المساعد الشخصي الرقمي

مشاهدة النسخة كاملة : تجربتى الناجحة مع الانترفيرون !!!!!!!!!!



Dreem44
01-Jan-2010, 10:48 PM
الاخوة الاحباب

مع مطلع عام ميلادى جديد 2010
أدعو الله ان يكون عام الامل والشفاء للجميع

وأن يتم خلاله فتح ابواب اخرى جديدة للامل
حتى يتم القضاء تماما على هذا الفيروس اللعين

**********

فتحت هذه المشاركة ولا اتوقع ان يكون الاقبال عليها كبيرا

وان كنت اتمنى غير ذلك

******

المشاركة كما هو واضح من عنوانها
مفتوحة لكل الاخوة الذين خاضوا تجربة العلاج بالانترفيرون والريبافرين

وأنعم الله عليهم بالشفاء

من حقنا عليهم أن يقوموا بوضع تجربتهم الناجحة هنا

حتى يهتدى الجميع بهذه التجارب

وخاصة أن معظم الاخوة تهاب الدخول فى هذه التجربة
لما نسمع من اثار غير مبشرة
**********
فقررت ان افتح هذه الصفحة ليعرض من مر بها تجربته
وسوف يتم وضع مشاركة أخرى
ولكن تحمل عنوان تجربتى الغير موفقه مع الانترفيرون
وذلك فى حالة وجود اقبال من الاخوة

ننتظر واتمنى ان لايطول الانتظار

تمنياتى بالشفاء للجميع

قمريا
01-Jan-2010, 11:24 PM
ان شاء الله تكون صفحه خير

و انا اتمنى من الأخوه الموجودين يعرضوا تجاربهم

سوء ناجحه او لا

لأن لو حد ربنا شفاه أكيد مش هينسى ان هنا ناس محتاجه خيط امل

يدلوهم عليه

و لو لسه مأنش الأوان برضه نعرف يمكن نستفيد من تجارب بعض

اتمنى تكون صفحه خير

ونلاقي كل الناس اللي ربنا شفاها

تاخد بأيد اخوتها فى المكان اللي جمعنا

و نقدر نساعد بعض

احمد888
02-Jan-2010, 03:10 PM
السلام عليكم ورحمة اللة وبركاتةاخوانى الاحباء كل سنة وانتم بخير جميعا الف مبروك لاعادة فتح المنتدى ونرجو عودة كل الاخوة المشاركين الى المنتدى ليكون عونا للجميع طبعا عندى كلام كتير عايز اكتبة بس انا هاختصر اول حاجة انا اخذت الحقنة ال17 يوم الثلاثاء قبل الماضى والمفروض كنت اخد الحقنة ال18 يوم الثلاثاء الماضى بس انا قررت انى مش واخد الحقن تانىوالسبب ان انزيماتى وصلت الى 9 اضعاف المعدل ومحدش من الدكاترة عرف يحدد سبب ارتفاع الانزيماتوكل مرة كنت اغير الدكتور اللى هو مش دكتور عبارة عن شوية موظفين فى التامين الصحى كل اللى فيها انة بيقرة التحاليل ويسجلها ويكتبلك الحقنة فى الروشتة لكن يسالك بتشكى من اية طبعا لا ولا حتى ينتبهو الى التحاليل سجل وخلاص واكتب الحقفة وشوف غيرة لما انزيماتى وصلت 9 اضعاف المعدل بالرغم من انى طلعت سلبى من الحقنة ال12بات اقلق واكلم الدكاترة اللى معندهمش رد ورحت كشفت عند دكتور برة وطلب تحليل anaتانى علشان احتمال يكون حصل عندى التهاب كبدى مناعى وطلع التحليل سلبى وكان قرار الدكتور اللى هو مدير مستشفى الكبد بالاحرار انة ينصص الحقن الاول ويشوف استجابة نزول الانزيمات اذا نزلت نستمر واذا منزلتش نبطل الحقن يعنى حتمالات لكن انا قررت عدم الاستكمال وذلك لعدة اسباب
اولا الاعراضى الجانبية الغير محدودة وكلها مصايب سودة سواء صداع ارهاق تعب نفسى وبدنى وانيميا والتهابات مستمرة وعصبية ونرفزة واللى متجوز ينسى انة متزوجوحاجات كتيرة جدا وكل يوم فية مشكلة عذاب مابعدة عذاب ربنا يعفينا جميعاواللى عايز اوضحلة اكتر عن الاعراض يبعت يسال وانا ارد علية لان الاعراض كتيرة ومتنوعة ووصفها يطول عذاب عذاب عذاب .....................................
ثانيا المعلومات المعلنة عن العلاج كاذبة الملف اللى احنا بنتعالج بية اسمة ملف ابحاث وليس ملف علاج ثانيا نسبة نجاح العلاج النهائية25%والكلام دة مكتوب فى ملف الابحاث اللى احنا مضينا علية وهو دة الحقيقى واى دكتور كداب يقول فى التلفزيون غير كدة فدة طبعا قابض وكلهم بيقبضو وبيروحو فسح على حساب الشركة
كفاية كدة النهاردة لان عندى كلام كتير وحقايق اذكرها بعدين
اخوكم مهندس محمد صقر

احمد888
03-Jan-2010, 06:09 PM
متشكر اخى (دريم) على فتح هذة الصفحة لتكون عونا لكل من سيقدم على الدخول فى تجربة الابحاث بالاتنرفيرون وعلشان يبقى عارف من الاول هول التجربة اللى مقدم عليها وعارف حجم المخاطر اللى ممكن يتعرض لها والنتيجة النهائية اللى ممكن يوصل لها علشان يبقى عندة صورة للموضوع ككل
وانا عن شخصى باقول كانت تجربة قاسية جدا ولا اتمنى لاحد ان يمر بما مررت بة
واذا ان فية حد من الاشراف الطبى يرد على فى موضوع الانزيمات اللى بقت 9اضعاف المعدل وهل فية ادوية ممكن تنزل الانزيمات فعلا يقولى وانا اكون شاكرجدا
اخوكم محمد صقر

ISMA3EL
03-Jan-2010, 06:18 PM
الف مبروك على الصفحه الجديده وان شاء الله تكون من الاشياء التي تبعت التفاؤل للمرضى
انا اخدت 45حقنه وهخلص الكورس يوم الاتنين 18-1-2010
ان شاء الله وقريبا جدا سانشر تفاصيل تجربتي هنا في الصفحه
واللتي اعتبرها ناجحه بفضل الله الى الان رغم صعوبة اثارها الجانبيه
بس انا هحاول ارتب المراحل اللي مريت بيها واعرضها باسلوب جيد حتي يستفيد الجميع
ويارب الشفاء للجميع

Dreem44
03-Jan-2010, 06:32 PM
أخى محمد صقر
أخى اسماعيل

أهلا بكما وننتظر منكما البدء قريبا

وننتظر مشاركة باقى الاخوة

وتحياتى للجميع وكل عام وانتم بخير

ISMA3EL
03-Jan-2010, 06:33 PM
الى الاخ محمد صقر شفاك الله وعفاك
اذا كنت تحلل في نفس المعمل ياريت
تحاول تغيره لمعمل اخر لان المشكله دي حصلت معابا
في اول العلاج ولما غيرت المعمل ظبط التحليل
وتابع اكلك هل هو سمين او حراق او مسبك
لو كده يبقى حاول نظبط الاكل لان الاكل له اثر على الانزيمات
وربنا معاك و ابقى طمنا

اخوكم خالد
07-Jan-2010, 10:20 PM
السلام عليكم
اشكر القائمين على هذا المنتدى كثير الشكر

انا مصاب بفايروس سي (والحمد لله على كل شي )
وعرفت باصابتي عن طريق التبرع بالدم قبل 3 سنوات وبعد ما اخبرني بنك الدم عن الفايروس راجعة المستشفى التي فيها ملفي الطبي ولقيت ان الفايروس موجود من عام 1998 ولكن للاسف لم يخبرني المستشفى ابداً
والان تقرر لي الانترفيرون وسوف ابدا فيه مع بداية شهر فبراير القادم ان شاء الله
سؤالي للمختصين هنا
هل تنصحوني به
واذا كنتم تنصحوني هل فعلاً اثار العلاج قويه مثل ما كتب الاخ (احمد 888 ) ومع الجميع
انا بصراحه متخوف كثير من العلاج لانه مثل ما عرفت انه بعد اخذ الكورس كامل بسته اشهر ينعمل تحليل ثاني مره واحتمال يكون رجع او مازال الفايروس موجود
نصائحكم اذا بدأت العلاج ماذا افعل مع اني كثير السفر للعمل
وجزاكم الله خير

اخوكم خالد

احمد888
08-Jan-2010, 07:18 PM
الاخ المحترم اسماعيل متشكر جدا على الرد والاهتمام بس الموضوع مش موضوع اكل احنا بنتكلم فى انزيمات مرتفعة بنسبة 9 اضعاف
والدليل على كدةان الاساتذة مش عارفين يحددو سبب الانزيمات المرتفعة وبيخمنو وبيتوقعو واللى انا اعرفة ون خلال خبرتى اللى بتوقع او يخمن يااما واحد بتعلم او واحد مش عارف الشى اللى بيخمن فية يعنى من الاخر جاهل
علشان كدة انا عارف ومتاكد ان سبب رتفاع الانزيمات هو الحقن لان مكنش عندى ارتفاع سابق الى هذا الحداة حتى بنسبة الضعف الواحد فما بالك ب9 اضعاف المعدل
وبالنسبة للاخ خالد اللى انتة قريتة فى مشاركتى السابقة ماهو الا عنا وين لاعراض يطول وصفهايعنى اللى انا زكرتة اعتبرة 50%من الاعراض اما الاحساس بيها ربنا مايوريك ولا اتمنى لاحد ان يراة
اهم حاجة انا مش عارف جنسيتك اية لكن لو انت مصرى هتمضى على بروتكول ودة معناة اتفاقية انك متحمل النتايج اللى ممكن تحصل فى اى مرحلة من مراحل العلاج
مثلا
ممكن تتضرف الغدة الدرقية
او البروستاتا اوالغدة الدمعية او الكلى او الكبد والحالات دى مسجلة بلاضافى الى فقدان الذاكرة التوتر الاكتئاب الارهاق المستمر وووووووووووووووووووووووووووووووووووووووووووووووووو وووووووووووووووووووووووووووووو
وووووووووووووووووووووووووووووووووووووووووووووووووو ووووووووووووووووووووووووووووووو
وكفاية ووات على كدة
انا مش باخوفك انا باعرفك لانك هتمضى على كدة
وبعدين الملف بتاع الانترفيرون اسمة ملف ابحاث وليس ملف علاج
وبعدين لو علاج لية مبسيمهوش ملف علاج ولية بيمضيك على الملف علشان لو حصلك مصيبة من المصايب اللى انا ذكرتها يبقى مش عليهم مسؤلية
وبعدين بعد دة كله النسبة النهائية 25%والكلام دة انت هتمضى علية
ولو مش مصدق لما تروح وتستتلم الملف يبقى اقرا اللى فية فبل ماتمضى وخليك فاكر الكلام دة لانك بعد كدة هتفقد الذاكرة
اخى خالد اقسم باللة ان كل ماكتبتة حقائق ولو مش مصدق اسأل
وانا معنديش مشكلة انك تاخد الحقن او متخدهاش
بس الكلام دة للرد على استفسارك وللاسف ان الاخوة اللى مرو بالتجربة مبيكتبوش اللى حصل معهم علشان اللى زيك يكون عارف هو بيعمل فى شى غامض وعلية علامات استفهام
بس ابشرك النى بدات استعيد صحتى اللى كانت راحت ايام الحقن السودة ووقت ماييجى الموت فلن تمنعة حقن شركة روش اواى شركة اخرى بيجربو علينا فى ابحاثهم وبيدفعو ملايين الدولارات رشاوى وهدايا ودة زمن العجايب
معلش انا طولت عليك بس دة توضيح والسلام عليكم ورحمة اللة وبركاتة

اخوكم خالد
08-Jan-2010, 10:58 PM
السلام عليكم
شكراً اخي احمد على تجاوبك السريع معي
واتمنى لك ولي وللمسلمين الشفاء الكامل والله قادر على كل شي
يؤسفني مرورك بهذه الحاله الصعبه جداً وزي ما قلت الله لا يوريها لمسلم
انا يا اخي سعودي ومن الرياض
وقابلت ناس مصابه بنفس الفايروس وصحيح انهم تعبو بس اتشافو والحمد لله
وانا انتظر الناس المجربه للعلاج تكتب عن رايها فيه
ولا اقصد التقليل من تجربتك ولكن المفروض اننا نسمع الاغلبيه ايش تقول
مثل الاخ اسماعيل كمل الكورس كامل وننتظر انه يخبرنا عن تجربته ونتيجتها وغيره كثير اتمنى انهم يتواصلو معانا هنا عشان ننفع بعضنا
ولا اكذب عليك انا اخذت انطباع سئ جداً من تجربتك وخوفتني كثير وخليتني اتردد في بدا العلاج
بس سؤالي لك ايش راح تعمل بعد كذا راح تستنى الفايروس يتحول الى تشمع او تليف او سرطان لا قدر الله
انا ما اعرف الي عندنا هو تحت ابحاث او علاج بس انا راح اسأل ان شاء الله
بس عموماً انا ما تفرق معي ابحاث او علاج المهم انه يروح الفايروس
وودي اعرف منك كم عمرك الان وله كم الفايروس في كبدك
مع العلم ان عمري 35 سنه
اخيراً والله يا اخي انا حزين جداً لمرورك بهذه التجربه الصعبه واتمنى لك الشفاء وتكون هذه التجربه من الذكريات الاليمه
شكراً اخي وفي انتظار الاخ اسماعيل وتجربته
واتمنى من والاخوه المصابين والاخوه الدكاتره يشاركونا في هذا المنتدى وكل واحد يقدم تجربته او نصيحته لكي نستفيد


اخوكم خالد

قمريا
09-Jan-2010, 11:40 PM
الأخ احمد 888


شفاك الله و عافاك

لقد تحدثت من قبل عن الأنترفيرون فى مشاركات كثيره

و احمد الله انني كتبت ما يمليه عليا ضميري

لكن الطريقه المشوقه للأخ الدكتور زيزو شفاه الله

جعل الجميع يأخذ الموضوع ببساطه

ووجودكم مع بعض خفف الكثير عنكم

لكن المهم ان يكون بنتيجه

اتمنى ان يتم شفاك على خير و تكون بحال افضل

و متقلقش كله فى ميزان حسناتك بخصوص الانزيمات اكيد فيه التهاب فى الكبد و فعلاا بسبب الحقن لكن التغذيه تعمل ارتفاع بسيط و بيكون وقت الوجبه الدسمه بس يعنى اكله محشي كرنب و جنبها بطه و طبق طرشي اكيد ممكن تبوظ الدنيا


