilies.com/classic/images/5.gif (http://www.smileyssmilies.com)

Egyzizo
30-May-2009, 03:55 PM
اقتباس:
المشاركة الأصلية كتبت بواسطة mbadr http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119106#post119106)
د. زيزو


صباحك فل باذن الله مش بمبى
انا عارف ظروفك بس انا مش حستريح الا لما اعرف رأيك فى ده (http://www.4ph.net/vb/t17502-16.html)المشاركه الاخيره 158


وليه ast, alt مانزلوش بنفس نسبه الفيروس
#170404



ألف ألف بركة يا عم بدر ..
معلش ماكنتش واخد بالى من المشاركة دى ..
الحمد لله ، وربنا يكمل على خير ..

وبالنسبة للنزول فى الإنزيمات ، فطبعاً ماحدش يعرف ليه ..
فيه ناس بتنزل عندهم جامد ، وناس بتنزل نزول طفيف ، وناس لا يحدث لها تحسن ودى على حسب استجابة كل جسم . على أى حال اللإنزيمات عندك لا يوجد منها قلق لأنها على الحدود الطبيعية ، وممكن تلاقى انسان غير مصاب بالفيروس دى قيم إنزيماته ..

وانت عارف طبعاً ان المقياس الأهم هو نسبة الفيروس ، وده كان ممتاز والحمد لله ..

sesayed
30-May-2009, 04:04 PM
اقتباس:
هاه ، زعلان انك راجل؟

أعتقد يعيش كده أهون ولا إيه يا أسد ... دا كفاية اسمك مش ممكن الاستغناء عنه لأن تكلفة تغييره عالية أوى :) .
شفاك الله وعافاك وعافانا جميعاً شفاءاً ليس بعده سقم.

د. عبد القيوم
30-May-2009, 05:07 PM
الأخ الفاضل أسد

الموضوع لا يستحق أي قلق و لا إهتمام لأن الشفاء أولا و آخرا بيد الله تعالي فتوكل عليه و أكثر من الاستغفار و الدعاء و هو وحده من سيفرج عنك
ثانيا أنصحك بالاستمرار علي تناول الفطر لأنه له تأثير جيد جدا علي السكر و مضاعفاته كما أن له التأثير الإيجابي المعروف علي الفيروس و كذلك عليك بالتغذية الصحية لمرضي الكبد خصوصا السبيرولينا إن تمكنت من الحصول عليها مع الاستمرار علي السليمارين فكل هذا يحسن النسبة الطفيفة و فروق الأرقام البسيطة في الإحصائيات

مع خالص الدعاء بالشفاء العاجل.

asdalasod
30-May-2009, 07:44 PM
اشكر الجميع على التواصل وانا مطمأن بوجودكم وتشجيعكم وربنا يشفيكم شفاء لا يغادر سقما وانا على فكرة ماستخدمتش الفطر خالص وطالما انة مفيد ارجو من احد الاخوة القريبين منى مراسلتى وانا من المحلة الكبرى واميلى هو basmat_alnada@yahoo.comواشكركم جدا وربنا يتم شفاكم وشفائى امين وايضاوايضا

mbadr
31-May-2009, 10:36 AM
اقتباس:
ألف ألف بركة يا عم بدر ..
الف شكر على استجابتك السريعه ورغما عن ظروفك الصعبه
طول عمرك صاحب واجب ربنا يتمم الشفاء للجميع على خير

نوراليقين
31-May-2009, 01:04 PM
السلام عليكم ورحمة الله وبركاته


لكم مني جزيل الشكر على بث الحقيقة والله انا تكلمت مع هذا الشخص مرتين بس ماكنتش مطمئنة وتوكلت على الله و تمسكت به والحمد لله انه بعثني و عرفني بيكم جزاكم الله خيرا

والحاجة الوحيدة اللي كانت مخلياني اسمع له هو انه كان بيتكلم عن الصيادلة اللي اخترعوا العقار وهم معروفين في مصر وكمان زوج خالتي وهو دكتور في علم البيئة بجامعة الإسكندرية لما اتكلمت معاه قالي ان الدوا موجود فعلا لكن لم يطرح بعد في السوق
وهذا النصاب كان يستغل الصيادلة في الرابط بتاعو عشان يثبت صحة ادعاءاته
حسبنا الله ونعم الوكيل اللهم ابعد عنا أولاد الحرام
والحمد لله على كل حال
اللهم اشفي امة محمد عليه الصلاة والسلام

نوراليقين
31-May-2009, 01:26 PM
الاخ زيزو نتيجة pcr بتاع والدتي طلعت انا اريد ان اعرف رأيك فيها
ورأي أعضاءنا الكرام مع العلم انها لسة ماخذتش الدوا خالص


و نتيجة انزيمات الكبد عالية وعندها درجة تليف 2
ونشاط الفيروس 1


يوم 18/03/2009
SGOT 57UI/I
SGPT 118UI/I


يوم27/04/2009
SGOT 40UI/I
SGPT 70UI/I


يوم20/05/2009
SGOT 46UI/I
SGPT 92UI/I

مينو2009
31-May-2009, 03:23 PM
السلام عليكم و رحمة الله و بركاته
ازيكم يا احباب
وحمد الله على سلامتك يا د زيزو
انا كنت قلتلكم انى بدأت مشوار الانترفيرون يوم عيد العمال الماضى
وان ال pcr كان 3390000 ثلاثة مليون و
وانى باخد بيجاسيس 180 و ريبافيرين 1200 و الانفكس مرتين فى اليوم
و على الصبح باشرب كوب كبير مياه ربعها عسل نحل ( مش مغشوش )
المهم يوم الاربعاء الماضى عملت التحاليل بعد الحقنة الرابعة
و النتايج الحمد لله طلعت كالاتى
hemog. 13.9
ast 35\44
alt 31\34
كرات بيضاء 5.4
و المهم البي سي آر اقل من 615
و دى كانت مفاجأة لان العدد كان فوق 3 مليون قبل العلاج
المهم ان الدكتور قاللى لازم اكمل السنه على نفس العلاج دون تغيير
المشكلة انى بدأت احس بضعف شديد وزغللة و نهجان لأى مجهود
و اللوز ملتهبة على طول
ايه رأيكم ادام الله فضلكم و متعكم بالصحة و العافية
اللهم آمين

نوراليقين
31-May-2009, 04:15 PM
اقتباس:
المشاركة الأصلية كتبت بواسطة مينو2009 http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119241#post119241)
السلام عليكم و رحمة الله و بركاته
ازيكم يا احباب
وحمد الله على سلامتك يا د زيزو
انا كنت قلتلكم انى بدأت مشوار الانترفيرون يوم عيد العمال الماضى
وان ال pcr كان 3390000 ثلاثة مليون و
وانى باخد بيجاسيس 180 و ريبافيرين 1200 و الانفكس مرتين فى اليوم
و على الصبح باشرب كوب كبير مياه ربعها عسل نحل ( مش مغشوش )
المهم يوم الاربعاء الماضى عملت التحاليل بعد الحقنة الرابعة
و النتايج الحمد لله طلعت كالاتى
hemog. 13.9
ast 35\44
alt 31\34
كرات بيضاء 5.4
و المهم البي سي آر اقل من 615
و دى كانت مفاجأة لان العدد كان فوق 3 مليون قبل العلاج
المهم ان الدكتور قاللى لازم اكمل السنه على نفس العلاج دون تغيير
المشكلة انى بدأت احس بضعف شديد وزغللة و نهجان لأى مجهود
و اللوز ملتهبة على طول
ايه رأيكم ادام الله فضلكم و متعكم بالصحة و العافية
اللهم آمين



والله النتائج مفرحة والحمد لله
مبرووووك مقدما
ربنا يكملك رحلة انترفيرون ناجحة ليك ولكل الاعضاء وشد حيلك

Egyzizo
31-May-2009, 04:15 PM
الأخت نور ..
نتايج والدتك معقولة ، وخصوصاً نتيجة البى سى آر ، وأنا لو مكانك هاستنى شوية على الانترفيرون لأن نسبة التليف ونشاط الفيروس لا تقلق، وهأعمل محاولة بالكيفير والألينيا لمدة 3 شهور لأن عد البى سى آر مغرى ومشجع جداً.

Egyzizo
31-May-2009, 04:34 PM
مرحباً يا مينو ، وأرجو ان الإخوة مومبو وأحمد 123 يستبشروا بنتائجك ويتأكدوا ان العد الفيروسى العالى مش نهاية الدنيا ..
ألف بركة يا أخى ، انت كده خلصت الماتش فى أول ربع ساعة ، بس اجمد يا بطل علشان الماتش مش بيخلص فعلياً غير لما الحكم بيصفر فى نهاية الشوطين ..
على أى حال ، فزى ما قلنا قبل كده ، البى سى آر السلبى بعد 4 حقن هو ضمانة بنسبة 85% فى حالتك تخليها فى جيبك للظروف ، علشان لو حصلت مشاكل فى النص التانى من النفق ، نعرف اننا لم نخسر كل حاجة وأن الأمل مازال كبيراً فى الشفاء حتى لو أوقفنا العلاج.

وما تشعر به عادى جداً وكلنا مررنا به ، بس تأكد ان معظم أعراض الضعف والنهجان تكون فى أول شهرين وبعد كده الأمور بتتحسن ، فتمسك ببكرة لأنه هيبقى أحسن ان شاء الله ..
وبالنسبة لمشكلة اللوز ففيه مداخلة من كام صفحة كده بتتكلم عن المشكلة دى بالتفصيل وفيها أكثر من اقتراح للتغلب على هذه المشكلة ، فياريت ترجع لها ..

مينو2009
31-May-2009, 04:41 PM
متشكر جدا" يا جماعة على الروح الحلوة دى
ويارب عقبال ما نبارك للجميع بالشفاء
ويا ريت نفتكر بعض بالدعاء بظهر الغيب
بفكركم بس بفوائد العسل النحل
" فيه شفاء للناس " صدق الله العظيم

Egyzizo
31-May-2009, 05:10 PM
الأخت نور ، بخصوص صعوبة حصولك على الكيفير ..
فأنا أعلم أن فرنسا أقرب لدول المغرب العربى من بعض الدول العربية :)
لذلك يمكن أن تحاولى فى هذه الصفحة (http://www.torontoadvisors.com/Kefir/kefir-list.php)، حيث تجدين عناوين لمستخدمى الكيفير فى فرنسا ، ولديهم استعداد لارساله لمن يحتاج.

نوراليقين
31-May-2009, 05:33 PM
اقتباس:
المشاركة الأصلية كتبت بواسطة Egyzizo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119246#post119246)

الأخت نور ..

نتايج والدتك معقولة ، وخصوصاً نتيجة البى سى آر ، وأنا لو مكانك هاستنى شوية على الانترفيرون لأن نسبة التليف ونشاط الفيروس لا تقلق، وهأعمل محاولة بالكيفير والألينيا لمدة 3 شهور لأن عد البى سى آر مغرى ومشجع جداً.






شكرا لردك السريع


والله يااخ زيزو انا فعلا محتارة وخايفة

الانزيمات لديها مدة مارجعتش لحالتها الطبيعية انا مابعتش تحاليل انزيمات الكبدالتانين عشان تقريبا نفس التحاليل

انت شايف انها لو اخدت لانترفيرون تكون رحلة العلاج 6 اشهر

وتكون نسبة العلاج كويسة ولا العكس تنشط الفيروس اكثر

انا مش عارفة اجيب الكيفير منين لو تدلوني مين اللي عندو وهو قريبا من المغرب العربي

وانا ابحث عن الدوا اللي اسمه العلمي نيتازوكسانيد

عشان احنا بنستورد الدواء الفرنسي وانا لحد دلوقتي ابحث عنه

نوراليقين
31-May-2009, 05:59 PM
اقتباس:
المشاركة الأصلية كتبت بواسطة Egyzizo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119252#post119252)

الأخت نور ، بخصوص صعوبة حصولك على الكيفير ..


فأنا أعلم أن فرنسا أقرب لدول المغرب العربى من بعض الدول العربية :)
لذلك يمكن أن تحاولى فى هذه الصفحة (http://www.torontoadvisors.com/Kefir/kefir-list.php)، حيث تجدين عناوين لمستخدمى الكيفير فى فرنسا ، ولديهم استعداد لارساله لمن يحتاج.





شكرا تقريبا كل أقاربي عايشين هناك وانا بإذن الله سأحصل عليه قريبا وكذلك اللاكتوفيرين
وبخصوصا سبيرولينا انت تعرف اجيبها منين
من يوم ماعرفنا بوجود الفيروس واحنا بنعطيها مشروب الزنجبيل وانا حاسة ان ليه دور فعال في نتيجة PCR
وعملنالها حجامة عند دكتورة مختصة عشان يتجدد الدم وتقوي جهاز المناعي عندها
حتى الوهن والتعب اللي كان عندها زال واصبحت اكثر نشاط
مؤخرا هي مداومة على لبن الناقة ومش عايزة بول الابل:(
وكمان العسل مع الكركم

فتاه مسلمه
31-May-2009, 06:35 PM
حمد الله على السلامه يا د. زيزو رجعت نورت المنتدى والله
ان شاء الله دايما بخير و نسمع عن ك دايما الخير


"" يارب يا ارحم الراحمين
اشفينى وا شفى اخواتى فى المنتدى و جميع مرضى المسلمين شفاءا لا يغادره سقما "

mbadr
31-May-2009, 08:51 PM
الاخت نور
يمكنك الحصول على الالينيا ( Nitazoxanide ) من هذا الموقع (https://urantiapharma.com/en-checkout-4807.php) وأنا شخصيا حصلت عليه من هناك

asdalasod
31-May-2009, 10:21 PM
مبروك الاستاذ مينو النتائج تفرح وتعطينا جميعا الامل وانشاء اللة كلنا نشفى تماما ونفرح كلنا باذن اللة وارجو منكم جميعا الدعاء لنا جميعا حتى يكتب اللة لنا الشفاءوسؤال للدكتور زيزو او من يستطيع الاجابة هل توجد ماكولات معينة تساعد على عدم حدوث انيميا وتساهم فى عدم نزول الصفائح الدموية ولكم الشكر

abo_kabeer
01-Jun-2009, 12:52 AM
الأخت الفاضله / نور اليقين


موضوع هذا النصاب تكلمنا عنه وحذرنا منه كثيرا وللأسف مازال يعمل ويدخل المنتديات وينشر النصب والكذب على المرضى وستكون عاقبته الندم والله يفعل به مايستحقه فلاتصدقيه . ودعواتنا بالشفاء للوالده

Mombo
01-Jun-2009, 12:56 AM
رينا يبشرك يا اخ مينو
ويتملك الشفا على خير قادر يا كريم

فتاه مسلمه
01-Jun-2009, 02:24 AM
السلام عليكم و رحمه الله

زى ماقلتلكم لما اروح تانى ل د. ابو مدين هاقولكم قالى ايه

هو قالى خدى نفس العلاج لمده 3 شهور اخرى
و بعدها اعمل بسى ار تانى
و اشوف ايه الاخبار

ادعولى
دعوه المسلم لاخيه مستجابه باذن الله
""
يارب اشفينى و اشفى جميع المرضى فى المنتدى و جميع المرضى المسلمين شفاءا لا يغادره سقما""

نوراليقين
01-Jun-2009, 03:07 AM
اقتباس:
المشاركة الأصلية كتبت بواسطة abo_kabeer http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119310#post119310)
الأخت الفاضله / نور اليقين


موضوع هذا النصاب تكلمنا عنه وحذرنا منه كثيرا وللأسف مازال يعمل ويدخل المنتديات وينشر النصب والكذب على المرضى وستكون عاقبته الندم والله يفعل به مايستحقه فلاتصدقيه . ودعواتنا بالشفاء للوالده





جزاك الله خيرا يااخي الكريم
بعد ما دخلت الرابط احترس لاتقع داخل دائرة اللي بعثته الأخت الكريمة mbadr اللي تشكر على مجهودها جعله الله في ميزان حسناتها وشفت النصاب تحت الشبكة أكيد مش ممكن أصدقه
وأنا والله اقترح اقتراح أنا كان نفسي يتعملو رابط خاص يكشف عمليات النصب والكذب بتاعه
عشان كل المرضى ما ينخدعوش بكلامه ويحصلهم ما حصل :eek:
والاعضاء ما شاء الله عليهم و على ذكاؤهم الخارق ربنا يحفظهم من كل عين;)
دا أخد بهدلة ما حدش خدها من قبل واهي بهدلة تفوت ولاحد يموت :D:D:D
وانا اهديه هذا الإهداء المتواضع ليه ولأمثاله واتمنى ان يراه

mbadr
01-Jun-2009, 06:08 AM
الابنه العزيزه نور
مما لاشك فيه انك فى نفس عمر اولادى وأنا فى نفس سن والدك
وارجو منك ان تهدئى قليلا وتفكرى بتأنى فيما قاله الدكتور زيزو بخصوص الانترفيرون
وارجو ان تعيدى قرآه مداخلتى الاولى لك
تمنياتى لوالدتك بتمام الشفاء
بالمناسبه انا اشتريت السبريولينا منهنا (http://www.nutritiongeeks.com/spirulina-powder-hawaiian-now-1/spirulina-hawaiian-now.html)

mbadr
01-Jun-2009, 11:17 AM
الاخ مينو اجمل التهانى بهذه النتيجه اللتى اسعدتك واسعدتنا وحملت البشرى للجميع اللهم تمم الشفاء بقدرتك ياكريم

مينو2009
01-Jun-2009, 12:51 PM
والله يا جماعة مش عارف أشكركم إزاى على المشاعر الجميلة
و الدعوات الصادقة اللى ربنا يتقبلها مننا جميعا"
ويعلم الله انى أحبكم فى الله
وان نيتى عند كتابة نتايج التحاليل ان ربنا يجعلها بشرى خير للجميع
قلت أفرح الناس زى ما ربنا فرحنى ببشرة الخير دى
حتى لو ماكانتش نتيجة نهائية الله انا راضى بكل اقدار الله
ربنا يرزقنا جميعا"الرضا بقضائه و القناعة بفضله
اللهم آمين

Mombo
01-Jun-2009, 01:35 PM
السلام عليكم

يا جماعة انا رجعت مصر عشان ابدأ كورس العلاج

بس عاوز ابدأ فى الطحالب دلوقتى
حد يعرف منين اقدر اجيبها وانا من طنطاااااااا


وجزاكم الله خير

neno1043
01-Jun-2009, 02:08 PM
الحمد لله رب العالمين
اللهم انى احمدك حمدا ملء السماوات وملء الارض وملء مابينهما وملء ماشئت من شىء بعد
6 شهور كيفير +3 شهور انترفيرون =بى سى ار نيجاتيف والحمد لله على هدايتى لهذا المنتدى العامر
عقبالكم جميعا يااخوانى الاعزاء

Egyzizo
01-Jun-2009, 03:10 PM
ألف ألف مبروك يا نينو .. أنا سعيد جداً للأخبار السعيدة المتوالية ..
يا رب الجميع ان شاء الله ..