شفاك الله و عفاك

قمريا
09-Jan-2010, 11:59 PM
الأخ خالد شفاك الله و عفاك

انا ضدد الأنترفيرون على طول الخط

لكن اذا كنت شايف نتايج مبشره

توكل على الله و ان لم تكون النتيجه سالبه فى خلال اول 3 شهور توقف فورااااا

و استخر ربنا الأول الوحيد الذي يدلك على الصواب و هو خير دليل

شفاك الله و عفاك

ISMA3EL
10-Jan-2010, 04:13 AM
بسم الله الرحمن الرحيم



الموضوع طويل شويه بس معلش استحملوني


انا اسمي محمد وعندي29 سنه


بدات حكايتي في شهر 8 سنة 2002 كنت بتبرع بالدم لجاري المريض وتم اكتشاف الفيروس وتم اخبار اخي الذي لم يصارحني الا بعد سنتين لاني كنت بدرس ورفض اخي ابلاغي خرصا على حالتي النفسيه

وعلمت في سنة 2005 و طبعا مريت بحاله نفسيه سيئه

وانعدام ثقه خصوصا ان والدي وخالي و ابن عمي توفوا وهم يعانون من هذا الفيروس اللعين فطبعا شريطهم كان يمر امام عيني كل يوم عشرات المرات و تغير شكلهم وانتفاخ البطن وما الى ذلك من اعراض مؤلمه
وعملت التخاليل اللازمه
1- انزيمات مرتفعه قليلا
2-بي سي ار 288 الف
3- الاشعه التلفزيونيه كويسه
وطليوا عينه كبديه وطبعا انا رفضت بشده وشعرت بالخوف من العلاج وتكاليفه
نصحني احد الاقارب بالعلاح بالاعشاب لانه رخيص وليس له اثار جانبيه ويدات الكورس الاعشابي الرهيب طعمه وحش جدا
واستمر سنه ونص دون اي تفدم واصيح البي سي ار 380 الف
واصيحت في 2008 و مفيش اي تقدم كبرت دماغي خالص وقلت مش هفكر تاني في الموضوع ده لحد ما روحت المركز الطبي العالمي وقلت اطمن لقيت الحاله بتدهور اكتر البي سي ار اصبح 700 الف والانزيمات عاليه وكمان بعمل اشعه مقطعيه لقيت عندي كليه واحده الكليه الشمال مش موجوده (ايه خلقيه) الحمدلله
الكلام ده شهر اغسطس 2008
والدكتور تصحني يالانترفبرون وقالي نسبة نجاحه 50%
بس لازم برضه عينه كبديه
وطبعا مبلغ لايقل عن 80 الف جنيه



تستكمل قرييا جدا ان شاء الله

ISMA3EL
10-Jan-2010, 05:10 AM
الحقنه الاولى
طبعا على ما فوقت من الصدمه دي كنت بقيت في شهر نوفمبر
وقررت اني اعمل قرار علاج على نفقة الدوله وتوجهت لمعهد الكبد في القصر العيني
وخدت معايا كل التحاليل والحمد لله وافقوا علي العلاج
بعد ما فصصوني
1- تحليل دلالات اورام
2- صورة دم
3-وظائف كبد و كلي وغده وصفرا ومولد تحاليل
4- بي سي ار وطلع 2 مليون و 800 الف رقم اصابني بالذهول
لاني اصبحت مليونير..هههههههه
5-عينة كبد والنتيجه كانت جيده التهاب بسيط وتليف بسيط 1/6
6- رسم قلب سكر قاع عين
طبعا الموضوع ده على ما خلص كنت بقيت في شهر فبراير
وتم الموافقه على العلاج ويدات الكورس العلاجي يوم 23-2-2009
peg-intron 150 ml
دي الحقن.. حقنه اسبوعيا
rebetol 200 mg
7 كبسولات يوميا
طبعا العلاج بالكامل مستورد المفروض انه امريكي
وطبعا الدكتور قعد يدردش معايا قبل ما امضي على الاقرار
وقالي انت عارف انت هتمضي على ايه قلتله انا المهم عندي اني اتعالج
وميهمنيش اي حاجه تانيه
فقالي على الشروط واني لازم احلل وقت مايطلبوا عشان العلاج يكمل
او ممكن يسبب في وقف العلاج ..دكتور محترم الصراحه.
وبدات اول حقنه ومش عايز اقولكم على الرعب اللي انا كنت فيه
اخدت الحقنه معايا البيت واخدتها الساعه 9 مساء وعدت 3 ساعات
ومحصلش حاجه خصوصا اني كنت قاري ان اعراضها صعبه
اطمنت ودخلت انام بعد ساعه قمت من النوم على رعشه وسخونيه
وجسمي بيوجعني جدا طبعا اخدت بانادول و نمت تاني
تاني يوم بقي عايز ارجع اي حاجه اكلها وماليش نفس اكلها بعديها بيوم قررت انزل الشارع وطبعا اتفاجئت باني مش قادر اخد نفسي وانا طالع السلم ونهجان غير طبيعي
وكرشة نفس ومش طايق ريحة اي حاجه خصوصا الدخان وحللت قبل ما اروح للدكتور لاقيت الهيموجلبين وصل ل13 بعد ما كان 16.4
والوظائف بتاعة الكبد بقت ضعفين الطبيعي....
نكمل في المشاركه القادمه ان شاء الله

قمريا
10-Jan-2010, 11:46 AM
الأخ الفاضل اسماعيل

السلام عليكم ورحمة الله وبركاته


شفاك الله و عفاك و ان شاء الله تفلس و تخسر الملايين هههههههههههه

لا تقنت من رحمه الله احبك و لذلك ابتلاك

متابعين و منتظرين باقي الموضوع و ياااااريت تكتب التفاصيل اللي بتتعبك أو اللي بتضايق

خالص دعواتى لك بالشفاء

و خالص تقديري و احترامي

ISMA3EL
11-Jan-2010, 01:40 PM
بعد اول حقنه


طبعا كان لازم اروح للدكتور بالتحاليل

والدكتور سألني شوية اسئله
هل في تساقط للشعر او التهابات اوقئ او ارتفاع في الحراره
وكتبلي نفس الجرعه تاني طبعا انا مع بداية الحقنه التانيه بدات الاعراض تزيد
ارتفاع في الحراره ووجع في نهاية الظهر فوق الحزام مكنتش بقدر انام منه الا بجرعه بانادول قويه ومن الحقنه دي بقيت مش طايق اي اكل الا الجبنه القريش
والفاكهه مع عدم الاحساس بطعم الاكل اصلا
وما كنت اطيق اللحوم ولا الدواجن اواتحمل وجودها اساسا على مائدة الطعام
واستمر كرهي وعدم استحمالي لاي ادخنه لدرجة ان وقت قلي او تحمير اي شئ بالمنزل كنت اهرب
لانه ظهرت عندي اعراض كحه مميته من غير اي مخاط
لدرجة اني كنت احيانا كنت اكح حتي اتقيأ
وكانت نتيجة التحاليل انخفاض الهيموجلبين والصفائح الدمويه
وارتفاع في الصفرا وارتفاع الانزيمات الي 3 اضعاف
طبعا انا عشت في القلق ده لحد الحقنه رقم 5


والهيموجلبين وصل 11 والانزيمات اصبحت اربع وخمس اضعاف
وبدأ تساقط خفيف للشعر مع ظهور بعض الشعر الابيض
وملمس الشعر اصبح ناعم اكتر مع وقوفه لاعلى مما جعلني
احلقه زيرو وطبعا جفاف في الجلد
ااضطر الدكتور الي خفض الجرعه الى النصف لمدة حقنتين وكتبلي على فوليك اسيد
وحقن ديبوفيت والهميجلوبين مازال ينزل بقوه الى ان وصل الى 9


كتب لى حقن الابريكس لرفع الهيميجلوبين
بداء الهيميجلوبين يرتفع ببطئ شديد وصل الى 9.5 بعد 3 حقن ابريكس
استمرت معي تلك الاعراض اللى الحقنه رقم7 والهيميجلوبين ثبت عند معدل 9
والانزيمات بدات تظبط تلقائيا بعد ما غيرت المعمل اللي كنت بحلل فيه
بس مش عارف ده عيب معمل ولا جسمي يدا يتعود على الحقن
واصبح الارتفاع طفيف جدا يعني لو هي المفروض تكون 40 تكون النتيجه 44
وهكذا

ISMA3EL
11-Jan-2010, 01:45 PM
وصلت للحقنه 10 مع زهق رهيب بجد كنت بفكر مكملش لاني ارهقت جدا
ووزني بدا ينزل وكل اللي يشوفني يقولي مالك بقيت شكل الاشباح كده ليه
(قال يعني اخواننا دول بيشوفوا الاشباح كل يوم ههههههه حاجه عجيبه والله)
بس انا وزني قبل العلاج كان 115بعد 10 حقن بقى 105


طبعا انا مستنتش تحاليل وزارة الصحه وطلعت على معمل البرج
وعملت بي سي ار


كان الخبر السار الحمد لله سلبي سواء كمي اونوعي
الخبر ده كان كافي لاعطائي دفعه قويه


وقررت اني اكمل العلاج

ISMA3EL
11-Jan-2010, 02:11 PM
مابعد الحقنه ال 12
انخفاض كريات الدم البيضاء
العرض ده بدا معايا من الحقنه ال9 بس ما تفاقمش ووصل
لمرحله مخيفه الابعد الحقنه ال12 تقريبا
ووصل العدد الى 900 فقط
والحد الادني للكرات المفروض 4000
ا
بدات اعاني من الام الحلق والزور
والتهابات اللسان واللثه مع عدم القدره على المضغ او البلع او حتي الكلام
وطبعا الدكتور اضطر الى خفض الجرعه مره اخرى الى النصف لمدة حقنتين
انا كنت رافض تخفيض الجرعه لكنه قالي احنا عايزين نموت الفيروس
مش نموتك انت
وكان الارتفاع طفيف في كرات الدم البيضاء
وكدت ان افقد الامل في الاستمرار في العلاج خصوصا ان لعلاج المشكله دي
هيكلفني اموالا طائله الا وهو حقن النيوبوجين طبعا حقنتين اسبوعيا تعني انك خلال شهر
تستخدم 8 حقن سعر الحقنه 650 جنيه تقريبا . يعني 5200 شهريا
طبعا الموضوع شبه مستحيل لان التامين مش بيغطي العلاج ده وانا برضه مواطن عادي
مش من رجال الاعمال يعني..بعد الحقنه ال15 وصل وزني الى 94 كيلو
ولما اتخفض وزني بدات اخد الحقنه تركيز اقل
peg-intron 120 ml


بدلا من
peg-intron 150 ml


وكبسول الريبافيرن بقى 5 كبسولات بدل 7 اي 1000جم يوميا بدل 1400جم
نظرا لمشكلة نقص المناعه وانخفاض كرات الدم البيضا وعدم المقدره على البلع او حتي المضغ..
لا واللي زاد ان انفلونزا الخنازير كانت بدات تنتشر
والمناعه مش موجوده اصلا
قررت شراء الحقن
اشتريت 2 فقط وبدأت الحاله تتحسن والكرات ترتفع لتصبح 3000
و لما وقفت الحقن الكرات البيضا انخفضت من جديد
وطبعا ما اشترتش تاني لحد ما ربنا بعتلي عضو هنا في المنتدي
(كانه ملاك من السما!) طبعا مش هقول مين هو الا لو اراد واعطاني كميه
من حقن النيوبوجين مجانا دون اي مقابل دون حتي ان اراه او يراني
(فلما ضاقت واستحكمت حلقاتها فرجت وكنت اظنها لا تفرج)


والكميه كفتني مدة شهرين ونصف وبفضل الله ثم كرم.. وجود.. صاحب الحقن
استطعت اكمال العلاج وصيام رمضان بالكامل الحمد لله. يارب اشفي والدتها....امين اسالكم الدعاء لها...


طبعا كل الاثار الجانبيه كانت شغاله معايا على طول
بس طبعا عرض التهاب الحلق زال مع ارتفاع كرات الدم البيضا
وثبوت الانزيماات على معدلاتها وارتفاع الهيموجلبين الى 9.8
وطبعا حللت بعد الحقنه ال 24 وطلع الحمد لله البي سي ار سلبي للمره التانيه على التوالي
الوزن اصبح 94 بعد ان كان 115
وانتهت كمية الحقن النيوبوجين لكن استقرت الكرات معي الى الحقنه رقم 38 وارتفاع الهيموجلبين
الى 11.7
والحمدلله الانزيمات مستقره جدا وبدات تنخفض كرات الدم البيضا مره اخرى الى ان كتب لي الدكتور على كبسولات لتقوية المناعه
immulant كبسولات تحتوي على حبة البركه وبعض الاعشاب الاخري
وبدات ترتفع ارتفاع بسيط لانها ببساطه مش زي الحقن اللي انا بعتبرها حقن سحريه
طبعا وزني بدا يزيد بعد الحقنه ال 36 بقيت 98 كيلو
انا النهارده هاخد الحقنه رقم 47 والاتنين القادم ان شاء الله هاخد الاخيره
وابقى خلصت رحلتي مع الانترفيرون رحله مليئه مواعظ وتعب وانتصار ربنا يديمه
وكرم من ربنا كبير وناس طيبه وقفت معايا واعضاء الموقع الجميل اللي ساعدوني
بالنصايح الطبيه و والتشجيع واهم حاجه الدعاء اللي بيدعوه
..............


العلاج بالانترفيرون مش سهل ابدا هو بمثابة مهمه حربيه اما ان تعود بالانتصار
او لا تستطيع هزيمه اللعيين لان انا لحد دلوقتي مش منتصر انا
كسبت معركتين وفاضلي بقية الحرب
هفضل مستني كمان 6 اشهر بعد العلاج
واحلل بي سي ار وقتها بس اقدر احتفل بالانتصار والحمدلله على كل شئ وكل اللي يقدره ربنا انا راضي به

ISMA3EL
11-Jan-2010, 02:20 PM
انا خلال رحلة علاجي لم استعمل وسائل مساعده مثل الطحالب هو فقط حبة البركه وعسل نحل جبلي فقط لاغير
لان انا كنت بخاف اجرب لكن ده مش معناه اني معترض علي الطحالب او نتايجها اللي كتير من الناس جابت معاهم نتيجه

ISMA3EL
11-Jan-2010, 02:34 PM
الاثار الجانبيه التي مررت بها
1-ارتفاع في الحراره
2-صداع
3-الم اسفل الظهر فوق الحزام تحديدا
4-كحه ناشفه قاتله تصل للقئ احيانا
5-دوخه شديده عند انخفاض الرأس سواء للصلاه او اي ظرف اخر
6-عدم القدره استنشاق اي دخان او قلي او تحمير (انا غير مدخن)
7- كرشة نفس نهجان مع اقل مجهود
8-تساقط للشعر وتغيير في شكلة ولونه وطبيعته
9- عصبيه شديده لاتفه الاسباب سببت لي مشاكل كثيره
10-لتهابات في الحلق مع انخفاض كريات الدم البيضاء
11-تنميل في اطراف الاصابع احيانا وليس دائما
12-جفاف في الجلد وتغير في لونه اماكن الحقن على نطاق ضيق
اماكن الحقن فقط.

طبعا الاثار دي كلها بتأثر في النفسيه بس الصبر ينسي اي حاجه
خصوصا لما تعرف ان كل الاثار دي تنتهي مع نهاية العلاج.. و ترجع افضل من الاول بحول الله
طبعا في اثار حلوه
1- عمليات الهضم بقت افضل بكتير من اول ما بدات العلاج محصليش حموضه
الا مره واحده كانت ملازماني دايما خصوصا في رمضان
2-زوال الدهون من الجسم واصبح وزني مثالي 98 كيلو مع طول 190سم.
3- البي سي ار بقي صفر ودي اهم حاجه اصلا في التاريخ


الاثار دي انا اللي حسيتها وممكن تقل او تزيد مع حد غيري
بناء على سنه وطبيعة جسمه ووزنه. وحالته النفسيه
انا بس حبيت انقل لكم التجربه بتاعتي وانتم احكموا هل هي ناجحه
ولا انا بيتهيألي

ISMA3EL
11-Jan-2010, 02:44 PM
العوامل النفسيه
طبعا مكنتش قوي وصلب في قرار بدء العلاج
وكنت مكسل وخايف جدا
واجلته كتير جدا
لكن المره دي كان عندي دافع قوي جدا اني اتعالج
لو حتي هموت لاني بدات افقد ناس كنت مفكرهم بيحبوني
بمجرد علمهم اني احمل الفيروس ..
وبدات رحلة العلاج بشجاعه غير عاديه مع اني كنت اعلم بالاثار
القويه للحقنه لكن مكنتش اعرف ان المعركه شرسه وطاحنه الى هذا الحد
وطبعا مع بداية العلاج كنت تعبان نفسيا لكن قراءة القران كانت تهدى من نفسيتي
كثيرا. بدات اشجع نفسي واعمل جلسات معنويه لنفسي وبفضل الله
كنت لها اثر كبير في ان اكمل العلاج للنهايه والحمد لله قدرت على نفسي
لان النفس تجذع من الالم والتعب لكن الصبر على البلاء هو اول مفاتيح الفرج
وحمدت الله اني احمل الفيروس لانه كان بمثابة اداه كاشفه للمنافقين..
واستكملت رحلة العلاج حتى قاربت للنهايه..


انا اتعلمت الاتي
1-لازم تكون صامد ومتخافش اللي ربنا مقدره هيكون
2- الصبر اصبر كتير واحتسب المك وتعبك عند الله تجدها تفرج والامورتتسهل وربك يبعت رزقك
3- اوعي تفكر انك في بلوه افتكر اللي تعبان اكتر منك وانت تعرف ان الفييروس ده كلام فاضي
4-دايما ضع هدفك ادام عينيك كل ما نفسك تجذع اوتتعب قوم وكمل وان شاء الله توصله
لازم تقع عشان تقدر تقف تاني والا ازاي هتقف وانت واقف اصلا..(ههههه ايه اللخبطه دي)
5-حب رحلة العلاج عشان تقدر تكملها دي بقى من نصايح دكتور زيزو الله يكرمه ويشفيه ويمسيه بالخير.


انا مش بقول ان الموضوع سهل بس انا عايز اوصلكم انه صعب و متعب لكنه مش مستحيل
اتعب تلاقي مفيش حلاوه من غير نار وان موفقتش متزعلش اكيد ربنا كاتب حاجه احسن وعلاج اسهل
واثار جانبيه اقل محدش عارف الخير فين ولا ايه.....
يارب اشفي امة محمد من كل الامراض واهديهم لسبيلك

sesayed
12-Jan-2010, 01:17 PM
متابعينك أخى الحبيب

ISMA3EL
13-Jan-2010, 02:05 AM
بسم الله الرحمن الرحيم
انا كده خلصت كلامي عن تجربتي مع الانترفيرون
لو حد عايز يسألني او عنده استفسار يتفضل
وانا هجاوب على اللي انا مريت به لان انا مش متخصص
بس اللي انا مريت به من مشاكل وحلولها خلتني
اقدر اعرف شوية حاجات يمكن اقدر اساعد بيها المقبلين على
الرحله الصعبه دي ويارب اشفي جميع مرضى المسلمين

hema_hn
02-Feb-2010, 02:24 PM
ربنا يدوم عليكم الصحة والعافية وربنا يخرج هذا الفيرس اللعين من اجسادكم ومن كل مريض به على خير
وتذكرو ان هذا فى ميزان حسناتكم

khaled_2008
08-Feb-2010, 01:08 AM
يا جماعه انا خلصت كل التحاليل الازمه الخاصه بفيروس سى من شهر 7 اللى فات وترددت فى دخول تجربه الانترفيرون بسبب انى متزوج حديثا ولم يحدث حمل بالنسبه لزوجتى وعلمت انه ممنوع الحمل اثناء فترة العلاج والسبب الثانى انى ترددت كثيرا بسبب الاثار الجانبيه انا فى حيرة شديدة عوز منكم النصيحه ابدا فى العلاج ولا انتظر

راضيةبقضاءالله
27-Feb-2010, 01:29 PM
السلام عليكم ورحمة الله وبركاته
نفسي اي حد يقول اننننننننننننننننننننننننننننننا خفيت والحمد لله
علي كل حال الحمد لله الذي لا يحمد علي مكروه سواه
ونفسي اعرف اي حد شفي من المرض ولم يرجع له الفيرس تاني
ونفسي حد يطمني ان اعراض الانترفيرون بعد الشفاء ده لوكان في شفاء ستزول
هو يعني احنا نروح ندفن روحنا بالحياه ولا نعمل ايه
طب نصدق مين ونكدب مين
حتي صاحب الفكرة بالعلاج بالانترفيرون مش عارفين راح فين
اوعي يكون حصل له حاجه وانتم مخبيين
ونفسي الناس ترد بسرعة علي الاستفسارات ومحدش يطنش
بصراحة نفسي في حاجات كتيييييييييييييييييييييير
انا اسفة بصراحة حالتي النفسية 0
وفي الاخر بصبر نفسي واكون
راضية بقضاء الله

محمد ابوبكر عمر
01-Mar-2010, 10:54 AM
السلام عليكم ورحمة الله وبركاته

أهلا بكم أحبائى الكرام

الحمد الله وبفضله وتوقيقه سوف أخذ اليوم أخر حقنه ال 48 وان شاء الله سوف اعمل البى سى أر يوم الأربعاء

وسوف اوافيكم بالنتيجه ان شاء الله

والحمد لله كانت نتيجة التخاليل بى سى أر بعد الحقته 12 و 24 نيجاتيف والحمد لله

ارجو ان الدعاء لى ان يتمم الله لى بالشفاء ولكم جميعا ان شاء الله

فتاه مسلمه
02-Mar-2010, 03:37 AM
اقتباس:
المشاركة الأصلية كتبت بواسطة محمد ابوبكر عمر http://www.4ph.net/vb/orange/buttons/viewpost.gif (http://www.4ph.net/vb/showthread.php?p=146845#post146845)
السلام عليكم ورحمة الله وبركاته

أهلا بكم أحبائى الكرام

الحمد الله وبفضله وتوقيقه سوف أخذ اليوم أخر حقنه ال 48 وان شاء الله سوف اعمل البى سى أر يوم الأربعاء

وسوف اوافيكم بالنتيجه ان شاء الله

والحمد لله كانت نتيجة التخاليل بى سى أر بعد الحقته 12 و 24 نيجاتيف والحمد لله

ارجو ان الدعاء لى ان يتمم الله لى بالشفاء ولكم جميعا ان شاء الله



ربنا يتم شفاءك على خير
و تتخلص نهائيا من القيروس
ان شاء الله النتيجه سلبيه

قمريا
02-Mar-2010, 02:38 PM
ياااااااااااااااااااااااااااااااااارب


ان شاء الله تكونو جميعااا نيجتف


و تفرحونا بالنتيجه


و ندعوا الله جميعاا و نحن موقنين بالأجابه


ان ينعم علينا بنعمه الشفاء من كل بلاء

ISMA3EL
02-Mar-2010, 07:45 PM
انا مسني النتيجه الليله ان شاء الله بعد الحقنه 48 البي سي ار النهائي انا عملته في وزارة الصحه ومع الاسف طلع ايجابي لكن بعيده بره في معمل البرج ادعولي يا جماعه محتاج دعواتكم ان شاء الله معايا لان بجد انا مصدوم من ساعة ما طلع ايجابي وبطلت حتى اتابع اي حاجه وعندي امل في ربنا كبير ان يكون وزارة الصحه تحليلهم غلط
ادعولي يا جماعه جزاكم الله خير

محمد ابوبكر عمر
03-Mar-2010, 03:25 AM
ان شاء الله خير استاذ / اسماعيل

وتكون النتيجه نيجاتيف

ياسين المصرى
03-Mar-2010, 11:37 AM
انشاء الله تكون نيجتف

وانشاء الله كلنا نفرح معاك وتعيش 200 سنة بصحة وعافية

ISMA3EL
03-Mar-2010, 03:59 PM
السلام عليكم اخواني
الحمدلله على كل شئ النتيجه طلعت اميارح لكن طلعت ايجابيه والعدد الفيروسي 680.000
والانزيمات مرتفعه 3 اضعاف الحمد لله على كل شئ وهروح للطبيب وهشوف هكمل علاج ولا ايه الوضع لان انا مش فاهم اي حاجه وربنا يسترها
انا عارف ان في ناس هيجيلها احباط من الكلام د وخصوصا المقبلين على العلاج لكن في ناس كملت على خير وانهت علاجها بنجاح لا تقنتوا من رحمة الله
اسالكم الدعاء

راضيةبقضاءالله
03-Mar-2010, 04:03 PM
[size="5"] السلام عليكم ورحمة الله وبركاته [/size
ان شاء الله خير والنتيجة اين كانت انوي انك لازم تقول الحمد لله انا شايفة انك موجود
ياريت تطمنا جميعا عن حالتك النفسية وانت اللي قلت منعرفش الخير فين
انا بقولك ان شاء الله خير لان الله لا يعطينا الا الخير]

راضيةبقضاءالله
03-Mar-2010, 04:17 PM
[COLOR="#ff000

0"] بسم الله الرحمن الرحيم [/C

OLOR]تفتكروا اننا ممكن بعد كده نخوض التجربة
يا ناس حد يقوللنا نعمل ايه
نروح نتعالج فين
ومع هذا سوف اقول وصفة جربتها وضبطت الانزيمات جدا وخفضت نسبة الفيرس
من190000 الف الي41000 الف في شهر وبعدين
الي 5300
علي الريق ملعقةكركم وملعقة حبة البركة علي نصف كوب ماء
ومرتين في الاسبوع اسلق خرشوف اكل الجزء الابيض في الاوراق والقلب
واشرب ماء السلق مع عسل نحل من فترة لاخري والتمر
دعواتي للجميع بالشفاء
بس حد يقوللي فيرس ايه ده اللي الانترفيرون مقدرش علللللللللللللللللللليه

قمريا
04-Mar-2010, 05:01 AM
لا اله الا انت سبحانك انى كنت من الظالمين


الأخ الفاضل isma3el

مهما كتبت من كلمات لن اخفف عنك

و اعلم جيداا ما تشعر به الان

ولا نملك هنا غير الدعاء لك بالشفاء

و لي رجاء خاص يمكن يعارضنى فيه دكاتره كتير

ارجوك ...ارجوك.... ارجوك اوقف الأنترفيرون

مينفعش تكمل وانت بالعدد ده الا اذا كان التحليل غلط

و يااااااارب يكون غلط

عارفه انه مكلف لكن حاول تعيده فى معمل تانى

و ربنا يطمنك

الأخوه الكرام

لا نملك جميعاا غير الدعاء فقط

ف الله سبحانه و تعالى هو القادر على شفائنا من هذا المرض اللعين

ادعوا الله و انتم موقنين بالأجابه

ياااارب

ياسين المصرى
04-Mar-2010, 11:00 AM
الاخ اسماعيل لا تيأس والحمد لله علي كل شيء

وخليك قوي كما عرفناك وانا شايف ان التحليل غلط

وانشاء الله انت زي الفل

محمد ابوبكر عمر
04-Mar-2010, 10:34 PM
الحمد لله رب العالمين

شفاكم الله جميعا من كل ألم

فى هذه اللخظه والحمد والشكر لله كانت نتيجة البى سي أر بعد الحقنه 48 والحمد لله نيجاتيف

دعواتى للجميع ان يشفيهم الله ويبعد عنهم كل مكروه

من هذه التجربه على مدار 11 شهر ومدى التعب الموجود بها أنصح الجميع بالعلاج واعلموا تماما

كما هو مقدر لنا الرزق فينا الغنى وفينا الفقير

أيضا مقدر لنا المرض فهو أيضا رزق فينا من يشفيه الله وفينا من يجعله مريضا لحكمه يعلمها سبحانه

وفى كلتا الحالتين علينا ان نحمد الله فى السراء والضراء

اتمنى ان لاييأس أحد من رحمة الله

فقد خلق الله لنا العلاج وعلينا الأخذ بالأسباب والشفاء من عند الله



تمنياتى للجميع بكل خير


ودغواتى للأخ / أسماعيل

بالصبر فهو أمتحان لك من عند الله

اصبر فأن الله مع الصابرين

ISMA3EL
06-Mar-2010, 03:04 AM
الحمد لله يا اخواني النتيجه مع الاسف حقيقيه لاني دي تاني مره احلله في خلال اسبوعين المره الاولي
في وزارة الصحه والتانيه في معمل البرج وانا رايح للدكتور يوم الاتنين ونشوف هيقول ايه
بس الواحد بجد مصدووم جدا لان وقت العلاج كله كان تمام والانزيمات مظبوطه لكن انا مش فاهم اي حاجه
ومش عارف هكمل ولا استنى علاج جديد ولا اعمل ايه حاسس اني تايه
وربنا يستر ويجعل نهايتي خير ..واشكر كل اخواتي واخواني على الدعاء و الدعم
وببارك لاخي الاستاذ محمد ابو بكر الف مبروووووك وان شاء الله يفضل دايما نيجاتيف بس المهم تحافظ على الاكل و اتمنى لك الشفاء الدائم
وسؤال للاخت الدكتوره قمريا عايز اعرف ليه مكملش انترفيرون ؟ هو كده خلاص ولا ممكن اخد جرعه جديده ولا ايه
انا ضيعت لي بتاع 5 سنين من عمري بجري ورا علاج للفيروس ده بجد انا مش عارف اعمل ايه.
حسبي الله ونعم الوكيل

فتاه مسلمه
06-Mar-2010, 06:37 PM
انا فعلا مش عارفه اقولك ايه يا استاذ اسماعيل

بس فعلا زى ماقالك الاستاذ محمد ابو بكر

لا تياس من رحمه الله



بس فى حاجه اكيد حضرتك عارفها
ده اقتباس من كلام د.يزو

حتى مرضى
تليف الكبد المتقدم يستفيدون من العلاج بالانترفيرون والأبحاث قالت أن بالإضافة إلى التخلص من الفيروس ، فنسب حياتهم أكبر ومعدل إصابتهم بسرطان الكبد أقل ممن لم يعالجوا بالإنترفيرون زى البحث ده (http://www.annals.org/cgi/content/abstract/142/2/105)مثلاً



كلام في التمام وصحيح وعلمي وجامد وده من محاسن الكورس إنه في حال فشله لا قدر الله فإنه بيأخر مرحلة المضاعفات وحصول التليف ويبقي على ثبات الحالة لفترة نسبية تقدر بفترة العلاج وشراسة الفيروس لكنها في الغالب تصل إلى سنين.