نوراليقين
01-Jun-2009, 05:10 PM
سمعت عن علاج بالأعشاب للدكتور الصيدلى حمدى عبدالتواب لفيروس ـ سى
ماجدوى إستخدامة ، وماهى الأعراض الجانبية له ، وكيف يمكن الحصول عليه

نوراليقين
01-Jun-2009, 05:40 PM
البى سى آر نوعين النوع الكمى اللىاحنا عارفينه وده بيطلع عدد الفيروسات فى الدم

والنوع التانى هو البى سى آر (النوعى)ودا الاخير اعتقد انه بيحدد نوع الفيروس




انا مش عارفة نوع الفيروس اللي عند امي‼



ايه هو التحليل اللي لازم اعمله



وليه لما الدكاترة عملولها التحاليل لم يعملوا هذا التحليل بذات



اليس بضرورة ان نقوم بهذا التحليل قبل العلاج



وماهو اعتقادك يادكتور زيزو عن نوع الفيروس اللي عند الوالدة .

sesayed
01-Jun-2009, 06:20 PM
ما شاء الله
الأخبار السعيدة التى ترفع المعنويات تتوالى
يا رب شفاء لا يترك سقماً لجميع من يرتاد هذه الصفحة سواء من المشاركين أو المشاهدين
ولجميع مرضى المسلمين ... اللهم آمين.

Egyzizo
01-Jun-2009, 06:28 PM
لأ يا أخت نور ، النوع التانى من البى سى آر (النوعى) ده بيحدد الفيروس موجود واللا مش موجود بدون تحديد كميته يعنى إيجابى أو سلبى فقط.

أما تحديد نوع الفيروس فده اختبار اسمه الجينوتايب Genotype والحقيقة مهم إنك تعمليه ، لأن وارد جداً إنه يكون غير النوع الرابع بتاعنا بما إنك بعيدة جغرافياً عن مصر.

وقيمة نتيجة الاختبار ده ، إنه هيحدد لما تاخدى قرار الانترفيرون جرعة العلاج ومدته ، يعنى لو طلع من النوع الأول أو الرابع العلاج هيكون لمدة سنة ، ولو النوع الثانى أو الثالث العلاج هيكون ستة أشهر فقط.

ghorab99
01-Jun-2009, 07:47 PM
الاخوة الاعزاء السلام عليكم ورحمة الله وبركاته وبعد ارجو ان تقبلونى بينكم عضوا جديدا فى هذا الملتقى الرائع واذ اسجل اعجابى الشديد بكل محتواه واعترافى انى قد استفدت فائدة كبيرة بقراتى صفحاته المذهله فيما يخصنى طبعا من ابواب وهى ما يتعلق بمرض العصر "التهاب الكبد الوبائى"واخص بالشكر جميع المشرفين والمساهمين وفى مقدمتهم دكتور عبد القيوم ودكتور زيزو والاستاذة قمريا وان انسى لا انسى ان اتوجه بالشكر الجزيل للاخ العزيز الدكتور مصطفى صبح الذى تكرم باهدائى خميرة الطحاب"kefir starter" فله الشكر والتقدير .

asdalasod
01-Jun-2009, 11:51 PM
الف الف مبروك للاستاذ نينو وعقبال الكل ومرحبا بالاستاذ غراب 99ان كان قراءتى صحيحة بين اهلة واحبائة من اللة علينا جميعا بالشفاء وسؤال للدكتور زيزو هل بعد الشفاء باذن اللة لو احد الاخوة اللى كان عندهم امل السفر للخليج ووقف الفيرس حائل بينهم وبين حلمهم هل لو حللوا بعد الشفاء سيكون النتيجة سالب ام ستظهر الاجسام المضادة ولا يستطيع السفر لانى اعرف شباب كثير حلمهم العلاج للسفر ولى صديق حلل التحليل الاولى بغرض السفر فوجد عندة فيرس ولما الحيت علية يحلل بى سى ار وجدة سالب فهل لازم يتابع الفيرس ويحلل انزيمات كل فترة ولا كدة براءة والسؤال مطروح للجميع طبعا وايضا انا لا آخذ اى شىء سوى الانترفيرون والريبافين وعندى سكر ولكنة تحت السيطرة والحمد للة واخر تحليل امبارح عشوائى بعد الحقنة الاولى 160 وباخد اميريل 1مم يوميا فقط هل تنصحونى بشىء غير العلاج دة وكيف احصل علية وشكرا واسف للاطالة

احمد888
02-Jun-2009, 12:01 AM
الاخوة الاحباء الف مبروك للاخ نينو على الزيرو وعقبال كل اعضاء المنتدى وازف اليكم هذا الخبر البى سى ار بتاعى بعد 7 شهور تقريبا من استخدام الكيفر فقط بعد ان كان مليون و150000الف اصبح 525000مع ملاحظة انى كنت غير منتظم فى الاستخدام يعنى يوم اخد ويوم لا وهكذا وانا حاليا ماشى فى اجراءات الحقن ومستنى ياخذو منى العينة الكبدية علشان نركب قطار الزيرو ان شاء اللة بتاع الدكتور زيزو وعقبال باقى اعضاء المنتدى ان شاء اللة عاجلا غير اجل
اخيكم م محمد صقر

أمونه
02-Jun-2009, 12:03 AM
السلام عليكم ورحمة الله وبركاته
الاخوة والاخوات بالمنتدى يسعدني ويشرفني ان تقبلوني عضوه جديدة بينكم
وأعرفكم اني اتباع هذا الموضوع من البداية بقصة الدكتور زيزو والاخوة والاخوات في المنتدى وادعو الله الكريم رب العرش العظيم ان يشفيكم جميعا ويشفي زوجي شفاءً لا يغادر سقما
واسمحو لي ان استفاد من خبراتكم وتجاربكم وارجو منكم جميعا ان تنصحوني في حالة زوجي الذي أكتشف المرض في اجازة الصيف الماضي وإلى الان لم يتخذ اي خطوة للعلاج لانه يعاني من الروماتيد
وكلما نصحته ببدء العلاج يقول ان مصر كلها بتعاني من هذا المرض وسيبيها على الله ومحدش بيموت ناقص عمر . ونعم بالله بس انا خايفة عليه اعمل جزاكم الله خيرا

asdalasod
02-Jun-2009, 02:02 AM
دكتو زيزو ارجو ردك على مداخلتى السابقة اليوم وايضا هل مسموح لنا بممارسة الرياضة وخاصة كرة القدم وكذلك هل هناك اجراءات خاصة نقوم بها عند قيادةالسيارة ولا مفيش تاثير خاصة فى مراحل العلاج المتقدمة وشكراوفى انتظار الرد على المداخلتين

neno1043
02-Jun-2009, 03:13 AM
الف شكر لكم اخوانى الاعزاء على مجاملتكم الرقيقه
وادعو الله سبحانه وتعالى ان يمن على كل اعضاء المنتدى الكريم بالشفاء العاجل شفاء لا يغادر سقما
اللهم امين امين امين

mbadr
02-Jun-2009, 03:42 AM
الف مليون مبروك ياأخ نينو وربنا يتمم الشفاء للجمـــيع وأهلا وسهلا ومرحبا باالأخ غـــراب والأخت أمونه

neno1043
02-Jun-2009, 03:48 AM
الله يبارك فيك ولك وعليك عمى العزيز استاذ/بدر واتم الله عليك وعلى كل الاخوه الكرام نعمته بالشفاء العاجل الذى لا يغادر سقما
وكل مرضى المسلمين اللهم امين

Egyzizo
02-Jun-2009, 04:53 AM
اقتباس:
المشاركة الأصلية كتبت بواسطة asdalasod http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119458#post119458)
الف الف مبروك للاستاذ نينو وعقبال الكل ومرحبا بالاستاذ غراب 99ان كان قراءتى صحيحة بين اهلة واحبائة من اللة علينا جميعا بالشفاء وسؤال للدكتور زيزو هل بعد الشفاء باذن اللة لو احد الاخوة اللى كان عندهم امل السفر للخليج ووقف الفيرس حائل بينهم وبين حلمهم هل لو حللوا بعد الشفاء سيكون النتيجة سالب ام ستظهر الاجسام المضادة ولا يستطيع السفر لانى اعرف شباب كثير حلمهم العلاج للسفر ولى صديق حلل التحليل الاولى بغرض السفر فوجد عندة فيرس ولما الحيت علية يحلل بى سى ار وجدة سالب فهل لازم يتابع الفيرس ويحلل انزيمات كل فترة ولا كدة براءة والسؤال مطروح للجميع طبعا وايضا انا لا آخذ اى شىء سوى الانترفيرون والريبافين وعندى سكر ولكنة تحت السيطرة والحمد للة واخر تحليل امبارح عشوائى بعد الحقنة الاولى 160 وباخد اميريل 1مم يوميا فقط هل تنصحونى بشىء غير العلاج دة وكيف احصل علية وشكرا واسف للاطالة



بالنسبة لموضوع السفر ، فالأجسام المضادة بتخليها فى الجسم فترة طويلة بعد الشفاء فطالما المعيار فى السفر هو الأجسام المضادة فقط ، فدى هتقف حائل.

أما عن صديقك الذى وجد أجسام مضادة وبى سى آر سالب ، فوارد أن يكون من ضمن نسبة الـ 15% الذين تستطيع أجسامهم التخلص من الفيروس بعد العدوى الأولية ، وللتأكد عليه إعادة البى سى آر مرة أخرى بعد فترة من شهر إلى 3 أشهر من التحليل الأول.

وبالنسبة لك ، فننصحك باستخدام الكيفير ..

mbadr
02-Jun-2009, 04:55 AM
الاحساس بالفرح شئ جميل والأجمل هو تبادل الاحساس بالفرح اننا نتبادل هذا الاحساس دون ان نرى بعض او حتى نعرف الاسماء الحقيقيه لبعض وكل مانعرفه اننا اصحاب هدف واحد وهو القضاء على هذا الفيروس اللعين وعندما يسجل احدنا هدفا فى مرماه نهتز فرحا وتعترينا احاسيس شتى اللهم اشفنا جميعا وادم الحب لاهل هذه المنتدى الذى اصبح وبحق اسره ........ السيساويه

Egyzizo
02-Jun-2009, 04:59 AM
اقتباس:
المشاركة الأصلية كتبت بواسطة asdalasod http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119476#post119476)

دكتو زيزو ارجو ردك على مداخلتى السابقة اليوم وايضا هل مسموح لنا بممارسة الرياضة وخاصة كرة القدم وكذلك هل هناك اجراءات خاصة نقوم بها عند قيادةالسيارة ولا مفيش تاثير خاصة فى مراحل العلاج المتقدمة وشكراوفى انتظار الرد على المداخلتين


لا مشكلة من ممارسة الرياضة أثناء العلاج بالانترفيرون..

وبالنسبة لقيادة السيارة ، لا مشكلة بصفة عامة ، ويفضل تجنب القيادة لفترات طويلة اذا كان المريض يشكو من أعراض قلة التركيز التى قد تكون موجودة فى بعض المرضى.

Egyzizo
02-Jun-2009, 05:03 AM
اقتباس:
المشاركة الأصلية كتبت بواسطة احمد888 http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119461#post119461)

الاخوة الاحباء الف مبروك للاخ نينو على الزيرو وعقبال كل اعضاء المنتدى وازف اليكم هذا الخبر البى سى ار بتاعى بعد 7 شهور تقريبا من استخدام الكيفر فقط بعد ان كان مليون و150000الف اصبح 525000مع ملاحظة انى كنت غير منتظم فى الاستخدام يعنى يوم اخد ويوم لا وهكذا وانا حاليا ماشى فى اجراءات الحقن ومستنى ياخذو منى العينة الكبدية علشان نركب قطار الزيرو ان شاء اللة بتاع الدكتور زيزو وعقبال باقى اعضاء المنتدى ان شاء اللة عاجلا غير اجل



اخيكم م محمد صقر


أخبار مفرحة يا باشمهندس ، وان شاء الله الانجاز ده يساعد فى تحقيق نتيجة سريعة مع الانترفيرون .. والقافلة فى انتظارك :)

Egyzizo
02-Jun-2009, 05:07 AM
اقتباس:
المشاركة الأصلية كتبت بواسطة mbadr http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119486#post119486)

الاحساس بالفرح شئ جميل والأجمل هو تبادل الاحساس بالفرح اننا نتبادل هذا الاحساس دون ان نرى بعض او حتى نعرف الاسماء الحقيقيه لبعض وكل مانعرفه اننا اصحاب هدف واحد وهو القضاء على هذا الفيروس اللعين وعندما يسجل احدنا هدفا فى مرماه نهتز فرحا وتعترينا احاسيس شتى اللهم اشفنا جميعا وادم الحب لاهل هذه المنتدى الذى اصبح وبحق اسره ........ السيساويه


فعلاً يا عم بدر .. أنا فعلاً كل ما أقرأ هنا بشرى ان حد وصل للزيرو مع الانترفيرون باستعيد فرحتى عند أول زيرو ليا بنفس الحماس .. عقبال الجميع يا رب ..

mbadr
02-Jun-2009, 05:12 AM
د. زيزو
من واقع تجربتك الشخصيه مع الالينيا هل واجهت اى اضطرابات معويه او فى عمليه الاخراج
لانه بعد حوالى 3 اسابيع من الاستعمال بدأ حدوث اسهال
هل يمكن ان يكون بسبب اللاكتوفيرن لانى استخدم عبوه انتاج شركه اخرى
( استبعد اى عوامل اخرى )

Egyzizo
02-Jun-2009, 05:12 AM
اقتباس:
المشاركة الأصلية كتبت بواسطة أمونه http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119462#post119462)

السلام عليكم ورحمة الله وبركاته



الاخوة والاخوات بالمنتدى يسعدني ويشرفني ان تقبلوني عضوه جديدة بينكم

وأعرفكم اني اتباع هذا الموضوع من البداية بقصة الدكتور زيزو والاخوة والاخوات في المنتدى وادعو الله الكريم رب العرش العظيم ان يشفيكم جميعا ويشفي زوجي شفاءً لا يغادر سقما

واسمحو لي ان استفاد من خبراتكم وتجاربكم وارجو منكم جميعا ان تنصحوني في حالة زوجي الذي أكتشف المرض في اجازة الصيف الماضي وإلى الان لم يتخذ اي خطوة للعلاج لانه يعاني من الروماتيد

وكلما نصحته ببدء العلاج يقول ان مصر كلها بتعاني من هذا المرض وسيبيها على الله ومحدش بيموت ناقص عمر . ونعم بالله بس انا خايفة عليه اعمل جزاكم الله خيرا



مرحباً بيكي يا أخت أمونــة ..
يجب تقييم حالة زوجك ، لمعرفة مرحلة المرض ، وان شاء الله يكون فى مراحله الأولى وعلى هذا لن يكون هناك داعى للقلق لأن الفيروس بطئ وياخذ وقت طويل لكى يسبب مشاكل ، وقد لا يسبب مشاكل على الاطلاق طول عمر المريض.

بالنسبة للانترفيرون ، فهو للأسف لا يصلح لمرضى الروماتويد ، لكن أكيد انتى قريتى فى متابعتك عن الكيفير والنيتازوكسانيد .. ودى حاجات آمنة ومافيش منها مشاكل ، فيا ريت تضعوها فى الاعتبار.

Egyzizo
02-Jun-2009, 05:15 AM
اقتباس:
المشاركة الأصلية كتبت بواسطة ghorab99 http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119442#post119442)

الاخوة الاعزاء السلام عليكم ورحمة الله وبركاته وبعد ارجو ان تقبلونى بينكم عضوا جديدا فى هذا الملتقى الرائع واذ اسجل اعجابى الشديد بكل محتواه واعترافى انى قد استفدت فائدة كبيرة بقراتى صفحاته المذهله فيما يخصنى طبعا من ابواب وهى ما يتعلق بمرض العصر "التهاب الكبد الوبائى"واخص بالشكر جميع المشرفين والمساهمين وفى مقدمتهم دكتور عبد القيوم ودكتور زيزو والاستاذة قمريا وان انسى لا انسى ان اتوجه بالشكر الجزيل للاخ العزيز الدكتور مصطفى صبح الذى تكرم باهدائى خميرة الطحاب"kefir starter" فله الشكر والتقدير .



مرحباً بالأخ غراب عضواً فى أسرة السيساوية :) .. ونرجو أن يحقق الكيفير معك النتائج المرجوة

Egyzizo
02-Jun-2009, 05:34 AM
اقتباس:

المشاركة الأصلية كتبت بواسطة mbadr http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119490#post119490)

د. زيزو



من واقع تجربتك الشخصيه مع الالينيا هل واجهت اى اضطرابات معويه او فى عمليه الاخراج

لانه بعد حوالى 3 اسابيع من الاستعمال بدأ حدوث اسهال

هل يمكن ان يكون بسبب اللاكتوفيرن لانى استخدم عبوه انتاج شركه اخرى

( استبعد اى عوامل اخرى )


بالنسبة لى شخصياً ، فلم أواجه المشكلة دى ..
وعامة ، فالاسهال ليس من ضمن الآثار الجانبية المسجلة عن الألينيا ، بالعكس ، ده أحياناً بيسبب إمساك ..
وكذلك اللاكتوفيرين ، لم يسبب لى إسهال منذ بداية استخدامه.

mbadr
02-Jun-2009, 06:05 AM
خالص شكرى وربنا مايحرمنيش منك ياعميد السيساويه
وكله يهون والعمليه مش صعب وكله غسيل وتنظيف
وربنا يكتب لنا جميعا الشفاء

ahmed123
02-Jun-2009, 12:47 PM
مليون مبروك للجميع
لأصحاب النتائج الممتازة... مليون مبروك على تلك النتائج.
وللباقى... مليون مبروك على تلك البشرى.

وعقبال الجميع إن شاء الله

مستر زيزو.. د عبد القيوم.. د عبد الغنى.. الأخت قمريا.. د صبح.. الأخ دريم
وكل فرد باسمه.. وحشتونى كتييييير

د. عبد القيوم
02-Jun-2009, 04:14 PM
أهنئ الجميع علي النتائج المبشرة الجميلة

و الحمد لله أن ثمار الصبر و المجهود و الدعاء بدأت تظهر بشائرها كما وعدناكم من قبل

و الله يعوض عليك في السيارة د. زيزو و يكفي حب الجماهير لك يشيلوك في عيونهم لغاية باب بيتكم و ليس بالسيارة وحدها يحيا الانسان :)

الأخ أحمد 123 حمد لله علي السلامة طولت الغيبة علينا و عسي يكون كل خير طمنا علي أخبار صحتك وتحاليلك بعد العلاج بمستخلص الاعشاب. هل حدث تحسن؟

و أدعو الله تعالي للجميع بتمام نعمة الشفاء العاجل

أمونه
02-Jun-2009, 04:36 PM
السلام عليكم
د. زيزو الف شكر على ردك واهتمامك ادوعو الله ان يصلح لك شأنك ويفرج همك آآآ ميين
وهذا ما نعرفة عن حالة زوجي

اولا تحاليل الروماتيد دائما مرتفعة وهو الان يتابع بالعلاج وعمل تحليل كل ثلاث شهور مع العلم انه دائما يشك انه عنده روماتيد لانه اعراض التعب مختلفة احيانا كأنها حساسية واحيانا كأنها آلام في العظام ولكن خلاص التحليل بيقول روماتيد
والكليستروال عالي - سرعة ترسيب عالية
العمر 38 سنة

- آخر تحليل بتاريخ 310/8/2008 وكان كالآتي
HCV-RAN-PCR 688000


AFP 1.5

Schistosomal Ab IgG 7.1


HBs Ag Negative

TSH 0.606
تقريبا الاخير هرمون
في الحقيقة ان لا افهم أي شيء من هذا التحليل غير ان نسبة الفيرس 688000 وانه خامل وكمان في دكتور بيقول مفيش حاجة اسمها خامل ممكن ينشط في اي وقت وواحد تاني قال له انت كده جاهز للعلاج بحقن الانترفيرون بس بعد علاج الروماتيد وانا ما اعرفة ان الروماتيد ما له علاج نهائي ؟؟؟؟

مش عارفة ايه رأيكم
وألف شكر

amh
02-Jun-2009, 05:17 PM
الإخوة الأفاضل :
أذكركم بسؤالي مرة أخرى لأني أعمل في دول الخليج فصعب أن أتعالج في مصر
لأني يفترض أن أكون متواجد في مصر حتى أتقدم للعلاج
وأفكر أن أشتري الحقن على حسابي في الإجازة وأبدأ أخذها في الإجازة ثم أكمل عندما أرجع العمل
سؤالي هو : بكم وأين تباع حقن الإنترفيرون ؟ وهل يمكن شراؤها من وزارة الصحة ؟
بارك الله فيكم وشفانا الله وإياكم

نوراليقين
02-Jun-2009, 07:00 PM
السلام عليكم كيف هي احوالكم اتمنى انكم بخير


استاذنا الدكتور عبد القيوم ادام الله فضلك
هو صحيح ان الدوا rabicabir هوعبارة عن حلبة وكمون
مش زي مقالوا انه يزود المناعة وان كان هذا صحيح ليه هو لسة موجود في الصيدليات

asdalasod
02-Jun-2009, 07:43 PM
شكرا اخى زيزو وبارك اللة فيك وشفاك ونحن معك باذن اللة ومرحبا بكل الاعضاء ومرحبا بالمتواجدين حاليا اخ غراب 99ورامى اللى هيكون سعيد الحظ باذن اللة ونور اليقين نوارة المنتدى وكل الاحباب شفاكم اللة جميعاولا تنسونى بالدعاء

abo_kabeer
02-Jun-2009, 10:20 PM
الأخ الفاضل / نينو

الف مبروك الشفاء وإن شاء الله شفاء تام ونهائي ولن ترى الفيروس مره أخرى بإذن الله .

ودعواتى لكل إخوتنا المرضى فى منتدانا الغالى بالشفاء العاجل وتحياتى لكل المتواجدين معنا وبفضل الإخوه الأعزاء ستستمر عائلتنا هنا فى تقديم الدعم النفسى والمعنوى والعلمى والمادى لكل المرضى وذلك بفضل الله ومن معنا هنا أمثال الأفاضل د . عبدالقيوم ود . زيزو والأخ دريم والأخت قمريا وكل من يساندنا وجميع من يقف معنا وإن شاء الله البشارات ستتوالى والشفاء سيكون من نصيب الجميع بإذن الله

abo_kabeer
02-Jun-2009, 10:30 PM
اقتباس:
المشاركة الأصلية كتبت بواسطة نوراليقين http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119535#post119535)

السلام عليكم كيف هي احوالكم اتمنى انكم بخير



استاذنا الدكتور عبد القيوم ادام الله فضلك
هو صحيح ان الدوا rabicabir هوعبارة عن حلبة وكمون
مش زي مقالوا انه يزود المناعة وان كان هذا صحيح ليه هو لسة موجود في الصيدليات



الأخت الفاضله / نور اليقين


الرابيكابير هو منتج من مجموعة مواد طبيعيه مثل الحلبه والكركم والكمون الجاوى غيره من المواد الطبيعيه التى تساعد على رفع مناعة الجسم والدواء لاغبار ولكن لايتناسب مع سعره لأنه ليس دواء بل مجموعة مواد طبيعيه وموجود فى الصيدليات لأنه منتج طبيعى غير مرخص مثل عسل النحل وغيره

ghorab99
03-Jun-2009, 01:05 AM
شكرا اخى اسد الاسود على الترحيب بى مرتين فى الاخيرة خاطبتنى "بالاخ"وهذا احب الى من "الاستاذ"او غيره من الالقاب فكلنا هنا اخوة قبل كل شىء.شكرا اخى د.زيزو "وسيساوية سيساوية"بس يربنا ينعم علينا بالشفاء ان شاء الله.

Egyzizo
03-Jun-2009, 02:40 AM
اقتباس:
المشاركة الأصلية كتبت بواسطة amh http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119530#post119530)
الإخوة الأفاضل :
أذكركم بسؤالي مرة أخرى لأني أعمل في دول الخليج فصعب أن أتعالج في مصر
لأني يفترض أن أكون متواجد في مصر حتى أتقدم للعلاج
وأفكر أن أشتري الحقن على حسابي في الإجازة وأبدأ أخذها في الإجازة ثم أكمل عندما أرجع العمل
سؤالي هو : بكم وأين تباع حقن الإنترفيرون ؟ وهل يمكن شراؤها من وزارة الصحة ؟
بارك الله فيكم وشفانا الله وإياكم





حقن البيجاسيس تمنها 1340 جنيه للحقنة الواحدة
وحقن البيج إنترون تمنها 700 جنيه للحقنة الواحدة


بخصوص شرائها من وزارة الصحة ، فهناك اعلان على موقع (المعهد القومى للأمراض المتوطنة والكبد (http://nhtmri.org/arabic/patients.htm)) بيقول ان المعهد بيبيعها بالسعر المخفض ، فيمكنك الاتصال بالمعهد والاستفسار على العنوان التالى :


10 شارع قصر العيني – فم الخليج - القاهرة
تليفون: 3642494 – 3649005
فاكس: 3683723

Mombo
03-Jun-2009, 02:43 AM
السلام عليكم

الإخوة الأعزاء

اليوم قررت ابدأ رحلة النفق مع الإنترفيرون

وبما انى لست طبيبا فأنا سأنقل لكم ما يحدث معى على قدر الإمكان للإستفادة من خبراتكم ولإفادة من ورائى كما استفدت منكم سابقا..


دلوقتى المشكلة تكمن فى عينة الكبد انا فعلا قلقان منها جدا وبالذات لأنها هتكون عبارة عن إبرة هتدخل فى الكبد وأظن ان الموضوع ده هيبقى صعب ولا دكتور متقن وعارف هو بيعمل ايه بالظبط

فأنا عاوز اعرف هل الموضوع ده خطير فعلا ولا هو زى شكة الدبوس وخلاص

وجزاكم الله خير

أحمد
03-Jun-2009

Egyzizo
03-Jun-2009, 03:22 AM
اقتباس:
المشاركة الأصلية كتبت بواسطة أمونه http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119526#post119526)
السلام عليكم
د. زيزو الف شكر على ردك واهتمامك ادوعو الله ان يصلح لك شأنك ويفرج همك آآآ ميين
وهذا ما نعرفة عن حالة زوجي
اولا تحاليل الروماتيد دائما مرتفعة وهو الان يتابع بالعلاج وعمل تحليل كل ثلاث شهور مع العلم انه دائما يشك انه عنده روماتيد لانه اعراض التعب مختلفة احيانا كأنها حساسية واحيانا كأنها آلام في العظام ولكن خلاص التحليل بيقول روماتيد
والكليستروال عالي - سرعة ترسيب عالية
العمر 38 سنة
- آخر تحليل بتاريخ 310/8/2008 وكان كالآتي
HCV-RAN-PCR 688000
AFP 1.5
Schistosomal Ab IgG 7.1
HBs Ag Negative
TSH 0.606
تقريبا الاخير هرمون
في الحقيقة ان لا افهم أي شيء من هذا التحليل غير ان نسبة الفيرس 688000 وانه خامل وكمان في دكتور بيقول مفيش حاجة اسمها خامل ممكن ينشط في اي وقت وواحد تاني قال له انت كده جاهز للعلاج بحقن الانترفيرون بس بعد علاج الروماتيد وانا ما اعرفة ان الروماتيد ما له علاج نهائي ؟؟؟؟
مش عارفة ايه رأيكم
وألف شكر



الأخت أمونة ،
قيمة البى سى آر ليس لها علاقة بحالة الكبد فهناك مرضى عدهم بالملايين وحالة الكبد لديهم ممتازة وهناك مرضى عدهم منخفض جداً وحالة الكبد سيئة، تقييم حالة الكبد بصورة أكيدة يكون عن طريق العينة الكبدية أو اختبار يسمى Fibro/Acti test ، وأضعف الإيمان يكون تقييم مظهر الكبد فى الموجات فوق الصوتية.

وأريد أن ألفت نظرك إلى شئ مهم ، هو أن هناك نسبة من مرضى فيروس سى يعانون من آلام فى المفاصل ويكون اختبار (عامل الروماتويد) لديهم أيجابى لأسباب تتعلق بفيروس سى نفسه ، فى حين أنهم لا يعانون من مرض الروماتويد بالفعل. وهناك اختبار أكثر حساسية من اختبار عامل الروماتويد اسمه Anti-CCP يمكن أن يساعد أكثر فى تشخيص مرض الروماتويد اذا كان إيجابياً. فأرجو التأكد أولاً من حالة زوجك بشكل قاطع قبل أن نقرر أن الأنترفيرون لا ينفعه.

Egyzizo
03-Jun-2009, 03:32 AM
اقتباس:
المشاركة الأصلية كتبت بواسطة Mombo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119671#post119671)

السلام عليكم



الإخوة الأعزاء
اليوم قررت ابدأ رحلة النفق مع الإنترفيرون
وبما انى لست طبيبا فأنا سأنقل لكم ما يحدث معى على قدر الإمكان للإستفادة من خبراتكم ولإفادة من ورائى كما استفدت منكم سابقا..
دلوقتى المشكلة تكمن فى عينة الكبد انا فعلا قلقان منها جدا وبالذات لأنها هتكون عبارة عن إبرة هتدخل فى الكبد وأظن ان الموضوع ده هيبقى صعب ولا دكتور متقن وعارف هو بيعمل ايه بالظبط
فأنا عاوز اعرف هل الموضوع ده خطير فعلا ولا هو زى شكة الدبوس وخلاص





الأخ العزيز مومبو ..
يتم اجراء العينة الكبدية فى مراكز الكبد لمئات المرضى بصفة يومية .. فلا تقلق ..
ولأن الإنسان عدو ما يجهله .. فأرجو الاطلاع على هــذا المـــوقع (http://gastro.med.sa/GastroDNN/%D9%85%D8%B9%D9%84%D9%88%D9%85%D8%A7%D8%AA%D8%A7%D 9%84%D9%85%D8%B1%D8%B6%D9%89/%D9%85%D8%B9%D9%84%D9%88%D9%85%D8%A7%D8%AA%D8%B9%D 9%86%D8%A7%D9%84%D8%AA%D9%86%D8%B8%D9%8A%D8%B1%D9% 88%D8%B9%D9%8A%D9%86%D8%A9%D8%A7%D9%84%D9%83%D8%A8 %D8%AF/%D8%B9%D9%8A%D9%86%D8%A9%D8%A7%D9%84%D9%83%D8%A8%D 8%AF/tabid/162/Default.aspx) (http://gastro.med.sa/GastroDNN/%D9%85%D8%B9%D9%84%D9%88%D9%85%D8%A7%D8%AA%D8%A7%D 9%84%D9%85%D8%B1%D8%B6%D9%89/%D9%85%D8%B9%D9%84%D9%88%D9%85%D8%A7%D8%AA%D8%B9%D 9%86%D8%A7%D9%84%D8%AA%D9%86%D8%B8%D9%8A%D8%B1%D9% 88%D8%B9%D9%8A%D9%86%D8%A9%D8%A7%D9%84%D9%83%D8%A8 %D8%AF/%D8%B9%D9%8A%D9%86%D8%A9%D8%A7%D9%84%D9%83%D8%A8%D 8%AF/tabid/162/Default.aspx)لتعرف ما أنت مقبل عليه.


ملحوظة : البضاعة جاهزة ومستنيك الخميس أو الجمعة ان شاء الله :)

Egyzizo
03-Jun-2009, 03:38 AM
عزيزى د. عبد القيوم .. عزيزى د. عبد الغنى ..
منورين الموضوع ، وياريت ماتغيبوش علينا كتير عشان الجماهير محتاجة لكم أيضاً :)..

ام محمددد علي
03-Jun-2009, 03:39 AM
السلام عليكم اخباركو ايه عاملين ايه ان شاء الله كونو بخير و الف حمدالله على السلامة بالنسبة للاخوة الي الفيروس قل عندهم عقبال لزوجي يا رب ولكل المرضى ان شاء الله
يادكتور زيزو عاوزا اسئلك بخصوص دوا الينيا لقيتو في موقع يباع بي 204 دولار العلبة فيها 300 حبة كم يكفي العلبة في الشهر وكم المفروض ياخد من حبة في اليوم ومعدرة على الازعاج ربنا يشفيك يا رب ويشفي جميع المرضى المسلمين يا رب

Egyzizo
03-Jun-2009, 04:08 AM
اقتباس:
المشاركة الأصلية كتبت بواسطة ام محمددد علي http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119685#post119685)



يادكتور زيزو عاوزا اسئلك بخصوص دوا الينيا لقيتو في موقع يباع بي 204 دولار العلبة فيها 300 حبة كم يكفي العلبة في الشهر وكم المفروض ياخد من حبة في اليوم ومعدرة على الازعاج ربنا يشفيك يا رب ويشفي جميع المرضى المسلمين يا رب


فيه أسعار أحسن من كده يا أم محمد ومنها الموقع ده (https://urantiapharma.com/en-checkout-4807.php) ، وهو موقع مجرب لأن عم بدر بيشترى منه ..