hema_hn
07-Mar-2010, 02:50 PM
اخى اسماعيل ربنا معاك ويثبتك وبإذن الله ربنا حيشفيك من الفيرس اللعين
ربنا معاك ان شاء الله

قمريا
08-Mar-2010, 11:00 PM
الأخ الغالى اسماعيل

شفاك الله و عفاك

انها اراده الله شئنا ام ابينا

و اعلم ان ما يكتبه علينا الله افضل بكثير جدااا مما نتمناه

و اترجاك بل اتوسل اليك تقرأ سوره الكهف

و تمعن فى نهايه السوره و ما قدره الله افضل من تمنيات العبد مهما كان

شفاك الله و عفاك ان شاء الله ازمه و هتعدى

ISMA3EL
10-Mar-2010, 06:27 AM
انا رحت يوم امبارح للدكتور وقالي خلاص انت كده ملكش علاج تاني استنى لو في علاج جديد
وقلتله كده انا حالتي ايه قالي بالنص (الحمد لله انك طلعت سليم من العلقه دي غيرك بيطلع بالغده وامراض جلديه وحاجات تانيه والكويس في الحقن انها لو ما شفتش من الفيروس فهي بتاخر ظهور اعراض المرض لمده ابعد من اللي مخدش كورس الانترفيورون وبره بياخدو 24 حقنه وبمجرد ما الفييروس يكون نيجاتيف مرتين يعني بعد ال12 و24 بيوقفوا العلاج انما نوع الفيروس في مصر ما شاء الله متقدم ولازم نكمل ال48 وبنكون مش مطمنين لحد 6 شهور بعد الحقنه48 وقلتله على الوظائف قالي انت محلل انزيمات المهم الالبومين حلله وهو اللي هيطمنا على حالة الكبد وكل فتره اعمل تحاليل وسونار وابقى تعالى) وكتبلي على ursofalk وبس
ومش عارف هل كلامه سليم ولا لأ
اشكر جميع اخوتي في المنتدى
وان شاء الله خير
وربنا يبعت الخير والرزق بالشفا للجميع وليا يارب
الله اكبر ولله الحمد

قمريا
10-Mar-2010, 10:27 PM
لااااااااااااااااااااااااااااااااااااااااااااااااا اااااا


ارجوك لا تاخد اورسوفالك


ارجوك


انت كويس صدقنى بس حالتك النفسيه هى السبب الرئيسي فى كل حاجه دلوقتى


http://www.ahram.org.eg/Archive/2009/9/21/INVE6.HTM#top

ISMA3EL
11-Mar-2010, 02:42 AM
بانهار ابيض على اللي كان هيحصل انا الحمد لله لسه ما اشترتش العلاج ده
بس العلاج ده كتبهولي دكتور مبتدأ في معهد الكيد وانا مكنتش هاخده الا لما اروح لدكتور كبير واتاكد بنفسي
بس جزاك الله خيرا انك فهمتيني على كده والله احنا بقينا كلمه تودينا وكلمه تجبنا هنعمل ايه بس ومع الاسف
الدكتور اللي متابع معاه دكتور محترم ومجاش يوم مارحت وبعدين انا لاعندي صفرا ولا مراره انا عندي ارتفاع انزيمات والتهاب في الكبد في اول مراحله لكن معرفش وصل فين دلوقتي انا لازم اروح لدكتور كويس
محدش يعرف ياجماعه حد كويس وميكنش تاجر
حسبي الله ونعم الوكيل

محمد ابوبكر عمر
12-Mar-2010, 12:17 AM
أهلا بكم جميعا

وأهلا بأخى أسماعيل

اتمنى ان تكون بصحه جيده وان شاء الله الشفاء من عند الله

هذا العقار انا أخذته ثلاث مرات عند التداوى بالأنترفيون وكانت نسبة الصفراء عندى قد وصلت 3.5 والحمد لله تم التحليل

بعدها ونزلت الصفراء الى معدلها الطبيعى ولم ترتفع مره أخرى ولم أشعر والحمد لله بالأعراض المذكوره

انا لست طبيب ولاخبير وأحترم رأي الجميع

ولكن هذه تجربتى مع اورسوفالك

وتحياتى للجميع

بسمه
19-Mar-2010, 06:52 AM
لا اله الا انت سبحانك اني كنت من الظالمين
السلام عليكم ورحمه الله وبركاته
بجد انا مش عارفه اكتب من كتر العياط
انا مش عارفه خد االانترفيرون ولا لأ
بالذات بعد اللي قريته واللي عماله اسمعه واشوفه
بدايه
انا عندي فيروس سي والحمد لله علي كل شيء
انا عندي 23 سنه
اولا انا خلصت كل التحاليل المطلوبه مني كلها
انا المفروض ان هعمل علي نفقه الدوله
بس انا هل هضطر اعمل التحاليل دي تاني في معهد الكبد انا عملت كل التحاليل علي حسابي حتي عينه الكبد
ياريت الاخ استاذ اسماعيل يفيدني في الموضوع ده
ده اولا
ثانيا انا التحاليل بتاعتي طبيعيه يعني انا هبقي اكتبلكو النسبه بتاعت التحاليل بالظبط بس كل اللي اعرفه
ان البي سي ار 460000 والهيموجلوبين 11.8 بس ده كل اللي اعرفه
عينه اكبد مكتوب فيها 4/18 انا مش فاهمه يعني ايه لسه هروح بيها للدكتور
انا مش فاهمه ولا عارفه حاجه الغريب ان انا مش بحس بأي تعب خااالص خايفه اخد الحقن بصراحه اوي
خصوصا اني مخطوبه وكده خايفه من موضوع شعري ده احسن يقع ولا حاجه وهو خفيف اصلا
انا وزني 68 وطولي 170 يعني علي كلام استاذ اسماعيل ان انا لو اخدها هبقي حاجه واربعين كيلو!!!!!!!!!!
انا رحت لذا دكتور وكل مايشوفوني يقولوي لازم تاخديها خصوصا انا الفايرس عندي من 15 سنه!!!!!!!
ياريت تساعوني بالله عليكم
وترفعوا من معنوياتي عشان انا محبطه جداااااااااااااااااااا

راضيةبقضاءالله
19-Mar-2010, 11:02 PM
السلام عليكم ورحمة الله وبركاته
لاتخافي ولاتياسي من رحمة الله
ولا اظن ان الاخ اسماعيل سينصحك بالانترفيرون
بعد ما حدث معه
انا حالتي مثل حالتك مع خلاف ان عندي اولاد
بكيت كثيرا وطلبت من ربي فقط ان اكبرهم شوية
المهم المنتدي الان انا اعتبره مش نايم
لكنه في غيبوبه
مفيش حد بيدخل يقول يا ناس انا خفيت
تعالوا اعملوا مثلي علشان تخفوا
الكل بيتكلم عن محاولات فشلت
لدرجة ان في اعلان في قناة دريم بيقول عننا
اننا لازم منحبش الحياة يعني نموت روحنا
لان الاعلان0 بيقول احمي اسرتك من فيرس سي
احنا بنحب الحياة من غير فيرس سي0
احنا بقي الوباء منحبش الحياة
انا لا احبطك انا ايضا هخوض تجربة الانترفيرون
ولكن في شهر 7 علشان اجد من يراعي اولادي
علي الاقل اول شهر
مع تمنياتي للجميع بالشفاء

بسمه
20-Mar-2010, 01:02 AM
ربنا يشفيكي ويشفيني يااخت راضيه بقضاء الله
بس بصي انا عينه الكبد مكتوب عليها
grad 4/18,stage 1/6
ده يعني ايه؟؟؟؟؟
انا خايفه اوي مش عارفه اعمل ايه
حاسه ان كل حاجه سوده والدكاتره بيتاجروا بحايتنا
مش عارفه اعمل ايه بجد فيدوني
مخودش حاجه واعيش حيلتي الطبيعيه عادي واخد بالي من الاكل وخلاص؟؟؟
ولا اجرب في نفسي ولا اعمل ايه بس
بجد انا تايهه اوي

ربيع
20-Mar-2010, 03:13 AM
سلام الله عليكم جميعا ....اللهم أشف مرضى المسلمين أجمعين

الاخت ....بسمة .......

انا هاشاركك بكلمتين كدا وعارف انه ان شاء الله الأستا>ة قمريا هتدخل تقلك كلام كويس

بس طالما ان اسمك بسمة ....فأعلمى أن مع الدمع بسمة ومع الفزع أمن ومع الخوف سكينة ومع الضيق فرج

ولكم سهرت عيون فى أمور تكون أو لا تكون ..وإن ربا كفاك بالأمس ما كان ...يكفيك فى الغد ما يكون

والحمد لله ان ابتلانا بما لنا به طاقة ....وعافانا مما لا طاقة لنا به ...فالحمد لله أولا واخرا ..
فلا تجزعى ولا تتخوفى مما هو قادم ..فإن الأمر كله بيد الله ....

فاصبرى وكونى رااااضية بقضاء الله فان الله يحب ان يرضى بقضاءه وثقى بالله ولا تقنطى من رحمته
فلا يأس والله يرجى ولا قنوط والله يدعى

وبعدين الامر بردوا سهل ولا تستسلمى لوساوس نفسك .....

ولا تتأثرى بالموضوع لان الحالة النفسية ليها عامل كبير بالسلب او بالايجاب ....على حسب حالتك النفسية

اللى لازم تكون عالية ان شاء الله .... وخليكى اسم على مسمى

وربنا يشفيكى يارب .....بس كناحية طبية انا مأقدرش أفيد كويس

بس رأيى متفكريش فى قصة الانترفيرون دلوقتى خااااالص واهتمى بالغ>اء والمكملات الغ>ائية اللى ليها تأثير على رفع المناعة ....واتركى الاغ>ية اللى ليها تأثير ضار على الكبد ...ده رأيى وانا لست مختصا ...وان شاء الله يفيدك المختصون أكتر

تحياااااتى

ISMA3EL
20-Mar-2010, 03:20 AM
يا اخت بسمه واخت راضيه بقضاء الله
ارجوكم ماتفقدوش الامل ولا تيأسوا من رحمة الله
في ناس والله خفت وبقوا زي الفل كل الحكايه
ان الشفاء رزق من عندالله لا الحقن ولا مليون علاج
يقدروا يشفوا من المرض الا بأذن الله توكلوا على الله وابدأوا عسى الله ان
يكون كاتب لكم الشفاء ولكم عبره ومثال في الاخ الفاضل محمد ابوبكر
الله يديم عليه شفائه يارب العالمين
ممكن اكون انا قصرت في الريبيتول في جرعاته مثلا
او جسمي مش ماشي مع الانترفيرون ما تحرموش نفسكم
من فرصه قائمه للشفاء جربوا ومش هتخسروا شئ
واكيد الدكاتره لو شافوا ان اجسامكم ضعيفه ومتستحملش
مش هيوافقوا على الانترفيرون
وكل الاثار الجانبيه بتروح بعد انتهاء العلاج
واكيد بكره شايل لينا اخبار احسن
واوعوا تنهاروا نفسيا
كل ده اختبار من الله


أمر المؤمن كله خير



عن أبي يحيى صهيب بن سنانٍ رضي الله عنه قال: قال رسول الله صلى الله عليه وسلم: "عجباً لأمر المؤمن إن أمره كله له خيرٌ، وليس ذلك لأحدٍ إلا للمؤمن: إن أصابته سراء شكر فكان خيراً له، وإن أصابته ضراء صبر فكان خيراً له".
]بذمتكم في كلام بعد كلام رسول الله صلى الله عليه وسلم
دي رساله من ربنا لكل مؤمن بلغها لنا حبيب الله

ISMA3EL
20-Mar-2010, 03:40 AM
اقتباس:
المشاركة الأصلية كتبت بواسطة بسمه http://www.4ph.net/vb/orange/buttons/viewpost.gif (http://www.4ph.net/vb/showthread.php?p=148087#post148087)
ربنا يشفيكي ويشفيني يااخت راضيه بقضاء الله
بس بصي انا عينه الكبد مكتوب عليها
grad 4/18,stage 1/6
ده يعني ايه؟؟؟؟؟
انا خايفه اوي مش عارفه اعمل ايه
حاسه ان كل حاجه سوده والدكاتره بيتاجروا بحايتنا
مش عارفه اعمل ايه بجد فيدوني
مخودش حاجه واعيش حيلتي الطبيعيه عادي واخد بالي من الاكل وخلاص؟؟؟
ولا اجرب في نفسي ولا اعمل ايه بس
بجد انا تايهه اوي



1/6 دي يعني حالة الكبد كويسه يعني شوية التهابات مش اكتر
انا العينه بتاعتي كانت نتيجتها زيك بالظبط ان شاء الله بسيطه متقلقيش
المهم دلوقتي ان حالتك النفسيه لازم تتظبط لان مع الهم والزعل بنتعب اكتر
وبنحس بارهاق اكتر والمناعه بتقل الله يشفيكي ويشفينا وكل مرضى المسلمين

ربيع
20-Mar-2010, 04:12 AM
وأبارك للأخ عمر ابو بكر .....وربنا يفرحك ياااااااااااااارب دااااايما

والاخ اسماعيل ....ازيك .....ولا يهمك ..انت مشمحتاج كلام طبعا ...... انت خبرة يا باشا ..هههههههههه ما شاء الله عليك

ونشكرك على سردك ومعلوماااااتك ربنا يجزيك خير يا رب

ربنا ياااااااارب يفرحك بشفااااااااائك ....فمع الدمع بسمة ....ولا قنوط والله يدعى

كن سعيدا هانئا فربك الله

ياسين المصرى
20-Mar-2010, 11:48 AM
الاخت بسمة
اولا رربنا يشفيكي يارب ويشفى كل المسلمين
بصى حضرتك انا سالت دكتور فى موضوع الانترفيرون ده وبصراحه جاوبنى اجابات مقنعه جدااا وشافيه
قالى ان الدكاتره فى موضوع الانترفيرون بينقسموا الى مدارس
مدرسه تقولك الانترفيرون هو العلاج الوحيد وتوصى بيه
ومدرسه تانيه متوصيش بيه خوفا من اثاره الجانبيه
وفعلا الدكاتره هتلاقيهم صنفين

طيب نجى لتاثيره بردوا على لسان الدكتور اللى سالته وحضرتك هتشوفى الكلام ده فى الواقع فعلااا عشان يكون كلامناا مش من الخيال
قالى فى نسبه بيخفوااااا خالص الحمد لله
ونسبه تانيه ممكن يزيد الفيروس معاهم (تخيلى يعنى يقلب بنتيجه عكسيه مش بخوفك والله بقولك جميع الاحتمالات )
فى ناس تانيين بقا يدخلواا فى اعراضه الجانبيه وطبعااا اعراضه معروفه للكل وخصوصا لو الشخص عنده حساسيه منه

اخر حته معلش طولت على حضرتك انا عندي الفيروس بردواا راحت لاول دكتور نصحني بالانترفيرون
نقلت على دكتوره تانيه منصحتش بالفيروس
وكلا الاتنين من اكبر الدكاتره فى مصر
وفى النهايه اتمنى الشفاء لكل المسلمين </b></i>

راضيةبقضاءالله
20-Mar-2010, 12:24 PM
السلام عليكم ورحمة الله وبركاته
انا لا افقد الامل في الله ابدا
ولكن كلنا بنتكلم عن حالات اما لسة لم تنتهي
من الانترفيرون
او خلصوا الكورس ولسة ومازال الفيرس موجود
واللي لسة ما خلصش الكورس تعبان من اعراض
الانترفيرون
مفيش حد خلص الكورس وقال مافيش فيرس
ولا انا غلطانة
وياريت الاخت قمريا لو مش بتاخد الانترفيرون تقول لنا عايشة حياتها ازاي
يعني هي وغيرها بياخدوا ايه
ولو مش هياخدوا الانترفيرون طيب هيعملوا ايه
مستنين ايه
ولو انتظرنا شوية هل هناك خطورة علي حالة الكبد
الصبر يا رب
انا اسفة للاطالة فقط نفسيا تعبانة
وليه بيسموا فيرس سي القاتل الصامت هو احنا هنموت ولا ايه
طبعا كلنا اموات ولكن ليه محسسينا اننا وباااااااااااااااااااااااااء دعواتي للجميع بالشفاء

amran
21-Mar-2010, 12:47 AM
يا جماعة انا اخدت ميعاد فى معهد الكبد عشان اعطيهم التحاليل المطلوبة واخد جواب بعمل عينة كبد
ولكنى متخوف من البروثرومبين لانى حللته وطلع قليل فقررت اخد اقراص ( ك1- ايبكس ) لتظبيط السيولة
فما هى الجرعات المناسبة والفترة المطلوبة وهل مضغها ام اخذها بالماء افضل .....