ولو كنتى فى الدول العربية ، فيمكنك أيضاً الاستفادة من عرض د. عبد القيوم وسيكون أرخص كثيراً وستجدينه هنـــــــــــــــــا (http://www.4ph.net/vb/t17527-7.html) (http://www.4ph.net/vb/t17527-7.html)

نوراليقين
03-Jun-2009, 04:52 AM
اقتباس:
المشاركة الأصلية كتبت بواسطة abo_kabeer http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119571#post119571)
اقتباس:
المشاركة الأصلية كتبت بواسطة نوراليقين http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119535#post119535)

السلام عليكم كيف هي احوالكم اتمنى انكم بخير



استاذنا الدكتور عبد القيوم ادام الله فضلك
هو صحيح ان الدوا rabicabir هوعبارة عن حلبة وكمون
مش زي مقالوا انه يزود المناعة وان كان هذا صحيح ليه هو لسة موجود في الصيدليات



الأخت الفاضله / نور اليقين


الرابيكابير هو منتج من مجموعة مواد طبيعيه مثل الحلبه والكركم والكمون الجاوى غيره من المواد الطبيعيه التى تساعد على رفع مناعة الجسم والدواء لاغبار ولكن لايتناسب مع سعره لأنه ليس دواء بل مجموعة مواد طبيعيه وموجود فى الصيدليات لأنه منتج طبيعى غير مرخص مثل عسل النحل وغيره





شكرا على هذه المعلومات وجزاك الله خيرا
اتمنى لك ولكل اخواننا الشفاء العاجل يارب

نوراليقين
03-Jun-2009, 05:12 AM
اخي الدكتورعبد العزيز والله انا شايفة ان هذا الاسم أنسبلك

لانه اسم جميل جدا وهو بيشبهك تماما فانت فعلا عزيز عند الكل

ربنا يطول عمرك و يديلك الصحة والعافية

انا فعلا معجبة بك جدا لان هذا الزمن غاب فيه الابطال:(

وانا اعتبرك بطل الابطال لانك مش بتحارب الفيروس اللي عندك وبس بل انت بتحارب كل فيروسات المرضى اللي في المنتدى وكمان الناس اللي بتدخل من غير متشارك وتقرا اللي كتبت وتستفيد منه

والله انا فعل اقدر هذه الجهود انت فعلا تستحق كل خير

ولازم تعرف انك مش بطل قصتك مع الانترفيرون وبس:)

انت فعلا بطل حقيقي ربنا يخليك للكل.

amh
03-Jun-2009, 08:53 AM
اقتباس:
المشاركة الأصلية كتبت بواسطة Egyzizo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119669#post119669)

اقتباس:
المشاركة الأصلية كتبت بواسطة amh http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119530#post119530)
الإخوة الأفاضل :
أذكركم بسؤالي مرة أخرى لأني أعمل في دول الخليج فصعب أن أتعالج في مصر
لأني يفترض أن أكون متواجد في مصر حتى أتقدم للعلاج
وأفكر أن أشتري الحقن على حسابي في الإجازة وأبدأ أخذها في الإجازة ثم أكمل عندما أرجع العمل
سؤالي هو : بكم وأين تباع حقن الإنترفيرون ؟ وهل يمكن شراؤها من وزارة الصحة ؟
بارك الله فيكم وشفانا الله وإياكم



حقن البيجاسيس تمنها 1340 جنيه للحقنة الواحدة
وحقن البيج إنترون تمنها 700 جنيه للحقنة الواحدة


بخصوص شرائها من وزارة الصحة ، فهناك اعلان على موقع (المعهد القومى للأمراض المتوطنة والكبد (http://nhtmri.org/arabic/patients.htm)) بيقول ان المعهد بيبيعها بالسعر المخفض ، فيمكنك الاتصال بالمعهد والاستفسار على العنوان التالى :


10 شارع قصر العيني – فم الخليج - القاهرة
تليفون: 3642494 – 3649005
فاكس: 3683723


أشكرك أخي العزيز د. زيزو وأسأل الله تعالى أن يجعل كل ماتفعله ويفله د.عبد القيوم وإخوانكم في هذا المنتدى الجميل في موازين حسناتكم يوم القيامة
وأنا أتابع هذا المنتدى الرائع بشكل يومي وأعتقد أن الكثيرين مثلي يستفيدون منه أيما استفاده
جزاكم الله خيرا وشفانا الله وإياكم
ولي سؤال آخر ماهو الفرق بين حقن البجاسيس وابيج إنترفيرون

ahmedfayz
03-Jun-2009, 09:13 AM
الاخوة الأعضاء شفاكم الله جميعا من كل داء ....... و الف الف مبروك اخونا نينو وعقبال الجميع يارب

ahmedfayz
03-Jun-2009, 09:17 AM
كان لى سؤال لو سمحت يا دكتور زيزو كم يكلفنى الالينا شهريا شاملة كل التكاليف والاستيراد وخلافه وهل هناك من يستوردها فى مصر و شكرا

abo_kabeer
03-Jun-2009, 12:48 PM
اقتباس:
المشاركة الأصلية كتبت بواسطة neno1043 http://www.4ph.net/vb/orange/buttons/viewpost.gif (http://www.4ph.net/vb/showthread.php?p=119694#post119694)
بسم الله الرحمن الرحيم
دكتورنا الغالى عبد القيوم
دكتورنا الكبير ابو قلب من ذهب عبد الغنى
الف الف الف شكر على مجاملتكم الغاليه وجعلها الله فى ميزان حسناتكم
وبجد انا متاكد ان النتيجه المشجعه دى الفضل لله اولا ثم للكيفر اللى شجعنى على الدخول فى النفق مع د/زيزو
واود ابلاغك د/عبد القيوم اننى سوف ابدء فى تناول السبيرولينا مع العسل زى ماحضرتك شرحت لنا(بالمناسبه انا وجدتها فى محلات امتنان هيلسشوب) للتغلب على الاعراض الجانبيه التى بدات تظهر معى بعد الحقنه العاشره من احساس بالارهاق
كما اود شكر دكتورنا الفاضل صاحب هذه الملحمه الرائعه د/عبد الغنى واقول لك
اثابك الله من فضله بعدد كل من فتحت له باب امل للعلاج ودخل فى هذه التجربه بخطى ثابته فى هذا المنتدى العامر
واخيرا احب ان اهديكم هذه الابيات وهى تتحدث عن الكيفر يعلن عن نفسه

سوف احيا رغم الداء والاعداء كالنسر فوق القمه الشماء
ارنو الى الشمس المضيئه هازئا بالسحب والامطار والانواء

لا المح الظل الكئيب ولا ارى ما فى قرار الهوه السوداء


الأخ الفاضل / نينو
أتم الله عليك الصحه والعافيه ومتعك بالسعاده طول العمر ... وكما قلنا سابقا نحن هنا إخوه ومرضى ونحس بنفس الإحساس ولدينا الأمل فى غد يحمل لنا الشفاء من الله وصراحه خجلنى كلامك لأننى أخ لكم وهذا الملتقى هو عائلتنا التى تجمعنا رغم بعد البلدان وإن شاء الله الأخبار المبشره ستتوالى بإذن الله .

وتحياتى لأصحاب الفضل والمجهود د. عبدالقيوم و د. زيزو وكل الإخوه هنا

neno1043
03-Jun-2009, 01:06 PM
اخى العزيز/احمد فايز
بارك الله فيك وجزاك كل خير
وياريت تطمنا عليك وعلى صحتكم الغاليه

Egyzizo
03-Jun-2009, 04:46 PM
الأخت نور .. أخجلتم تواضعنا .. لكن صدقينى أنا لا انتظر كلمات التقدير ، بل أجد سعادة فى مد يد العون لكل مريض فيروس سى .. ده أنا لما بأخش ومش بألاقى اسئلة بقيت أحس ان حاجة ناقصانى :) ..

***


الأخ amh، بعض أطباء الكبد يفضلون البيجاسيس ، لكن تبعاً للأبحاث المنشورة وهى كثيرة فلا فرق بينه وبين البيج-إنترون

***


الأخ أحمد .. اختيارات الألينيا متعددة ، ممكن تجيب من مصر دواء شرب اسمه نيتازود وجرعته زجاجة يومياً صباحاً ومساءاً وفى الحالة ده التكلفة هتكون 360 جنيه فى الشهر ..


وممكن تجيبه عن طريق مواقع الانترنت وفى الحالة دى هتكون التكلفة من 250 جنيه إلى 500 جنيه شهرياً على حسب الجرعة اللى هتاخدها ولا يوجد من يستورد الأقراص فى مصر ، يعنى هتبقى بالجهود الذاتية.


لكن الجديد أن هناك شركة أدوية فى مصر (شركة مينافارم) تقوم الآن بتصنيع أقراص النيتازوكسانيد 500 مجم ، وهتنزل السوق فى خلال شهر تقريباً ، وهيكون اسمها زيروفيرين Xerovirin ، والعلبة عبارة عن 6 أقراص وتمنها هيكون 12 جنيه .. والحقيقة أن التكلفة كده مش هتفرق عن دوا الشرب، لكن الأقراص هتكون أفضل كتير فى طريقة التناول.

وطبعاً احنا فى انتظار الموضوع بتاع د. عبد القيوم ، وفى الحالة دى التكلفة هتقل كثيراً ومش هتوصل إلى 80 جنيه شهرياً ..

د. عبد القيوم
03-Jun-2009, 05:08 PM
الأخوة الأفاضل المادة وصلت بعد عذاب و الحمد لله

و من يريد يتصل علي الخاص للتسجيل في الدراسة و مناقشة كيفية التوصيل لمن هم خارج المملكة

ام محمددد علي
03-Jun-2009, 05:27 PM
السلام عليكم
ممكن اعرف من فضلكم ما هو السبيرولينا واين اجده

د. عبد القيوم
03-Jun-2009, 05:37 PM
الأخت الفاضلة أم محمد

راجعي هذا الرابط للتفاصيل عن السبيرولينا
http://www.4ph.net/vb/t17543.html

asdalasod
04-Jun-2009, 01:57 AM
بالتوفيق فى الرحلة الجديدة اخ مومبو وبالشفا باذن اللة والاخ غراب ربنا يشفيك ويوفقك والدكتور زيزو بارك اللة فيك على ردودك وغدا موعد حقنتى الثانية ادعولى وادعوا لمنتخب مصر يوم الاحد

ghorab99
04-Jun-2009, 07:38 PM
بدورى اشد على يد الاخ مومبو وادعوا له بالتوفيق والشفاء التام باذن الله والموضوع بسيط ياخى واسال "مجرب".والدعاء موصول للاخ اسد الاسود شفاه الله شفاء لا يغادر سقما وللعزيز د/زيزوالنوارة اتم الله عليه نعمته بالشفاء التام وعلى الجميع انشاء الله.

ابوحازم المصرى
05-Jun-2009, 04:05 AM
ياه ..............حقيقى كم سعدت بتلك الاخبلر الجميبة بعد غياب اسبوع فقط فيالها من اخبار تبعث الامل وتثلج الصدور اعضاء جدد ونشاط جديد للفارس الكبير د/زيزو وتسجيل اهداف فى مرمى السى وزيرو
لااستطيع وصف سعادتى بعد ان قرات 10 صفحات متتالية
بداية ارحب بكل الاعضاء الجدد واهنى الاخ العزيز نينو وجميع من اقتربوا من نهاية المباراة وندعو الله العلى القدير ان يتم شفاءهم وان يشفى جميع المرضى واوجه الشكر للدكنور المخلص/عبدالقيوم ود/عبدالغنى وجميع من يساهم هنا فى عدم البخل باى معلومة ولاانكر ان الجميع هنا يعمل لوجه الله وهذا هو سر التوفيق والنجاح
عزيزى د/زيزو مش عايز احسدك لانن حسدناك قبل كدا بس ماشاء الله الملعب منور بكراتك وتمريراتك السحريه
د/عبدالقيوم اعانك الله على فعل الخير ومجهودك الخارق فى الحصول على الدواء الجديد واوعى تنسانى لانى من اول الذين سجلوا اسمهم وتليفونهم لانك تعرف انى اخد الكيفير فقط وقد اكملت 3 اشهر الان وساقوم بعمل تحليل فى خلاال هذا للاسبوع لللانزيمات وساقوم بتاجيل الpcr بعد الحصول على النيتازوكسانيد وطبعا منتظر رايك وراى د/زيزو فى هذا الموضوع
تحية لاخوانى جميعا اعضاء هذا المنتدى القدامى والجدد واتمنى شفاءا للجميع باذن الله

neno1043
05-Jun-2009, 05:42 AM
الف شكر اخى ابو حازم وانشاء الله نباركلك قريب على الزيرو بدون انترفيرون
اخى د/زيزو لى سؤال (هو مش سؤال هى فكره جت فى دماغى حبيت اعرضها عليك)
1/الحمد لله دلوقت بقى فى بدائل كثيره وكلها اعطت نتائج مبشره
2/كل طريقه ولها مميزات وعيوب(الكيفر مفعوله بطىء شويه الا انه لايوجد له اثار جانبيه مثل الانترفيرون والانترفيرون مفعوله سريع الا ان له الاثار الجانبيه الشديده اللى كلنا عارفينها والتى قد تستدعى ايقاف العلاج احيانا)
3/ومعلوم ان نسب عدم القابليه للعلاج راجعه الى ان الانواع الظاهريه للفيروس بتتحور وتتكيف مع طريقه العلاج وبذلك يبقى الفيروس فى الجسم
طيب ايه رائيك لو نخليها 3شهور انترفيرون(يتم فيها التخلص من الفيروس وايضا التعرض للاثار الجانبيه الشديده من نقص صوره الدم وخلافه) ثم نريح 3شهور من الانترفيرون(نعطى فرصه للجسم بضبط الاثار الجانبيه التى حدثت فى الثلاث شهور السابقه)على ان يتم تعاطى جميع انواع البدائل الاخرى(كيفر-سبيرولينا-نيتازود-مضادات اكسده-تومكس الخ) ثم بعد ذلك 3 شهور اخرى انترفيرون وهكذا حتى تمر السنه او سنه ونصف حتى
4/ميزه الفكره دى انها بتزود عدد المرضى اللى ممكن يدخلوا كورس الانترفيرون وايضا يكونوا ماشيين فى راحه وامان
5/طبعا الكلام ده هو فكره من الناحيه النظريه فقط ومنتظر تحليله من حضرتك بالمرتكز العلمى الموجود عند حضرتك زادك الله من علمه
وايضا نطلب رأى د/عبد القيوم زاده الله من علمه وفضله

Egyzizo
05-Jun-2009, 09:47 AM
مرحباً أبو حازم ، وعقبال ما نسمع عنك أخبار كويسة قريباً .. ولا ضير من الانتظار حتى استخدام الألينيا.

عزيزى نينو ، فكرتك طيبة وفعلاً خطرت على بالى كذا مرة ، بس على أساس إن العيان ياخد انترفيرون لغاية ما يبقى زيرو، وبعد كده يكمل على الحاجات اللى قلتها ومايرجعش تانى للانترفيرون طول ما هو مازال زيرو تحت استخدام الحاجات دى ..
بس للأسف فيه موانع تعوق عمل تجارب زى دى ، وبيسموها فى مجال الأبحاث الطبية (موانع أخلاقية) أو Ethical لأن زى ما انت عارف الدراسات دى هتتعمل على مرضى من البشر فلازم يتحط فى الاعتبار انهم بيدوروا عن الشفاء خاصة بعد ما قربوا منه بعد وصولهم إلى الزيرو بالانترفيرون والنتائج مش هتكون مضمونة وخاصة ان الكيفير زى ما انت عارف فيه مرضى مش بيجيب معاهم نتيجة، فبكده هنبقى أذينا بعضهم فى سبيل البحث العلمى.
على أى حال ، ممكن المحاولات دى تقتصر على المرضى اللى بيضطروا يوقفوا الانترفيرون بالرغم من وصولهم للزيرو ، بسبب الآثار الجانبية لاستخدامه لأنهم كده كده هيضطروا يوقفوه.

ghorab99
05-Jun-2009, 10:17 AM
الله ينور عليك يا د/زيزو هذا الكلام كله علم وحكمة زادكم الله من فضله.

أمونه
05-Jun-2009, 03:29 PM
السلام عليكم
ادعو الله ان يشفي الجميع في هذا المنتدى الرائع
د زيزو الف شكر قد افتدني كثيرا

وسنقوم باللازم ان شاء الله

ahmedfayz
06-Jun-2009, 04:54 AM
شكرا اخونا الحبيب دكتور زيزو على الرد
بخصوص اخر اخبارى مع الانترفيرون انا رحت النهارة لجنة الكبد ( اصبحت عندنا الجمعه ) وخدت قرار من اللجنه بعلا ج انترفيرون اسبوعى مع الريبافرين لمدة 3 اشهر والمتابعة مع التامين وخدت فعلا تحويل لمعهد الكبد اللى هيرجعنى بجواب تانى للتامين يعنى شوية اجراات كده وربنا يسهل مش عارف تاخد اد ايه وهل ممكن معهد الكبد يأجل تانى ولا لاه

Egyzizo
06-Jun-2009, 08:28 AM
بركة ان الأمور ماشية يا أخ أحمد .. فى معهد الكبد هتلاقى هناك لجنة تانية تراجع كل حاجة عشان لو فيه حاجة فاتت على اللجنة الأولى تطلبها منك .. لكن طالما وصلت إلى معهد الكبد يبقى الدنيا هتمشى.

ghorab99
06-Jun-2009, 12:55 PM
الاخ العزيز د/عبد القيوم ارسلت اليكم برسالة على الخاص بخصوص التسجيل بالدراسة ولم يصلنى الرد لعل المانع خير.رجا التنويه هنا ان تعذر الرد على الخاص وتقبلوا تحياتى متعكم الله بالصحة والعافية.

Mombo
06-Jun-2009, 07:18 PM
دكتور زيزو

طمنا عليك انت فين دلوقتى ووصلت لفين مع الإنترفيرون ؟

نوراليقين
06-Jun-2009, 10:21 PM
والله انت عندك حق ياMombo انا معاك هي قصة تجربتي مع الانترفيرون وصلت لفين
خلينا نتابعك دائما يادكتور عبد العزيز ماااااااااااتنساش

Mombo
07-Jun-2009, 02:14 AM
سؤال للدكاترة

فيه فرق من حيت الأعراض الجانبية او التأثير العلاجى وكمان سعر الحقنة ما بين البيج فيرون والبيج انترون ولا لأ ؟

وجزاكم الله خير

mbadr
07-Jun-2009, 07:18 AM
د. زيزو العزيز
أنعمت صباحا وأتم الله علينا بالشفاء جميعا
معلهش انت عارف ظروفى كويس ومليش حد اساله غيرك
هل توجد علاقه بين العلاج بالانترفيرون والقلب لأن استشارى الكبد مصمم على ضروره العرض على اخصائى القلب قبل البدأ فى العلاج واخبرنى ان هذا يتم مع جميع المرضى اللذين سيتم علاجهم بالانترفيرون دون ما تفاصيل

عمرو طمر
07-Jun-2009, 08:30 AM
اقتباس:
المشاركة الأصلية كتبت بواسطة Mombo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=120382#post120382)
سؤال للدكاترة

فيه فرق من حيت الأعراض الجانبية او التأثير العلاجى وكمان سعر الحقنة ما بين البيج فيرون والبيج انترون ولا لأ ؟

وجزاكم الله خير



وكمان البيجاسيس ايه الفرق بينها وبين الانواع التانيه , يعنى ايه الفرق بين alpha 2 a and alpha 2b

mbadr
07-Jun-2009, 08:50 AM
اقتباس:
المشاركة الأصلية كتبت بواسطة Mombo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=120382#post120382)
سؤال للدكاترة

فيه فرق من حيت الأعراض الجانبية او التأثير العلاجى وكمان سعر الحقنة ما بين البيج فيرون والبيج انترون ولا لأ ؟

وجزاكم الله خير



وكمان البيجاسيس ايه الفرق بينها وبين الانواع التانيه , يعنى ايه الفرق بين alpha 2 a and alpha 2b

يمكن للأخوه الأعزاء معرفه الفروق بين أنواع الانترفيرون بقراءه رد الدكتور زيزو (المداخله رقم 20 ) هنـــــــــــــــــــــا (http://www.4ph.net/vb/t15380-2.html)

عمرو طمر
07-Jun-2009, 09:48 AM
انا قصدى ان واحد نصف سعر التانى ونتايجهم مقاربه جدا على حسب ابحاث ودراسات منشوره على النت , ازاى كده والمندوبين من الشركتين كل واحد يقولى ماقال مالك فى الخمر عن التانى هههههههههه, ده الغرض من السؤال

neno1043
07-Jun-2009, 01:13 PM
السلام عليكم ورحمه الله
اسمح لى عمى العزيز/بدر ارد عليك حتى وصول د/زيزو
دى تحاليل بتتم مع كل من هو مقدم على الانترفيرون بدون استثناء وهى
1/تحليل الغده الدرقيه
2/تحليل الامراض المناعيه
3/رسم قلب
4/صوره دم كامله
5/اشعه تلفزيونيه على الكبد

mbadr
07-Jun-2009, 09:21 PM
لك خالص شكرى نينو العزيز
اتم الله شفاؤنا جميعا
وربنا يطمنا على الدكتور زيزو

ابن الاسلام
08-Jun-2009, 04:18 AM
السلام عليكم
هل الراي فيرون انتاج شركة مينا فارم بتصريح من شركة راين بيوتك الالمانية يحقق نفس نتائج الانترفيرون الذي يصرف في التامين الصحي
ارجوا الافادة وجزاكم الله خيرا

Egyzizo
08-Jun-2009, 07:05 AM
اقتباس:

المشاركة الأصلية كتبت بواسطة Mombo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=120325#post120325)


طمنا عليك انت فين دلوقتى ووصلت لفين مع الإنترفيرون ؟



واللاهى يا مومبو .. أنا كنت بدأت أنسى انى بآخد انترفيرون
يعنى نسيت أرقام الحقن ، وان كانت متسجلة عندهم طبعاً ..


وموضوع الآثار الجانبية مش في الصورة خالص دلوقتى ، لأن كان فيه مشاكل أكبر زى موضوع الضغط المرتفع ، وحادثة العربية ، والأسبوع ده دور حمى شديدة (حرارة فوق 40) مع دوخة جامدة عند الوقوف ..


فعيب قوى يبقى حد بيشوف الحاجات دى وييجى يقول انه بينهج شوية من الانترفيرون لما بيطلع السلم .. :)


هو بجد فعلاً ، أنا الأيام دى في سلام مع الانترفيرون ، ولم تطرأ أى مشاكل جديدة .. بل أن هناك تحسن فى موضوع التعب وكرشة النفس عند مجهود قليل .. (قد يعود لاستخدام السبيريولينا، ربنا يبارك فى اللى ساعدنى فى الحصول عليها).


الملحوظة اللى تواجدت منذ بداية الصيف ، هى نشفان الريق بشكل ملفت ومتكرر ، وطبعاً احنا قلنا قبل كده ان المشكلة دى بتكون تمهيد لمشاكل أكبر فى الفم ، وعشان كده ، أنا دايماً الميه جنبى ، حتى لو بره البيت معايا زجاجتى الخاصة للارتواء وترطيب الفم.

Egyzizo
08-Jun-2009, 07:17 AM
اقتباس:
المشاركة الأصلية كتبت بواسطة mbadr http://www.4ph.net/vb/orange/buttons/viewpost.gif (http://www.4ph.net/vb/showthread.php?p=120421#post120421)
د. زيزو العزيز
أنعمت صباحا وأتم الله علينا بالشفاء جميعا
معلهش انت عارف ظروفى كويس ومليش حد اساله غيرك
هل توجد علاقه بين العلاج بالانترفيرون والقلب لأن استشارى الكبد مصمم على ضروره العرض على اخصائى القلب قبل البدأ فى العلاج واخبرنى ان هذا يتم مع جميع المرضى اللذين سيتم علاجهم بالانترفيرون دون ما تفاصيل




صباح الفل ..
وتمام زى ما قال نينو ..
بيبقى مطلوب تقييم حالة القلب قبل البدء فى الانترفيرون لأن فى حالة اعطاء الانترفيرون لمريض بيعانى من مشاكل كبيرة فى القلب ممكن يزود المشاكل دى.

فيه تدارك بس يا عم بدر، ان الألينيا ممكن فعلاً يسبب اسهال فى حوالى 5% من اللى بياخدوه ، فوارد انه يكون هو السبب.

Egyzizo
08-Jun-2009, 07:32 AM
اقتباس:
المشاركة الأصلية كتبت بواسطة ابن الاسلام http://www.4ph.net/vb/orange/buttons/viewpost.gif (http://www.4ph.net/vb/showthread.php?p=120550#post120550)
السلام عليكم
هل الراي فيرون انتاج شركة مينا فارم بتصريح من شركة راين بيوتك الالمانية يحقق نفس نتائج الانترفيرون الذي يصرف في التامين الصحي
ارجوا الافادة وجزاكم الله خيرا




اذا كان قصدك على الريفيرون العادى بتاع مينا فارم ، فهو طبعاً لا يحقق نفس النتائج لأن تركيبه الكيميائي مختلف عن الانترفيرون البيجيلاتيد بتاع التأمين ..


أما اذا كان قصدك على الريفيرون (ريتارد) والمكتوب أنه بيجيلاتد ، فالحقيقة هنا تكون الإجابة عن سؤالك : "لا أعلم" .. لأن الأنواع البيجيلاتد الموجودة مجربة ونتيجتها معروفة من حيث الفاعلية، وعلى نفس الدرجة من الأهمية من حيث الآثار الجانبية
فالإجابة عن هذا التساؤل سبيلها الوحيد التجربة العملية (دراسة إكلينيكية) وهى ما لم توفره الشركة فى تسويقها للدواء.

Egyzizo
08-Jun-2009, 08:02 AM
الإخوة الأعزاء ، الفروق بين الأنواع المختلفة للانترفيرون مذكورة بالتفصيل فى أول ثلاث صفحات من هذا الموضوع , ومنها المداخلة التى أشار إليها عم بدر .. أما بخصوص الفروق فى الأسعار ، فعلينا أن نعلم أن الشركة المنتجة (المحتكرة) هى الجهة الوحيدة التى تحدد سعر منتجها ، وأن الأمر لا يعود إلى تكلفة الإنتاج لأن هناك عوامل أخرى تتحكم فى السعر أهمها تكلفة الاختراع حتى يخرج إلى النور .. فقد تكون التكلفة الفعلية لانتاج دواء ما جنيه واحد بينما هو يباع بـ 700 جنيه .. ويظل هكذا حتى يسقط حق الملكية الفكرية ..


والمثال الموجود تحت أيدينا لذلك هو الألينيا ، فالشركة المنتجة تبيع الجرام بما يقترب من 300 جنيه ، بينما نفس المادة الفعالة حصل عليها د. عبد القيوم بأقل من 3 جنيه للجرام .. مع العلم بأن الناس اللى اشترى منهم د. عبد القيوم كسبانين زى الفل كمان :).


يعنى صدق اللى قال ان صناعة الأدوية دى مافيا ، ربنا يدينا خيرها ويكفينا شرها ..

mbadr
08-Jun-2009, 10:12 AM
الف سلامه ياملك وفات الكتير وربنا يعينك ويساعدك على تحمل باقى المشوار
وخالص شكرى على عظيم اهتمامك وسرعه ردك
ادامك الله للجميع وتمم الشفاء لك ولنا جميعا

sesayed
08-Jun-2009, 01:45 PM
متابع ولا جديد فى حالتى إلا
1-استمرار توقف الشعر لأعلى بصورة ملفتة.
2-استمرار زيادة الوزن زيادة 4 كيلو من 26-3-2009 حتى الآن.
3-قل مستوى التعب عند الحركة أو صعود سلم.
استفسارى مع انه نوعاً ما لا يستحق لأنه بجانب الأعراض القديمة لا يستحق الذكر ولكن مجرد حالة يمكن أن تقابل أحد آخر هل تتوقف حالة توقف الشعر بهذه الصورة بعد توقف الريبافيرين الذى اتناول منه 800 مجم حالياً؟

MmS2008
09-Jun-2009, 03:27 AM
الســــلام عليكم ورحمة الله وبركاتــــه

تحياتي للجمـــيع
وتمنياتي لكــم جميعا بالشفاء ان شاء الله
انا عرفت المنتدي بالصدفة وانا ببحث على النت عن اي معلومات عن الانترفيرون
وقريت اجزاء من الموضوع ده ولسه مكمل
بس
حبت اعرفكم بنفسي انا محمد - 22 سنة - مصري - خريج علوم (رياضة وحاسب)
اكتشفت صــدفة ان عندي فيرس سي اثناء كشف الجيش ( من شهر ونص )
واخدت اعفاء نهائي
المهم
رحت حللت في معمل المختبر تحليل pcr
وكانت كمية الفيرس 147000

،،
رحت لدكتور وقالي على الانترفيرون
وقالي لازم اخد عينه من الكبد
في معهد الكبد
لكن انا معملتش حاجه الى الان
،،،
بصراح انا مش عارف ادخل في حكاية الانترفيرون ولا لا
متردد؟؟
ونفسي اعرف رائيكـــم

ابوحازم المصرى
09-Jun-2009, 04:56 AM
عزيزى د/عبدالقيوم اعزائى اعضاء المنتدى برجاء ايجاد وسيلة كى استلم دواء النيتازوكسانيد من جدة بناءا على كلام الد/عبدالقيوم حيث اننى من القاهرة ولااعرف احدا فى السعودية او جدة فبرجاء من اى عضو يسافر الى جدة او لديه المقدرة على التوصيل من جدة حيث اننى لااعرف اى احد من السعودية وانا قد قمت من فترة بتسجيل كل بياناتى لد/عبدالقيوم فى رغبتى فى الحصول على هذا الدواء فبرجاء افادتى بمن يستطيع ان يساعدنى فى الحصول عليه .........شفا الله الجميع

Egyzizo
09-Jun-2009, 07:15 AM
اقتباس:
المشاركة الأصلية كتبت بواسطة sesayed http://www.4ph.net/vb/orange/buttons/viewpost.gif (http://www.4ph.net/vb/showthread.php?p=120583#post120583)
متابع ولا جديد فى حالتى إلا
1-استمرار توقف الشعر لأعلى بصورة ملفتة.
2-استمرار زيادة الوزن زيادة 4 كيلو من 26-3-2009 حتى الآن.
3-قل مستوى التعب عند الحركة أو صعود سلم.
استفسارى مع انه نوعاً ما لا يستحق لأنه بجانب الأعراض القديمة لا يستحق الذكر ولكن مجرد حالة يمكن أن تقابل أحد آخر هل تتوقف حالة توقف الشعر بهذه الصورة بعد توقف الريبافيرين الذى اتناول منه 800 مجم حالياً؟



أشهر الأعراض بخصوص الجلد والشعر ، هى سقوط الشعر ، فقدان اللون (الشيب)، خشونة الجلد .. وعرض وقوف الشعر من الأعراض النادرة ولكنه مسجل وغير معلوم السبب اذا كان الانترفيرون أم الريبافيرين أم كليهما ، ولكن هذا الشكوى تزول بعد فترة من 6 - 8 شهور من وقف العلاج بكلا العقارين.


أما عن الوزن فعليك أن تغير من نوعية الحياة LifeStyle بتغيير نظرتك للطعام وممارسة الرياضة 4 مرات فى الأسبوع واتباع ريجيم وقائى ان اقتضى الأمر ..
أنا عارف ان ماتش الجزائر كان حاجة تكسف ، بس ممكن تفش غلك فى العيال وبلاش فى الأكل :(

Egyzizo
09-Jun-2009, 07:28 AM
اقتباس:
المشاركة الأصلية كتبت بواسطة MmS2008 http://www.4ph.net/vb/orange/buttons/viewpost.gif (http://www.4ph.net/vb/showthread.php?p=120682#post120682)



بصراح انا مش عارف ادخل في حكاية الانترفيرون ولا لا
متردد؟؟
ونفسي اعرف رائيكـــم




يا ألف مرحب بيك ..
الآراء فى الموضوع ده مختلفة ، وما ينفع لك قد لا ينفع لغيرك وما لا ينفع لك الآن قد ينفع لك بعد سنة أو اثنين ، وأحسن قرار هو اللى تاخده لنفسك مع طبيب أمين عارف ظروفك .. فاستهدى بالله كده ، وكمل قراية الموضوع ، واقرا المواضيع المتعلقة بأمراض الكبد فى المنتدى وخد وقتك فى فهم طبيعة المرض وهتلاقى ان فيه فكرة معينة اتبلورت عندك بعد ما تغوط فى الموضوع ، ولا تقلق لأن موضوع السى ده باله طويل ، ويارب توصل لقرار ان شالله بعد سنة مش هتفرق كتير .. بس أهم حاجة تخليك جوه الدايرة ولا تتجاهل الموضوع.

Mizonagy
09-Jun-2009, 09:28 AM
اقتباس:
المشاركة الأصلية كتبت بواسطة MmS2008 http://www.4ph.net/vb/orange/buttons/viewpost.gif (http://www.4ph.net/vb/showthread.php?p=120682#post120682)

الســــلام عليكم ورحمة الله وبركاتــــه



تحياتي للجمـــيع
وتمنياتي لكــم جميعا بالشفاء ان شاء الله
انا عرفت المنتدي بالصدفة وانا ببحث على النت عن اي معلومات عن الانترفيرون
وقريت اجزاء من الموضوع ده ولسه مكمل
بس
حبت اعرفكم بنفسي انا محمد - 22 سنة - مصري - خريج علوم (رياضة وحاسب)
اكتشفت صــدفة ان عندي فيرس سي اثناء كشف الجيش ( من شهر ونص )
واخدت اعفاء نهائي
المهم
رحت حللت في معمل المختبر تحليل pcr
وكانت كمية الفيرس 147000


،،
رحت لدكتور وقالي على الانترفيرون
وقالي لازم اخد عينه من الكبد
في معهد الكبد
لكن انا معملتش حاجه الى الان
،،،
بصراح انا مش عارف ادخل في حكاية الانترفيرون ولا لا
متردد؟؟
ونفسي اعرف رائيكـــم



عزيزي MmS2008

انا لسه مكتشف المرض مش من ز مان برضوا وبدأت في رحلة الانترفيرون واشكر الله بعد الحقنة الرابعة نيجاتف
انا ايضا سني مش كبير 27 سنة
فنيصحتي لك ان لا تتردد وتبدأ في العلاج لان كلما كان الفيروس حديث معك وكلما كان سنك صغير كانذلك افضل بكثير واعلم ان في الاول والخر الشفاء في يد الله فلا تقلق

sesayed
09-Jun-2009, 11:19 AM
اقتباس:
أشهر الأعراض بخصوص الجلد والشعر ، هى سقوط الشعر ، فقدان اللون (الشيب)، خشونة الجلد .. وعرض وقوف الشعر من الأعراض النادرة ولكنه مسجل وغير معلوم السبب اذا كان الانترفيرون أم الريبافيرين أم كليهما ، ولكن هذا الشكوى تزول بعد فترة من 6 - 8 شهور من وقف العلاج بكلا العقارين.

عندك حق العملية مسحت من الأمام كتير .. والله العيال بقوا يقولولى يا جدو :( .
اقتباس:
عليك أن تغير من نوعية الحياة lifestyle .. بس ممكن تفش غلك فى العيال وبلاش فى الأكل
والله بنحاول لكن ظروف العمل صعبة الواحد يدوب يروح ينام .. الحمل ثقيل جداً يدوب الجمعة إن استطعت والله المستعان.

aliallam
11-Jun-2009, 10:33 AM
السلام عليكم ورحمة اللة
حصل اني عرفت الفيرس من شهر 4 وعملت pcr وكنت العد 600 الف بدات اخود الكقير من شهر تقريبا مع مجموعة ادوية زي الانفكس ومضات اكسدة وبينيل وسلمارين والحبة الصفراء
المهم عملت تحلييل pcr تاني من يومين وكانت النتيجة 900 الف
المفروض انشاء اللة هبدا اول حقنة انتيرفيرون اليوم انشاء اللة
فاعيز نصيحة الدكتور زيزو والدكتور عبداقيوم هل استمر مع الحقن مع الكقير ومضات الاكسدة ولا اية
وجزاكم اللة خير

Egyzizo
11-Jun-2009, 10:39 AM
بالتوفيق يا أخ عـــلى ..
وطبعاً استمر على الكيفير ومضادات الأكسدة ، وبشكل أخص عليك بالسيليمارين.

asdalasod
11-Jun-2009, 11:49 PM
اخيرا فتح الموقع معاية ازيكم يا احبائى واسف لعدم الدخول لان الموقع مكانش بيفتح من اخر مداخلة وتحياتى لدكتور زيزو والاخ غراب وشكرا لسؤالة عنى ود عبد القيوم وكل الاحباب والاخ محمد والاخ على ربنا يشفيكم وتجربة ناجحة باذن اللة ومرحبا بكم فى المنتدى

asdalasod
11-Jun-2009, 11:52 PM
من اخبارى اننى والحمد للة اخدت الحقنة التالتة اليوم والوضع مستقر ولكن احس قليلا بالم بسيط فى الجانب الايسر من البطن واحيانا احس بحكة اسفل البطن فهل اخذ شىء للحكة الغير مستمرة دائما والالم هذا كاعراض الم البرد كدة وشكرا واتمنى الشفاء للجميع

aliallam
12-Jun-2009, 05:24 AM
اقتباس:
المشاركة الأصلية كتبت بواسطة Egyzizo http://www.4ph.net/vb/orange/buttons/viewpost.gif (http://www.4ph.net/vb/showthread.php?p=120833#post120833)

بالتوفيق يا أخ عـــلى ..

وطبعاً استمر على الكيفير ومضادات الأكسدة ، وبشكل أخص عليك بالسيليمارين.