نتيجة التحليل للبروثرومبين كانت


patient time 16.5 secs
control time 13.4 secs والمسموح به فى المعمل 11الى 14
concentration 68.0 والمسموح به فى المعمل 75 الى 120
ratio 1.23
inr 1.29

منتظر الرد للاهمية القصوى

قمريا
21-Mar-2010, 01:56 AM
اقتباس:
المشاركة الأصلية كتبت بواسطة بسمه http://www.4ph.net/vb/orange/buttons/viewpost.gif (http://www.4ph.net/vb/showthread.php?p=148037#post148037)
لا اله الا انت سبحانك اني كنت من الظالمين
السلام عليكم ورحمه الله وبركاته
بجد انا مش عارفه اكتب من كتر العياط
انا مش عارفه خد االانترفيرون ولا لأ
بالذات بعد اللي قريته واللي عماله اسمعه واشوفه
بدايه
انا عندي فيروس سي والحمد لله علي كل شيء
انا عندي 23 سنه
اولا انا خلصت كل التحاليل المطلوبه مني كلها
انا المفروض ان هعمل علي نفقه الدوله
بس انا هل هضطر اعمل التحاليل دي تاني في معهد الكبد انا عملت كل التحاليل علي حسابي حتي عينه الكبد
ياريت الاخ استاذ اسماعيل يفيدني في الموضوع ده
ده اولا
ثانيا انا التحاليل بتاعتي طبيعيه يعني انا هبقي اكتبلكو النسبه بتاعت التحاليل بالظبط بس كل اللي اعرفه
ان البي سي ار 460000 والهيموجلوبين 11.8 بس ده كل اللي اعرفه
عينه اكبد مكتوب فيها 4/18 انا مش فاهمه يعني ايه لسه هروح بيها للدكتور
انا مش فاهمه ولا عارفه حاجه الغريب ان انا مش بحس بأي تعب خااالص خايفه اخد الحقن بصراحه اوي
خصوصا اني مخطوبه وكده خايفه من موضوع شعري ده احسن يقع ولا حاجه وهو خفيف اصلا
انا وزني 68 وطولي 170 يعني علي كلام استاذ اسماعيل ان انا لو اخدها هبقي حاجه واربعين كيلو!!!!!!!!!!
انا رحت لذا دكتور وكل مايشوفوني يقولوي لازم تاخديها خصوصا انا الفايرس عندي من 15 سنه!!!!!!!
ياريت تساعوني بالله عليكم
وترفعوا من معنوياتي عشان انا محبطه جداااااااااااااااااااا




الأخت بسمه

أستغفري ربك فهو لما يبتليكي الا لأنه يحبك

اختى الحبيبه فكرت مليون مره قبل ان اكتب و لكنى تركت العنان ل يدي و كأنى اتحدث معكي

اولاا ياااااااااااريت تغيري اسمك يعنى يمشي معاكى دمعه ... قهره..... يأسه .......الأسماء دى لايقه اكتر عليكي

طبعاا مش بقلل من احساسك ولا طبعاا بتريق عليكي

ولا حالتى مستقره و علشان كده مش حاسه بيكي بلعكس انا الحمد لله حالتى الصحيه تقترب من ..................

المهم

نصيحتى لكى شوفي خطيبك يا بنتى و عيشي حياتك و انسي موضوع الفيرس ده نهائي و لما تتجوزى ابقي فكري بعد 20 سنه

اما بقا بخصوص شعرك فهوا كده كده ضعيف هتتلككى بالأنترفيرون و لا هى حجه علشان العريس .................. الأنترفيرون مش علاج نهائي ولا نتايجه 100% بلاش تجازفي و انسي انك مريضه نهائي

و متستعجليش الهم و المرض بعد الجواز كله هيتغير و طبعااا اللي معانا هنا متجوزيين موافقنى الرأى ولا ايه يا جماعه

بسمه

انتى لسه بتبدئي حياتك و ورده لسه بتتفتح مع بدايه الربيع قولي ياااااااااااااااااااااارب من قلبك و انسي اى حاجه واى حد فكري بس فيه هتلقيه قريب اووووى وحنين اوووى يلا معايا قولى يااااااااااااااارب

يلااااا كلنا نقول يااااارب يااااااااااااااااارب يااااااااااااااااااااارب

قمريا
21-Mar-2010, 02:14 AM
اقتباس:
المشاركة الأصلية كتبت بواسطة راضيةبقضاءالله http://www.4ph.net/vb/orange/buttons/viewpost.gif (http://www.4ph.net/vb/showthread.php?p=148121#post148121)
السلام عليكم ورحمة الله وبركاته
انا لا افقد الامل في الله ابدا
ولكن كلنا بنتكلم عن حالات اما لسة لم تنتهي
من الانترفيرون
او خلصوا الكورس ولسة ومازال الفيرس موجود
واللي لسة ما خلصش الكورس تعبان من اعراض
الانترفيرون
مفيش حد خلص الكورس وقال مافيش فيرس
ولا انا غلطانة
وياريت الاخت قمريا لو مش بتاخد الانترفيرون تقول لنا عايشة حياتها ازاي
يعني هي وغيرها بياخدوا ايه
ولو مش هياخدوا الانترفيرون طيب هيعملوا ايه
مستنين ايه
ولو انتظرنا شوية هل هناك خطورة علي حالة الكبد
الصبر يا رب
انا اسفة للاطالة فقط نفسيا تعبانة
وليه بيسموا فيرس سي القاتل الصامت هو احنا هنموت ولا ايه
طبعا كلنا اموات ولكن ليه محسسينا اننا وباااااااااااااااااااااااااء دعواتي للجميع بالشفاء





الصامت القاتل ليس فيرس سي

بل سرطان الكبد و يسمى الصامت القاتل لأن ليس له اى اعراض نهائي ولا يكتشف الا قبل الوفاه و بالصدفه طبعاا الكلام ده من فتره لكن دلوقتى خلاص التحاليل بتوضح الحاله بالظبط

اما ان مفيش حد بيخف وان الكل تعبان

انا ليا شويه اسئله بسيطه لو عرفتم اجابتها هترتاحوا

مريض السكر ممكن يشفى ؟؟؟؟

مريض الفشل الكلوى ممكن يشفى ؟؟؟؟

مريض الضغط العالى ممكن يشفى ؟؟؟؟

مريض القلب ممكن يشفى ؟؟؟؟؟

مريض الأنفلونزا ممكن يشفي قبل ان تمر فتره احتضان المرض ؟؟؟؟

طبعااااااااااااا الاجابه لاااااااااااااااااا

ليه احنا بس اللى كده ليه مبنصحبش مرضنا زى مريض السكر ما بيكون صديق له

ومريض الكلى اللي بيروح يغسل و بيمارس حياته

و مريض الضغط و غيره اللي بينتظم فى علاجه و اكله علشان يظبط الدنيا

ليه احنا مش كده

عاااوزين عصايه سحريه ولا استيكه تمسح الفيرس من جسمنا

طيب نجرب نعيش بيه من غير مشاكل و ننساه اكيد هنكون افضل و احسن

ولا ايه .................................................. ...........

بسمه
21-Mar-2010, 05:03 AM
الاخت قمريا ربنا يشفيكي يارب
بجد كلامك أثر فياا اوي انا بقول معاكي
يااااااااااااااااااااااااااااااااااااااااااااااااا اااااااااااااااارب
انا نسياه خالص والله بس نتي عارفه الاهل بقي
لما بابا وماما بيعرفوا انه فيه علاج بيقولولي جربي مش عايزين يسبوني انساه انا عارفه انهم خايفين عليا
وبعدين انا روحت لدكاتر ه بالهبل وكل اللي يشوف وشي يحسسني اني خلاص هموت
ويقوللي حرام عليا اسيبك كده انتي لسه صغيره ومتخافيش لو جسمك مستجش متقلقيش مش مشكله الفيروس مش هيزيد
كأني فاره بيجرب فيها
وانا بصراحه ليه اللي جرب كل مااقول لأ انا مش حخدها واللي يحصل يحصل اللي مكتوبلي هشوفوا لو عملت ايه
اروح لدتور يعملي انا وبابا وماما غسيل مــــــــــــــــــــــخ
انا مبأتش عارفه اعمل ايه
تعرفي بمناسبه كلامك ان ربنا حناين علينا
انا في تحليل عينه الكبد ده كنت بترعش من الخووووووف
اتسدقي اني محستش بحاجه خاااااااااااااااااااااااااااااااااااااااااااااالص! !!!!!!!!!
والله العظيم تلاته موجعتنيش خاااااااالص كل الموضوع عشان مباش كدابه اني حسيت بضغط شويه وهو بيديني البنج
غير كده ماحستش وكل ده بفضل ربنا سبحانه وتعالي لاني فضلت اقرا قران وادعي ربنا
احنا بنصلي صلاه استخاره
وبيقولوا دلوقتي ان العلاج علي نفقه الدوله متوقف بصراحه ان فرحت جدااا حسيت ان ربنا مش عايزني اخدها
ربنا يستر يارب
ويارب اشفيني واشفي كل مرضي المسلمين اميين يارب العالمين
اللهم اجعله في ميزان حسناتنا يارب العالمين

بسمه
21-Mar-2010, 10:39 PM
خلاااااااااااااااااااااص
انا هاخد الانترفيون
هبدا بكره في الاجراءات
الدكتور قاللي لااااااااااااااااااااااااااااازم!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!

abo_kabeer
22-Mar-2010, 12:41 AM
الأخت / بسمه

الأخت / راضيه


العلاج بالإنترفيرون هو العلاج المعترف به حاليا وهو العلاج الناجع الشافي المؤكد حتى الآن وإذا كانت هناك أعراض جانبيه تظهر على من يتعالج بالإنترفيرون فليس معناها أنها تظهر على كل الناس بل ممكن أن تظهر كلها أو بعضها أو لاتظهر أبدا فلا تقلقوا وابدؤا العلاج فورا وتأكدي أن الذى خلق المرض جعل له دواء وعلى فكره الحاله النفسيه لها 80% من الشفاء وأن الحياه والموت والمرض والشفاء من الله وأقسم بالله كلمني أمس أخ معنا فى المنتدي ويقيم فى قطر وقال لي بأنه أخذ الإبره رقم 22 ولم تظهر عليه أي أعراض جانبيه والحمدلله تحليله ممتازه والفيروس اختفي من جسمه وإن شاء الله سنبارك لكم قريبا ....

فتوكلوا على الله ونحن هنا أسره واحده وسنعيش التجربه معكم .... والله يشفيكم لمن يترجاكم .

susu2
22-Mar-2010, 11:06 PM
السلام عليكم ورحمة الله وبركاته

اللهم اشفي جميع مرضانا و مرضى المسلمين

عندي استفسار بخصوص الاثار الجانبية للانترفيرون

ربي وفقني و اكرمني و خطبت بنت ناس مررة دينة و طيبة وكل المواصفات الي ابغاها موجودة فيها لكن عندما عمنا تحاليل الزواج كانت الصدمة وهي ان خطيبتي مصابة بالفايروس c من نوع الجين 6 وكانت النفسية جدا صعبة لكن توكلت على الله و كتبت الكتاب معاها الله يوفقنا لبعض
المهم ....
عملنا موعد مع الطبيب وكان بعد شهر ، وفي هذه الفترة والى الان حياتنا كلها حب وانسجام .

عندما قابلنا الطبيب طلب عدة تحاليل ولله الحمد عمناها وتأكدنا انو نوع الجين 6 ولازم كورس 48 ابرة انترفيرون كل اسبوع و حبتين ريبافيرين صبح وحبتين مياء يعني المجموع 4 حبات لمدة سنة . و ان شاء الله الزواج والدخلة بعد 6 لكن 6 اشهر بدون حمل واتفاهمنا على كذا.