شكرا يادكتور زيزو عل تشجسعك المستمر لية من زمان علي الخاص
انا اخذت اول حقنة امس 11-06 والامور الحمد للة مستقرة

واهلا بيك يا اسد وشكرا علي الترحيب انت وكل اللي في المنتدا انا وارك علي طول في النفق ياباشا

دكتور زيزو دي كانت نتيجة التحاليل لما جبتها امس
alt 22
ast 55

دة طبعا بعد ما كانت من شهر عالية
alt 144
ast 83
المشكلة باة في الg g t
مرتفع كتير يعني 296
اية رايك يا دكتور
ويجعلة عامر

ahmedfayz
13-Jun-2009, 02:29 AM
سلامى للجميع ومرحبا بجميع العضاء الجدد ................. اخيرا الدكتور فى معهد الكبد كتب لى على حقن بيج انترون وريبافرين والحقيقه كانت كل خطوه لى بتوجيهات مباشره من الدكتور زيزو اللى باشكره جدا وربنا يجزيه خير ويتم شفاه على خير وان شاء الله اكمل الاجرات من التأمين واروح معهد الكبد الخميس القادم علشان اعمل ملف واخد الحقنه الاولى يارب يكون مشوارى بالشفاء ( اللهم اشف مرضانا وجميع مرضى المسلمين )

dr_kaminomoto
13-Jun-2009, 03:09 PM
السلام عليكم ورحمه الله وبركاته :
الاخوه اعضاء المنتدى كنت قبل كده عرضت لو فى حد محتاج لأبر النيوبوجين لانى عندى كميه كبيره منها وللاسف تاريخ انتهاء صلاحيتها قرب فلو فى اى حد يقدر يستفيد بيها او محتاجها او حتى يعرف مكان اتبرع بيهم فيه يقولى وربنا يشفيكم جميعا ،

khaled_2008
14-Jun-2009, 01:24 PM
السلام عليكم جميعا انا عضو جديد معاكم بعانى بردة من فيرس سى وبعمل التحاليل الخاصه بالفيرس عشان الحقن بس قبل ما ابدا فى الحقن ياريت حد يدلنى على الطحالب موجودة فين ويبقى جزاة الله كل خير ودة ايميلى khaled_com62@yahoo.com ورقم تليفونى 0172793499

ISMA3EL
14-Jun-2009, 03:09 PM
السلام عليكم ورحمة الله وبركاته
ازيكم يا اخواني في الحرب على الفيروس ايه اخباركم انا كنت بتابع اخباركم دايما بس مكنتش بشارك لان مفيش جديد بعد البي سي ار الاول غير انه بقى سلبي وماشي على حقن الابريكس وبعد شهر ارتفع الهيموجلبين من 8.6 الى 11 الحمد لله لكن كرات الدم البيضاء مش عايزه ترفع عن 2100
وطبعا الاعراض تساقط شعر ووقوفه موجود وجفاف الجلد موجود
وسلامي لجميع زملائنا القدامي دكتور زيزو وسي السيد والمهندس حازم والدكتور عبد القيوم وكل الاعضاء الجداد اللي دخله النفق معانا مش عايز انسى حد لان كلنا اسره واحده وهمنا واحد وان شاء الله كلنا ربنا يكتبلنا الشفا ان شاء الله

فتاه مسلمه
14-Jun-2009, 05:14 PM
السلام عليكم جميعا
اتم الله شفاؤنا جميعا
د.زيزو عندى سوال زى العاده:)

انا من فتره طلعت لى فى الوجه (سنطه )
الدكتوره قالتلى هاجرب مس و دواء عشان انا مش عايزه اشيلها بالكهرباء


ادتنى دواء اخده لمده شهر لرفع المناعه اسمه

immulant

هل فيه مشكله انى اخده عشان الكبد ؟؟
و لا اخده عادى ؟؟؟


جزاك الله خيرا عنا جميعا و شفاك الله و عافاك

هانتظر ردك

sesayed
14-Jun-2009, 07:12 PM
سلامي لجميع زملائنا القدامي دكتور زيزو وسي السيد والمهندس حازم والدكتور عبد القيوم وكل الاعضاء الجداد اللي دخله النفق معانا مش عايز انسى حد لان كلنا اسره واحده وهمنا واحد وان شاء الله كلنا ربنا يكتبلنا الشفا ان شاء الله
اسماعيل باشا
شفاك الله وعافاك وعافانا جميعاً
جميعكم فى القلب
أحبك الله الذى أحببتنا فيه.

ابن الاسلام
15-Jun-2009, 02:00 AM
اخي الكريم د/ زيزو
جزاك الله خيرا على ما تقدمه لنا من معلومات قيمة. لي سؤال هل يمكن ان ينمو الشعر مرة اخري كما كان قبل العلاج حيث انه شعري خف بطريقة ملحوظة اثناء فترةالعلاج.
سؤال اخر اعاني من امساك شديد ووصف لي الدكتور المعالج قطرات بيكولاكس وهي تيسر عملية الاخراج الي حد ما فهل هذا الامساك بسبب العلاج ام بسبب عضوي اخر مع العلم انني اتناول اقراص الانفكس و الفيرين وليفاروز بجانب حقن الانترفيرون . ارجو الافادة وجزاك الله خيرا

Egyzizo
15-Jun-2009, 04:50 PM
الأخ خالد ، يوجد مواضيع فى المنتدى عن كيفية الحصول على الكيفير ، وكذلك يمكنك الدخول على المدونة فى توقيعى

ازيك يا متر ، ومبروك على التقدم فى الهيموجلوبين ، والعد الأبيض مش مقلق ، يا ترى بتاخد كام حقنة ابريكس فى الأسبوع وبتكلفك كام؟

الأخت فتاة مسلمة ،عاش من شافك ، ولا مشكلة من أخذ الإميولانت

الأخ ابن الإسلام، مرحباً بك ، العلاج بالانترفيرون قد يسبب امساك كأثر جانبى فى أحوال قليلة ولا مشكلة من استخدام البيكولاكس ، وراعى الإكثار من الخضروات الطازجة فى طعامك

محمد حافظ
15-Jun-2009, 05:31 PM
السلام عليكم

سأحكي تجربتي الفاشلة مع الإنترفيرون وسبب فشلها فيما أعتقد

1- بدأت الإنترفيرون وكانت الصفائح أقل من الطبيعي وكان هذا خطأ الدكتور المتابع ... إذ كان لابد عليه من إعطائي علاج لرفع نسبة الصفائح.

2- اختفى الفيرس تماما بعد 12 حقنة وانخفضت الصفائح أكثر

3- اختفى الفيرس تماما في تحليل 24 حقنة وانخفضت الصفائح أكثر

بدأت تظهر أعراض الكحة الشديدة جدا لأقل تيار من الهواء ونزيف من الأنف

كنت أظن أن الأمر طبيعي حتى أمر الطبيب المتابع بتخفيض الحقنة للنصف فارتفعت الصفائح وزالت الكحة قليلا وتوقف النزف

علمت أن هناك علاقة بين الصفائح وهذه الأعراض

بدأت اشتغل من رأسي ... مطمئنا لاختفاء الفيرس ... كلما ظهرت الكحة أو النزيف آخذ نصف الحقنة

حتى انتهى الكورس 48 حقنة وحللت فظهر الفيرس من جديد

خلال تلك الفترة حشوت أسناني مرتين عند طبيبين أي كلام

وبذلك يعد سبب الانتكاسة
1- قلة الصفائح قبل بدء الحقن
2- التهاون في أخذ الحقن كاملة مع الربيفرين بحجة اختفاء الفيرس
3- أخذا الحقن والسير بها لساعات عديدة دون وضعها في ثلج أو درجة حرارة منخفضة مما أفقدها فاعليتها
4- معاودة الذهاب لأطباء الأسنان الذين لا يحسنون تعقيم أدواتهم الطبية.

والله المستعان

أخوكم

Egyzizo
15-Jun-2009, 05:51 PM
الأخ محمد حافظ ..
الأفق مضئ ، ونتابع الاكتشافات الجديدة فى العلاج يوماً بعد يوم، قد تكون قد خسرت هذه المعركة ، ولكن مازالت الحرب قائمة ونتمنى لك كل خير.

قد يكون انقاص جرعة العلاج سبباً مهماً فى حدوث الارتداد ، ولكن ينبغى أن نضع فى الاعتبار أيضاً أن هناك نسبة من المرضى يحدث لهم ارتداد بدون اضطرارهم لانقاص جرعة العلاج، وهذه احدى المشاكل المهمة للعلاج بالانترفيرون والريبافيرين، عشان كده المفروض بقدر الامكان نعمل اللى فى ايدينا ونكمل الكورس بدون التهاون فى افلات أى جرعة من أى من الدوائين، والباقى اللى مش في ايدينا نسيبه على ربنا وكل ما يفعله خير.

amina23
16-Jun-2009, 12:13 AM
السلام عليكم ورحمة الله وبركاته ......
أنا كنت عرضت من فترة حالة مرضي و تكرمتم و نصحتوني بالتروي في موضوع الحقن و التركيز على علاجات طبيعية و أنا بالفعل ذهبت لدكتورة جيدة نصحني بها الأخ الكريم عبد الغني.. جزاه الله خيرا.
الحمد لله الدكتورة طمنتني و قالتلى "أنتي أصلا منقدرش نقول عليكي عيانة" وو قالتلي أني مكانش المفروض أخد الحقن فعلا .و أنها كان ممكن تضرني اكتر ما تنفعني .. و كتبتلى بس على أدوية ترفع المناعه عندي و قالتلى مخدش أي أدوية تانيه (و الحقيقه هي رفضت الكلام عن الكيفر ) بس أنا لسه باخده و كان نفسى تكون مرحبه بيه لكن على كل حال هي معذورة لعدم معرفتها بيه.
هي برضو طلبت أني أحلل كل شهرين و لو الأنزيمات عليت لأكتر من الضعف أروحلها.
الأدويه الي كتبتهالي هي ( C-mune و digest eze ) و الحقيقه بعد ما أخدتها و بدأت حالة أمساك و ميل للقيء و وجع بطن ولقيت أن ده فعلا من الأعراض الجانبيه للc-mune حاولت أوصل للدكتورة كان صعب جدا و على أخر اليوم عرفت أوصل لدكتور مساعد عندها قالى خدي اديزول الصبح قبل الفطار لمدة اسبوع لو متحسنتيش تعالي العيادة . و قفل السكه قبل ما اقول أي حاجه.
طبعا أنا علشان احجز عندها تاني أدامي شهرين أو ادفع مستعجل و أروح كمان عشر أيام.
أيه رأيك يا دكتور زيزو فى الموضوع ده؟ ... هل أنا ماشيه مظبوط و أخليني على الأدويه دي أملا أن الأعراض دي تقل؟ و أخد الأديزول و لا أيه؟
واذا كان الأنترقيرون كان ممكن يضرني أذاي دكاترة كبار تقولي أخدة؟ و هل أنا ممكن فعلا يروح الفيروس لوحده من عندي؟ ... و هل نسبته القليله الي عندي تخليه برضو معدي؟
و اعتذر على الأطاله و أسئلتي الكتيرة .... أكرمكم الله .
-----------------------------
سبحانك اللهم وبحمدك ، أشهد أن لا إله إلا أنت أستغفرك وأتوب إليك

ISMA3EL
16-Jun-2009, 03:48 PM
الله يبارك فيك يا دكتور انا الاول جبت 6 حقن ابريكس 2000 الحقنه ب 130 جنيه تقريبا
وكنت باخد 2 حقنه اسبوعيا على حسب تعليمات الطبيب
بعد كده جبت المصري واسمها ايبيو فورم 2000 وحده دوليه من شركة ايبكو الحقنه ب 75 جنيه
جبت برضه 6 حقن بس طبعا المستورد اثاره الجانبيه اقل من الابريكس
كنت باخد الابريكس ميجليش اثار جانبيه الا نادرا
المصري بقى سخنيه واحمرار مكان الحقنه وكسل ونوم
وكمان حسيت ان المستورد نتايجه اسرع اعتقد
والدكتور المره دي كتبلي دلتا فيت اقراص تحت اللسان deltavit
تزود الجسم ب فيتامين ب 12 بديل للديبوفيت
قرص يوميا
سعره 10 جنيه ونص
وادينا بنجرب وربنا يشفي الجميع وادعولي لان كرات الدم البيضا نازله
والصفايح نزلت من 196 الف ل 150 الف في اسبوعين ربنا يسهل وترفع تاني
يارب اشفيني واشفي جميع مرضانا يارب العالمين

الغنام 10
16-Jun-2009, 09:53 PM
إخواني

جزاكم الله خيرا ولا تقلقوا من الطحلب فوالله عن تجربة كان الفيرس عندي نصف مليون بعد 3 شهور من اخذ الطحلب نزل إلى 385 الف لكن بدات الحقن لان عندي تليف وكذلك زوجتي نزل بفضل الطحلب على النصف فلا تترددوا في الطحلب وعندي كمية لا بأس بها من يريد أنا في دبي

فتاه مسلمه
16-Jun-2009, 10:35 PM
متشكره اوى يا د.زيزو على سرعه الرد

جزاك الله خيرا

أمونه
16-Jun-2009, 11:21 PM
السلام عليكم جميعا
ازيكم يا ابطال فيرس سي
ربنا يشفيكم جميعا ويشفي مرضى المسلمين
د. زيزو ما هي اخبار تجربتك اتمنى ان يكون كل شيء تمام
والله هو الشافي فلعل دعاء بالشفاء في ساعة قبل صلاة الفجر يكون فيها بإذن الله شفاءً للقلوب والابدان
وإذا دعى العبد ربه وهو متيقنا ان الله يجيب المضطر إذا دعاه فوالله ان رب العالمين لا يتركنا نرجع بخيبة امل ابدا لا إله إلا هو سبحانه على كل شيء قدير .
أختكم

Mombo
18-Jun-2009, 12:02 AM
السلام عليكم

سؤال للسادة الدكاترة

انا عملت تحليل Fibro Test
والنتيجة كالتالى

F0, A0

وعرفت ان النتيجة دى مش مؤهلة للدخول فى رحلة العلاج على نفقة الدولة
عاوز افهم أولا النتيجة دى كويسة ولا وحشة
وثانيا ليه مش مؤهلة للدخول فى العلاج على نفقة الدولة


وجزاكم الله خيرا

اخوكم - أحمد

اسماء السعيد
18-Jun-2009, 01:22 AM
دكتور زيزو بعتلك رساله على الخاص ياريت تقراها وترد عليا معلهش هتعب حضرتك

asdalasod
19-Jun-2009, 02:49 AM
اخوتى الاحباء اتمنى دعواتكم ويارب الشفاء لنا جميعا الحمدللة اخذت الحقنة الرابعة اليوم ودعواتكم وتحياتى للجميع

asdalasod
19-Jun-2009, 02:54 AM
دكتور زيزو كيف حالك انت سمعت عن علاج مرض السكر والذى يتكون من شعير وبر ولبان دكر وحبة بركة وهل لة اثار جانبية علينا نحن من ناخذ انترفيرون ولو دكتور عبد القيوم موجود ممكن يجاوبنى وشكرا

Egyzizo
19-Jun-2009, 07:19 AM
(اقتباس) أمينة: أيه رأيك يا دكتور زيزو فى الموضوع ده؟ ... هل أنا ماشيه مظبوط و أخليني على الأدويه دي أملا أن الأعراض دي تقل؟ و أخد الأديزول و لا أيه؟
واذا كان الأنترقيرون كان ممكن يضرني أذاي دكاترة كبار تقولي أخدة؟ و هل أنا ممكن فعلا يروح الفيروس لوحده من عندي؟ ... و هل نسبته القليله الي عندي تخليه برضو معدي؟
--------------------------------------------------------------------

لما الدواء بيعمل آثار جانبية غير محتملة المفروض نغيره أو نوقفه بعد الرجوع إلى الطبيب.
والانترفيرون سلاح ذو حدين ، فهو دواء شافى من ناحية ، ولا يخلو من الآثار الجانبية من ناحية أخرى.
وللموازنة بين الحدين ، تتم متابعة المريض أثناء العلاج ، فاذا وصلت الآثار الجانبية إلى حد مؤذى يتم إيقاف العلاج ويا دار ما دخلك شر.
ومن الصعب أن يروح الفيروس لوحده من عندك.
والنسبة القليلة لا تمنع العدوى ..

الأخت أمينة ، ضعى هدفك من العلاج هو الشفاء ، بمعنى القضاء على الفيروس ، ولأن الفيروس بتاعنا بطئ ، فالوقت متاح لتجربة علاجات أخرى قبل اللجوء إلى الانترفيرون ، ولكن أن تكون بهدف الشفاء حتى ولو بنسبة قليلة ، لكن لو كانت مجرد مدعمات للكبد ، فطالما أن فكرة الانترفيرون موجودة ، لا داعى لتضييع الوقت.

أما اذا كانت الحالة الصحية أو النفسية لا تسمح بالانترفيرون فيكتفى بهذه الأدوية.

*****

شكـــراً يا متر على المعلومات
ولا تقلق من الصفائح ، فطالما مر 8 أسابيع بدون أن تقل، فستتم فترة العلاج بدون مشاكل أيضاً.
فقط التفت إلى كرات الدم البيضاء.

*****

الأخت أمونة .. كله تمام وشكراً على دعاءك ..

*****
(اقتباس) مومبو: عملت تحليل Fibro Test والنتيجة كالتالى F0, A0
وعرفت ان النتيجة دى مش مؤهلة للدخول فى رحلة العلاج على نفقة الدولة، عاوز افهم أولا النتيجة دى كويسة ولا وحشة، وثانيا ليه مش مؤهلة للدخول فى العلاج على نفقة الدولة

النتيجة كويسة جداً ، وده السبب فى إنهم مش عايزين يعالجوك ..
هم شايفين إن المكنة بتاعتك فابريكة ، ومش عايزة علاج ، لأنهم بيعالجو المكن المفوت بس .. فبيقولوا لك روح لف لفتين، وتعال لما المكنة بتاعتك تجيب زيت نبقى نعالجك، بالذمة ده كلام؟ :mad:

أخى مومبو ، الجانب المضئ فى الموضوع ، ان كبدك زيرو ، وان الفيروس لم يؤثر على الاطلاق على الكبد بعد ، فلا تقلق ، وابحث بهدوء عن سبيل تستطيع فيه استخراج تقرير عينة كبد تكون نتيجتها 2/6 وتقرير وظائف كبد مرتفعة ، وليكن هذا بعد شهور أو حتى سنين لأن وقتك يسمح ، وحينها أعد تجربة التقدم للعلاج.

*******

الأخت أسماء .. تم الرد ، وربنا يبارك لك على حبك للخير ..

*******

أخى أسد ، عقبال الحقنة الـ 48 على خير ان شاء الله ..
وبالنسبة للعلاج الذى ذكرته فلا يتعارض مع الانترفيرون ، ولكنى لا أعرف مدى فاعليته فى تحسين السكر.

محمد حافظ
19-Jun-2009, 10:22 AM
الأخ محمد حافظ ..
الأفق مضئ ، ونتابع الاكتشافات الجديدة فى العلاج يوماً بعد يوم، قد تكون قد خسرت هذه المعركة ، ولكن مازالت الحرب قائمة ونتمنى لك كل خير.




السلام عليكم

أشكرك د. زيزو على اهتمامك وتعاطفك معنا

وقد نشرت تجربتي ليتجنب الجميع الوقوع في هذه الأخطاء فتضيع عليهم فرصة الشفاء إلى الأبد ...

تقبل تحياتي

Mombo
20-Jun-2009, 01:42 PM
ربنا يكرمك يا دكتور زيزو

دايما بتطمنا كده والله ربنا يجزيك كل خير وينعم عليك بالصحة والعافية

د. عبد القيوم
20-Jun-2009, 02:19 PM
الأخ أسد بارك الله فيك

لم أسمع عن هذا العلاج الغذائي لمرض السكر من قبل و إن كان واضح أنه لا يحتوي علي أي مادة من المواد الغذائية المعروفة بتخفيض السكر في الدم مثل القرفة أو الجنزبيل أو المرة أو غيرها و لا أعلم ميكانيكية عمل هذا الدواء !! ربما عن طريق الحمية الغذائية و تقليل النشويات و الكربوهيدرات في الغذاء !!!

علي فكرة فطر الكيفير علاج طبيعي جيد جدا لمرضي السكر من النوع الثاني و كنت كتبت في أحد المشاركات برنامج لاستخدامه للعلاج لكن لم أجد المشاركة مرة أخري ... و كثير من الأخوة المرضي كتبوا لي بنتائج إيجابية في هذا المجال بعد تجربة الفطر للعلاج و الحمد لله تعالي

فهل يستطيع أحد الأخوة العثور علي المشاركة مرة أخري للأهمية ؟؟؟

علي أي حال فكل المواد التي ذكرتها مواد طبيعية و غذائية لا تتعارض مع أي علاج طبيعي أو كيماوي للفيروس إن شاء الله تعالي.

ahmedfayz
20-Jun-2009, 03:28 PM
تحيه لجميع الاعضاء الصديق العزيز الدكتور زيزو شكرا على المؤازره
يوم الخميس الماضى كانت اول حقنه بالانترفيرون واللى كان من اعراضها ارتفاع شديد ومستمر فى درجة الحراره واللى استمر معايا ما يقرب من يوم ونصف ( استمر لنهاية اليوم التانى من اخد الحقنه ) وكمان كان فى تعب فى المعده ودوخه وقىء وجربت البارامول ومجابش معايا اى نتيجه استشرت الدكتور زيزو فى حالتى و بجد ربنا يكرمه كانت اجابته فوريه ونصحنى بالبنادول الى توقف ارتفاع الحراره بعد استخدامه بعدة ساعات
- الاعراض الان
قشعريره خفيفه وشعور بالبرد متقطع
الام بالمعده او عدم راحه فى المعده
شبه دوخه
- سؤال للدكتور زيزو هل تعب المعده من اعراض الانترفيرون ولا الريبافريين
كمان هل يتوقع ان تستمر هذه الاعراض فتره طويله عدة اسابيع او شهرين مثلا
اذا كانت الانزيمات مرتفعه قبل العلاج فهل شرط انها تفضل مرتفعه بعد اول حقنه ولا مش شرط
الاخوه الاعضاء برجاء الدعاء لى بان ربنا يعنى ويشفينى وجميع مرضى المسلمين .

asdalasod
21-Jun-2009, 02:17 AM
شكرا دكتور عبد القيوم وعلى فكرة انا باخد اميريل 1مم يوميا والسكر منضبط واخر مرة كان 160عشوائى ولو فى علاجات طبيعية ياريت تدلنى ولكم الشكر

د. عبد القيوم
21-Jun-2009, 09:39 AM
الاخ أسد نسبة السكر عندك غير مرتفعة و أعتقد أن الفطر لو استمريت عليه بانتظام سيفيدك كثير إن شاء الله :

- الجرعة المثلي لعلاج السكر هي 3 مرات يوميا لكن ممكن أقل من هذا يعطي نتيجة جيدة أيضا في حالتك
- حلل يوميا بأي طريقة تريحك للاستمرار عليها و سجل نتائجك في جدول للمقارنة و استمر علي الامريل بالجرعة المعتادة
- إن وجدت تحسن و انخفاض مستمر في السكر حسب الجدول لمدة اسبوع علي الاقل فقلل الامريل تدريجييا
- داوم علي الفطر لمدة 3 أشهر مع استمرار التحليل يوميا لمراقبة الحالة

مع خالص الدعاء بالشفاء التام

ahmed123
21-Jun-2009, 01:11 PM
السلام عليكم ورحمة الله وبركاته
تحياتى للجميع..
وربنا يشفيك أخى أحمد فايز ويتم عليك بالصحة والعافية

أحبائى السيساوية.. أرجو أن تكونوا جميعا بألف بخير
أتابع معكم فى منتدانا.. منتدى العائلة
وأعتذر لندرة مشاركاتى.. وذلك لأسباب صحية.. حوصلية.. مرارية.. :)
عافاكم الله.. وأنعم عليكم بالصحة والعافية

وأسألكم ونفسى أن.. "اصبروا وصابروا ورابطوا واتقوا الله لعلكم تفلحون"

الغنام 10
21-Jun-2009, 08:28 PM
اقتباس:
المشاركة الأصلية كتبت بواسطة ahmedfayz http://www.4ph.net/vb/orange/buttons/viewpost.gif (http://www.4ph.net/vb/showthread.php?p=121959#post121959)
تحيه لجميع الاعضاء الصديق العزيز الدكتور زيزو شكرا على المؤازره
يوم الخميس الماضى كانت اول حقنه بالانترفيرون واللى كان من اعراضها ارتفاع شديد ومستمر فى درجة الحراره واللى استمر معايا ما يقرب من يوم ونصف ( استمر لنهاية اليوم التانى من اخد الحقنه ) وكمان كان فى تعب فى المعده ودوخه وقىء وجربت البارامول ومجابش معايا اى نتيجه استشرت الدكتور زيزو فى حالتى و بجد ربنا يكرمه كانت اجابته فوريه ونصحنى بالبنادول الى توقف ارتفاع الحراره بعد استخدامه بعدة ساعات
- الاعراض الان
قشعريره خفيفه وشعور بالبرد متقطع
الام بالمعده او عدم راحه فى المعده
شبه دوخه
- سؤال للدكتور زيزو هل تعب المعده من اعراض الانترفيرون ولا الريبافريين
كمان هل يتوقع ان تستمر هذه الاعراض فتره طويله عدة اسابيع او شهرين مثلا
اذا كانت الانزيمات مرتفعه قبل العلاج فهل شرط انها تفضل مرتفعه بعد اول حقنه ولا مش شرط
الاخوه الاعضاء برجاء الدعاء لى بان ربنا يعنى ويشفينى وجميع مرضى المسلمين .



أخي الفاضل / أحمد فايز
شفاك الله وعفاك من كل مكروب ، وأحب أن أطمئنك بأنها أعراض سوف تزول تباعا يعني مرة صداع ومرة دوخة ومرة حمى لكنها بسيطة لمدة نصف ساعة على الأكثر وسوف تنتهي بعد الحقنة الرابعة على الأكثر لكن الصداع غالبا ما يكون موجود في اليوم الأول فقط وهذا عن تجربة لأنني في الحقنة ال22 والحمد لله وكذلك زوجتي في الحقنة الخامسة والأعراض بسيطة والحمد لله وربنا يتمم شفى الجميع على خير
وأمنياتي للجميع بالشفاء العاجل

asdalasod
21-Jun-2009, 09:31 PM
دكتور عبد القيوم شكرا على ردودك الجميلة والمطمانة والاخ احمد فايز عافاك اللة والاعراض تزول تدريجيا وربنا يشفينا جميعا الاخ غنام شفاك اللة وزوجتك وكل مرضى المسلمين اما باقى الاحبة فلهم قبلاتى واين انت يا د زيزو وحشتنا واللة

m_sayed_helal
22-Jun-2009, 03:13 AM
يا جماعه بعد اذنكم انا ليا سؤال بسيط
هل ممكن ان يحدث تليف للكبد مع العد المنخفض للفيروس سى؟
يعنى مثلا لو كان العد 50,000 و حاولت اثبت العد على كده او اقل بس مقدرتش امحى الفيروس بالكامل,هل يحدث تليف او اعراض اخرى للفيروس ساعتها مع تثبيت العد المنخفض؟حتى مع الوقت الطويل؟
زشكرا

د. عبد القيوم
22-Jun-2009, 10:45 AM
لاشك أن نسبة الفيروس المنخفضة باستمرار مطمئنة و تعطي إنطباع أن جهاز المناعة أو العلاج المستخدم قوي و قادر علي حصار الفيروس.

لكن من جهة أخري لا يوجد نسبة وتناسب بين عدد الفيروس و حالة الكبد فقد يكون عدد الفيروس قليل لكنه نشط في مهاجمة خلايا الكبد مما يظهر أعراض الصفرا و غيرها و يعجل بالالتهاب و التليف و باقي المضاعفات , عندي حالة عدد الفيروس (بي) حوالي 8000 و يعاني من كل الاعراض من الصفرا و الارهاق و ارتفاع الانزيمات و غيره.
و أبشركم أنه بدأ يستجيب بعد أسبوع واحد من استخدام العلاج المذكور هنا فزال التعب و الارهاق و الصفرا و بدأت تتحسن الانزيمات بفضل الله تعالي وحده.

و ممكن العدد يكون كبير جدا لكنه لم يبدأ في مهاجمة خلايا الكبد فلا تظهر أي أعراض , و قد رأيت حالة تعدي عدد الفيروس المليار بدون أي أعراض !!!!

m_sayed_helal
22-Jun-2009, 04:52 PM
طيب سؤال تانى يا دكتور عبد القيوم ربنا يكرمك
انا كنت عايز استفسر عن انزيم ال جاما جى تى gamma G T و ايه وظيفته للجسم و ليه بيبقى مرتفع على طول و ليه الدكاتره مش مهتميه بيه اوى و مش بتطلبه فى التحاليل,و لما يكون عالى ايه اعراضه و ممكن يعمل ايه

نوراليقين
23-Jun-2009, 03:55 AM
السلام عليكم ورحمة الله وبركاته

اتمنى ان اجدكم في احسن الاحوال وفي صحة جيدة إنشاء الله

انا اريد ان أخبركم بآخر التطورات

الأيام اللي فاتت كنت مع الوالدة في تونس عشان تعمل تحاليل ويكشف عليها الدكتور

طلعت نفس التحاليل اللي عندنا والدكتور اقترح نفس الاقتراح انها لازم تتعالج بالانترفيرون

مادام إنزيمات الكبد مارجعتش لمعدلها الطبيعي

في الحقيقة انا محتارة جدا في الاول كان الدكتور الجزائري وهو من احسن الدكاترة عندنا قالها انك سوف تتعالجين على حساب الدولة واقترح عليها انها لما تاخد هذا العلاج راح تكون في المستشفى عشان يتابعوا حالتها وهذا راح يكون على اقل في الاسابيع الاولى



أخذناها إلى تونس وهي مصحة خاصة لما كشف عليها الدكتور وبعد التحاليل طبعا كتبلها هذا الدوا

Pegasys 180 , Ribaverine 200

لمدة 48 أسبوع

انا عايزة اعرف رأيكم ورأي الدكتور عبد العزيز

مش عارفة أتابع أي دكتور

د. عبد القيوم
23-Jun-2009, 09:54 AM
انزيم جاما . ج ت Gamma Glutamyl Transpeptidase له اختصارات عديدة منها Y - GT, Gamma-GT; GGTP; GGT يوجد هذا الانزيم في خلايا الكبد و الكلى و البنكرياس.

وظيفته تصنيع و تكسير مادة تسمي الجلوتاثيون في الخلايا وهي المسئولة عن حماية الخلايا من بعض السموم الكيماوية.

النسبة الطبيعية لهذا الانزيم في الدم أقل من 30 مل وحدة دولية لكل ملليتر دم في الذكور وأقل من 25 مل وحدة دولية لكل ملليتر دم في الاناث وأقل من 50مل وحدة دولية لكل ملليتر دم في فترة البلوغ .

ترتفع هذه النسبة في حالات :
- امراض الكبد المختلفة الحادة والمزمنة و تليف الكبد و سرطان الكبد - امراض الكبد الناتجة عن تناول الكحول
- التهابات البنكرياس (نادرا)
- في وجود بعض السموم مثل الديوكسين و بعض الادوية و المخدرات

ارتفاع نسبة (GGT) في حالات التهاب الكبد و المرارة قد تدل علي أنسداد القنوات المرارية بسبب الإلتهاب المراري أو بسبب تعاطي أدوية dilantin و Phenobarbital.

- وقد تزيد النسبة بدون وجود إلتهابات لذلك فلا يعد من الانزيمات المتخصصة لتشخيص التهاب الكبد الوبائي لكن قد يستخدم في تسهيل التشخيص للتفرقة بين عدة أمراض

لذلك تبقي أهمية قياسه محدودة مقارنة بغيره من إختبارات إنزيمات الكبد الاكثر تخصصا مثل SGOT, SGPT

ahmedfayz
23-Jun-2009, 03:22 PM
اقتباس:
المشاركة الأصلية كتبت بواسطة الغنام 10 http://www.4ph.net/vb/orange/buttons/viewpost.gif (http://www.4ph.net/vb/showthread.php?p=122131#post122131)

أخي الفاضل / أحمد فايز
شفاك الله وعفاك من كل مكروب ، وأحب أن أطمئنك بأنها أعراض سوف تزول تباعا يعني مرة صداع ومرة دوخة ومرة حمى لكنها بسيطة لمدة نصف ساعة على الأكثر وسوف تنتهي بعد الحقنة الرابعة على الأكثر لكن الصداع غالبا ما يكون موجود في اليوم الأول فقط وهذا عن تجربة لأنني في الحقنة ال22 والحمد لله وكذلك زوجتي في الحقنة الخامسة والأعراض بسيطة والحمد لله وربنا يتمم شفى الجميع على خير
وأمنياتي للجميع بالشفاء العاجل

بجد شكرا اخى الكريم الغنام 10على التعقيب و جزاك الله خيرا وربنا يتملك كورس الانترفيرون على خير وشفاء و جميع مرضى المسلمين

صديقنا العزيز الدكتور زيزو متغيب بقاله يومين ارجو انك تكون بخير ومش عارف ليه مابقتش بتعرض العد التنازلى للحقن متخافش ياعم مش هنحسدك يارب نطمئن دايما عليك.

asdalasod
24-Jun-2009, 03:38 AM
الاخوة الاحبة عملت شوية تحاليل اليوم وعايز اطمن من المختصين لحد ما اروح للدكتور انا اخدت 4حقن لحد دلوقتى مع الريبافين وكان الهيموجلوبين 16.6 ودلوقت وزبعد شهر بس بقى 13.8 فهل هيفضل يقل بنفس النسبة والحل اية؟والصفائح190الف وكرات الدم البيضا 8600 والبيلرين تقريبا.22وبيقولو نسبتة لازم تكون اقل من.3وgpt56وكان قبل العلاج178اماsgot28كان قبل العلاج64 واية احنمالات ان الهيموجلوبين يقل كمان واعمل اية لانى قلقان شوية وياريت اشوف رد د/عبد القيوم ود/زيزو اللى ناسينا من فترة وربنا يتم شفاكو جميعا واى حد عندة فكرة انا مستنى الرد وقاعد للفجر وشكرا

asdalasod
24-Jun-2009, 03:39 AM
ماانت موجوداهة يا دكتور زيزو من فضلك رد على اللة يطمنك

asdalasod
24-Jun-2009, 04:33 AM
البليرين22%والنسبة الطبيعية30%وsgpt اصبح56 بعد ماكان178اماgotصبح28 بعد ماكان64

د. عبد القيوم
24-Jun-2009, 11:12 AM
رجاء......مطلوب علي الهوا..........رجاء..... أخرج من الدهليييييزززززز

د. زيزو رد علي الزباين بتوعك دول قبل ما يكسروا الدكان

شغالين مظاهرات و لا في طهران

ahmed123
24-Jun-2009, 12:39 PM
زييييززززززززززززززززوووووووووووووووووووووو

khaled_2008
25-Jun-2009, 12:32 PM
السلام عليكم الاخوة الافاضل اسال الله عز وجل الشفاء لكل مرضى المسلمين استاذنا الغالى د/عبد القيوم بارك الله فيك انا خالد من مصر سنى 25 سنه عاوز راى حضرتك باستشارة ضروريه ويايرت ترد على فى اسرع وقت على الموقع التحاليل بتاعتى بالنسبه للفيرس كالاتى اما باقى التحاليل الحمد لله فى النسب الطبيعيه حسب كلام الاطباء sgpt8/sgot12 / pcr307.476هلابدا فى العلاج بالحقن بعد عينه الكبد اما ابدا بالفطر المشكله بالنسبه للحقن مش عاوز اخدها الوقتى لانى متزوج جديد ولسه محصلش حمل بالنسبه لزوجتى وعرفت ان المفروض ميحصلش حمل طول وبعد انتهاء الكورس بست شهور حضرتك تنصحنى ابدا بالفطر ولا الحقن اسف على الاطاله وشكرا د/ عبد القيوم

د. عبد القيوم
25-Jun-2009, 12:57 PM
الأخ الكريم خالد مرحبا بك

أولا بارك الله لكما و بارك عليكما و جمع بينكما في خير , وألف بركة علي الزواج

طبعا أنسي موضوع علاج الانترفيرون و الريبافيرين و بالمرة أي علاجات كيماوية أخري حاليا و للفترة القادمة للاحتياط طالما تفكر في الانجاب و مازال شهر العسل مستمر ربنا يديمه عليك علي طول.