سؤالي : عن الاثار النفسية للانترفيرون؟
اخر ابرة كانت قبل 3 ايام وهي الابرة رقـــــــــــم 4
لان خطيبتي قبل 3 ايام اتغيرت معاملتها معايا 100% صارت كل ما اكلمها تقول تبغى تنام،
وصارت تقفل الجوال، وفجأة تلوم نفسها و تقول ليش ما تشوف وحدة غيري ؟؟ليش متمسك فيا انت ايش ذنبك؟؟
والله العظيم احبها واموت فيها واهديها واقول لها ربي كتب انو انا اكون لكي وانا وانتي توكلنا على الله صح ؟ وصلينا الاستخارة والي كاتبه ربنا يصير وانا معاكي العمر كلو بإذن الله تعالي ولا تشيلي هم.
والي صار كمان فجأة نكون حبايب وكلام حلو على الموبايل وتقول انا اموت فيك واحبك وبعدها بساعة تتصل وتقول انا بنام وتقول انا اكـــرهك وتعيدها ثاني انا اكرهك والله العظيم اترجى فيها واقول لها انا زعلتك او غلط معاكي في شي ؟
ترد وتقول لا والله العظيم لا انت مررة طيب بس اكرهك.
حتى زيارة لها في البيت صارت ترفض وتتحجج بظروف واهية مع انو اول ما يعدي يومين الا تقول فينك وحشتني تعال ابغى اشوفك.
آآسف على الاطالة لكن قسم بالله محتار ما أدري هذا بسبب الانترفيرون والنفسية؟؟؟
او هي زعلانة او حاسة بشي؟؟

الله يخليكم انا نفسيتي مررة مو كويسة
كافيدوني كيف اتعامل معاها اذا كانت المشكلة نفسية و كيف اهدي عليها ؟؟

ولكم خالص شكري

راضيةبقضاءالله
23-Mar-2010, 06:23 PM
السلام عليكم ورحمة الله وبركاته
اخي في الله اوعي تسيب عروستك ولا تغضب
فانا مريضة فيرس ولم اخذ الحقنة بعد ومع ذلك
علي طول اعصابي تعبانة
واما اضرب اولادي او ابكي
فما بالك بالانترفيرون
لو قرات عنه لعرفت السبب
ربنا يقويها وصبرا صبرا
وان شاء الله يجمعكم عل الخير
وتكون هي ام اولادك
واول شهرين متعبين شويه
مع تمنياتي بالسعادة
للمرة الالف حذاري ان تتركها مهما حدث
فربما دمرها ذلك اكثر

ياسين المصرى
23-Mar-2010, 07:54 PM
الاخت راضية بقضاء الله جزاك الله كل خير وجعله في ميزان حسناتك

وشفاك الله وعفاك من كل شر

راضيةبقضاءالله
23-Mar-2010, 10:13 PM
السلام عليكم ورحمة الله وبركاته
ان شاء الله الجميع بخير
انا لاحظت شيء في حياة مرضي الفيرس
ان سبب تعاستنا هم الناااااااااااااااااااااس
الناس اللي حوالينا اما نصعب عليهم ويقولوا ياعيني
عندها الكبد
اويتجنبونا كاننا الوباء
وساعتها بنفكر فيهم وننسي ازاي نتعالج
وكمان يزيد العيا بالاكتئاب
الحمد لله الذي اعطاني المرض لادعوه واتوسل اليه
واعامل الناس بصراحة احسن من الاول
واعمل خير علي قد ما اقدر وكان ايامي معدودة
وانصح الجميع بالصدقة المستمرة ولو بجنية واحد يوميا
مع خالص تمنياتي بالسعادة والشفاء

راضيةبقضاءالله
24-Mar-2010, 08:42 PM
السلام عليكم ورحمة الله وبركاته
عندي طلب من كبار المنتدي
وهو ان اي شخص شفي من الفيرس باي طريقة
نعمل صفحة نسميها بر الامان ويتكلم عن التجربة باختصار
ويضع رقم التليفون
وانا عن نفسي ممكن ازورهم في البيت طبعا بامزح
يعني اقصد ان كل شخص شفي سيكون دافع وقدوة نعمل زية
بس
انا عارفة ان هذا موجود ياريت نجمع الحالات ونبدا بسرعة لاننا في اشد الحاجة للمساعدة النفسيةواهي حاجة نصبر روحنا الي ان يحلها المولي
وعلي راي الاخت قمريا نصاحب المرض ونسمي روحنا
اصدقاء البعيد اقصد اصدقاء فيرس سي
هذه مجرد فكرة خطرت علي بالي

ahmedan
25-Mar-2010, 07:30 AM
السلام عليكم ورحمة الله وبركاته
اهلا بكل الاخوة والاخوات
الحقيقة انا سجلت في الموقع علشان اعرض تجربتي اللي لسه مستتمر فيها
وسبحان الله دخلت علي جوجل علشان ابحث عن شيئ فدخلت الموقع وبقالي اكتر من ساعتين فيه
بعض الحاجات ضايقتني وخصوصا اني عمري ما فكرت في الفيروس ابدا ولا في اي شيئ
انا بس الدكتور قالي علي الانتيرفيرون وبدات علاج بيه وبس وعمري ما حطيته في دماغي
وكان عندي اعتقاد اني حتي لو مااخدتش الانتيرفيرون عادي مش مشكله لان كتير بيعيشوا بيه خامل وما بينشط خالص عندهم
انا اخدت النهارده الاربعاء الحقنة رقم 24 واخدوا عينه علشان البيي سي ار التاني
والحمد لله الاولي طلعت نيجاتيف
ومنتظر النتيجه التانيه الاربع الجاي ان شاء الله
انا عمري ما فكرت في انزيمات ولا الكلام الكبير دا كله ههههههه فمش عارف اصلا هي طبيعيه ولا لا
المهم ان الدكتور اللي في الصحه بيشوفها وبيسجلها في الدوسيه بتاعي وخلاص ومبيعلقش عليها
فمش هقدر اتكلم في حاجه من دي
بالنسبه للاعراض الجانبيه فانا هكلمكوا عنها من واقع ال6 شهور اللي فاتوا
والله يا جماعه بفضل الله انا محصلش ليا اعراض جانبيه زي اللي كنت بقراها
في الاول كان بيحصل حرارة وصداع واظن دي حاجات عاديه مش تخوف يعني
بعدها ابتديت اتعود عليها ومحصلش اي حاجه
نقص شويه في الوزن سد نفس شوية يعني مفيش اعراض قاسية اوي
ودلوقتي مبيحصلش لا صداع ولا حرارة الحمد لله
وان شاء الله مستمر في الحقن
..............................
دي ملخص تجربه الفتره اللي فاتت
كنت ناوي اني ابطل علاج بعد 24 لو طلع النتيجه نيجاتيف علشان عايز اسافر وكان الفيروس سبب منعي
ومش عارف دا صح ولا لا

susu2
25-Mar-2010, 09:33 AM
السلام عليكم
ممتاز جدا... بصراحة نتايج حلوة
وربنا يشفيك انت و خطيبتي من المرض ده ومن كل الامراض دائما و ابدا و يشفي جميع مرضانا و مرضى المسلمين

بس حبيت اسألك : ما حسيت اي تغير في المزاج ( يعني المزاج متقلب ) بعد الحقنة بيوم او يومين لأنو هذا الي صاير مع خطيبتي؟

طمنا عن نتيحة ال بي سي ار وان شاء الله نيجتيف يارب
وطمنا دايما

اللهم انت الشافي لا شفاء الاشفائك شفاء لا يغادر سقما يلرب العالمين اللهم اشفي جميع مرضانا ومرضى المسلمين

wella77
04-Apr-2010, 11:51 AM
الأخوة الكرام السلام عليكم ورحمة الله وبركاته جزاكم الله خيرا على هذا الموضوع وليجعله الله في ميزان حسناتكم والله قادر على شفائكم جميعاً وكل مرضى المسلمين.
الحقيقة اني شاركت لأسأل لأختي وليس لي فهي اكتشفت اصابتها بفيروس سي قبل عام تقريباً وكان تحليل بي سي أر 51100 وانزيمات الكبد طبيعية ونصح الطبيب بعدم البدء بأي علاج علما بأنه لا يوجد تليف بالكبد أيضاء ولكن الان عملنا نفس التحاليل مرة اخى وظهر البي سي أر 58550 وانزيمات الكبد طبيعية ولا يوجد تليف ولكن الطبيب قال يجب ان نبدأ العلاج بالانترفيرون بيجاسيس فلا نعلم ماذا نفعل وقد سمعنا عن الاعراض الجانبية لهذا العلاج علماً بأن اختي استأصلت الطحال منذ حوالي 15 سنة لانها كانت تعاني من سيولة في الدم وانيميا ودائماً الهموجلبين لديها لا يتعدى 11 ودائماً عندها نقص بالحديد فأنا اريد النصيحة وجزاكم الله خيراً

مغترب
08-Apr-2010, 12:02 PM
الأخ الفاضل الحبيب على قلبي
abo-Kabeer
تحية محملة بكل الحب والود والمعزة لك ولك ما تعول ..

سامحني على الأنقطاع لأنه تأتي الرياح بما لاتشتهي السفن ...وأنت عارف الظروف ؟

ولكن الحمد لله على كل شيء ..
أما بخصوص الأثار الجانبية للأنتر فيرون ، فالحمد لله لم أحس بأي أثار إلا بعض تعصب للقولون أو أنتفاخ بعض الوقت ..

وأنا الحمد لله أخذت الحقنة 24 وعملت البي سي أر ، ولكن حتى الأن لم تظهر النتيجة ، فأنا مستبشر بالخير أن شاء الله
أما الصحة فهي على ما يرام ووزني جدا ممتاز ، وفي زيادة ، ولم يأثر على وزني الأنترفيرون ..

مع أني مدخن ، وأحس في بعض الأوقات بالنسيان وعدم التركيز ..فقط
ولا أعلم هل الأنتر فيرون يؤثر على الحالة الجنسية أم لا ؟

تحياتي لك يا أبو علي وللجميع

ادعوا الله بالشفاء للجميع ياااااااااااارب

اعتذر منك لأن النت مقطوع في البيت .

كن بخير

gomark
09-Apr-2010, 01:51 AM
السلام عليكم
احب ان اعرض عليكم تجربتى مع الانترفيرون
اولا انا اصبت بالفيروس منذ 14 شهر اثناء اخذ عينة تحليل دم بغرض السفر وكانت النتيجة ايجابى ضعيف وعند اجراء الفحوصات الطبية بناء على استشارة الاستشارى وهو مدير مركز الكبد بالاسكندرية ونصحنى باجراء تحليل ال PCR
والمقصود به العد الفيروسى وكانت النتيجة ان العد 54000 وقال لى الاستشارى بان الفيروس غير نشط وهو خامل ونصحنى بأخذ الانترفيرون0
وتم عمل عدة تحاليل لإجراءأخذ عينة من نسيج الكبد وعندها بدأت حياتى تأخذ نظام تانى حيث انقلبت كل الموازين فأصبت منطوى ولاأتكلم مع احد وعصبى جدا حيث تم ذلك كله فى خلال شهرين وملخص الكلام تدمرت حياتى
ويوم اخذ العينة من الكبد فى المستشفى سمعت احاديث عن الحقنة التى يتم اخذ العينة بها وشكلها وطولها مما زاد الامر سوءا ولكن انا كنت مدمر تماما ومستسلم لأى شىء قد يحدث وشاء الله ان اكون اول فرد يدخل الى حجرة اخذ العينة فى ذلك اليوم وبعد اخذ العينة تلاشت كل الاحاديث التى سمعتها وبدأت حالتى النفسية فى التحسن حيث وجدت كل الكلام الذى نسمعه غير صحيح ولكن ماذال القلق من القادم موجود
وبعد اخذ العينة بحوالى ساعة احسست بالالم الذى بدأيتلاشى مع مرور الوقت وبعد 3 ساعات تحسنت حالتى تماما وذهبت الى عملى
وبعد 10 ايام ظهرت نتيجة العينة وكانت مطمئنة حيث كانت النتيجة ( لايوجد تليف فى الكبد وان خلايا الكبد سليمة وتقوم بوظائفها 100% وان الفيروس لم يصل الى خلايا الكبد بل انه ماذال خارجه
وعند عرض النتيجة على الاستشارى بدأ معى العلاج بالانترفيرون والريباقيرين800 فى اليوم والحقن يوم بعد يوم ولكن ماأسمعه عن الاعراض الجانبية للعلاج بالانترفيرون فهى مبالغ فيها ففعلا هناك خمول وتكسير فى جميع اجزاء الجسم وصداع وعند اخذ رأى الاستشارى نصحنى بأخذ ( البانادول ) قبل اخذ الحقنة بساعتين وزالت الاثار الجانبية تماما
وبعد مرور 4 شهور بدأت اتخلى عن استعمال البانادول واصبحت طبيعيا لا أعانى من اثار جانبية الا طفيفا ونقص الوزن وفقدان الشهية وتغلبت عليه مع ارتفاع روحى المعنوية وتحسن حالتى النفسية
واثناء العلاج تعلمت اعطاء الحقن واصبحت انا الذىيقوم بحقن نفسى بالانترفيرون وبعد 6 شهور طلب منى الاستشارى عمل PCR وظهرت النتيجة وكانت نيجاتيف أى سلبية واكد لى الدكتور المعالج بأننى يجب ان اكمل الكورس وهو سنة
والحمد لله قد اتممت السنة من اخذ الانترفيرون يوم الاربعاء 7/4/2010 وفى نفس اليوم قام الاستشارى بكتابة اقراص الفوليك اسيد مع اقراص السيلمرين140م لمدة 6 شهور وبعدها سيتم عمل PCR مرة اخرى
وانا من تجربتى هذه انصح مرضى فيروس c أخذ حقن الانترفيرون 0
ولكن هل يمكن اخذ الطحالب وكيف احصل عليه وانا فى الاسكندرية ارجو الافادة على الاميل
(gomark_yalo@yahoo.com )

HemaVet
11-Apr-2010, 04:05 AM
ندعـو الله أن يكتمل شفاءك
ولكن ألفت نظرك إلى أن تعبير (تجربة ناجحة) يمكن أن يطلق فقط عندما تكون نتيجة فحص البى سى ار سلبية بعد 6 شهور من إيقاف العلاج. لأن معدل الانتكاس فى خلال الـ 6 شهور الأولى بعد وقف العلاج يساهم بنسبة كبيرة فى حالات فشل العلاج بالانترفيرون كما قرأنا من تجارب بعض الزملاء هنا.

وان شاء الله نبارك لك بعد مرور هذه الشهور الستة.

ahmedemad
24-Apr-2010, 05:40 PM
الحقنة الأولى

أنا اكتشفت الفيروس من 10 سنين تقريبا من تبرعي للدم و هذا هو لطف الله حيث أكتشفته قبل حدوث المضاعفات. رحت لعدد كبير من الدكاترة و كنت أتهرب من الانترفيرون. يا جماعة اللي لسه خايف من النترفيرون لازم يتابع مع دكتور الانزيمات و حالة الكبد محدش يطنش. أخر دكتور قالي انت عامل زي اللي عنده حريقة في غرفة عنده فأغلق باب هذه الغرفة و قال كله تمام ما أنا زي الفل أهه وقالي لازم تاخد النترفيرون مع العلم أني كتن أخذ سيلامارين و بعض منشطات الكبد الأخري.

أخذت أول حقنة من يومين الخميس 22 أبريل 2010 و الأعراض الجانبية الحمد لله مش قوية و اليكم هذه التفاصيل

1-العينة الكبدية عملتها و استريحت بعدها يوم و الدكتور كان شاطر و "غزني" بسرعة و الامها الحمد لله ليست بالمبالغة التي يقولها البعض.
2-أخذت قرصين أبيمول قبل الحقنة و أعطيتها لنفسي بعد مشاهدة الفيديو على موقع الشركة المصنعة
3-الأعراض الجانبية الحمد لله مش جامدة , شعرت بالبرد أول ليلة و ثاني يوم بارهاق و نمت أغلب اليوم مع العلم أني صليت الجمعة في المسجد و كله تمام و كنت بعمل حاجتين فقط امبارح : أقعد على النت و أنام.
4- النهاردة كله تمام الحمد لله فقط ارهاق خفيف

اللهم اشفي قلوبنا و أبداننا

لــقــــــاااء
24-Apr-2010, 07:13 PM
اخي ahmedemad

شفاك الله وعافاك

وننتظر سردك لـــــ تناولك باقي الحقن

متااابعين ,, ومتمنين لك الشفاء العاجل

وانت وجميع الاخوه والاخوات

وخاصة ممن يعانون من الالتهاب الكبدي الوبائي

لكم مني ارق تحية

لــقــــــاااء
24-Apr-2010, 07:13 PM
http://www.ss1ss.com/albumsm/76806.jpg

ahmedemad
30-Apr-2010, 03:39 PM
أخذت الحقنة الثانية و الأعراض الجانبية معقولة و الحمد لله باستثناء يوم واحد شعرت بتعب شديد لأني أجهدت نفسي



الحقنة الأولى

أنا اكتشفت الفيروس من 10 سنين تقريبا من تبرعي للدم و هذا هو لطف الله حيث أكتشفته قبل حدوث المضاعفات. رحت لعدد كبير من الدكاترة و كنت أتهرب من الانترفيرون. يا جماعة اللي لسه خايف من النترفيرون لازم يتابع مع دكتور الانزيمات و حالة الكبد محدش يطنش. أخر دكتور قالي انت عامل زي اللي عنده حريقة في غرفة عنده فأغلق باب هذه الغرفة و قال كله تمام ما أنا زي الفل أهه وقالي لازم تاخد النترفيرون مع العلم أني كتن أخذ سيلامارين و بعض منشطات الكبد الأخري.

أخذت أول حقنة من يومين الخميس 22 أبريل 2010 و الأعراض الجانبية الحمد لله مش قوية و اليكم هذه التفاصيل

1-العينة الكبدية عملتها و استريحت بعدها يوم و الدكتور كان شاطر و "غزني" بسرعة و الامها الحمد لله ليست بالمبالغة التي يقولها البعض.
2-أخذت قرصين أبيمول قبل الحقنة و أعطيتها لنفسي بعد مشاهدة الفيديو على موقع الشركة المصنعة
3-الأعراض الجانبية الحمد لله مش جامدة , شعرت بالبرد أول ليلة و ثاني يوم بارهاق و نمت أغلب اليوم مع العلم أني صليت الجمعة في المسجد و كله تمام و كنت بعمل حاجتين فقط امبارح : أقعد على النت و أنام.
4- النهاردة كله تمام الحمد لله فقط ارهاق خفيف

اللهم اشفي قلوبنا و أبداننا

ابو سيف 2
30-Apr-2010, 09:08 PM
طرق انتقال الفيروس الى الاشخاص المتعامل معهم
الزوجة تحديدا

susu2
05-May-2010, 11:12 AM
السلام عليكم ورحمة الله وبركاته
في البداية انا اتحدث عن لسان زوجتي المصابة بالفايروس c اللهم انت الشافي لا شفاء الا شفائك شفاء لا يغادر سقما, اللهم اشفيها و اشفي جميع مرضانا و مرضى المسلمين
اليوم الاربعاء 5/5/2010
بإذن الله تعالى سوف يكون السبت 8/5/2010 هو الحقنة رقم 12 يعني ثلاثة شهور من بداية أول حقنة انتر فيرون
و ابشركم نتيجة الpcr طلعت سلبية من الحقنة رقم 8 يعني من شهرين والدكتور جدا مبسوط والروح المعنوية ارتفعت والحمد لله اللهم لك الحمد ولك الشكر
ان شاء الله بعد أخذ الحقنة ب 4 ايام حنعمل تحليل وظائف الكبد و الدكتور اضاف تحليل الغدة الدرقية للإطمئنان و بإذن الله تعالى تكون النتائج تمام.

الاعراض التي ظهرت صداع شبه مستمر , تقلب المزاج خصوصا بعد بدأ العلاج ب 3-5 أسابيع لكن الحمد لله تفهمنا الوضع والامور تمام و على ما يرام , خمول خصوصا اسفل الظهر (ناحية الحوض) تكسير في العظام , أرق، فقدان الشهية, نقص في الوزن لكن الحمد لله تم الحفاظ على الوزن
الحمد لله على كل حال و الله يصبرها و يصبرني و يلطف بها و يشفيها ويشفي جميع مرضانا و مرضا المسلمين

ولكم خالص شكري

مريضه
08-May-2010, 02:13 AM
ربنا يارب يتم عليك على خير ويسعدك انت و مراتك يارب يارب ربنا يشفيها ويشفى كل مريض ربنا يحفظك يارب من كل شر يعنى هى دى الاعراض الا ظهرت بس اصل انا عندى براضه الفيرس سى

ام فهد
17-May-2010, 09:09 AM
سلام عليكم شحالكم اخواني انا بخبركم عن ولدي فهد اللة يحفظة عمرة 11سنة وعندة الفايرس سي مااعرف من متى بس اكيد مش اقل من 7سنوات لانة هذي كانت اخرمرة ياخذ فيها دم هو كان مريض ثلاسيميا يعني ياخذ دم كل شهر وقبل 7سنوات عمل زراعة نخاع في مصر ونجحة العملية الحمد للة لاكن عطو دم ملوث بلفايرس وصار مريض بلفايرس سي وماعرفة الا من 9شهور بلصدفة شهر6راح يبدا الانترفيرون ونسبة التليف 2هذا الي فهمتة من الدكتور وهو عندة ارتفاع في الحديد بسبب الدم الي كان ياخذة بس ياخذ دواء والحديد بدا يخف وعندة تضخم في القلب بسبب حديد لاكن الدكتور قال مافي مشكلة يقدر ياخذ الانترفيرون انا شفت مشاركات الاخوان عن العلاج والكل تقريبا قال انو فاشل سؤالي هل العلاج بلانترفيرون صج فاشل وبرايكم فهد راح يتحمل العلاج انا وايد قلقة ارجو من اخواني الرد بس اريد شي يبشر ويرفع معنوياتي وربي يشفي كل مريض

راضيةبقضاءالله
17-May-2010, 10:35 AM
السلام عليكم ورحمة الله وبركاته
ربنا يطمنك علية وتشوفية عريس يا رب
وهو طفل وان شاء الله هيخف
انا اعرف اعوذ بالله اطفال عندهم امراض خطيرة والحمدلله خفوا
لان مناعتهم بخيرها ربنا يقويكي والدكتور هيفيدك اكثر
بس هو الدم الملوث من مصر
لان من سنين في مصر اهتموا بنقل الدم والعدوي كانت من زمان ايام البلهارسيا
هو سبب
ربنا يشفيه بجد من كل قلبي وطمنينا علي ابننا باستمرار

ام فهد
17-May-2010, 12:01 PM
نعم يااختي الدم الملوث من مصر تعرفين انا خسرت 3مية الف درهم على عملية النخاع وقعد في مصر 7شهور والمتبرع كان ولدي الصغير وماتتصورين التعب والمعاناة الي مرينا فيها بس الحمد للة شفى من مرض الدم واجاة مرض افضع منو لاكن بلنهاية اللة كاتب كل شي انا راضية بس انا الدكتور بشرني خير وقال انشاء اللة راح يشفى وانا اعرف وحدة كانت مريضة بنفس المرض وتعالجة في باكستان 6شهور وشفة وجابة بنتين اعمارهم الحين فوق 10سنوات وهية بخير والبنات بخير بس تروح متابعة كل 6شهور وصحتها وايييييد حلوة اللة يشفي جميع المرضى ودعواتكم لي فهد حبيب قلبي

مريضه
02-Jul-2010, 04:16 AM
يارب اشفى كل مريض

مريضه
02-Jul-2010, 04:19 AM
وحشتينى بجد يا ام فهد انتى وراضيه بقضاء الله ربنا يشفى ابنك يارب يارب يا ام فهد

مريضه
02-Jul-2010, 04:23 AM
وحشتينى اوى يا ام فهد انتى وراضيه بقضاء الله وربنا يشفى ابنك يارب يا ام فهد

مريضه
21-Jul-2010, 02:33 AM
السلام عليكم بجد وحشتونى اوى معليش مش قدره ارد على رسائل حد علشان والله تعبانه جدا ومش بقدر اقعد على الجهاز كتير

susu2
21-Jul-2010, 09:30 PM
السلام عليكم ورحمة الله وبركاته

اعتذر على التقصير في التواصل

اللهم انت الشافي لا شفاء الا شفائك شفاء لا يغادر سقما اللهم اشفي خطيبتي و اشفي جميع مرضانا و مرضا المسلمين

الحمد لله الامور كلها تمام والدكتور طمنا وقال لازم نكمل الكورس كامل (48) حقنة
وقال لازم نعمل ال بي سي آر pcr بعد نصف المدة يعني بعد الحقنة رقم 24 بإذن الله تعالى

الآن احنا في الحقنة رقم 21 والامور مطمئنة

وان شاء الله السبت القادم 24/7/2010 حتكون الحقنة رقم 22
ربنا يصبرها و يصبرني

الاعراض الجانبية التي ظهرت و الحمد لله زالت:
السخونة - آلام في اسفل الظهر - آلام المفاصل

الاعراض الجانبية التي ظهرت حديثا والتي مازالت تظهر:
اعراض جديدة: ( بدأت تظهر بعد الحقنة رقم (19 )
الشعور بالارهاق الشديد من اقل مجهود - سرعة ضربات القلب - صعوبة في التنفس - لدرجة عدم القدرة على الوقوف
لكن الحمد لله هذه الاعراض لا تظهر يوميا و اذا ظهرت تكون مؤقتة ممكن 3 ساعات و تزول تماما ويرجع النشاط 100%
( اللهم ارحمها و الطف بها و خفف و هون عليها ) و على جميع مرضى المسلمين

الاعراض التي ما زالت مستمرة:
الارق - الصداع - عدم القابلية للأكل ( انسداد الشهية) او كما يقول البعض ( النفس مصدودة )
انخاض الوزن حوالي 3 كيلو من بعد الحقنة رقم( 14) , الى االيوم الاربعاء 21/7/2010

احب اطمن الجميع انو كل الامور تمام و الصحة بخير و الحالة مستقرة تماما
ربنا ييسر لنا لغاية آخر الكورس و يلبسها ثوب الصحة والعافية و جميع مرضانا و مرضى المسلمين

و لا تنسونا من خالص دعائكم

maasterr
30-Oct-2010, 01:12 AM
السلام عليكم ورحمة الله
عندي سؤال لو سمحتم ياجماعة
انا بتعالج بالانترفيرون منذ 6 اشهر والحمد لله
من كام يوم اشتكيت من كحة شديدة ورحت لاخصائي صدر وعطاني حقنة اكتشفت بعدين انها كورتيزون deprofos
من وقتها صراحة وانا محتار ومش عارف ايه تاثيرها اثناء العلاج لاني عرفت انها بتفضل في الجسم 3 شهور
يا ريت حد يفيدني في الموضوع ده ولكم جزيل الشكر

انس2000
26-Nov-2010, 02:06 AM
ياريت اى حد منالمنتدى او المشرفينيعرف اى حاجة عن الدكتور زيزو يطمنا علية

انس2000
18-Mar-2011, 03:12 AM
ية اسف على عدم دخولى من فترة طويلة لكن الحمد للة انا بخير وخدت اليوم الحقنة36 والامور ماشية تمام والحمد للة ودعواتى للجميع بالشفاء

amran
31-Mar-2011, 10:58 AM
هل يوجد معمل فى مصر يقيس نسبة الفيروس فى الدم pcr عند وحدة واحدة
لانى بحلل فى البرج والبرج بيقيسه اقل حاجة عند 12 وحدة

انس2000
03-Apr-2011, 04:02 AM
السلام عليكم كيف حالك يااستاذ amran عامل ايةاخدت كام حقنة دلوقت ارجو انك تكوى بخير اما بالنسبة لتحليلbcr انا حللت فى اكثر من معمل وكلهم نفس تحليل البرج وتمنياتى لك بالشفاء

قمريا
03-Apr-2011, 02:42 PM
الأخوه الكرام خالص تمنياتى لكم بالشفاء

اى مريض يتعالج بالأنترفيرون المصري و يود تبديله للأجنبي يحضر معنا ندوة (الحقيقه عن فيرس سي و الانترفيرون )

اى مريض يود الحصول على الانترفيرون على نفقه الدوله ايضااا ارجو ان يحضر معنا الندوة

الندوة يوم الخميس القادم 7-4 فى ساقيه الصاوى القاهره الساعه 12 ظهرااااا

خالص تمنياتى للجميع بالشفاء العاجل

قمريا
04-Apr-2011, 05:44 PM
هاااااااااااام جدااااااااااااا


ملحوظة هامة تم تغير مكان المؤتمر
دعــــــــــوه عـــــامه
لحضور ندوة بعنوان الحقيقة عن فيرس سي و الإنترفيرون
يعلن المركز المصري لحماية الحق في الدواء عن عقد مؤتمر يوم الخميس القادم الموافق 7/4/2011
في تمام الساعة 12 ظهرا
بقاعة المؤتمرات بمكتبة 6 اكتوبر تقاطع شارع شاهين ونوال العجوزة
ويشارك فى هذا المؤتمر العلمى نخبة متميزة من كبار الأطباء المهتمين بعلاج واكتشاف أمراض فيرس سي
حيث يترأس المؤتمر أ.د عمر هيكل رئيس الأكاديمية الطبية العسكرية ورئيس الجمعية المصرية لأمراض الكبد والجهاز الهضمى
والاستاذ الدكتور / هشام الخياط أستاذ الجهاز الهضمي والكبد بجامعة القاهرة و رئيس قسم الجهاز الهضمى والكبد بمعهد تيودور بلهارس
وتقديم الوسائل العلمية المساعدة في الكشف المبكر عن المرض مما يساهم في زيادة فرص الشفاء وخفض التداعيات الجسمانية والنفسية والمادية للمرض
هاتف المركز / 0237488655 </b></i>

قمريا
05-Apr-2011, 12:40 AM
الدعوه عاااااام


هhttp://www.facebook.com/event.php?eid=189795087729808


للجميع و اتمنى يشارك الجميع كى تعم الفائده

ربيع
05-Apr-2011, 06:28 PM
ندوة هامة عن فيروس سى وحقيقة الانترفيرون الخميس القادم برجاء نشرها

http://www.facebook.com/event.php?eid=189795087729808

amran
09-Apr-2011, 02:28 AM
السلام عليكم كيف حالك يااستاذ amran عامل ايةاخدت كام حقنة دلوقت ارجو انك تكوى بخير اما بالنسبة لتحليلbcr انا حللت فى اكثر من معمل وكلهم نفس تحليل البرج وتمنياتى لك بالشفاء
ازيك يا استاذ انس عامل ايه فى الانترفيرون
انا لحد دلوقتى واخد 26 حقنه وربنا يسهل واشوف اليوم اللى هاخد فيه الحقنه48

بالنسبة للتحليل معمل البرج تقريره انه مش شايف حاجة فى الدم ولكن لايعنى الزيرو لانه بيشوف الفيروس عند حد 12 وحده
فمعنى كدا ان انا ممكن اكون من الزيروو وحتى 11 وحده

قمريا
09-Apr-2011, 02:46 AM
الأخ عمران شفاك ربي و عفاك

و ان شاء الله لا يكون فيه 1 ولا يكون 11

ان شاء الله زيرووووووووووووووو

elmadysm
09-Apr-2011, 06:37 AM
اللهم اشفى كل مريض

قمريا
09-Apr-2011, 04:14 PM
http://http://www.alwafd.org/index.php?option=com_content&view=article&id=32137%3A%D9%81%D8%B6%D9%8A%D8%AD%D8%A9-%D8%AF%D9%88%D8%A7%D8%A1-%D9%81%D9%8A%D8%B1%D8%B3-%D8%B3%D9%89-%D8%A7%D9%84%D9%85%D8%B5%D8%B1%D9%89-%D8%A7%D9%84%D8%A7%D9%86%D8%AA%D8%B1%D9%81%D9%8A%D 8%B1%D9%88%D9%86&catid=93%3A%D8%B5%D8%AD%D8%A9+%D8%A7%D9%84%D8%A3%D 8%B3%D8%B1%D8%A9&Itemid=345

elmadysm
09-Apr-2011, 10:22 PM
http://http://www.alwafd.org/index.php?option=com_content&view=article&id=32137%3A%D9%81%D8%B6%D9%8A%D8%AD%D8%A9-%D8%AF%D9%88%D8%A7%D8%A1-%D9%81%D9%8A%D8%B1%D8%B3-%D8%B3%D9%89-%D8%A7%D9%84%D9%85%D8%B5%D8%B1%D9%89-%D8%A7%D9%84%D8%A7%D9%86%D8%AA%D8%B1%D9%81%D9%8A%D 8%B1%D9%88%D9%86&catid=93%3A%D8%B5%D8%AD%D8%A9+%D8%A7%D9%84%D8%A3%D 8%B3%D8%B1%D8%A9&Itemid=345