الحمد لله نسبة الفيروس مازالت في إطار الحد الأدني و أتوقع أن يفيدك الفطر جدا لو داومت عليه يوميا بكثافة يعني في حدود 3 مرات يوميا

وبعد 3 شهور حلل مرة أخري حتي تستطيع تقرر الخطوة التالية

مع خالص الدعاء بالشفاء العاجل

khaled_2008
26-Jun-2009, 09:58 PM
اخى الغالى على قلوبنا جميعا د/عبد القيوم ربنا يبارك فيك اشكرك على كرم اخلاقك وعلى سرعه ردك واسمح لى ببعض الاسئله الخاصه بالفطر المفروض اول ما استلم الفطر اعمل فيه ايه وازاى اعرف انه صالح للاستخدام وكميه اللبن اللى بتتحط عليه اد ايه مثلا وازاى بيكون طعمه بعد اضافته على الفطر وشكرا اخى الغالى

حازم المصرى
27-Jun-2009, 07:18 AM
اخى العزيز/خالد مرحبا بك دكتورنا الحبيب /عبدالقيوم ساقوم بالرد على الاخ خالد بعد اذنك ويكون لى الشرف اذا اذنت لى .....اولا: الادوات التى يجب استخدامها :
عدد 1 مصفاة بلاستيك+عدد2ملعقة بلاستيك+لبن خالى او نصف دسم+برطمان زجاجى (زى برطمانت المربى فيتراك مثلا)+ماء سبق غليه موضوع فى زجاجة من الزجاج+طبق زجاجى.
بالنسبة للفطر او الكيفيير بعد استلامك له داخل برطمان به اللبن مضاف للفطر يجب عليك تصفيته بعد 24 ساعة من تاريخ اضافة اللبن له وذلك بواسطة مصفاة بلاستيك او حرير ويتم تصفيته فى اناء او طبق من الزجاج وقم برج المصفاه افقيا بهدوء حتى يصفى اللبن كاملا فى الطبق الزجاجى الموضوع اسفل المصفاة وحتى يبدا الفطر فى الظهور فى المصفاه ويمكنك استخدام معلقتين من البلاستيك ملعقة لازالة مايتبقى من اسفل المصفاه بتحريك الملعقة حتى ينزل فى الطبق الزجاجى بعد الانتهاء من التصفية قم بتقليب الناتج المصفى فى الطبق الزجاجى ثم اشريه ويفضل شربه على معده خاليه اى يفضل قبل تناول الافطار بنصف ساعة بعد ذلك قم بشطف الفطر الموجود فى المصفى بماء سبق غليه او مياه معدنية المهم يكون الماء خالى من الكلور والا يكون الماء سخنا بعد الشطف قم بتفريغ الطحلب فى البرطمان مرو اخرى وذلك بعد شطفه جيدا بالماء السخن ثم قم بسكب اللبن الخالى الدسم او النصف دسم (طبعا لو لبن عادى المفروض انك قمت بغليه من فتره وتم تبريده وازالة الدسم منه )بعد ملىء البرطمان باللبن ويجب عدم ملى البرطمان لاخره وترك فراغ قليل للهواء (يعنى اضف كوب من اللبن زى اللى بنشرب فيه شاى او 200ملل بالضبط) قم بتغطية البرطمان جيدا ولفه بورق سيليفان لحجب الضوء عنه او كيس اسود ثم ضعه فى مكان تكون الاضاءة فيه خافتة او مظلم ودرجة حرارته 25 درجة وانصحك بوضعة فى هذا الجو الحار فى الثلاجة لكن لمدة قصيرة لاتزيد عن ال3 ساعات ثم اعادته للمكان العادى بعد ذلك وبعد مرور 24 ساعة قم بتصفية البرطمان مرة اخرى وكرر نفس الخطوات وهكذا
اخى العزيز ادعوا لك بالشفاء التام وشفاء كل الاخوة هنا ومعلش ياخوانى كنت مسافر فى عمل بس والله وحشتونى جدا د/زيزو ود/عبدالقيوم ودريم وكل الناس ودعائى للجميع بالشفاء
اخى /خالد يوجد رابط هنا لاستخدام الكيفير او الفطرhttp://http://tahaleb.blogspot.com/2008/11/blog-post_21.html

د. عبد القيوم
27-Jun-2009, 09:24 AM
الأخ حازم المصري وفيت وكفيت بارك الله فيك

لي ملحوظة وهي أن الورق هو مايسمي ورق القصدير أو ورق الالمونيوم (ليس السلوفان) أو أي كيس ورق أو شيئ آخر للتعتيم.

و كذلك يمكن الاستغناء عن خطوة شطف الطحلب بعد التصفية

وهنا أيضا تستطيع الحصول علي بعض التفاصيل الأخري

http://www.4ph.net/vb/t17992.html

hema_hn
27-Jun-2009, 11:18 AM
الدكتور عبد القيوم
انا لقيت افضل شئ للتعتيم وممكن اسيبه فى اى مكان خارج الدولاب
احضر علبة لبن فارغه واقطع اعلاها واضع المزرعة بداخل العلبة واغطيها بأعلى الجزء الذى كنت قطعته

khaled_2008
28-Jun-2009, 01:37 PM
الاخوة الافاضل بارك الله فيكم جميعا واعانكم جميعا على فعل الخير لى سؤال انا الشقه عندى حر جدا لو حطيت الطحالب بالنهار مثلا فى الدرج الاخير من التلاجه وطلعتها باليل دة ياثر عليها

د. عبد القيوم
28-Jun-2009, 04:42 PM
بسبب حرارة الجو في الصيف هناك عدة أفكار لمقاومة الحرارة لمن ليس عنده تكييف في الغرفة ممكن تجربتها وهي :

- ممكن تلف فوطة مبللة علي البرطمان و مع البخر ستقل درجة الحرارة في داخل البرطمان

- ممكن تضع البرطمان في وعاء به ماء يصل إلي مافوق كمية الحليب حيث أن درجة حرارة الماء تظل أقل من ثلاثين درجة دائما حتي في الحر بسبب ظاهرة البخر

- ممكن تضع البرطمان في الثلاجة بالدرج الأسفل أثناء النهار عدة ساعات خصوصا وقت الظهر للمغرب و تخرجه في الليل

اعتقد ان ممكن يكون أحد هذه الحلول مناسب لكن لابد من التجربة مع ملاحظة ناتج المزرعة من حيث زيادة الحجم للفطر و الطعم اللاذع و قوام اللبن هل صار خفيفا أو كما هو.

مع خالص الدعاء بالشفاء العاجل

memo_p910
28-Jun-2009, 11:48 PM
سلام عليكم د عبد القيوم ود زيزو اتم الله شفائه
كنت عايز اسال هل يوجد تاثير سلبي للريبافيرين بالنسبه لمرضى السكر يعني هل بيرفع نسبة السكر لمريض السكر النوع الثاني؟؟؟
ودمتم

د. عبد القيوم
29-Jun-2009, 02:52 PM
يبدو أن د. زيزو في أجازة و علي ذلك أستأذن و أعتذر منه في الرد علي بعض الأسئلة في موضوعه حسب ما يسمح لي وقتي حتي يرجع لنا بالسلامة.

الأخ ميمو

هناك علاقة وثيقة بين الإصابة بفيروس سي و استخدام الريبافيرين من ناحية و مرض السكر سواء النوع الأول أو الثاني من ناحية أخري, و سأحاول أن ألخص هذا الموضوع المتشعب و المعقد في عدة نقاط مختصرة :

- من الآثار الجانبية المعروفة للريبافيرين أنه قد يرفع من نسبة السكر في الدم عند المصابين بالسكر

- فيروس سي نفسه يقلل حساسية الخلايا للأنسولين مما قد يزيد من مرض السكر النوع الثاني أو يعد عاملا مساعدا للاصابة بالسكر

- بعض الدراسات دلت علي استجابة بعض الخلايا للانسولين مرة أخري بعد القضاء علي الفيروس

- بعض التقارير ذكرت أن العلاج بالريبافيرين مع الانترفيرون ينتج عنه آثار جانبية مثل الاصابة بمرض السكر النوع الأول في بعض الأحيان و قد يحتاج المريض الي العلاج بالانسولين بعد القضاء علي الفيروس

- ذكرت الإحصائيات أن المصابين بمرض السكر تنخفض نسبة استجابتهم للعلاج بالانترفيرون مع الريبافيرين أقل من غير المصابين.

- وعلي ذلك يعد مرض السكر من عوامل عدم الاستجابة لعلاج الانترفيرون مع الريبافيرين

و لذلك أنصح كل مريض بالسكر أن يتابع نسبة السكر بالدم أثناء العلاج بالانترفيرون لاتخاذ اللازم في الوقت المناسب

وكذلك عليه بالمداومة علي استخدام فطر اللبن الكيفير باستمرار حيث معروف أنه يحسن من حالة مريض السكر و يقلل نسبته في الدم

asdalasod
29-Jun-2009, 08:06 PM
شكرا لدكتور عبد القيوم على الرد فى موضوع السكر ولكن لو كان السكلر تحت السيطرة تزداد نسبة الاستجابة وهل ممكن بعد العلاج والشفاء باذن اللة يحدث شفاء من السكر او تحسن كبير فية بعد الشفاء من الفيروس ام ليس لة علاقة علما بان السكر عندى منخفض حاليا واخر مرة كان 115 من 4ايام عشوائى وباخد قرص 1مم اميريل كل يوم وغالبا باقدر اسيطر علية بالغذاء وتمنياتى بعودة دكتور زيزو سريعا

memo_p910
30-Jun-2009, 10:02 PM
شكرا د عبد القيوم على اجاباتك الواضحه لان موضوع السكر ده محدش اتكلم عليه وهو مهم للغايه كمان في حاجه غريبه انا باخد اقراص الدياميكرون وكنت ماشي على الريبافيرين المصري لمدة شهرين وبعد كده استعملت الريبافيرين الاصلي الكوبيجوس 400 مجم فارتفع السكر الى 400 بعد اسبوعين من استعماله فارجعت على الريبافيرين المصري تاني بتاع التأمين فهل ياترى ده دليل على كفائة الريبافيرين المستورد الاصلي وهل لازم اخد انسولين لاني اصلا من الاول مريض بالنوع الثاني وعلى طول باخد جلوكوفاج ودياميكرون

شكرا د عبد القيوم على اهتمامك ونفعك للناس وجزاك الله كل خير انت و د زيزو

د. عبد القيوم
01-Jul-2009, 09:16 AM
الأخ أسد بارك الله فيك

أكيد طبعا عادة تتحسن حالة مريض النوع الثاني من السكر إذا كان المرض تحت السيطرة و سيستجيب أفضل للإنترفيرون و هناك بعض المؤشرات إلي أن أدوية السكر تدعم علاج الفيروس,

و بعد العلاج و طرد الفيروس و إيقاف الريبافيرين أكيد تتحسن حالة مريض السكر بصورة أكبر.

و من المهم كما ذكرت إتباع نظام غذائي في الحالتين حيث أن النظام الغذائي الصحي لتدعيم الكبد يفيد مريض السكر ايضا و مع المداومة علي الكيفير يمكن السيطرة علي السكر حتي بدون أدوية خاصة إذا كانت النسبة ليست مرتفعة.

د. عبد القيوم
01-Jul-2009, 10:48 AM
الأخ ميمو بارك الله فيك

تجربتك توضح الفرق بين المستورد و المحلي و للأسف مازالت هناك عشوائية كبيرة في صناعة الدواء المحلية و يمكن لأخواننا الصيادلة العاملين في المجال أن يحكوا لنا عنها مآسي.

تقرير نظام علاج السكر حاليا بالنسبة لك و إذا كان يلزمك الانسولين أم تستطيع السيطرة علي نسبة السكر بالحبوب فقط هذا كله يجب أن يقرر من طرف الطبيب المعالج بناء علي عوامل كثيرة . إلا أنه ليس ضروريا أن تأخذ انسولين فقد يمكن السيطرة بزيادة جرعة الحبوب .

و أدعو الله تعالي لك بتمام الشفاء العاجل

memo_p910
01-Jul-2009, 02:57 PM
شكرا د عبد القيوم على اهتمامك الان ان باخد الانترفيرون مع الريبافيرين وكوب كيفير يوميا مع 1500 مجم نيتازوكسانيد وده الاسبوع التاسع وان شاء الله ابلغك بنتيجيتك الب سي ار الي هاعملها بعد اسبوع علشان نقدر نحدد ان كان النيتازوكسانيد مؤثر فعلا .

وشكرا لك

د. عبد القيوم
01-Jul-2009, 04:21 PM
لي بعض الملاحظات أخ ميمو لو تستطيع تطبقها حتي تكون النتيجة أفضل إن شاء الله تعالي

الكورس العلاجي المكثف المتبع يتكون من 3 جرعات كيفير مع 2700 مجم جرعة يومية من النيتازوكسانيد مقسمة علي أربع أو 3 مرات علي الأقل يوميا

مدة الكورس 12 أسبوع , وعلي هذا أنصحك بالاستمرار في العلاج حتي نهاية الكورس قبل عمل البي سي أر
مع خالص الدعاء بالشفاء التام

asdalasod
02-Jul-2009, 12:45 AM
شكرا استاذنا الحبيب د/عبدالقيوم وانشاء اللة نتبع ما توصينا بة وهل يطمئنا احد على دكتور زيزو واين هو وحشنا واللة لعل المانع خير

memo_p910
02-Jul-2009, 01:09 AM
شكرا د عبد القيوم ولكني قللت النيتازوكسانيد لاني حاسس انه ثقيل على المعده بيعمل تقلصات وقلت كفايه مادام باخد الكيفير وربنا يتمم الشفاء باذن الله

في ناس كتيره بتسأل على النيتازوكسانيد والحقيقه انا اشتريته من موقع اورانتيا فارما ووصل الى مصر من المانيا في 5 ايام فقط وقعد في البريد المصري 9 ايام على ما عرفت اطلعه لان الدكتوره الي في البريد قالت لازم اعرف هو بتاع ايه وبالمستندات قبل ما اسمحله بالطلوع كمان بتقول اني شاريه للتجاره وشغل البيروقراطيه والجهل المصري الي حضرتك عارفه المهم في الاخر استلمته بعد ما دفعت 70 جنيه جمارك مش عارف جمارك على ايه + يوم كامل لف ودوران.


في حاجه كمان مهمه عايزين نعرف مدى تاثير النيتازوكسانيد في تحجيم قدرة الفيروس على النشاط لو المرضى اخدته بشكل متواصل زي دواء الضغط مثلا هل ده هايكون مفيد لان لو ده ثبت هايكون شئ مهم جدا خاصة للناس الي مايقدروش على الانترفيرون ومشاكله خاصة كبار السن ممكن يتعمل تركيبه مع السيليمارين مثلا؟؟

وشكرا

م.ابوحميد
02-Jul-2009, 02:04 AM
يا اهل الخيرانا ليا استفسار بسيط بعد اذن حضراتكم
انا عد الفيروس عندى 3000,000
حاله الكبد بالسونار تمام مفيش اى مشاكل فيه
الانزيمات تمام لانى باخد ادويه سيليمارين و مانع اكسده
الدكتور قال لى انا مش بعتبرك مريض كبد حتى هذه اللحظه
سؤالى: 1- امتى ابدأ كورس الانتيرفيرون ,عند انهى حاله من الكبد ابدأ تعاطيه يعنى عندما يبدأ التليف؟ او عندما ترتفع انزيمات الكبد بدون رجوع ,و هل اتعاطيه و انا فى حالتى المستقره هذه؟
2-ما هو دواء ال infex و ما هى الماده الفعاله و ماذا تفعل للكبد
سؤال ثانى: هل من الممكن ان امارس الرياضه بدون قلق؟ مثلا اريد ممارسه رياضه الحديد ,و هى رياضه عنيفه,هل هذه الرياضه ممكن تؤثر على الكبد ؟
و شكرا

ahmed123
02-Jul-2009, 03:36 PM
السلام عليكم ورحمة الله وبركاته
بعد فترة من الظروف الصحية الخاصة تسببت فى الامتناع عن متابعة العلاجات التى كنت سوف أبدأ معها مثل النيتازوكسانيد وغيره واضطرارى لاستخدام علاجات خاصة بالشعيرات الدموية والأوردة وفترات أخرى اضطررت لتناول مجموعة من الأدوية للمرارة وقد كانت أسوأ ما واجهت فى الفترة السابقة وأحيانا كنت أضطر لمتابعة كورس علاج خاص بالعيون وهذه والحمد لله فى طريقها للانتهاء إلا أننى أجريت منذ يومين تحليل بى سى آر للوقوف على نتيجة النيتازوكسانيد الذى إن شاء الله أبدأ فيه خلال يومين وأكرر هنا تقديم جزيل شكرى للدكتور عبد القيوم جزاه الله عنا وعن الجميع كل خير..

ونتيجة التحليل كانت انخفاض 700 ألف وحدة ليكون 2 مليون و500 ألف بعد حوالى شهرين وعدة أيام فقد كان 3 مليون و200 ألف وحدة وذهبت للطبيب بالأمس وطالبنى بعدم التساهل فى جرعة النيتازوكسانيد وأضاف معها دواء إيطالى (ولكنه متوفر بصيدلية الطرشوبى بالمنصورة) واسمه بلوجرين، فهل لى بأية مساعدة بإعطائى أية معلومات عن هذا الدواء. وجزاكم الله خيرا. وللعلم فهناك من هذا الدواء ألمانى ومصرى. وجزاكم الله خيرا

memo_p910
02-Jul-2009, 06:32 PM
لا اعرف يا ا احمد 123 فوائد البلو جرين ( طحالب خضراء مزرقه ) قد تكون السبيرولينا.

mbadr
03-Jul-2009, 11:13 PM
شكرا د عبد القيوم ولكني قللت النيتازوكسانيد لاني حاسس انه ثقيل على المعده بيعمل تقلصات وقلت كفايه مادام باخد الكيفير وربنا يتمم الشفاء باذن الله

الاخ العزيز ميمو أتم الله شفائنا على خير
لقد اشتريت الالينيا من نفس الشركه وحدثت معى نفس الاعراض الجانبيه اللتى حدثت معك لمدة عشرين يوم ثم تبعها اسهال شديد لمده اسبوعين فقدت فيها حوالى 3 كجم من وزنى ولم يتوقف الاسهال الا عندما توقفت عن تناول الالينيا .... وبعد بومين من توقف الاسهال جربت تخفيض الجرعة الى 1 مجم يوميا ولكن الاسهال عاد من جديد ونظرا لان وزنى اقل كثيرا من المفروض فلقد اضطررت اسفا التوقف عن تناولها
اتعشم سماع رأى الدكتور عبد القيوم و د. زيزو الذى يقلقنى عدم تواجده واعاده الله سالما