الرابط لم يفتح معى

انس2000
14-Apr-2011, 11:49 PM
السلام عليكم اخى amran الحمد للة ماشى الحال بس حاسس على طول بتكسير فى جسمى وباضطر اخد بنادول يوميا مش اقل من 4 اقراص وكمان عندى الصفائح قليلة لكن الحمد للة هانت باقى 8 حقن يعنى هخلص يوم 9/6 وربنا يتم شفائنا جميعا

jeddahtop1
15-Apr-2011, 09:52 PM
عندي فايروس سي واستخدمت الانترفيرون والريبافيرين وبعد اربع ابر عملت بي سي ار واعطاني عدم وجوده 0 وبعد ثلاثه شهور عملت بي سي ار ايضا نيقيتيف 0 وبعد سته شهور نيقيتف وايضا بعد 9 شهور نيقيتيف باقي لي ثلاثه شهور فقط وان شا الله كلها نيقيتيف وارجو دعواتكم بالشفا لنا ولكم يارب وتلفوني 00966553526718 ومستعد لاي اسفسار ولا تنسوني من دعواتكم

محمد ابراهيم اح
16-Apr-2011, 10:31 PM
السلام عليكم بعد تردد عام ونصف اخزت الانترفيون اليوم من اربع ساعا ت ومنتظر الاعراض الى قرائتها فى الموقع

محمد ابراهيم اح
16-Apr-2011, 10:39 PM
يارب على طول زيروووووووووووووووووووووو

محمد ابراهيم اح
16-Apr-2011, 10:39 PM
عندي فايروس سي واستخدمت الانترفيرون والريبافيرين وبعد اربع ابر عملت بي سي ار واعطاني عدم وجوده 0 وبعد ثلاثه شهور عملت بي سي ار ايضا نيقيتيف 0 وبعد سته شهور نيقيتف وايضا بعد 9 شهور نيقيتيف باقي لي ثلاثه شهور فقط وان شا الله كلها نيقيتيف وارجو دعواتكم بالشفا لنا ولكم يارب وتلفوني 00966553526718 ومستعد لاي اسفسار ولا تنسوني من دعواتكم

amran
18-Apr-2011, 02:40 AM
السلام عليكم اخى amran الحمد للة ماشى الحال بس حاسس على طول بتكسير فى جسمى وباضطر اخد بنادول يوميا مش اقل من 4 اقراص وكمان عندى الصفائح قليلة لكن الحمد للة هانت باقى 8 حقن يعنى هخلص يوم 9/6 وربنا يتم شفائنا جميعا

خلاص هانت. ربنا يتمم شفاءك على خير
والله يا استاذ انس انا كمان حاسس بتكسير ودوخه وضعف عام ومشكلتى برده مع الصفائح بتنزل لسبعين الف ومابترفعش غير لما اخد اقراص اسمافرون تحت اللسان وفوليك اسيد500 ثلاث مرات يوميا وحقن بيوفيت12 ثلاث او اربع مرات بالاسبوع وانا اخدت حتى الان 27 حقنه وربنا يسهل واخلص الحقن على خير لانى حاسس ان الحقن خلاص هاتخلى مخى يفوت من اعراضها اللانسانية

انس2000
26-Apr-2011, 12:46 AM
السلام عليكم اخى amran استحمل يابطل هانت وان شاء اللة يتم شفائك على خير واحنا احسن من غيرنا كتير وربنا يشفى جميع المرضى

remo_jesus
03-May-2011, 11:50 AM
عندي فايروس سي واستخدمت الانترفيرون والريبافيرين وبعد اربع ابر عملت بي سي ار واعطاني عدم وجوده 0 وبعد ثلاثه شهور عملت بي سي ار ايضا نيقيتيف 0 وبعد سته شهور نيقيتف وايضا بعد 9 شهور نيقيتيف باقي لي ثلاثه شهور فقط وان شا الله كلها نيقيتيف وارجو دعواتكم بالشفا لنا ولكم يارب وتلفوني 00966553526718 ومستعد لاي اسفسار ولا تنسوني من دعواتكم

أخوي بما انك بالامارات كم ثمن حقنة الانترفيرون والربيفارين وما هي بلد الصنع وياريت لو تعرف ثمنها في الكويت وطريقة الحصول عليها

محمد ابراهيم اح
05-May-2011, 02:45 AM
http://www.4ph.net/vb/mwaextraedit5/extra/38.gif

قمريا
15-May-2011, 01:51 AM
ربنا يشفيكم جميعاااااااااااااااا

ارجو من جميع مرضى الكبد بوجهه عاااااام و المتعالجين بلأنترفيرون بوجهه خاص

التضامن معنا
بعد اعلان نتيجه القضاء الأدارى فى موضوع الانترفيرون المصرى انه سيظل متداول بين المرضى برغم عدم كفائته و فاعليته مثل العقار المستورد.....العلاج الصحيح حق لكل مريض مهما كانت ظروفه ارجوكم تضامنوا معنا
المركز المصري للحق فى الدواء و هيئات حقوقيه مصريه و دوليه ستقوم برفع دعوه امام القضاء الادارى بسبب وجود تمييز بين المرضى فأرجوووووووووو من المتضررين ان يتعاونوا معنا .........ياريت نبطل سلبيه و ندور على حقوقنا بجد احنا مش عارفين كل المتضررين لكن انتم عارفينا يااااريت تتضامنوا معانا ارقام المركز 0237488655 الأتصال من 2 ظهراا الى 8 مساء او الأتصال المباشرعلى الاستاذ محمود فؤاد مدير المركز 0116170018

gama
19-Sep-2011, 11:40 AM
ايه اخبار الأخوة من شهر مايو لايوجد ردود ولا اى اخبار .............ياريت يخبرنا كلا منكم بتجربته للنهاية ..............اسعدكم الله بشفائكم جميعا ونحن معكم .............

saad5016
21-Nov-2011, 06:50 PM
السلام عليكم ورحمة اللة وبركاتة الى اخوانى الذين اكرمهم اللة دون البشر جميعا بفيروس سى او اى مرض اخر واللة انة محبة من اللة واختبار للايمان وقد تفضل الشيخ شعراوى وقال فى احد احديسة ان الانسان يبتلى من اللة وهو فى قمة ايمانة وتفضل الدكتور زغلول النجار اذا مر عليك اسبوع ولم يحدث لك مصيبة او ازمة فى حياتك فاسترجع علاقتك مع اللة اخوانى فى اللة واخوانى بالعشرة واخوانى بالجيرة لاتخاف من الحقن فان كل اعراضها مثل اعراض الانفلونزا وتستمر 48 ساعة بدون حركة الا الى الحمام ولكن هل يوجد بديل ان اللة سوف يحاسبنا اذا عرفنا اين العلاج ونقصر فى حق انفسنا فامامك طريقين وهما محاربة الفيرس وهذا بالحقن ونسبة النجاح 60 فى المائة وطبعا كل من يقرب من الموت يبحث عن امل لو1 فى المائةوالعلاج الثانى هو المحافظة على الكبد فى حالتة وابعد عن لبن الابل والاعشاب لانها تذيد من جهاز المناعة ولا تقتل الفيرس وفى حالة المحافظة على الكبد يكون عمرك واللة اعلم مرتبط بحالة الكبد الهم احفظ عبادك واشفهم واشفى مرضا المسلمين

mahmcognosy
22-Nov-2011, 09:35 PM
السلام عليكم
اخى العزيز نعم هناك بدائل كثيرة من الادوية الطبيعية ولكن؟ لبن الابل ليس له علاقة بعلاج الفيروس ولا يوجد اى بحث علمى لذلك ... الطحالب ايضا لا تستخدم ولا توجد دراسات علمية لها ويمكن ان توذى وتضر بدل النفع وايضا الكثير من الاعشاب ان اخذت من غير متخصصين؟ ما الحل اذا؟
ان تاخذ مواد طبيعية عشبية مثلا مدروسة وعليها ابحاث علمية واضحة وتعمل على طريق زيادة الانترفيرون الطبيعى فى الجسم مع مراعاة التاثيرات الجانبية لهذه الاعشاب وتراعى حالة المريض نفسة لاننا نختلف اما ان نثبت العلاج العشبى وان ناخذ مواد عشوائية نتيجة لتجربة عشوائية او كلام مرسل فضرره اكثر من نغعه او تاخذ منتج او اعشاب طبيعية لا تعرف محتواها فاعذرنى فهذا جهل
هناك العديد من الاعشاب الطبيعية المدروسة جيدا وتودى اداء حسنا فى ازالة المرض (كل مريض حسب حالته الصحية والمرحلة العمرية) ومن بريد التفاصيل فليتواصل معى

gama
13-May-2012, 04:47 PM
اين الأخوة...................؟؟؟؟؟؟؟؟؟؟؟؟؟
نريد الاطمئنان

mahmcognosy
14-May-2012, 02:56 PM
هل اختفى المرضى الذين ياخذون الانترفيرون
برجاء كتابة تجارب حقيقة حتى يستفيد الجميع

ام مساعد
17-Jun-2012, 04:46 AM
السلام عليكم ورحمة الله وبركاته
علمت بأصابتي بفايرس سي من شهرين تقريباً في البدايه لما بلغتني الدكتوره انو عندي الفايرس مااهتميت ابد ولا كنت عارفه وش السالفه والدكتوره اتبلغني وانا عادي واقول لها يعني فيه له علاج صح قالت ايه فيه لكن نظراتها لي كانت غريبه كأنها تشوف انسانه ميته او بتودع مافهمت هذا الشي الا لما دخلت النت وفهمت ايش يعني فايرس سي
لكن ايماني بالله كبير صح اني بكيت لين خلصت دموعي في وقت حسيت ان حياتي انتهت ولدي اكثر شي كنت خايفه عليه مني تخيلوا هذا الشعور القاتل وزوجي كيف وكيف وكيف المصيبه انو مافيه طبيب فهمني كيف الوقايه كيف تصير العدوا كل شي خذيته من النت اعطوني المستشفى موعد بعد ثلاث اسابيع مع دكتور الكبد تخيلو ثلاث اسابيع اجلس كذا تايه جلست اسبوع لكن ماعاد قدرت اصبر خذيت التحاليل ورحت لمستشفى خاص الله يوفقه الدكتور طمني وفهمني الحاله انا وزوجي ولله الحمد تحسنت نفسيتي شوي وهذا الدكتور نفسه موجود في المستشفى الحكومي اللي سويت عندهم التحليل وقال لي اجيه بعد يومين بدون موعد الله يسعده ويوفقه المهم عطاني الابر والحبوب بقنتيرفيرون الفا2a والحبوب ريباڤيرين ٢٠٠mg
الابر كل اسبوع ابره والحبوب حبتين الصباح وثلاث حبات مساء
الان اخذت ثلاث ابر الابره الولى بغيت اموووووووت من التعب والالم شي مش طبيعي ويقولو مثل اعراض الانفلونزا اي فلونزا هذي طول اليوم حراااااااره مو راضيه تنزل وجسمي مكسر ومفاصلي احسها بتتفكك بعدين اشتغل البندول حبتين كل ٦ساعات الحمدلله شويه تخف الاعراض بس النفسيه صارت زباله الله يكرمكم لين الحين ونفسيتي منتهيه وعصبيه واكتافي مره مشدوده ونومي متقلب مافيه نوم عميق يارب لك الحمد بعد الابره الثانيه نفس الاعراض بس اخف حبتين الابره الثالثه خفيفه مره بس فيني كسل وخمول دوخه ورعاف في خشمي
بس بعد الابره الثانيه طلعت رحله بريه يومين عند ابل جمال خال زوجي ونمت في البر الللللله ع الجو في الليل يرد الروح ويعدل النفسيه هدوووووء وكانت قمرا صح كنت تعبانه بس والله الجو له تأثير عجيب وكنت اشرب من لبن الابل لأول مره في حياتي كنت متخوفه منه بس طلع لذيذ الحمدلله وبعدين صرت اخلط مع الكاس الحليب ملعقه صغيره من بول الابل ادري شي مقرف بس الرسول عليه الصلاة والسلام ذكره في الطب النبوي واستشرة دكتوري وقالي روحي بدون تردد العلاج ولبن الابل وابوالها مكملين لبعض الحين انا في الاسبوع الثالث ولله الحمد اشعر بتحسن كبير يارب لك الحمد والشكر وبكرر تجربة الرحله البريه ثاني والاسبوع القادم التحليل وان شاء الله ابلغكم بالنتائج دعواتكم اللهم اشفني واشفي امي ومرضى المسلمين اجمعين
طولت عليكم اسفه

قمريا
09-Oct-2012, 02:23 AM
اوقفى بول الأبل فورااااااااااااااااا يا اختى

شفاكر ربي و عفاكي

قمريا
09-Oct-2012, 02:29 AM
الرسول عليه افضل الصلاة و السلام قال ف حديثه ابل الصدقه و اثبت علمياا ان ابل الصدقه تتغذى على شوكة الجمل و بالتالى يكون حليبها غنى بالسيلمارين المفيد للكبد لكن لو الابل لا تتغذى على شوكة الجمل سيكون البول به نسبه من السموم ارجوكى يا اختى اكتفى بحليب الأبل و ايضاا اكل لحمها مفيد لكن اوقفى البول

mahmcognosy
10-Oct-2012, 01:00 AM
السلام عليكم
بول الابل يودى الى فشل كلوى لانه يتحوى على نسبة عاليه البولينا وبالنسبة للبن الابل يحتوى على اللاكتوفرين وهذه المادة تقوى جهاز المناعه ولكن لن توثر فى علاج فيروس سى خصوصا جينو تيب 4
المهم اللبن مفيد للاصحاء والمرضى مناعيا وليس لعلاج والقضاء على الفيروس
انما البول فهو سام
ولا حول ولا قوة الابالله

aeyousef
12-Feb-2013, 01:05 AM
ابشروا يا شباب لى صديق اخذ 40 حقنة بانتظام وكان عدد الفيروس قبل العلاج مليون ونصف والانزيمات اربع اضعاف الطبيعى وكان تحليل ال بى سى ار سلبى بعد 4 حقن فقط واكمل العلاج حتى 40 حقنة مع كبسولات اليبافرين وقرر ناه لن يكمل العلاج لما احسه من ضعف ووهن واعراض جانبية اخرى اخذت تقل مع مرور الوقت وبعد مرور 9 شهور على التوقف عمل التحليل وطلع سلبى والحمد للهاقسم بالله العظيم هذه تجربة حقيقيةابشرواابشروا